شاڭدى ءسۇرتۋ، زارارسىزداندىرعاندا، الەۋمەتتىك ورتا تازا ءارى حاۋىپسىز بولادى. 3-ايدىڭ 4-كۇنى، جينفىڭ ۇلكەن كوپىرىندە ءۇرىمجى ەكونوميكالىق-تەحنيكالىق اشۋ رايونى (توۋتۇنحى رايونى) ورتا تازالىق اترەتى ورتا تازالىق جۇمىسشىسى ۋاڭ شانلين ءبىر قولىنا سۇرتكىشىن، ءبىر قولىنا زارارسىزداندىرۋ سۇيىقتىعىن الىپ جول جاعالاۋىنداعى رەشەتكالاردى مۇقيات ءسۇرتتى. وسى كۇننەن باستاپ، ءۇرىمجى قالاسى بۇكىل قالا كولەمىندەگى «وتانشىلدىق تازالىق» قيمىلىن باستادى، الەۋمەتتىك اۋماق قىزمەتكەرلەرى، ساۋداگەرلەر، ەرىكتىلەر جانە ورتا تازالىق جۇمىسشىلارى قولدارىنا سىبىرتكى، كۇرەك الىپ، كوشەگە شىقتى.
وتكەن جىلداعىمەن ۇقسامايتىنى، بيلعى تازالىق ورتا تازالىعىن تازالاۋدى باكتەرياسىزداندىرۋمەن ۇشتاستىرىپ، ءتۇيىندى تۇردە تازالىققا ءمان بەرىپ، زارارسىزداندىرىپ باكتەرياسىزداندىرۋدى جاپپاي جالپىلاستىرىپ، تۇرعىندار شاعىن اۋلاسى، مەكەمە ورىنداردىڭ اۋلاسىنىڭ تازا، رەتتى بولۋىنا كەپىلدىك ەتتى.
سول كۇنى، ءۇرىمجى بەكەتى سولتۇستىك الاڭىندا قىزىل كۇرمە كيگەن ەرىكتىلەر جينالعان قاردى، اعاش بۇتاقتارىن تازالاۋدان تارتىپ جول جاعاسىنداعى جاسىلداندىرىلعان بەلدەۋدەنگى سۋلياۋ قالتا، تەمەكىنىڭ تۇقىلىنا دەيىن تازالاپ، ەشقانداي جەردى قاعىس قالدىرمادى.
«ورتا تازالىعى كوپشىلىككە سۇيەنەدى، بۇل ۇران ەمەس، تەك ءاربىر ادام اتامەكەندى قورعاۋعا كۇش سالعاندا عانا ءبىزدىڭ تۇرمىس ورتامىز ءتىپتى دە كورىكتى بولادى»،-دەدى ەرىكتى، ءۇرىمجى جوعارى قارقىندى تەمىرجول تورابىن جان ـ جاقتى اشۋ ، قارجى قوسۋ شەكتى سەرىكتەستىگى بازار ٴبولىمىنىڭ قىزمەتكەرى گاۋ يۇنجيە.
ۇعىسۋعا قاراعاندا، سول كۇنى ءۇرىمجى ەكونوميكالىق-تەحنيكالىق اشۋ رايونىندا (توۋتۇنحى رايونى) جالپى 18 مىڭ ادام كولەمدى تازالىق ىستەۋ قيمىلىنا قاتىناستى، ءجۇز رەتتەن استام ماشينا جابدىق، زارارسىزداندىرىلعان اۆتوكولىكتەر تۇگەلدەي شىعىپ، 500 توننادان استام ءتۇرلى قوقىستاردى تازالادى.
سول كۇنى تاڭەرتەڭ، سايباق رايونى چاڭجياڭ جولى اۋماعىن باسقارۋ كوميتەتى، لۋيۋان كوشەسى اۋماعىن باسقارۋ كوميتەتىنىڭ تۇرعىندار اۋلاسىندا ورتا تازالىعى جۇمىسشىلارى، ەرىكتىلەرى جانە شاعىن رايونداعى تۇرعىندار قاربالاستىققا ءتۇستى.
1-ماي جولى ورتا تازالىق جۇمىسشىلارى مەن ماڭىنداعى تۇرعىندار جينالعان قاردى تازالاۋدا.
سايباق رايونى 1-ماي جولى 384-ءنومىرلى اۋلانىڭ تۇرعىنى ءپاريدا ابەيدوللا عيماراتتان ءتۇسىپ كورشىلەرمەن بىرگە اۋلانى تازالادى. «اۋلا تازا بولسا، ءبىز تۇرعىنداردىڭ ورتاسى كورىكتى بولادى ءارى ىندەتتەن ساقتانۋ-تىزگىندەۋگە دە ءبىر كىسىلىك ۇلەسىمىزدى قوسقان بولامىز»،-دەدى ول.
لۋيۋان كوشەسى اۋماعىن باسقارۋ كوميتەتى قالا رايونىن باسقارۋعا قىزمەت وتەۋ ورتالىعىنىڭ مەڭگەرۋشىسى مياۋ جيانجۇن سول كۇنى وسى رايوندا 280 نەن استام ورتا تازالىق قىزمەتكەرى كوشە بويىنداعى ساۋدا دۇكەندەرىنە، سونداي-اق الەۋمەتتىك رايوندارعا زارارسىزداندىرۋ قىزمەتىن جۇرگىزگەنىن، تاعى كوپتەگەن تۇرعىنداردىڭ وزدىكتەرىنەن ءوز اۋلاسىن تازالاعانىن ايتتى.
سول كۇنى، شۇيموگوۋ رايونى، ورتا تازالىق جۇمىسشىلارىن، تۇرعىندار ەرىكتىلەرىن، الەۋمەتتىك اۋماق قىزمەتكەرلەرىن قامتىعان 9000نان استام ادام كوپ ورىندا ءبىر ۋاقىتتا كولەمدى تازالىق قيمىلىن ورىستەتتى.
ءۇرىمجى قالالىق دەنساۋلىق ساقتاۋ، سالاماتتىق كوميتەتى جوبا، دامۋ جانە ينفورماتسيالاندىرۋ باسقارماسىنىڭ باستىعى چىن شياۋ بىلاي دەدى: وسى رەتكى وتانشىلدىق تازالىق ارناۋلى قيمىلى 15 كۇنگە جالعاسادى، اۋماقتار بويىنشا تۇرگە ٴبولىپ جۇرگىزىلەدى.
