تيانشان تورى   ›   ۇيرەنۋ   ›   ماڭىزدى حۇجاتتار

ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى «حابارلاندىرۋ» باسىپ تاراتتى

ىندەتتەن ساقتانۋ - تىزگىندەۋدىڭ ءبىرىنشى شەبىندەگى قالا، اۋىل الەۋمەتتىك اۋماق قىزمەتكەرلەرىنە كوڭىل ءبولۋ، ولارعا قامقورلىق جاساۋ شارالارىن جاپپاي تياناقتاندىرۋ كەرەك

  شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 3 - ايدىڭ 3 - كۇنى ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى «ىندەتتەن ساقتانۋ - تىزگىندەۋدىڭ ءبىرىنشى شەبىندەگى قالا، اۋىل الەۋمەتتىك اۋماق قىزمەتكەرلەرىنە كوڭىل ءبولۋ، ولارعا قامقورلىق جاساۋ شارالارىن جاپپاي تياناقتاندىرۋ جونىندەگى حابارلاندىرۋدى» باسىپ تاراتتى (تومەندە «حابارلاندىرۋ» دەلىنەدى).

  «حابارلاندىرۋدا» مىنالار اتاپ كورسەتىلدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى قالىڭ قالا، اۋىل الەۋمەتتىك اۋماق قىزمەتكەرلەرى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، قىزمەت ورىندارىنان تاپجىلماي، كۇندى تۇنگە جالعاپ كەزەكشىلىك كۇزەتتە تۇرىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جۇرگىزىپ، ىندەتتىڭ تارالۋىن، ءورشۋىن تەجەۋگە ماڭىزدى ۇلەس قوستى. قالىڭ قالا، اۋىل الەۋمەتتىك اۋماق قىزمەتكەرلەرىن حاۋىپ - قاتەردەن قورىقپاي، ەرلىكپەن العا تارتۋعا جىگەرلەندىرۋ ءۇشىن، «حابارلاندىرۋ» ىندەتتەن ساقتانۋ - تىزگىندەۋدىڭ ءبىرىنشى شەبىندەگى قالا، اۋىل الەۋمەتتىك اۋماق قىزمەتكەرلەرىنە كوڭىل ءبولۋ، قامقورلىق جاساۋ جونىندە سەگىز جاقتاعى شارانى العا قويدى.

  ءبىرىنشى، قالا، اۋىل الەۋمەتتىك اۋماق قىزمەتكەرلەرىنە لايىقتى تۇردە قىزمەت قوسىمشا قاراجاتىن تاراتۋ. قالا، اۋىل الەۋمەتتىك اۋماق قىزمەتكەرلەرىنىڭ قازىر بار ەڭبەكاقىسىن قامتاماسىز ەتۋ ساياساتىن ويداعىداي دايەكتىلەندىرۋ نەگىزىندە، ىندەتتەن ساقتانۋ - تىزگىندەۋ كەزىندە جەرگىلىكتى ورىننىڭ ءبىرىنشى شەپتەگى قالا، اۋىل الەۋمەتتىك اۋماق قىزمەتكەرلەرىنە لايىقتى قىزمەت قوسىمشا قاراجاتىن بەرۋىنە بولادى، قوسىمشا قاراجات ولشەمىن ولكە دارەجەلى حالىق ۇكىمەتى ىندەتتەن ساقتانۋ - تىزگىندەۋ مىندەتىنە ساي قالا، اۋداندارعا جەتەكشىلىك ەتىپ بەلگىلەيدى.

  ەكىنشى، قالا، اۋىل الەۋمەتتىك اۋماق قىزمەتكەرلەرىنىڭ جۇمىستا جارالانۋ قامتاماسىزداندىرۋىن شىن مانىندە ويداعىداي ىستەۋ. قالا، اۋىل الەۋمەتتىك اۋماق قىزمەتكەرلەرى ىندەتتەن ساقتانۋ - تىزگىندەۋ كەزىندە تۋىلعان شىرعالاڭنان جارالانسا نەمەسە اۋرۋعا شالدىقسا «جۇمىس ۇستىندە جارالانۋدى قامسىزداندىرۋ ەرەجەسىندە» تۇراقتاندىرىلعان جاعدايلارعا سايكەس كەلەتىندەرىن زاڭ بويىنشا جۇمىس ۇستىندە جارالانۋ دەپ تۇراقتاندىرۋ كەرەك. مىندەتىن ورىنداۋ سەبەبىمەن جاڭا تيپتى ايدارشا ۆيرۋس وكپە قابىنۋىمەن جۇعىمدالعان نەمەسە اۋرۋدان قايتىس بولعان قالا، اۋىل الەۋمەتتىك اۋماق قىزمەتكەرلەرىن بەلگىلەمە بويىنشا قاتىستى مامىلەدەن يگىلىكتەندىرۋگە بولادى.

