تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن جەتكىزدى، ۇيرەندى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق اينالىمدى ورنىقتىرۋ قىزمەتىن ورنالاستىردى، جايعاستىردى

ىندەتتەن ساقتانۋ - تىزگىندەۋ قىزمەتىن باستان - اياق بايىپتىلىقپەن ويداعىداي ىستەپ، ەكونوميكالىق، قوعامدىق دامۋ قىزمەتتەرىن مىقتى يگەرە وتىرىپ ىلگەرىلەتەيىك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 5 - كۇنى ۇرىمجىدەن حابارلايدى. 3 - ايدىڭ 5 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن جەتكىزىپ، ۇيرەنىپ، بۇكىل رايوننىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق اينالىمدى ورنىقتىرۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەت باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋ جاعدايى ۇزدىكسىز جاقسارىپ، ءوندىرىس، تۇرمىس ءتارتىبى جەدەل قالپىنا كەلۋ اۋقىمى العاشقى قادامدا جارىققا شىققان ماڭىزدى ساتتە، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن تاعى ءبىر رەت باسقارىپ اشىپ، كەزەكتەگى ىندەتتەن ساقتانۋ - تىزگىندەۋ مەن ەكونوميكالىق، قوعامدىق اينالىمدى ورنىقتىرۋدىڭ ءتۇيىندى قىزمەتتەرىن اقىلداسىپ، ءبىزدىڭ قىزمەتتەردى ونان ارى ويداعىداي ىستەۋىمىز ءۇشىن عىلمي جول كورسەتتى جانە ماڭىزدى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باتىل تۇردە باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قازىرگى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ جاعدايىنىڭ كۇردەلىلىگىن ايقىن تانىپ، ءتۇرلى قىزمەتتەردى ءبىر تۇتاس جوسپارلاپ ويداعىداي يگەرۋ جاۋاپكەرشىلىك سەزىمى مەن كوكەي تەستىلىك سەزىمىن شىنايى كۇشەيتىپ، ءبىر تۇتاس جوسپارلاپ تەڭ ءمان بەرىپ، سايكەستىرە ىلگەرىلەتىپ، سەنىمدى بەكەمدەپ، ۇزدىكسىز قايراتتانا شايقاس جاساپ، وسى ءبىر وڭاي - وسپاق قولعا كەلمەگەن جاقسى اۋقىمدى ونان ارى بەكەمدەپ، كەڭەيتىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزىپ، ەكونوميكالىق، قوعامدىق دامۋدىڭ ەرتەرەك جاپپاي قالىپتى ارناعا تۇسۋىنە كۇش سالىپ، جاپپاي دوڭگەلەك داۋلەتتى قوعام ورناتۋ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارىن، مىندەتتەرىن جۇزەگە اسىرۋ ءۇشىن شارت - جاعداي ازىرلەۋ كەرەك.

  ءبىرىنشى، ىندەتتەن ساقتانۋ - تىزگىندەۋدى باستان - اياق بايىپتىلىقپەن مىقتى يگەرۋ. سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىنا تاباندى بولىپ، ”ساقتانۋدى نەگىز ەتۋ، سىرتتان كىرۋدەن ساقتانۋ، ىشكى جاقتا ءىشىنارا تارالۋدان ساقتانۋ“ سىندى ساقتانۋ - تىزگىندەۋ تاكتيكاسىن ۇزدىكسىز ساقتاپ، وڭىرگە، دارەجەگە ءبولىپ دالمە - ءدال ساقتانۋ - تىزگىندەۋ شارالارىن قاتاڭ تياناقتاندىرىپ، قاينار كوزىنەن باسقارۋ - مەڭگەرۋدى جانە ءتۇيىندى ادامدار شوعىرىنىڭ، ءتۇيىندى الاڭ - ورىنداردىڭ، ءتۇيىندى مەكەمە - ورىنداردىڭ ساقتانۋ - تىزگىندەۋىن كۇشەيتىپ، سالعىرت يدەيادان، شايقاستان جالىعۋ پيعىلىنان، باق سىناۋ پسيحيكاسىنان، بوساڭسۋ كوڭىل كۇيىنەن باتىلدىقپەن باس تارتىپ، ساقتانۋ - تىزگىندەۋ تالابىن تومەندەتپەي، ساقتانۋ - تىزگىندەۋ شارالارىن بوساڭسىتپاي، ىندەتتىڭ قايتالانۋىنان باتىل ساقتانۋ كەرەك.

