پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تۇردە ناقتى، ەگجەي - تەگجەيلى، تىڭعىلىقتى يگەرىپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ قوس جەڭىسىنە قايراتتانا قول جەتكىزەيىك
چىن چۋانگو ءسوز سويلەدى، شوكىرات زاكىر باسقاردى، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 4 - كۇنى ۇرىمجىدەن حابارلايدى. 3 - ايدىڭ 4 - كۇنى تۇستەن بۇرىن اۆتونوميالى رايون تۇتاس رايون بويىنشا بەينەجازبا ءماجىلىسىن اشىپ، باس شۋجي شي جينپيڭنىڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋ قىزمەتىن تەكسەرگەندەگى ماڭىزدى ءسوزىنىڭ رۋحىن، ت. ب جەتكىزىپ، ۇيرەنىپ، تۇتاس رايونىمىزداعى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ىشكەرىلەي ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.
اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى، اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋ ءۇشىن ءالى دە قاجىرلى قۇلشىنىس كورسەتۋگە تۋرا كەلەدى، ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدىڭ مىندەتى ماشاقاتتى دا اۋىر. بۇكىل رايونداعى ءار دارەجەلى، ءارقايسى تاراۋلار باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىندەت احۋالى مەن ەكونوميكالىق، قوعامدىق دامۋ جاعدايىنا ونان ارى ءدال، دۇرىس تالداۋ جاساپ جانە ونى يگەرىپ، باستى قايشىلىق پەن قايشىلىقتىڭ باستى جاعىن مىقتاپ ۇستاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، وسى رەتكى سۇراپىل شايقاستىڭ، ۇلكەن سىناقتىڭ جەڭىسىنە باتىل قول جەتكىزىپ، تولىمدى جاۋاپ بەرۋگە قۇلشىنۋ كەرەك.
ءبىرىنشى، عىلمي، دالمە - ءدال ساقتانۋ - تىزگىندەۋدى ۇزدىكسىز تياناقتاندىرۋ كەرەك. ىندەتتەن ساقتانۋ - تىزگىندەۋ سىندى ارقاۋدى قاشاندا مىقتى ۇستاپ، ”ساقتانۋدى نەگىز ەتۋگە، سىرتتان كىرۋدەن ساقتانۋعا، ىشكى جاقتا ءىشىنارا تارالۋدان ساقتانۋعا“ تاباندى بولىپ، ”ءتورت ەرتە بولۋ“ شارالارىن قاتاڭ تياناقتاندىرىپ، وڭىرگە، دارەجەگە ءبولىپ دالمە - ءدال ساقتانىپ - تىزگىندەۋ؛ ءتۇيىندى ادامدار شوعىرىنىڭ، ءتۇيىندى الاڭ - ورىنداردىڭ، ءتۇيىندى مەكەمە - ورىنداردىڭ ساقتانۋ - تىزگىندەۋ جۇمىسىن كورنەكتىلەندىرىپ، قالتارىس، قاعا بەرىس، اقتاڭداق قالماۋعا شىنايى كەپىلدىك ەتۋ؛ قاراستى جەر، تاراۋ، مەكەمە - ورىن، جەكە ادامداردىڭ جاۋاپكەرشىلىگىن ناقتىلاپ، ارنالاردى، شەكارا وتكەلدەرىن، الەۋمەتتىك اۋماقتاردى، اۋىل - قىستاقتى مىقتاپ مەڭگەرىپ، ىندەتتىڭ كىرۋىنەن جانە كەزدەيسوق تۋىلاتىن توپتالۋ سيپاتتى ىندەتتەن قاتاڭ ساقتانىپ، ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسىن ونان ارى بەكەمدەۋ، كەڭەيتۋ؛ جۇڭگوشا، باتىسشا شيپاگەرلىكتى بىرلەستىرۋگە، جۇڭگوشا دارىلەر مەن باتىسشا دارىلەردى قاتار قولدانۋعا تاباندى بولىپ، دياگنوز قويۋ - ەمدەۋ جوباسىن قورىتىندىلاپ، كەمەلدەندىرىپ، ساپالىلاندىرىپ، ەمدەپ ساۋىقتىرۋ مولشەرىن ۇزدىكسىز جوعارىلاتۋ كەرەك.