  ءۇشىنشى، قالا، اۋىل الەۋمەتتىك اۋماق قىزمەتكەرلەرىنىڭ قورعانۋ شارت - جاعدايىن جاقسارتۋ. الەۋمەتتىك اۋماقتىڭ ساقتانۋ - تىزگىندەۋ قىزمەتى قاراجاتىن بەلگىلەمە بويىنشا تياناقتاندىرىپ، قاراستى ورىن پرينسيبىن تياناقتاندىرۋ ارقىلى الەۋمەتتىك اۋماقتىڭ ساقتانۋ - تىزگىندەۋ قىزمەتىن زاتتىق ماتەريالدارىمەن قامتاماسىز ەتۋدى كۇشەيتىپ، سول جەردىڭ ىندەتتەن ساقتانۋ - تىزگىندەۋ قاجەتىنە ساي، دەنساۋلىق ساقتاۋ قورعانۋ جابدىقتارى مەن ساقتانۋ - تىزگىندەۋ بۇيىمدارىن ۇيلەسىمدى ۇلەستىرۋ.

  ءتورتىنشى، قالا، اۋىل الەۋمەتتىك اۋماق قىزمەتكەرلەرىنىڭ اۋىرتپالىعىن، باسىمىن شىن مانىندە جەڭىلدەتۋ. ىندەتتەن ساقتانۋ - تىزگىندەۋ كەزىندە نەگىزگى ساتىعا جان - جاقتان قايتا - قايتا مىندەت بەرۋدى، كەستە الۋدى قاتاڭ تەكسەرىپ ءبىر جايلى ەتۋ. الەۋمەتتىك اۋماقتىڭ ىندەتتەن ساقتانۋ - تىزگىندەۋ قاجەتىمەن بەرەتىن قونىستانۋ انىقتاماسى مەن ۇيىندە مەديتسينالىق باقىلاۋدا بولۋ مەرزىمى تولۋ انىقتاماسىنان تىس، ىندەتتەن ساقتانۋ - تىزگىندەۋدى سىلتاۋراتىپ، قالا، اۋىل الەۋمەتتىك اۋماق ۇيىمىنان باسقالاي انىقتاما بەرۋدى تالاپ ەتۋگە بولمايدى. قالا، اۋىل الەۋمەتتىك اۋماقتارىنىڭ ىندەتتەن ساقتانۋ - تىزگىندەۋ كۇشتەرىن ونان ارى تولىقتىرۋ. وسى زامانعى ينفورماتسيا تەحنيكاسىنان پايدالانىپ الەۋمەتتىك اۋماقتىڭ ساقتانۋ - تىزگىندەۋ قىزمەت ونىمدىلىگىن جوعارىلاتۋ.

  بەسىنشى، قالا، اۋىل الەۋمەتتىك اۋماق قىزمەتكەرلەرىنىڭ دەنە جانە پسيحيكالىق اقاۋسىزدىعىن قامتاماسىز ەتۋ. ىندەتتەن ساقتانۋ - تىزگىندەۋ كەزىندە ءبىرىنشى شەپتەگى قالا، اۋىل الەۋمەتتىك اۋماق قىزمەتكەرلەرىنىڭ تاماقتانۋ، دەمالىس ورنى سياقتى تۇرمىستىق قامتاماسىزدىعىن ويداعىداي سايكەستى ورنالاستىرۋ. كەزەكپەن دەمالدىرۋ، تولىقتاپ دەمالدىرۋ سياقتى ادىستەر ارقىلى قالا، اۋىل الەۋمەتتىك اۋماق قىزمەتكەرلەرىنىڭ دەر كەزىندە قاجەتتى تىنىعۋ - رەتتەلۋىنە كەپىلدىك ەتۋ. ۇزاق ۋاقىت جوعارى كوتەرىمدىلىكپەن قىزمەت ىستەگەندەردى ەرىكسىز دەمالىسقا ورنالاستىرۋ. ىندەت اياقتاعاننان كەيىن، دەر كەزىندە دەنساۋلىق تەكسەرۋ مەن پسيحيكالىق باسىمىن جەڭىلدەتۋدى ورنالاستىرۋ.

