تيانشان تورى   ›   ۇيرەنۋ   ›   ماڭىزدى حۇجاتتار

ورتالىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى «كەزەكتەگى كوكتەمگى ەگىس ءوندىرىس قىزمەتى باعدارناماسىن» باسىپ تاراتتى

  شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. 3 - ايدىڭ 2 - كۇنى ورتالىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى جانە كوكتەمگى ەگىن شارۋاشىلىعى ءوندىرىسىن ءبىر تۇتاس جوسپارلاپ ويداعىداي يگەرۋ، جەر - جەردىڭ كوكتەمگى ەگىس ءوندىرىسى ءتارتىبىن وڭىرگە، دارەجەگە ايىرىپ قالپىنا كەلتىرۋىن ىلگەرىلەتۋ جونىندە «كەزەكتەگى كوكتەمگى ەگىس ءوندىرىس قىزمەتى باعدارناماسىن»(تومەندە قىسقاشا باعدارناما دەلىنەدى) باسىپ تاراتتى.

  باعدارنامادا مىنالار ايقىندالدى: استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن ناقتىلاندىرىپ، كوكتەمگى ەگىس ءوندىرىسى قىزمەتىن ويداعىداي ىستەۋدى جاۋاپكەرشىلىك ءتۇزىمدى باعالاۋدىڭ ماڭىزدى مازمۇنى ەتىپ، ءارقايسى ولكەلەردىڭ (اۆتونوميالى رايون، توتە قاراستى قالا) استىق ەگۋ اۋماعىن جانە ءتۇسىم مولشەرىن وتكەن جىلعى دەڭگەيدە ساقتاۋ كەرەك. نەگىزگى ءوندىرىس وڭىرلەرى ابزالدىلىقتارىن قۇلشىنا ساۋلەلەندىرىپ، ءوندىرۋ مەن ساتۋى تەپە - تەڭ وڭىرلەر مەن نەگىزگى ساتۋ وڭىرلەرى قاجەتتى بولعان ءوزىن قامداۋ مولشەرىن ساقتاپ، مەملەكەتتىڭ استىق حاۋىپسىزدىگىن قورعاۋ جاۋاپكەرشىلىگىن بىرگە ارقالاۋ كەرەك.

