تيانشان تورى   ›   جاڭالىقتار   ›   شينجياڭ حابارلارى

رايونىمىزداعى قالىڭ پارتيا مۇشەلەرى ۇزدىكسىز جابال جىلۋ اتاپ، ىندەتتەن ساقتانۋ - تىزگىندەۋ قىزمەتىن قولدادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 3 - ايدىڭ 5 - كۇنى ۇرىمجىدەن حابارلايدى. ءبىر نيەتپەن ىندەتكە قارسى اتتانىپ، قيىندىقتاردى جەڭدى. بىرنەشە كۇننەن بەرى، بۇكىل رايونىمىزداعى ءار دارەجەلى پارتيا ۇيىمدارى بەلسەنە ارەكەتتەنىپ، قالىڭ پارتيا مۇشەلەرى ۇزدىكسىز جابال جىلۋ اتاپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن قولدادى. 3 - ايدىڭ 5 - كۇنىنە دەيىن بۇكىل رايونىمىزدا ءبىر ميلليون 189 مىڭ پارتيا مۇشەسى ءوز ەركىمەن جىلۋ اتادى، جىلۋ اتاۋ قيمىلى ءالى دە جالعاستى جۇرىلۋدە.

  شينجياڭنىڭ حۋبەيعا كومەككە بارعان ەمدەۋ اترەتى ءبىرىنشى شەپتە اتويلاپ الدا جۇرسە دە، جومارتتىقپەن قولدا بارىن كومەككە بەرىپ، بەلسەنە، جابال جىلۋ اتادى. اۆتونوميالى رايوندىق بازار باقىلاۋ - باسقارۋ مەكەمەسى ورگانداعى پارتيالى كادرلاردى دەرەۋ ۇيىمداستىرىپ، جارتى كۇندە 300 نەشە مىڭ يۋان جىلۋ اتادى. اۆتونوميالى رايوندىق قوعام حاۋىپسىزدىگى مەڭگەرمەسى، اۆتونوميالى رايوندىق حالىق پروكۋراتۋراسى جانە جۇيەدەگى پارتيالى كادرلار الدىڭعى كەزەڭدە وزدىكتەرىنەن 800 نەشە مىڭ يۋان جىلۋ اتاپ، ىندەتتەن ساقتانۋ - تىزگىندەۋ قىزمەتىن قولدادى.

  قالىڭ پارتيا مۇشەلەرى پارتياعا دەگەن ادال نيەتىمەن، حالىققا دەگەن قىزۋ سۇيىسپەنشىلىگىمەن ىندەتتەن ساقتانۋ - تىزگىندەۋ قىزمەتىنە جىلۋ اتاپ، كۇش قوسىپ، كوپتەگەن جان تەبىرەنتەرلىك ىزگى ىستەر جارىققا شىقتى. اۋات اۋدانىنداعى پارتيا مۇشەسى، قوسىننان قايتقان اسكەري شۇي يوۋكاي 5000 يۋان جىلۋ اتاۋدان سىرت، تاعى قۇنى 95 مىڭ يۋاندىق زاتتىق ماتەريالدى جىلۋعا اتادى. كوكتوعاي اۋدانى قارابۇلعىن اۋىلىنىڭ مىندەت بەرىپ شىنىقتىرىلعان ورىنباسار باستىعى ىنتىماق ءجۇمادىل پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، كۇندەلىكتى جيناعان تيىن - تەبەنىنەن دەرەۋ 10 مىڭ يۋاندى پارتيا ۇيىمىنا بەردى. قاشقار قالاسى جاڭاوستەڭ اۋىلىنداعى 70 جاستاعى ساقا پارتيا مۇشەسى مامۇت ءومار مەيىر باعىشتاۋ جىلۋ اقشاسىن سالتاناتپەن پارتيا ۇيىمىنا تاپسىردى، ول: ”مەن وتان قۇشاعىندا ەسەيگەن ساقا پارتيا مۇشەسىمىن، پارتيانىڭ مەيىرىن ماڭگى ەستە بەرىك ساقتايمىن، قازىر مەملەكەت قيىنشىلىققا تاپ بولعاندا پارتيانىڭ قامىن جەۋىم كەرەك“، - دەدى.

  پارتياعا كىرەتىن كوپتەگەن بەلسەندى مەن پارتياعا مۇشە بولۋعا باۋلىناتىن وبيەكتىلەر دە جىلۋ اتاۋ تىلەگىن ايتىپ، پارتيا ۇيىمىنىڭ ۇندەۋىنە باتىل قۇلاق اسىپ، ىندەتكە قارسى اتتانۋدىڭ ءبىرىنشى شەبىندە اتويلاپ الدا ءجۇرىپ، پارتيا ۇيىمىنىڭ سىنىنان ءوتۋدى قابىلدايتىندىقتارىن ءبىلدىردى. تيانشاننىڭ تۇستىگى مەن تەستىگىندە ەل بىرلىگىنەن بەرىك قامال تۇرعىزىپ، ءبىر نيەتپەن ىندەتكە قارسى اتتانۋدىڭ قىزۋ ورلەۋى كوتەرىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى