تيانشان تورى   ›   ۇيرەنۋ   ›   ماڭىزدى حۇجاتتار

وسى زامانعى قورشاعان ورتانى جونگە سالۋ جۇيەسىن قۇرايىق

ورتالىق كوميتەت كەڭسەسى، مەملەكەتتىك كەڭەس كەڭسەسى «جەتەكشى پىكىردى» باسىپ تاراتتى

وسى زامانعى قورشاعان ورتانى جونگە سالۋ جۇيەسىن قۇرايىق

  شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «وسى زامانعى قورشاعان ورتانى جونگە سالۋ جۇيەسىن قۇرۋ جونىندەگى جەتەكشى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» مىنالار العا قويىلدى: پارتيانىڭ ورتالىقتانعان ءبىر تۇتاس باسشىلىعىن ءبىر تۇتاس جەتەكشىلىككە الۋعا تاباندى بولىپ، ۇكىمەتتىڭ جەتەكشى رولىن كۇشەيتۋدى تەتىك، كاسىپورىنداردىڭ تۇلعالىق رولىن تەرەڭدەتۋدى ءتۇپ نەگىز، قوعامدىق ۇيىمدار مەن جۇرتشىلىقتى بىرگە ات سالىسۋعا اناعۇرلىم ويداعىداي جۇمىلدىرۋدى تىرەك ەتىپ، ۇكىمەتتىڭ جونگە سالۋى مەن قوعامنىڭ رەتتەۋىن، كاسىپورىنداردىڭ ءوزىن جونگە سالۋىنىڭ ۇتىمدى ىقپالداستىعىن جۇزەگە اسىرىپ، ءتۇزىلىس - مەحانيزمدى كەمەلدەندىرىپ، تۋ باستان جونگە سالۋدى كۇشەيتىپ، قىزمەت بىرىككەن كۇشىن قالىپتاستىرىپ، ەكولوگيالىق قورشاعان ورتانىڭ تۇبەگەيلى جاقسارۋىن ىلگەرىلەتۋگە، ەكولوگيالىق وركەنيەت پەن كوركەم جۇڭگو قۇرۋعا پارمەندى تۇزىمدىك كەپىلدىك ازىرلەۋ كەرەك.

  «پىكىردە» مىنالار تالاپ ەتىلدى: 2025 - جىلعا دەيىن، قورشاعان ورتانى جونگە سالۋ باسشىلىق جاۋاپكەرشىلىك جۇيەسىن، كاسىپورىندار جاۋاپكەرشىلىك جۇيەسىن، جالپى حالىقتىق ارەكەت جۇيەسىن، باقىلاۋ - باسقارۋ جۇيەسىن، بازار جۇيەسىن، سەنىمدىلىك جۇيەسىن، زاڭ، زاڭ ەرەجە، ساياسات جۇيەسىن قۇرىپ، اقاۋسىزداندىرىپ، ءار ءتۇرلى تۇلعالاردىڭ جاۋاپكەرشىلىگىن تياناقتاندىرىپ، بازار تۇلعاسى مەن جۇرتشىلىقتىڭ ات سالىسۋ بەلسەندىلىگىن جوعارىلاتىپ، بەتالىسى ايقىن، شەشىمى عىلمي، اتقارۋى پارمەندى، ىنتالاندىرۋى ۇتىمدى، كوپ جاق ات سالىساتىن، ۇتىمدى ىقپالداساتىن قورشاعان ورتانى جونگە سالۋ جۇيەسىن قالىپتاستىرۋ كەرەك.

  «پىكىردە» مىنالار ايقىندالدى: قورشاعان ورتانى جونگە سالۋداعى باسشىلىق جاۋاپكەرشىلىك جۇيەسىن اقاۋسىزداندىرۋدا، ورتالىق ءبىر تۇتاس جوسپارلايتىن، ولكەلەر باس جاۋاپتى بولاتىن، قالا، اۋداندار تياناقتاندىرۋدى يگەرەتىن قىزمەت مەحانيزمىن كەمەلدەندىرىپ، ورتالىق پەن جەرگىلىكتى قازىنانىڭ شىعىس جاۋاپكەرشىلىگىن ايقىنداپ، نىسانالىق باعالاۋ - تەكسەرۋدى ورىستەتىپ، ەكولوگيالىق قورشاعان ورتانى قورعاۋدى قۋزاپ - تەكسەرۋدى تەرەڭدەتۋ كەرەك. قورشاعان ورتانى جونگە سالۋداعى كاسىپورىن جاۋاپكەرشىلىك جۇيەسىن اقاۋسىزداندىرىپ، لاس زاتتاردى شىعارۋعا رۇقسات بەرۋ - باسقارۋ ءتۇزىمىن زاڭ بويىنشا اتقارىپ، وندىرىستىك قىزمەت وتەۋدىڭ جاسىلدانۋىن ىلگەرىلەتىپ، لاستانۋدى جونگە سالۋ قابىلەتى مەن دەڭگەيىن ءوسىرىپ، قورشاعان ورتانى جونگە سالۋ ينفورماتسيالارىن اشىق ۇستاۋ كەرەك. قورشاعان ورتانى جونگە سالۋداعى جالپى حالىقتىق ارەكەت جۇيەسىن اقاۋسىزداندىرىپ، قوعامنىڭ باقىلاۋىن كۇشەيتىپ، ءتۇرلى قوعامدىق ۇيىمداردىڭ، توپتاردىڭ رولىن ساۋلەلەندىرىپ، ازاماتتاردىڭ قورشاعان ورتانى قورعاۋ ساپاسىن جوعارىلاتۋ كەرەك. قورشاعان ورتانى جونگە سالۋداعى باقىلاۋ - باسقارۋ جۇيەسىن اقاۋسىزداندىرىپ، باقىلاۋ - باسقارۋ ءتۇزىلىسىن كەمەلدەندىرۋ كەرەك، مەملەكەت ۇيىمداستىرعان كەلەلى قيمىلداردان سىرت، جەر - جەردىڭ ءماجىلىس اشۋ، تالقى مىنبەرىن وتكىزۋ جانە كولەمدى قيمىل وتكىزۋ سياقتى سەبەپتەرمەن كاسىپورىنداردىڭ ءوندىرىسىن توقتاتۋ، وندىرىسىنە شەك قويۋ شاراسىن قولدانۋىنا بولمايدى.

  «پىكىردە» قورشاعان ورتانى جونگە سالۋ بازار جۇيەسىن اقاۋسىزداندىرۋ جونىندە دە ناقتى تالاپتار قويىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.