ەكىنشى، جۇمىستى، ءوندىرىستى ۇزدىكسىز تۇردە دالمە - ءدال، ورنىقتى، لايىقتى قالپىنا كەلتىرۋ كەرەك. ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن جەدەل كەمەلدەندىرىپ، ”التىنى ورنىقتىرۋ“ قىزمەتىن ويداعىداي ىستەپ، ىندەتتىڭ ەكونوميكالىق اينالىمعا ىقپالىنا اناعۇرلىم ءونىمدى توتەپ بەرۋ؛ كاسىپورىنداردىڭ جۇمىستى، ءوندىرىستى قالپىنا كەلتىرۋىن دالمە - ءدال، ورنىقتى، لايىقتى، تارتىپپەن ىلگەرىلەتۋىنە تاباندى بولىپ، جۇمىستى، ءوندىرىستى قالپىنا كەلتىرگەننەن كەيىنگى ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتىڭ جۇمىستى، ءوندىرىستى قالپىنا كەلتىرۋ بارىسىندا تارالۋىنان، ورشۋىنەن قاتاڭ ساقتانۋ؛ جۇمىستى، ءوندىرىستى قالپىنا كەلتىرۋگە قىزمەت وتەۋدىڭ قولايلىلىعىن جوعارىلاتىپ، كاسىپورىنعا ءتيىمدى شارالاردى مۇقيات تياناقتاندىرىپ، قيىنشىلىقتاردى كوڭىل قويا، سۇيىسپەنشىلىك ارناي وتىرىپ شەشىپ، ساياساتتىڭ پايداسىن شىنايى تۇردە دامۋدىڭ ناقتى ونىمدىلىگىنە اينالدىرۋ؛ ەگىس ۋاقىتىن اقساتپاي كوكتەمگى ءوندىرىستى باسقارۋدى، كوكتەمگى ەگىستى جاپپاي ويداعىداي يگەرىپ، اۋىل شارۋاشىلىعى ماتەريالدارى كاسىپورىندارىنىڭ جۇمىستى، ءوندىرىستى جاپپاي قالپىنا كەلتىرۋىنە جانە قامداۋدىڭ قىستاققا، وتباسىلارعا دەيىن جەتۋىن ىلگەرىلەتىپ، ەگىنجاي سۋ يگىلىگى قۇرىلىسىن كۇشەيتىپ، ەلەۋلى دەرت - دەربەز، زياندى جاندىك اپاتىنان جانە حايۋاناتتار ىندەتىنەن ساقتانىپ جانە ونى تىزگىندەپ، تۇتاس جىلداعى استىقتان جانە ەگىن شارۋاشىلىعىنان مول ءونىم الۋعا بەرىك نەگىز قالاۋ كەرەك.
ءۇشىنشى، كەدەيلىكتەن ارىلتۋدان قامال الۋدىڭ شەشۋشى شايقاسىنا ۇزدىكسىز كۇش شوعىرلاندىرۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋدىڭ“ نىسانا - ولشەمىمەن تىعىز بايلانىستىرىپ، ”التى دالمە - ءدال بولۋدى“ جاپپاي تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، شايقاستى اشىق - اشكەرە قاداعالاۋدى كۇش سالا ويداعىداي ىستەپ، ولقىلىقتاردى، ءالسىز بۋىنداردى جەدەل تولىقتاپ، ماسەلەلەردى رەتتەۋ - تۇزەتۋدى تياناقتاندىرۋدى ۇزدىكسىز ويداعىداي يگەرىپ، قايتا كەدەيلەسۋدەن ساقتانۋدىڭ باقىلاۋ - ولشەۋ، ساقتاندىرۋ مەحانيزمىن كەمەلدەندىرىپ، الدىن الا ساقتاندىرۋدى، باقىلاۋ - ولشەۋدى كۇشەيتىپ، جاعدايعا قاراي كومەكتەسۋ - سۇيەمەلدەۋدى تياناقتاندىرىپ، كەدەيلەردى سۇيەمەلدەيتىن سەركە كاسىپورىندار مەن كەدەيلەردى سۇيەمەلدەۋ سەحتارىنىڭ جۇمىستى، ءوندىرىستى قالپىنا كەلتىرۋىن جەدەل ىلگەرىلەتىپ، قيىنشىلىعى بار بۇقارانىڭ سىرتقا شىعىپ جۇمىس ىستەۋى، ەگىن، مال شارۋاشىلىعى ونىمدەرىنىڭ ساتىلۋى، كەدەيلەردى سۇيەمەلدەۋ نىسانداردىڭ قايتا جۇمىس باستاۋى سياقتى ماسەلەلەردى شىنايى ويداعىداي شەشىپ، كەدەيلىكتەن ارىلتۋدان قامال الۋدىڭ نىسانا - مىندەتتەرىن باتىلدىقپەن دەر كەزىندە ورىنداۋ كەرەك.
