زات ساتىپ الۋ رايونىندا، قاريدارلار قاريدارلارعا ءجون كورسەتۋشىدەن وزدەرىنە قاجەتتى زاتتاردىڭ قايدا تۇرعانىن سۇراۋدا؛ كوكونىس، جەمىس-جيدەكتىڭ اۋىرلىعىن ولشەۋ ورنىندا، قىزمەتكەرلەر زاتتاردى تاڭداپ بولعان قاريدارلاردىڭ زاتىن ولشەۋدە... 3-ايدىڭ 4-كۇنى، ءۇرىمجى قالاسىنداعى ءارقايسى ەرەن بازارلاردا قالا تۇرعىندارى كۇندەلىكتى قاجەتتى بۇيىمداردى تارتىپپەن ساتىپ الدى.
3-ايدىڭ 4-كۇنى، ءۇرىمجى قالاسى جاستار جولى حاۋجياشياڭ ەرەن بازارىندا قالا تۇرعىندارى زات ساتىپ الۋدا.
سول كۇنى تاڭەرتەڭ، ءتىلشى ءۇرىمجى ەكونوميكالىق - تەحنيكالىق اشۋ رايونى ۋاندا الاڭىندا كەلدى، جەر استى 1-قاباتىنداعى يجياحۇيحاۋ ەرەن بازارىنىڭ كىرەر اۋىزىندا قىزمەتكەرلەرجاپپاي زارارسىزداندىرۋ قىزمەتىن جۇرگىزۋدە ءارى ەرەن بازارعا كىرگەن قاريدارلاردىڭ دەنە تەمپەراتۋراسىن ولشەۋدە.
«بۇگىن ەرەن بازاردا ادام كوپ، كوپشىلىكتىڭ زات تولىقتاپ، قاريدارلاردىڭ سۇراۋىنا جاۋاپ بەرگەنىن كورىپ، وتە كوڭىلدى بولدىم»،-دەدى ءۇرىمجى قالاسى حىيۋەشىفاڭ ساۋدا بازارى شەكتى جاۋاپكەرلىك سەرىكتەستىگى يجياحۇيحاۋ بەرەن بازارى ازىق-تۇلىك باسقارماسىنىڭ باستىعى سۇن يان.
3-ايدىڭ 4-كۇنى، سۇن يان قاريدارلارعا زاتتى قالتاعا سالىپ بەرۋدە.
ۋاندا حۋافۋدا تۇراتىن ۋاڭ مىرزا ۇلىن ەرتىپ زات ساتىپ الۋعا كەلدى، زات ساتىپ الۋ ارباسىندا ولار جاڭا عانا ساتىپ العان سيىر ەتى، تاۋىقتىڭ سانى سالىنعان. «ۇلىم بۇگىن سيىر قابىرعاسى مەن مايعا قۋىرىلعان تاۋىق سانىن جەگىسى كەلدى، سوندىقتان، بۇگىن ونى ەرتىپ كەلىپ ازىقتىق ساتىپ الدىق»،-دەدى ۋاڭ مىرزا.
3-ايدىڭ 4-كۇنى، ۋاڭ مىرزا ۇلىن ەرتىپ ۇساق-تۇيەك جەمەكتىك ساتىپ الدى.
ساعات 15 مولشەرىندە، ءتىلشى مەيمەي دوستىق زات ساتۋ ورتالىعى جەر استى 1-قاباتىنداعى حاۋمەي تۇرمىستىق ەرەن بازارىنا كەلدى، كوپتەگەن قالا تۇرعىندارى قايشالىسىپ ءارقايسى زات سورەسى الدىندا وزدەرىنە قاجەتتى تۇرمىستىق بۇيىمداردى ساتىپ الىپ جاتقانىن كوردى.
ۋاڭ حانىمنىڭ ءۇيى حۇيمينيۋان شاعىن رايونىندا تۇرادى، ەرەن بازاردان زات تاڭداپ ساتىپ الىپ جاتقان ول ءبىر مەزگىل ۋاقىتتان بەرى، شاعىن رايوننىڭ الدىنداعى كوكونىس دۇكەنىنەن كوكونىس ساتىپ العانىن ايتتى، «بۇگىن ەرەن بازارعا كەلىپ، ءبىراز ەت، مۇزداتىلعان ازىقتىقتار جانە ۇساق-تۇيەك جەمەكتىك جانە باسقا دا تۇرمىستىق بۇيىمدار ساتىپ الدىم، ءبىر رەتكى شوعىرلى ساتىپ الۋ دەسە دە بولادى».
3-ايدىڭ 4-كۇنى، ۋان حانىم زات تاڭداپ ساتىپ الۋدا.
ساعات 16 مولشەرىندە، ءتىلشى جاستار جولى حاۋ جياشياڭ ەرەن بازارىنان زات ساتىپ العان قالا تۇرعىندارىنىڭ تۇگەلدەي ماسكى تاعىپ جۇرگەنىن، جانىنداعى زات ساتىپ الۋ ارباسىنىڭ لىق تولىپ تۇرعانىن كوردى. كۇرىش، ۇن، مايدان تارتىپ، ۇساق-تۇيەك جەمەكتىكتەرگە دەيىن، ونان ءار ءتۇرلى تۇرمىستىق بۇيىمدارعا دەيىن كوپشىلىكتىڭ ساتىپ الۋ كولەمى ىشىندە. «ىندەت ءالى اقىرلاسقان جوق، مۇمكىندىكتىڭ بارىنشا سىرتقا از شىعۋ كەرەك، سوندىقتان، بۇگىن شىققاننان كەيىن، جاقىندا جەيتىن نارسەلەر مەن تۇرمىستىق بۇيىمداردى ءبىر جولدا ساتىپ الدىم»،-دەدى قالا تۇرعىنى سۋ مىرزا.
3-ايدىڭ 4-كۇنى، جاستار جولى حاۋجياشياڭ ەرەن بازارىندا قىزمەتكەرلەر قاريدارلار العان زاتتىڭ اۋىرلىعىن ولشەۋدە.
ءۇرىمجى ەكونوميكالىق-تەحنيكالىق اشۋ رايونى ۋاندا الاڭى ساۋدا باسقارۋ شەكتى سەرىكتەستىگىنىڭ باس ديرەكتورى حوۋ جيان بىلاي دەدى: «وسى مەزگىلدە، ۇستىڭگى قاباتتاعى ساۋدا الاڭى بولسىن الدە جەر استى 1-قاباتىنداعى ەرەن بازار بولسىن، ىندەتتەن ساقتانۋ-تىزگىندەۋ بوساڭسۋعا بولمايتىن ماڭىزدى ءتۇيىن، ءبىز ءار كۇنى ۋاقىت بويىنشا ءارقايسى رايونداردى زارارسىزداندىرىپ تۇرامىز، قاريدارلار ساۋدا الاڭىنا، ەرەن بازارعا كىرگەندە، ءبىر تۇتاس دەنە تەمپەراتۋراسىن ولشەيمىز، وسىنداي بولعاندا عانا ەشقانداي اعاتتىق شىقپاۋعا كەپىلدىك ەتۋگە بولادى».
