اۆتونوميالى رايون «پىكىر» جاريالادى
ىندەتتەن ساقتانۋ - تىزگىندەۋ كەزىندە مۇگەدەكتەرگە كومەكتەسۋ، ولاردى سۇيەمەلدەۋ، قيىنشىلىعىن شەشۋ قىزمەتىن ويداعىداي ىستەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل ناسىر 3 - ايدىڭ 5 - كۇنى ۇرىمجىدەن حابارلايدى. 2 - ايدىڭ 26 - كۇنى اۆتونوميالى رايون «ىندەتتەن ساقتانۋ - تىزگىندەۋ كەزىندە بۇكىل رايونىمىزداعى مۇگەدەكتەرگە كومەكتەسۋ، ولاردى سۇيەمەلدەۋ، قيىنشىلىعىن شەشۋ قىزمەتىن ويداعىداي ىستەۋ، جونىندەگى پىكىردى» جاريالادى. «پىكىر» قامقورلىق جاساۋ - سۇيەمەلدەۋ، ساۋىقتىرۋ قىزمەت وتەۋ، جۇمىستانۋعا كومەكتەسۋ - سۇيەمەلدەۋ، ەڭ تومەنگى شەكتەن تۇسىرمەي قامتاماسىز ەتۋ، ۇيىمدىق باسشىلىقتى شىن مانىندە كۇشەيتۋ سياقتى جاقتاردا كوپ ءتۇرلى كومەكتەسۋ - سۇيەمەلدەۋ شارالارىن اتقارىپ، مۇگەدەكتەرگە كومەكتەسۋ - سۇيەمەلدەۋ، قيىنشىلىعىن شەشۋ قىزمەتىن ىجداعاتتىلىقپەن، سۇيىسپەنشىلىكپەن، كۇش سالا ويداعىداي ىستەدى.
«پىكىردە» مىنالار اتاپ كورسەتىلدى: مەملەكەت مەنشىگىنە قاراستى (مۇگەدەكتەر بىرلەستىگىنىڭ ۇيلەرىن قامتيدى) تيجارات سيپاتتى قورا - جايلاردى جالعا الۋ توقتامىن جاساسقان مۇگەدەكتەردى ساۋىقتىرۋ، تاپسىرىسپەن قاراۋ قۇرىلىمدارىنان، سوقىرلار ۋقالاۋ قۇرىلىمدارىنان، سونداي - اق مۇگەدەكتەردى سۇيەمەلدەۋ سيپاتتى (كومەكتەسۋ سيپاتتى) جۇمىستاندىرۋ قۇرىلىمدارىنان الىناتىن 6 ايلىق ورىندى جالعا الۋ اقىسى كەشىرىم ەتىلەدى؛ ءار دارەجەلى مۇگەدەكتەر بىرلەستىكتەرى ينتەرنەتتە وقىتۋدى بەلسەنە ورىستەتىپ، مۇگەدەكتەردى ساۋىقتىرۋ قۇرىلىمدارىن قىزمەت وتەۋ ۇلگىسىن جاڭالاۋعا شابىتتاندىرىپ جانە وعان قولداۋ كورسەتىپ، ”ساباقتى توقتاتقانمەن، وقۋدى، ۇيرەنۋدى توقتاتپاۋ“ تالابىنا ساي، ءوز دارەجەسىندەگى مۇگەدەك بالالاردى ساۋىقتىرۋ قۇرىلىمدارىنىڭ بەينە جازبا، ينتەرنەت سياقتى ينفورماتسيالىق تاسىلدەردەن تولىق پايدالانىپ، بەينە جازبادا ساۋىقتىرۋ وقىتۋىن جانە ”بىرگە ءبىر“ وتباسىلىق ساۋىقتىرۋعا ءجون كورسەتۋدى ورىستەتۋگە جەتەكشىلىك ەتۋ كەرەك؛ بيىل 3 - ايدىڭ سوڭىنان ىلگەرى جۇمىستانعان، شارۋاشىلىق قۇرعان مۇگەدەكتەرگە بەرىلەتىن تۇرمىستىق قيىنشىلىق قوسىمشا قاراجاتى تۇگەلدەي تاراتىلادى؛ بيىل جىل باسىنان باستاپ مۇگەدەكتەرگە بەرىلەتىن ”2 تۇردەگى قوسىمشا قاراجات“ ولشەمى جەكە - جەكە 20 يۋان جوعارىلاتىلادى، وتباسىندا قيىنشىلىعى بار مۇگەدەكتەر قوسىمشا قاراجاتى مەن سالماقتى مۇگەدەكتەردى كۇتىمدەۋ قوسىمشا قاراجاتى ءار ادامعا اي سايىن 100 يۋاننان بەرىلەدى، جەر - جەر شارتقا ۇيلەسەتىن مۇگەدەكتەرگە ولشەمىن جوعارىلاتىپ تاراتۋ قىزمەتىن ويداعىداي ىستەۋ كەرەك.