  ەكىنشى، ەكونوميكالىق، قوعامدىق اينالىم ءتارتىبىن بەلسەندى، ورنىقتى، لايىقتى قالپىنا كەلتىرۋ. شىندىقتى ءىس جۇزىنەن ىزدەۋگە، بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، دالمە - ءدال شارا قولدانىپ، قىزمەتتى ەگجەي - تەگجەيلى ىستەپ، فورماشىلدىقتان، تورەشىلدىكتەن باتىل ساقتانىپ، بارلىعىن ءبىر شىبىقپەن ايداۋدان، قاراپايىمداستىرۋدان باتىل ساقتانۋ كەرەك. ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن جەدەل ورناتىپ، ادامداردىڭ، قارجىنىڭ، زاتتىڭ تارتىپپەن جىلجۋىنا، ءوندىرۋدىڭ، قامداۋدىڭ، ساتۋدىڭ ورگانيكالى ۇشتاسۋىنا، ىشكى - سىرتقى ساۋدانىڭ ءونىمدى ساباقتاسۋىنا شىنايى كەپىلدىك ەتىپ، ەكونوميكالىق، قوعامدىق دامۋدىڭ ىرىقتىلىعىن مىقتاپ يگەرۋ كەرەك.

  ءۇشىنشى، وڭىرگە، دارەجەگە ءبولىپ جۇمىستى، ءوندىرىستى قالپىنا كەلتىرۋدى ىلگەرىلەتۋ. كاسىپ تىزبەگىنىڭ ءار بۋىنىنىڭ سايكەستى تۇردە جۇمىستى، ءوندىرىستى قالپىنا كەلتىرۋىن دالمە - ءدال، ورنىقتى، لايىقتى قالپىنا كەلتىرىپ، ”تۇيىننەن تۇيىنگە دەيىنگى“ تاسىمال سياقتى كوپ ءتۇرلى ءتاسىل قولدانىپ، كاسىپورىن قىزمەتكەرلەرىنىڭ جەدەل جۇمىس ورىندارىنا ورالۋىنا كومەكتەسىپ، ادام اينالىمىنىڭ، زات اينالىمىنىڭ كەپتەلىس تۇيىندەرىن ۇزدىكسىز اشىپ، جۇمىستى، ءوندىرىستى قالپىنا كەلتىرۋدىڭ جالپى تۇلعالىق ونىمدىلىگى مەن دەڭگەيىن شىنايى جوعارىلاتۋ؛ ءتۇرلى ساقتانۋ - تىزگىندەۋ شارالارىن قاتاڭ اتقارىپ، ىندەتتىڭ جۇمىستى، ءوندىرىستى قالپىنا كەلتىرۋ بارىسىندا تارالۋىنان قاتاڭ ساقتانۋ؛ كاسىپورىندارعا ءتيىمدى ساياساتتاردى تياناقتاندىرىپ، ءبىرىنشى شەپكە بارىپ ناقتى قيىنشىلىقتاردى شەشىپ، ساپالى، قولايلى قىزمەت وتەپ، كاسىپورىنداردىڭ، اسىرەسە، ورتا، شاعىن، ۇساق كاسىپورىندار مەن جەكەشە ساۋدا - ونەركاسىپشىلەرىنىڭ قيىن وتكەلدەن وتۋىنە بەلسەنە كومەكتەسۋ؛ ەگىس ۋاقىتىن اقساتپاي كوكتەمگى ءوندىرىستى باسقارۋدى، كوكتەمگى ەگىستى جاپپاي ويداعىداي يگەرىپ، اۋىل شارۋاشىلىعى ماتەريالدارىن ءوندىرۋدى، اينالىمعا سالۋدى، قامداۋدى ويداعىداي ۇيىمداستىرىپ، اۋىل شارۋاشىلىعى ونىمدەرىمەن قامداۋعا كەپىلدىك ەتۋدى، باعاسىن ورنىقتىرۋدى ويداعىداي ىستەۋ كەرەك.