  باعدارنامادا مىنالار العا قويىلدى: جەر - جەر ۋاقىتتى قولدان جىبەرمەي، كوكتەمگى ەگىن شارۋاشىلىعى ءوندىرىسىن ويداعىداي يگەرىپ، استىق پەن ەگىن شارۋاشىلىعىنان مول ءونىم الۋ كەرەك. ءبىرىنشى، كوكتەمدە ەگىلەتىن استىق داقىلدارىنىڭ اۋماعىنا شىنايى كەپىلدىك ەتۋ كەرەك. ءبيدايدىڭ، كۇرىشتىڭ ەڭ تومەنگى ساتىپ الۋ باعاسى سياقتى ساياساتتاردى ويداعىداي تياناقتاندىرىپ، شارۋالاردىڭ استىق ەگۋ بەلسەندىلىگىن قورعاۋ جانە اتتانىسقا كەلتىرۋ كەرەك. شارت - جاعدايى بار وڭىرلەردى قوس ماۋسىمدىق كۇرىش اۋماعىن قالپىنا كەلتىرىپ، ەرتە پىساتىن كۇرىش اۋماعىن ورنىقتىرۋعا ءارى ەداۋىر كەڭەيتۋگە كۇش سالۋعا شابىتتاندىرۋ كەرەك. اۋىستىرىپ ەگۋ، ەگىن سالۋدى توقتاتۋ سىناق ءتۇيىنىن ۇيلەسىمدى رەتتەپ، اۋىستىرىپ ەگۋدى كەڭەيتىپ، ەگىن سالۋدى توقتاتۋدى ازايتىپ، اۋىستىرىپ ەگۋدە استىق داقىلدارىن ەگۋدى نەگىز ەتۋ كەرەك. ەكىنشى، كوكتەمگى ەگىس ءوندىرىسى ءتارتىبىن دارەجەگە، تۇرگە ايىرىپ تەز ارادا قالپىنا كەلتىرۋ كەرەك. اۋىل - قىستاقتاردىڭ ءىس جۇزىندىگىن شىعار ءتۇيىن ەتىپ، پارىقتى ساقتانۋ - تىزگىندەۋ شاراسىن بەلگىلەپ، ”ءبارىن ءبىر سىدىرعى ايداماي“، اۋىل شارۋاشىلىعى ءوندىرىس ماتەريالدارىمەن قامداۋ، اۋىل شارۋاشىلىعى ماشينالارى ارقىلى جۇمىس تىندىرۋ، شارۋالاردىڭ اتىزعا بارۋى سياقتى ارنالاردى ىركىلىسسىزدەندىرۋ كەرەك. حاۋىپ - قاتەرى تومەن وڭىرلەر ”سىرتتان كىرۋدەن ساقتانۋ“ تاكتيكاسىن اتقارىپ، ەگىن شارۋاشىلىعى ءوندىرىس ءتارتىبىن تەز جاپپاي قالپىنا كەلتىرىپ، تىڭايتقىش بەرۋ، ءدارى شاشۋ، مايسا جەتىلدىرۋ، اتىز سۋارۋ سياقتى ەگىس جۇمىستارىنىڭ قالىپتى ورىستەتىلۋىنە شىنايى كەپىلدىك ەتۋ كەرەك. حاۋىپ - قاتەرى ورتاشا وڭىرلەر قاجەتتى ساقتانۋ - تىزگىندەۋ شارالارىن اتقارۋمەن بىرگە، كوكتەمگى ەگىس ءوندىرىس ءتارتىبىن تەز ارادا تارتىپپەن قالپىنا كەلتىرۋ كەرەك. حاۋىپ - قاتەرى جوعارى وڭىرلەر زەيىن - زەردەنى ۇزدىكسىز شوعىرلاندىرىپ، ىندەتتەن ساقتانۋ - تىزگىندەۋ قىزمەتىن ويداعىداي يگەرۋمەن بىرگە، ىندەت بەتالىسىنا قاراي كوكتەمگى ەگىس ءوندىرىسىن بىرتىندەپ قالپىنا كەلتىرىپ، شارۋالاردى ۋاقىت كەزەگىمەن اتىزعا بارۋعا، ۋاقىت كەزەگىمەن جۇمىس ىستەۋگە ۇيىمداستىرۋ كەرەك. حۋبەي دا ءىس جۇزىندىك جاعدايعا ساي ساقتانۋ - تىزگىندەۋدى ويداعىداي ىستەۋ العى شارتىندا، شارۋالاردى كوكتەمگى ەگىس ءوندىرىسىن ورىستەتۋگە ۇيىمداستىرۋ كەرەك. ءۇشىنشى، وڭىرگە ايىرىپ، كوكتەمگى ءوندىرىستى باسقارۋدى، كوكتەمگى ەگىستى دەر كەزىندە ويداعىداي يگەرۋ كەرەك. وڭتۇستىك جاقتىڭ ەرتە پىساتىن كۇرىش وندىرەتىن وڭىرلەرى شارۋالاردىڭ ۇيلەسىمدى ۋاقىتتا تۇقىم بورتتىرۋىنە، اتىز سۋارۋىنا، تۇقىم سەبۋىنە، مايسا جەتىلدىرۋىنە جەتەكشىلىك ەتىپ، شوعىرلى مايسا جەتىلدىرۋدى كۇش سالا جالپىلاستىرىپ، تۇقىم سەبۋدىڭ ۇيلەسىمدى مەزگىلىنە شىنايى كەپىلدىك ەتۋ كەرەك. جازدىق استىق نەگىزگى ءوندىرىس وڭىرلەرى ءبيداي اتىزىن باسقارۋدى ويداعىداي ىستەپ، مايساعا قاراي شارا قولدانۋ، ءالسىزىن قۋاتتاندىرۋ، بىتىك وسكەنىن سيرەتۋ سياقتى شارالاردى تياناقتاندىرۋ كەرەك. چاڭجياڭ الابىنداعى كۇرىش وندىرەتىن وڭىرلەر مايسا جەتىلدىرۋ دايىندىعىن جاقسى ىستەپ، ءساتىن ۇيلەسىمدى ورنالاستىرىپ، ۇيلەسىمدى ۋاقىتتا تۇقىم سەبۋ، مايسا جەتىلدىرۋ كەرەك. شىعىس سولتۇستىك، باتىس سولتۇستىك وڭىرلەر كوكتەمگى ەگىس دايىندىعىن جاقسى ىستەپ، اۋىل شارۋاشىلىعى ءوندىرىس ماتەريالدارىن دەر كەزىندە ورنالاستىرىپ، ماشينالاردى رەمونتتاپ، سىناپ كورىپ، كوكتەمدە جەر اۋدارۋدى، كوكتەمدە سۋلياۋ جارعاق جابۋدى دەر كەزىندە ورىستەتۋ كەرەك. جەر - جەر كوكتەمگى سۋارۋعا ىستەتىلەتىن سۋدى ورنالاستىرۋدى ويداعىداي ىستەپ، سۋارۋ، ىعىستىرۋ قۇرىلعىلارىن جەدەل كەمەلدەندىرىپ، كوكتەمگى سۋارۋعا ىستەتىلەتىن سۋدى قامتاماسىز ەتۋ كەرەك.

  باعدارنامادا مىنالار باسا دارىپتەلدى: كوكتەمگى ەگىس ءوندىرىسىن اۋىل شارۋاشىلىعى ءوندىرىس ماتەريالدارىمەن قامداۋدى قامتاماسىز ەتىپ، اۋىل شارۋاشىلىعى ءوندىرىس ماتەريالدارى كاسىپورىندارىنىڭ جۇمىستى، ءوندىرىستى قالپىنا كەلتىرۋىن ىلگەرىلەتىپ، جۇمىستى قالپىنا كەلتىرۋ كوتەرىمدىلىگىن جوعارىلاتىپ، بازار قامداۋىن ارتتىرۋ كەرەك. اۋىل شارۋاشىلىعى ءوندىرىس ماتەريالدارىنىڭ قىستاقتارعا، وتباسىلارىنا جەتۋىن ىلگەرىلەتىپ، ”تۇيىننەن تۇيىنگە دەيىنگى“ قامتاماسىزداندىرۋ - قامداۋ تاسىمال جاسىل ارناسىن اشىپ، دۇكەندەردىڭ تيجاراتىن تەز ارادا تارتىپپەن قالپىنا كەلتىرۋ كەرەك. اۋىل شارۋاشىلىعى ءوندىرىس ماتەريالدارى بازارىن باقىلاۋ - باسقارۋدى كۇشەيتىپ، جالعان - جارامسىز اۋىل شارۋاشىلىعى ءوندىرىس ماتەريالدارىن جاساۋ - ساتۋ، باعاسىن ءوسىرۋ سياقتى زاڭعا، ەرەجەگە قايشى ارەكەتتەرگە قاتاڭ سوققى بەرۋ كەرەك. عىلمي تۇردە اپاتتان ساقتانۋدى، اپات زيانىن ازايتۋدى ويداعىداي يگەرۋ كەرەك. ەگىستىك سۋ يگىلىگى قۇرىلىسىن كۇشەيتىپ، كوكتەمگى ەگىستىك سۋ يگىلىگى ينجەنەرياسىن جانە جوعارى ولشەمدى ەگىستىكتەردىڭ جۇمىسىن تەز ارادا قالپىنا كەلتىرۋ قۇرىلىسىن ىلگەرىلەتۋ كەرەك. جاراتىلىستىق اپاتتاردان ساقتانىپ، باقىلاۋ - ولشەۋدى، ساقتاندىرۋدى كۇشەيتىپ، ايازدان، ۇسىكتەن ساقتانۋ جانە تاسقىننان، قۋاڭشىلىقتان ساقتانۋ دايىندىعىن ويداعىداي ىستەۋ كەرەك. ەلەۋلى دەرت - دەربەز، جاندىك اپاتىنان ساقتانىپ - تىزگىندەپ، ءبيداي ءنىل دەرتى مەن قىزىل كۇيە دەرتىن باقىلاۋ - ولشەۋدى، ودان ساقتانۋدى - ەمدەۋدى كۇشەيتۋ، اسىرەسە، جايلىم جەگى كوبەلەگىنەن وڭىرلەر بويىنشا ساقتانۋ - تىزگىندەۋدى ويداعىداي ىستەۋ كەرەك. جەتەكشىلىك ەتۋدى، قىزمەت وتەۋدى ءادىس جاڭالاپ ورىستەتۋ كەرەك. مامانداردى جەلىدە باۋلۋدى، جەتەكشىلىك ەتۋدى، جاۋاپ بەرۋدى ورىستەتۋگە ۇيىمداستىرۋ، اۋىل شارۋاشىلىعى تەحنيكتەرىن قاجەتتى جۇمىس باسىندا جەتەكشىلىك ەتۋگە ۇيىمداستىرۋ كەرەك. كولەمدى نەگىزگى تۇلعالاردىڭ ءوندىرىس جۇمىسكەرلەرىن ىستەتۋ قيىن ماسەلەسىن شەشۋىنە كومەكتەسىپ، جەردى اينالىمعا سالۋ توقتامىنا قول قويۋ، توقتام ۋاقىتىن ۇزارتۋ سياقتىلاردى جاقسى ىستەۋ كەرەك. ءوڭىر اتتاعان ماشينامەن ەگۋدى ويداعىداي ۇيىمداستىرىپ، كوكتەمگى ەگىس مىندەتىن جوعارى ساپامەن، جوعارى ولشەممەن ورىنداۋ كەرەك. شارۋا جۇمىسكەرلەرىنىڭ قىزمەت ورنىنا ورالىپ، ءوندىرىستى قالپىنا كەلتىرۋگە ۇيىمداستىرۋ جانە كوكتەمگى ەگىس وندىرىسىنە جەتەكشىلىك ەتۋ بارىسىندا كەدەيلىكتەن ارىلتۋدان قامال الۋ مىندەتىن ورىنداۋدى قىزمەت ءتۇيىنى ەتىپ، كەدەي جان سانىن الدىمەن ويلاستىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.