اۆتونوميالى رايوننىڭ كوكتەمگى اۋىل شارۋاشىلىعى ءوندىرىسى قىزمەتى تەلەۆيزور - تەلەفون ءماجىلىسى اشىلدى

ىندەتتەن ساقتانۋ - تىزگىندەۋ مەن كوكتەمگى اۋىل شارۋاشىلىعى ءوندىرىسىن ءبىر تۇتاس جوسپارلاپ ىلگەرىلەتەيىك

　　شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 3 - ايدىڭ 6 - كۇنى ۇرىمجىدەن حابارلايدى. 3 - ايدىڭ 5 - كۇنى تۇستەن كەيىن اۆتونوميالى رايوننىڭ كوكتەمگى اۋىل شارۋاشىلىعى ءوندىرىسى قىزمەتى تەلەۆيزور - تەلەفون ءماجىلىسى اشىلدى. ءماجىلىس باس شۋجي شي جينپيڭنىڭ بۇكىل ەلدىڭ كوكتەمگى اۋىل شارۋاشىلىعى ءوندىرىسى قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن دايەكتىلەندىرىپ، كەزەكتەگى جاعدايدى اقىلداسىپ، تالداۋ جاساپ، كوكتەمگى اۋىل شارۋاشىلىق ءوندىرىسى قىزمەتىن جاپپاي ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.

　　ءماجىلىس مىنالاردى اتاپ كورسەتتى: كوكتەمگى ەگىس ءوندىرىسىن مىقتى يگەرىپ، ەگىن شارۋاشىلىعىنان مول ءونىم الۋ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، جاپپاي دوڭگەلەك داۋلەتتى قوعام ورناتۋ جونىنەن كەلەلى ماڭىز الادى. كەزەكتە ەگىس ۋاقىتى تىعىز، جەر - جەر، تاراۋلار دەرەۋ ارەكەتتەنىپ، جاڭا تيپتى ايدارشا ۆيرۋس وكپە قابىنۋ ىندەتىنەن تۋىنداعان جاڭا جاعدايعا، جاڭا ماسەلەلەرگە بەلسەنە توتەپ بەرىپ، وڭىرگە، دارەجەگە ءبولىپ، پارىقتاندىرا ىندەتتەن ساقتانۋ - تىزگىندەۋ شاراسىن قاتاڭ تياناقتاندىرۋمەن بىرگە، ەگىن شارۋاشىلىعى ءوندىرىسى ءتارتىبىن جاپپاي قالپىنا كەلتىرىپ، كوكتەمگى ەگىن شارۋاشىلىعى وندىرىسىنە بار كۇشپەن ۇيىمداستىرىپ، ەگىس ۋاقىتىن وتكىزبەۋگە شىنايى كەپىلدىك ەتىپ، جازدىق استىقتان مول ءونىم الۋدى قامتاماسىز ەتۋ كەرەك.

　　ءماجىلىس مىنالاردى تالاپ ەتتى: مەملەكەتتىڭ استىق حاۋىپسىزدىگىن قامتاماسىز ەتۋدى ”اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ“ ماڭداي الدى ءىرى ءىسى ەتىپ، استىق ءوندىرىسىن كۇش سالا ورنىقتىرىپ، بۇكىل رايونىمىزدا استىق ەگىلەتىن اۋماقتىڭ بىلتىرعىدان از بولماۋىنا شىنايى كەپىلدىك ەتۋ كەرەك. ماقتا القاپتارىن ورنالاستىرۋدى ساپالىلاندىرىپ، ”ءبىر نەگىز، 2 قوسىمشا“ ەگۋ ۇلگىسىن ىلگەرىلەتىپ، ماقتا ەگۋدەگى، وڭدەۋدەگى، تايلاۋداعى قيىن ماسەلەلەردى شەشىپ، ۇيلەسىمدى مەزگىلدە ەگۋ قاجەت. قۇرىلعىلى اۋىل شارۋاشىلىعى ءوندىرىسىن مىقتى يگەرىپ، جىلۋىن ورلەتىپ، دىمقىلدىعىن ساقتاۋ جانە كوكتەمدە ەرتە باستان قالامشا ەگۋ جۇمىسىن ويداعىداي ىستەپ، كوكونىسپەن ءوزىن - ءوزى قامداۋ قۋاتىن جوعارىلاتۋ ءتيىس. جەمىس ورمانىن كوكتەمگى باپتاۋ شاراسىن جىلدام تياناقتاندىرىپ، كوكتەمدە سۋارۋدى، تىڭايتقىش بەرۋدى باسقارۋ، ءجيى ەگىلگەن، ءونىمى تومەن جەمىس باقتارىن جاڭالاۋ، جەمىس اعاشتارىن تۇزەۋ، بۇتاۋ سياقتى جۇمىس اياق الىسىن جەدەلدەتىپ، ساپاسىن ءوسىرىپ، ونىمدىلىگىن ارتتىرۋ نەگىزىن بەكەمدەۋ كەرەك. ماسەلەنى باعدار ەتۋگە تاباندى بولىپ، مال شارۋاشىلىعى ءوندىرىسىن باسقارۋدى مىقتى يگەرىپ، كوكتەۋلىككە كوشۋ مەن كوكتەمگى ءتول الۋدى عىلمي ورنالاستىرىپ، جەم - ءشوپ ەگۋدى الدىن الا جوبالاپ، مال شارۋاشىلىعى ونىمدەرىن ءوندىرۋدى ورنىقتىرىپ، قامداۋعا كەپىلدىك ەتۋدى مىقتى يگەرىپ، مال شارۋاشىلىعىنىڭ ورنىقتى، اقاۋسىز دامۋىن ىلگەرىلەتۋ كەرەك.