  ءتورتىنشى، كوپ شارانى قاتار قولدانىپ ەكونوميكانىڭ ومىرشەڭدىگىن قاۋلاتۋ. ىشكى سۇرانىستى بەلسەنە كەڭەيتىپ، تۇرعىنداردىڭ تۇتىنۋىن ورنىقتىرىپ، تۇتىنۋدىڭ جاڭا كاسىپ كۇيلەرىن جەتىلدىرىپ، دارەجەسىن ءوسىرىپ، باسىلىپ قالعان تۇتىنۋ كومەسكى قۋاتىن ىسكە قوسۋ؛ قارجى قوسۋدىڭ ارتۋدى ورنىقتىرۋداعى شەشۋشى رولىن تولىق ساۋلەلەندىرىپ، نازاردى ءتۇيىندى ينجەنەريالارعا، ءتۇيىندى نىساندارعا شوعىرلاندىرىپ، نىسان دايىنداۋ مەن الدىڭعى مەرزىمدىك قىزمەتتەردى تىڭعىلىقتى ويداعىداي ىستەپ، ساياساتتى سايكەستىرۋدى كۇشەيتىپ، حالىقتىق قارجى قوسۋدىڭ بەلسەندىلىگىن جۇمىلدىرىپ، كەلەلى نىسانداردىڭ ءتارتىپتى جۇمىس باستاۋىن ىلگەرىلەتۋ؛ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، جوعارى دەڭگەيدە سىرتقا ەسىك اشۋدى كەڭەيتىپ، كوپ نەگىزدى حالىقارالىق بازاردى بەلسەنە اشىپ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ قىزمەتىن قۇلشىنا ويداعىداي ىستەۋ كەرەك.

  بەسىنشى، حالىق تۇرمىسىن تاباندىلىقپەن قامتاماسىز ەتۋ جانە جاقسارتۋ. حالىققا ءتيىمدى ينجەنەريالاردىڭ ناقتى تياناقتانۋىن بار كۇشپەن ىلگەرىلەتىپ، حالىق تۇرمىسىنداعى كورنەكتى قيىن ماسەلەلەردى مىقتاپ ۇستاپ، حالىق بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن شىنايى، ويداعىداي شەشۋ؛ ىندەتتىڭ بازاردىڭ قامداۋ - قاجەتسىنۋىنە جاسايتىن ىقپالىنا ءجىتى نازار اۋدارىپ، تۇرعىنداردىڭ تۇرمىستىق قاجەتتى بۇيىمدارىنىڭ قامدالۋىنا كەپىلدىك ەتۋدى جانە سەپتەلۋىن ويداعىداي ىستەپ، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋدى كۇشەيتۋ؛ جۇمىستاندىرۋدى كۇش سالا ورنىقتىرىپ جانە كەڭەيتىپ، جەرگە، ادامدارعا قاراي تۇرلەرگە ءبولىپ شارا قولدانىپ، ءتۇيىندى شوعىردى جۇمىستاندىرۋ جانە كومەكتەسۋ - سۇيەمەلدەۋ سەرپىنىن ارتتىرۋ كەرەك.

  التىنشى، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن قول جەتكىزۋ. ”ەكىدەن تارىقتىرماۋ، ءۇشتى قامتاماسىز ەتۋ“ نىسانا ولشەمدەرىمەن تىعىز بايلانىستىرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن جاپپاي تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ جاپپاي ىلگەرىلەتىپ، قايتا كەدەيلەسۋدەن ساقتانۋدىڭ باقىلاۋ - ولشەۋ، ساقتاندىرۋ مەحانيزمىن جانە جاعدايعا قاراي كومەكتەسۋ - سۇيەمەلدەۋ مەحانيزمىن كەمەلدەندىرىپ، ساقتاندىرۋدى، باقىلاۋ - ولشەۋدى كۇشەيتىپ، كەدەيلەردى سۇيەمەلدەۋ سەركە كاسىپورىندارى مەن كەدەيلەردى سۇيەمەلدەۋ سەحتارىنىڭ جۇمىستى، ءوندىرىستى قالپىنا كەلتىرۋىن جەدەل ىلگەرىلەتىپ، كەدەي ەڭبەككۇشتەردىڭ جاپپاي جۇمىس ورىندارىنا ورالۋىنا كومەكتەسىپ، كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا شىنايى كەپىلدىك ەتۋ كەرەك.

  جەتىنشى، قوعام ورنىقتىلىعىن باتىل، پارمەندى قورعاۋ. ساقتىق دابىلىن ۇزبەي قاعىپ، قاشاندا قىراعى بولىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، تۇبىرىنەن وڭاۋ مەن ۇستىنەن وڭاۋدى قاتار يگەرىپ، جان - جاقتى شارا قولدانىپ، قوعامدىق كەلەلى جاعدايدىڭ باياندى جاراسىمدىلىعىن، ورنىقتىلىعىن ساقتاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ ءۇشىن تاماشا ورتا ازىرلەۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.