تيانشان تورى   ›   جاڭالىقتار   ›   شينجياڭ حابارلارى

اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى كەڭەيتۋ قىزمەتىن شىن مانىندە جاقسى ىستەۋ كەرەك

اۆتونوميالى رايون «پىكىر» تاراتتى

اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى كەڭەيتۋ قىزمەتىن شىن مانىندە جاقسى ىستەۋ كەرەك

  شينجياڭ گازەتى حابارى. 2 - ايدىڭ 27 - كۇنى اۆتونوميالى رايون «اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى كەڭەيتۋ قىزمەتىن شىنايى جاقسى ىستەۋ جونىندەگى پىكىردى» تاراتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ جاقسى ىستەپ، جۇمىستاندىرۋدى الدىمەن ويلاستىرۋ ساياساتىنا تاباندى بولىپ، جۇمىستاندىرۋدى ورنىقتىرۋ سىندى ”التىنى ورنىقتىرۋداعى“ وسى ماڭداي الدى مىندەتتى كورنەكتىلەندىرە مىقتاپ يگەرىپ، جۇمىستاندىرۋدى ورنىقتىرۋ شارالارىن جالپى بەتتىك كۇشەيتىپ، بۇكىل رايوننىڭ جۇمىستاندىرۋ كەلەلى جاعدايىنىڭ ورنىقتىلىعىنا شىنايى كەپىلدىك ەتۋدى تالاپ ەتتى.

  «پىكىردە» مىنالار تالاپ ەتىلدى: كاسىپورىنداردىڭ اۋىرتپالىعىن جەڭىلدەتۋىنە كومەكتەسىپ، جۇمىستاندىرۋعا كەپىلدىك ەتىپ، كاسىپورىنداردىڭ قوعامدىق قامسىزداندىرۋ قاراجاتىن ازايتىپ، كەشىرىم ەتىپ، كەشەۋىلدەتىپ تاپسىرۋ قىزمەتىن ىرىقتىلىقپەن جاقسى ىستەپ، تولىقتاپ ءبىتىرۋ قىزمەتىن بەلسەندىلىكپەن تياناقتاندىرۋ؛ كوپ ءتۇرلى شارالاردى قاتار قولدانىپ جۇمىستاندىرۋدى ورنىقتىرۋعا تاباندى بولىپ، كاسىپورىندارعا كومەكتەسىپ جۇمىس ورىندارىن ورنىقتىرۋ تەبىنىن ارتتىرىپ، كاسىپتىك شەبەرلىككە باۋلۋدى كۇشەيتىپ، ەڭبەك قاتىناسىن ۇيلەسىمدى ءبىر جاقتى ەتىپ، ەڭبەك جۇمىس ۋاقىتىن سايكەسە شەشىپ، جۇمىسشى - قىزمەتكەرلەردىڭ ۇقىق - مۇددەسىن قامتاماسىز ەتۋدى جاقسى ىستەۋ؛ ارنالاردى بەلسەندىلىكپەن ۇلعايتىپ، جۇمىستاندىرۋدى كەڭەيتىپ، كاسىپورىنداردى جۇمىسشى قابىلداپ جۇمىستاندىرۋعا شابىتتاندىرىپ، شارۋاشىلىق قۇرۋ ارقىلى جۇمىستاندىرۋدى جەتەكتەۋدى كۇشەيتىپ، كوپ ارنادا يكەمدى جۇمىستاندىرۋدى قولداۋ؛ ءتۇيىندى شوعىرعا كومەكتەسۋ - سۇيەمەلدەۋ ارقىلى جۇمىستاندىرۋدى جەبەپ، وڭتۇستىك شينجياڭداعى 4 ايماق - وبلىستاعى توقىماشىلىق، كيىم - كەشەك سياقتى ەڭبەك شوعىرلانعان كاسىپورىنداردىڭ جۇمىسشى قابىلداپ جۇمىستاندىرۋىن مىقتاپ يگەرۋ، وڭتۇستىك شينجياڭداعى 4 ايماق - وبلىستى ءتۇيىن ەتكەن اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋدى مىقتاپ يگەرۋ، جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋدى مىقتاپ يگەرۋ، جۇمىستانۋى قيىن بولعان ادامدارعا كومەكتەسۋدى - سۇيەمەلدەۋدى مىقتاپ يگەرۋ؛ الەۋمەتتىك قىزمەت وتەۋدى ساپالىلاندىرۋ ارقىلى جۇمىستاندىرۋدى ارتتىرىپ، كاسىپورىنداردىڭ قىزمەتكەر ىستەتۋ قاجەتىن انىق ءبىلىپ، جەلىدە قىزمەتكەر قابىلداۋدى ورىستەتۋگە ۇيىمداستىرىپ، ينتەرنەتتە جۇمىس ءبىتىرۋ ارناسىن كەڭەيتىپ، جۇمىستى قالپىنا كەلتىرگەن كاسىپورىندار مەن ەڭبەكشىلەردىڭ ىندەتتەن ساقتانۋ - تىزگىندەۋىن كۇشەيتۋ كەرەك.

  «پىكىردە» مىنالار اتاپ كورسەتىلدى: قىزمەتتى كۇش سالا مىقتاپ يگەرىپ تياناقتاندىرۋ كەرەك. جەر - جەر جۇمىستاندىرۋدى ورنىقتىرۋ تۇلعالىق جاۋاپكەرشىلىگىن شىنايى ادا ەتىپ، جۇمىستاندىرۋدى ورنىقتىرۋ قىزمەتىن مىقتاپ، ناقتى، ەگجەي - تەگجەيلى يگەرۋ؛ سونىمەن بىرگە، قارجىمەن قامتاماسىز ەتۋدى جانە تالداۋ جاساپ - تۇجىرىمداۋدى كۇشەيتىپ، قىزمەت بارىسىندا تۋىلعان جاڭا احۋالدارعا، جاڭا ماسەلەلەرگە دەر كەزىندە تالداۋ جاساپ شەشۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.