ەمدەۋ قىزمەتكەرلەرىن اناعۇرلىم قورعاۋ، ولارعا كوڭىل ءبولۋ، ولاردى ايالاۋ جونىندەگى ءبىرقانشا شارانى جاپپاي تياناقتاندىرايىق
شينجياڭ گازەتى حابارى. كەزەكتە ىندەتتەن ساقتانۋ - تىزگىندەۋ شەشۋشى مەزگىلگە ءوتتى، ەمدەۋ قىزمەتكەرلەرىنىڭ قىزمەت مىندەتى سالماقتى، جۇعىمدالۋ قاتەرى اۋىر، قىزمەت قىسىمى زور، ءار جاقتىڭ قولداۋى مەن قامتاماسىز ەتۋىن كۇشەيتىپ، ەمدەۋ قىزمەتكەرلەرىن الاڭنان شىن مانىندە ارىلتىپ، ولاردىڭ قاشاندا قۇدىرەتتى جاۋىنگەرلىك قۋاتتى، اسقاق جىگەردى، تاسقىنداعان كۇش - قۋاتتى ساقتاپ، ۇزدىكسىز سالاماتتى تۇردە زەيىن - زەردەنى شوعىرلاندىرا ىندەتتى جەڭۋ كۇرەسىنە قاتىناسۋىنا مۇمكىندىك جاساۋ ءۇشىن، 2 - ايدىڭ 27 - كۇنى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەت باسشىلىق گرۋپپاسى «ەمدەۋ قىزمەتكەرلەرىن اناعۇرلىم قورعاۋ، ولارعا كوڭىل ءبولۋ، ولاردى ايالاۋ جونىندەگى ءبىرقانشا شارانى جاپپاي تياناقتاندىرۋ جونىندەگى حابارلاندىرۋدى (قىسقارتىلىپ «حابارلاندىرۋ» دەلىنەدى) باسىپ تاراتتى.
«حابارلاندىرۋدا» مىنالار تالاپ ەتىلدى: ءبىرىنشى شەپتەگى ەمدەۋ قىزمەتكەرلەرىنىڭ مامىلە قامتاماسىزداندىرۋىن تياناقتاندىرىپ، ۋاقىتشا قىزمەت كومەك قاراجاتىن تاراتۋدى جانە ءبىر رەتتىك ناتيجە ەڭبەكاقىسىنىڭ جالپى مولشەرى بويىنشا تەكسەرىپ تاراتۋدى جاقسى ىستەپ، دەنساۋلىق ساقتاۋ، ىندەتتەن ساقتانۋ قوسىمشا قاراجاتى ولشەمىن دەر كەزىندە رەتتەپ، جۇمىس ۇستىندە جارالانۋدى تۇراقتاندىرۋ جانە مامىلە قامتاماسىزداندىرۋىن ويداعىداي ىستەپ، ەمدەۋ قىزمەتكەرلەرىنىڭ ارناۋلى قامسىزداندىرۋىن بەلگىلەپ، جەكەلەر تابىس سالىعىن ازايتۋ، كەشىرۋ ساياساتىن تياناقتاندىرۋ كەرەك. دەنساۋلىق ساقتاۋ دارىندىلارىن باۋلۋدى قولداۋ سەرپىنىن كۇشەيتىپ، دەنساۋلىق ساقتاۋ كاسىپتىك دارىندىلار قوسىنىن تولىقتىرىپ، كاسىپتىك اتاقتى باعالاۋ جاعىندا بەيىمدەلۋ ساياساتىن اتقارىپ، قىزمەت ورنىنا ۇسىنىسپەن قابىلداۋ جاعىندا بەيىمدەلۋ سەرپىنىن جانە كادرلاردى تەكسەرىپ پارىقتاۋ، ىستەتۋ سەرپىنىن، ت. ب كۇشەيتۋ كەرەك.
«حابارلاندىرۋدا» مىنالار تالاپ ەتىلدى: ءبىرىنشى شەپتەگى ەمدەۋ قىزمەتكەرلەرىنىڭ تۇرمىسىن قامتاماسىزداندىرۋدى كۇشەيتۋ؛ حاۋىپسىز، ورنىقتى كاسىپ ىستەۋ ورتاسىن دايىنداپ، بەلگىلەنگەن ەمدەۋ قۇرىلىمدارى، قىزۋ امبولاتورياسى، اۋاشالاۋ ورىندارى سياقتى ءتۇيىندى ورىندارداعى حاۋىپسىزدىكتى قورعاۋ قىزمەتىن كۇشەيتۋ كەرەك. ءبىرىنشى شەپتە قۇربان بولعان ەمدەۋ قىزمەتكەرلەرىن ماداقتاۋدى جاقسى ىستەپ، ءبىرىنشى شەپتەگى ەمدەۋ قىزمەتكەرلەرىن وزاتتىققا سايلاۋ، ماداقتاپ - سيلاۋ جۇمىسىن ورىستەتىپ، وزاتتىققا سايلاۋ سالىستىرماسىن جوعارىلاتىپ، وزات تيپتەردى ماداقتاپ - سيلاۋ كەرەك.