ءتورتىنشى، شۇعىل جاعدايعا توتەپ بەرۋ، باسقارۋ قابىلەتىن ۇزدىكسىز جوعارىلاتۋ كەرەك. قازىرگى جاعدايدى تياناق ەتىپ، الىستى كوزدەپ، ىندەتتەن ساقتانۋ - تىزگىندەۋ مەن الەۋمەتتىك دەنساۋلىق ساقتاۋ سالاسىنداعى ءتۇزىلىس رەفورمالارىن تەرەڭدەتىپ، الەۋمەتتىك دەنساۋلىق ساقتاۋ سالاسىنىڭ مەجەلى جانە جونگە سالۋ قابىلەتىن جوعارىلاتىپ، الەۋمەتتىك دەنساۋلىق ساقتاۋ قۇرىلعىلارى، شۇعىل جاعدايعا توتەپ بەرۋ قابىلەتى قۇرىلىسى، زاتتىق ماتەريالداردى زاپاس ساقتاۋ جۇيەسى سياقتى جاقتارداعى ولقىلىقتاردى جەدەل تولىقتاپ، الدىن الا ساقتاندىرۋ، الدىن الا بولجاۋ جانە شۇعىل جاعدايعا توتەپ بەرۋ بويىنشا اتتانىسقا كەلۋ مەحانيزمىن اقاۋسىزداندىرىپ، كەمەلدەندىرىپ، تۇزىمدىك بىرىككەن كۇشتى كۇشەيتىپ، دارىندىلار جەتىلدىرۋدى كۇشەيتىپ، ولقىلىقتاردى جەدەل تولىقتاپ، ساڭىلاۋلاردى بىتەپ، ءالسىز بۋىنداردى كۇشەيتىپ، توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن دەڭگەيىن قۇلشىنا جوعارىلاتۋ كەرەك.
بەسىنشى، حالىق تۇرمىسىن ۇزدىكسىز زور كۇشپەن قامتاماسىز ەتۋ، جاقسارتۋ كەرەك. جۇمىستاندىرۋدى الدىمەن ويلاستىرۋعا تاباندى بولىپ، اۋىرتپالىقتى جەڭىلدەتۋدى، جۇمىس ورىندارىن ورنىقتىرۋدى، جۇمىستاندىرۋدى كەڭەيتۋدى قاتار يگەرۋ شارالارىن ءونىمدى اتقارىپ، قازىرگى جۇمىستاندىرۋ ورايلارىن تولىق ىسكە قوسىپ، كوپ ارنامەن يكەمدى جۇمىستانۋعا قولداۋ كورسەتۋ؛ ”استىققا“، ”كوجە قاتىققا“ مىقتى، ويداعىداي كەپىلدىك ەتىپ، تاسىمال ارنالارىن ىركىلىسسىزدەندىرىپ، نەگىزگى، قوسىمشا ازىق - تۇلىكپەن قامداۋعا كەپىلدىك ەتۋدى، باعاسىن ورنىقتىرۋدى كۇشەيتۋ؛ بۇقارانىڭ نەگىزگى تۇرمىسىن قامتاماسىز ەتۋ قىزمەتىن ىشكەرىلەي، ەگجەي - تەگجەيلى، ويداعىداي ىستەپ، بۇقارانى پسيحيكالىق جاقتان جەتەكتەۋدى كۇشەيتىپ، ەرەكشە قيىنشىلىعى بار قاۋىمعا كوڭىل ءبولۋدى، كومەكتەسۋدى - سۇيەمەلدەۋدى كۇشەيتۋ كەرەك.