  التىنشى، قالا، اۋىل الەۋمەتتىك اۋماق قىزمەتكەرلەرىنە قامقورلىق جاساپ، حال سۇراۋدى كۇشەيتۋ. ىندەتتەن ساقتانۋ - تىزگىندەۋدىڭ ءبىرىنشى شەبىندەگى قالا، اۋىل الەۋمەتتىك اۋماق قىزمەتكەرلەرى مەن ۇكىمەت قىزمەتى سەبەبىنەن قازا بولعان قالا، اۋىل الەۋمەتتىك اۋماق قىزمەتكەرلەرىنىڭ وتباسىنداعىلارعا امانداسا بارىپ حال سۇراۋ قىزمەتىن ويداعىداي ىستەپ، ولاردىڭ ءىس جۇزىندىك قيىنشىلىقتارىن شەشۋىنە ەڭ زور شەكتە كومەكتەسۋ.

  جەتىنشى، قالا، اۋىل الەۋمەتتىك اۋماق قىزمەتكەرلەرىن ماداقتاۋدى، ماراپاتتاۋدى ورىستەتۋ. ىندەتتەن ساقتانۋ - تىزگىندەۋدىڭ ءبىرىنشى شەبىندە بەينەسى كورنەكتى بولعان قالا، اۋىل الەۋمەتتىك اۋماق قىزمەتكەرلەرىن زور كۇشپەن ماراپاتتاپ - سيلاپ، جۇرەكتىلىكپەن ىستەتىپ، ۇكىمەت قىزمەتكەرلەرىن نەمەسە ءىسورىن قىزمەتكەرلەرىن قابىلداعان (ۇسىنىس ەتۋ)، ءمالى (اۋىل، قالاشىق) كادرلارىن تاڭداعان كەزدە ۇقساس شارت - جاعدايدا الدىمەن ويلاستىرۋ. ىندەتتەن ساقتانۋ - تىزگىندەۋ كەزىندە قىزمەت ۇستىندە قۇربان بولعان قالا، اۋىل الەۋمەتتىك اۋماق قىزمەتكەرلەرىنە ”بۇكىل مەملەكەتتىك ۇزدىك قالا، اۋىل الەۋمەتتىك اۋماق قىزمەتكەرى“ اتاعىن تولىقتاپ بەرۋ. قاتىستى زاڭ ەرەجەلەر بويىنشا ىندەتتەن ساقتانۋ - تىزگىندەۋدە قۇربان بولعان، قىزمەت ۇستىندە قازا بولعان قالا، اۋىل الەۋمەتتىك اۋماق قىزمەتكەرلەرىن قۇربان دەپ باعالاۋ جانە ماراپاتتاۋ قىزمەتىن ويداعىداي ىستەۋ.

  سەگىزىنشى، قالا، اۋىل الەۋمەتتىك اۋماق قىزمەتكەرلەرىنىڭ وزات ۇلگىلەرىن ۇگىتتەۋ تەبىنىن ارتتىرۋ. الەۋمەتتىك اۋماقتىڭ ىندەتتەن ساقتانۋ - تىزگىندەۋ قىزمەتىندە بەينەسى كورنەكتى بولعان قالا، اۋىل الەۋمەتتىك اۋماق قىزمەتكەرلەرىنىڭ اسەرلى ىزگى ىستەرىن زور كۇشپەن ۇگىتتەپ حابارلاۋ.

  «حابارلاندىرۋدا» مىنالار باسا دارىپتەلدى: جەر - جەر، تاراۋلار جوعارىداعى ساياسات - شارالاردى باتىل ويداعىداي تياناقتاندىرىپ، بارىنشا جاۋاپتى بولۋ پوزيتسياسىمەن، ناقتى دا ءونىمدى شارالارمەن، قالا، اۋىل الەۋمەتتىك اۋماق قىزمەتكەرلەرىنە شىن مانىندە كوڭىل ءبولىپ، قامقورلىق جاساپ، ىندەتتەن بىرلەسىپ ساقتانىپ، بىرلەسىپ تىزگىندەۋدىڭ، بۇقارالىق ساقتانىپ، بۇقارالىق تىزگىندەۋدىڭ الەۋمەتتىك اۋماق قورعانىس شەبىن قاتاڭ، مىقتى قورعاۋعا پارمەندى قامتاماسىزدىق ازىرلەۋ كەرەك. جەرگىلىكتى ورىنداردىڭ ءار دارەجەلى ىندەتتەن ساقتانۋ - تىزگىندەۋ قىزمەتى باسشىلىق گرۋپپالارى ورنالاستىرۋ مەن باقىلاپ تەكسەرۋدى كۇشەيتىپ، كوڭىل ءبولۋ، قامقورلىق جاساۋ ساياساتتارىنىڭ، شارالارىنىڭ تىڭعىلىقتى تياناقتاندىرىلۋىنا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.