　　ءماجىلىس مىنالاردى تالاپ ەتتى: ءتاسىلدى جاڭالاپ، كوكتەمگى اۋىل شارۋاشىلىعى عىلىم - تەحنيكالىق قىزمەت وتەۋىنە ويداعىداي ۇيىمداستىرىپ، اۋىل شارۋاشىلىعى تەحنيكتەرىن ءوندىرىستىڭ ءبىرىنشى شەبىنە بارىپ، شارۋالاردىڭ ءوندىرىس تەحنيكاسىنداعى قيىن ماسەلەلەردى شەشۋىنە كومەكتەسۋگە ۇيىمداستىرۋ كەرەك. ءبىر تۇتاس جوسپارلاپ سايكەستىرۋدى كۇشەيتىپ، اۋىل شارۋاشىلىق ءوندىرىسى قۇرال - جابدىقتارى كاسىپورىندارى قىزمەتكەرلەرىنىڭ جۇمىس ورنىنا قايتا ورالۋىنا كومەكتەسىپ، اۋىل شارۋاشىلىق قۇرال - جابدىقتارى كاسىپورىندارىنىڭ جۇمىستى، ءوندىرىستى تەز ارادا قالپىنا كەلتىرۋىن ءونىمدى ىلگەرىلەتىپ، اۋىل شارۋاشىلىق قۇرال - جابدىقتارى تيجاراتشىلارىن تيجارات باستاۋعا تارتىپپەن ۇيىمداستىرىپ، كاسىپ تىزبەگىنىڭ جوعارى، اياققى بۋىندارىن جانە اۋىل شارۋاشىلىق قۇرال - جابدىقتارىنىڭ قىستاقتارعا، وتباسىلارعا جەتۋىنىڭ ەڭ سوڭعى ءبىر كيلومەترىن اشىپ، اۋىل شارۋاشىلىعى قۇرال - جابدىقتارىنىڭ قالىپتى وندىرىسىنە، ءونىمدى قامداۋىنا شىنايى كەپىلدىك ەتۋ قاجەت. اۋىل شارۋاشىلىعى قۇرال - جابدىقتارى بازارىن باقىلاۋ - باسقارۋدى كۇشەيتىپ، اۋىل شارۋاشىلىعى قۇرال - جابدىقتارىنا ساياتىن زاڭعا قايشى قىلمىستىق ارەكەتتەرگە زاڭ بويىنشا قاتاڭ، اۋىر سوققى بەرىپ، شارۋا قاۋىمىنىڭ ءتول مۇددەسىن قورعاۋ ءتيىس. اۋا رايى اپاتىن باقىلاۋ - تەكسەرۋدى كۇشەيتىپ، ەگىس داقىلدارى دەرت - دەربەزدەرىنەن جانە حايۋاناتتار ىندەتىنەن ساقتانۋ - تىزگىندەۋ قىزمەتىن مىقتى يگەرىپ، ەرتە بايقاۋ، ەرتە ساقتاندىرۋ، ەرتە ءبىر جاقتى ەتۋ كەرەك. كوكتەمدە كۇن جىلىنعان ءتيىمدى ءساتتى يگەرىپ، سۋ يگىلىگى ينجەنەريالىق قۇرىلىستارىنىڭ تارتىپپەن جۇمىس باستاۋىن دەر كەزىندە ىلگەرىلەتىپ، كوكتەمگى ەگىستى سۋمەن قامتاماسىز ەتۋدى كۇشەيتىپ، ەگىن شارۋاشىلىعىنان مول ءونىم الۋعا مىعىم نەگىز قالاۋ كەرەك.

　　ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋ جانە اۋىل شارۋاشىلىعى ءوندىرىسى سياقتى ءتۇرلى قىزمەتتەردى ءبىر تۇتاس جوسپارلاپ ىلگەرىلەتىپ، ۇيىمدىق باسشىلىقتى نىعايتىپ، قىزمەت جاۋاپكەرشىلىگىن ناقتىلاندىرىپ، ساياسات جاعىنان سۇيەمەلدەۋدى، تياناقتاندىرۋدى كۇشەيتىپ، ءتۇرلى نىسانا - مىندەتتىڭ ناقتاپ تياناقتانۋىن، ناقتى ونىمدىلىككە قول جەتكىزۋىن شىنايى ىلگەرىلەتۋ كەرەك.

　　اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قۇمىل بولىمشە ءماجىلىس ورنىندا ءماجىلىستى باسقاردى.

　　اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ، قازىنا مەڭگەرمەسىنىڭ، قامداۋ - ساۋدا كووپەراتيۆىنىڭ، امانات - قارىز بىرلەسكەن كووپەراتيۆىنىڭ جانە قاشقار ايماعىنىڭ، تۇرپان قالاسىنىڭ جاۋاپتى جولداستارى پىكىر اۋىستىرىپ، ءسوز سويلەدى.