التىنشى، قورشاعان ورتا تازالىعىن رەتتەۋ - جونگە سالۋدى ۇزدىكسىز كۇشەيتۋ كەرەك. وتانشىلدىق تازالىق قيمىلىن ىشكەرىلەي ىلگەرىلەتىپ، تۇرعىندار شاعىن اۋماعى، ساۋدا - جۇمىس عيماراتتارى، اۋىل شارۋاشىلىعى ونىمدەرى بازارلارى، ساۋدا بازارلارى سياقتىلارعا تۇرگە بولە وتىرىپ تارتىپپەن قورشاعان ورتا تازالىعىن رەتتەۋ - جونگە سالۋ جۇرگىزىپ، اۋىل - قىستاق قورشاعان ورتاسىن رەتتەۋ - جونگە سالۋدى كۇشەيتىپ، تازا، كىرشىكسىز قونىس ورتاسىن قۇلشىنا قالىپتاستىرۋ؛ جابايى حايۋاناتتاردى الباتى جەۋ سىندى سولەكەت ادەتتى باتىل جويىپ، ىندەتتەن ساقتانۋ - تىزگىندەۋ، سالاماتتىق، دەنساۋلىق ساقتاۋ سياقتى بىلىمدەردى ۇگىتتەۋدى، جالپىلاستىرۋدى زور كۇشپەن ورىستەتىپ، وركەنيەتتى، اقاۋسىز، جاسىل، قورشاعان ورتاعا زالالسىز تۇرمىس ءتاسىلىن دارىپتەۋ كەرەك.
جەتىنشى، قوعامنىڭ جاراسىمدىلىعىن، ورنىقتىلىعىن ۇزدىكسىز قورعاۋ كەرەك. نازاردى قوعام ورنىقتىلىعى مەن باياندى تىنىشتىق باس نىساناسىنا بۇلجىماي شوعىرلاندىرىپ، جان - جاقتى شارا اتقارىپ، كەشەندى شارا قولدانىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاپ، ءتۇرلى قايشىلىقتاردى، داۋ - شارلاردى لايىقتى ءبىر جاقتى ەتىپ، دەر كەزىندە شەشىپ، قالىپتى قوعامدىق ءتارتىپتى شىنايى قورعاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ ءۇشىن تاماشا ورتا ازىرلەۋ كەرەك.
سەگىزىنشى، قىزمەت جاۋاپكەرشىلىگىن ۇزدىكسىز قاتايتۋ، ناقتىلاۋ كەرەك. ءار دارەجەلى پارتكوم مەن ۇكىمەت پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداۋعا تاباندى بولىپ، ءوز جاۋاپكەرشىلىگىن ءبىلۋ، ءوز جاۋاپكەرشىلىگىن ارقالاۋ، ءوز جاۋاپكەرشىلىگىن ادا ەتۋ؛ ءار دارەجەلى باسشى كادرلار ”شەشۋشى ازشىلىقتىڭ“ شەشۋشى رولىن ساۋلەلەندىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ماسەلەلەردى شەبەر شەشىپ، جۇمىستىڭ سالماعىن ءبىلىپ، اۋىرىن كوتەرىپ، قامال الىپ قيىندىقتى ەڭسەرۋ؛ قالىڭ پارتيالى كادرلار كەۋدە كەرىپ العا شىعىپ، ءوزى باس بولىپ، جاۋاپكەرشىلىكتى باتىل ارقالاپ، شەبەرلىكپەن ءىس تىندىرىپ، بۇقارانى كەڭىنەن اتتانىسقا كەلتىرىپ، بۇقارانى ۇيىمداستىرىپ، بۇقارانى ۇيىستىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تۇردە ناقتى، ەگجەي - تەگجەيلى، تىڭعىلىقتى يگەرۋ كەرەك.
