تيانشان تورى   ›   جاڭالىقتار   ›   ماڭىزدى حابارلار

شي جينپيڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە بىلاي دەپ باسا دارىپتەدى

جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن باتىل جەڭۋ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك

ۋاڭ ياڭ باسقاردى

  3 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىنە قاتىناستى ءارى ماڭىزدى ءسوز سويلەدى.  سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى بەيجيڭدە كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىنە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: 2020 - جىلعا جەتكەندە قازىر اتقارىلىپ وتىرعان ولشەمنەن تومەنگى اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتۋ − پارتيا ورتالىق كوميتەتىنىڭ بۇكىل ەل حالقىنا بەرگەن ايبىندى ۋادەسى، ونى، ءسوز جوق، دەر كەزىندە جۇزەگە اسىرۋ كەرەك. بۇل قاتاڭ شايقاس، نەعۇرلىم سوڭىنا تاياعان سايىن بۇل ارقاۋدى سولعۇرلىم مىقتى ۇستاۋ كەرەك، كىدىرۋگە بولمايدى، بەيعامدىققا سالىنۋعا بولمايدى، بوساڭسۋعا بولمايدى. ءار دارەجەلى پارتكومدار مەن ۇكىمەتتەر اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، قايسارلىقپەن كۇرەس جۇرگىزىپ، اناعۇرلىم زور بەكىم، اناعۇرلىم پارمەندى تەبىن ارقىلى كەدەيلىكتەن ارىلتۋدان قامال الۋدى ىلگەرىلەتىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن باتىل جەڭىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزىپ، جۇڭحۋا ۇلتى جونىنەن، ادامزات جونىنەن كەلەلى ماڭىز الاتىن وسى ۇلى ءىستى باتىل ورىنداۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ اڭگىمە ءماجىلىستى باسقاردى.

  اڭگىمە ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ولكە، اۆتونوميالى رايون، قالالاردا جانە شينجياڭ ءوندىرىس - قۇرىلىس بيڭتۋانىندا، سونداي - اق ورتا، باتىس بولىكتەگى 22 ولكە، اۆتونوميالى رايون، قالاعا قاراستى (ايماق، وبلىس، امىك)، اۋداندا (قالا، رايون، حوشۇن) بولىمشە ءماجىلىس الاڭى ورنالاستىرىلدى. ءارقايسى ولكە، اۆتونوميالى رايون، قالالار جازباشا ءسوز ۇسىندى. يۇننان نۋجياڭ وبلىستىق پارتكومنىڭ شۋجيى نا يۇندى، شينجياڭ حوتان ايماقتىق پارتكومنىڭ شۋجيى ياڭ فاسىن، حىنان لانكاۋ اۋداندىق پارتكومنىڭ شۋجيى ساي سۇڭتاۋ، گۋاڭشي داحۋا اۋداندىق پارتكومنىڭ شۋجيى ياڭ لۇڭۋىن، گۇيجوۋ حىجاڭ اۋداندىق پارتكومنىڭ شۋجيى ليۋ جيانپيڭ بەينە جازبا ءماجىلىس جۇيەسى ارقىلى ارت - ارتىنان ءسوز سويلەدى.

  كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: بۇل رەتكى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ءماجىلىسى − پارتيا 18 - قۇرىلتايىنان بەرگى كەدەيلىكتەن ارىلتۋدان قامال الۋ جاعىنداعى كولەمى ەڭ زور ءماجىلىس. ءماجىلىستىڭ باستى مىندەتى: كەزەكتەگى جاعدايعا تالداۋ جاساپ، بۇكىل پارتيانىڭ، بۇكىل ەلدىڭ، بۇكىل قوعامنىڭ كۇشىن اتتانىسقا كەلتىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە زەيىن - زەردەنى، كۇش - قۋاتتى ۇيىستىرا قول جەتكىزىپ، كەدەيلىكتەن ارىلتۋدان قامال الۋ نىسانا - مىندەتتەرىن دەر كەزىندە ورىنداۋعا شىنايى كەپىلدىك ەتۋ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيانىڭ، بۇكىل ەلدىڭ، بۇكىل قوعامنىڭ ورتاق قۇلشىنىسىندا ەلىمىز كەدەيلىكتەن ارىلتۋدان قامال الۋدا شەشۋشى سيپاتتى تابىستارعا قول جەتكىزدى. كەدەيلىكتەن ارىلتۋدان قامال الۋ نىسانا - مىندەتتەرى ورىندالۋعا تايادى، كەدەي جان سانى 2012 - جىلدىڭ سوڭىنداعى 98 ميلليون 990 مىڭ ادامنان ازايىپ 2019 - جىلدىڭ سوڭىنا كەلگەندە 5 ميلليون 510 مىڭ ادامعا ءتۇستى، كەدەيلىكتىڭ تۋىلۋ سالىستىرماسى %10.2تەن %0.6كە تومەندەدى، وڭىرلىك سيپات العان جالپى بەتتىك كەدەيلىك نەگىزىنەن شەشىلدى. كەدەي بۇقارانىڭ كىرىس دەڭگەيى زور مولشەردە جوعارىلادى، كەدەيلىكتەن ءوز كۇشىنە سۇيەنىپ ارىلۋ قابىلەتى ورنىقتى جوعارىلادى، كەدەي بۇقارانى ”ەكىدەن تارىقتىرماۋدىڭ“ ساپا دەڭگەيى كورنەكتى ءوستى، ”ءۇشتى قامتاماسىز ەتۋدەگى“ كورنەكتى ماسەلەلەر جالپى جاقتان شەشىلدى. كەدەي وڭىرلەردىڭ نەگىزگى ءوندىرىس، تۇرمىس شارت - جاعدايى كورنەكتى جاقساردى، بۇقارانىڭ ءجۇرىس - تۇرىس قيىنشىلىعى، ەلەكتردەن پايدالانۋ قيىنشىلىعى، مەكتەپكە ءتۇسۋ قيىنشىلىعى، اۋرۋ كورسەتۋ قيىنشىلىعى، حابارلاسۋ قيىنشىلىعى سياقتى ۇزاق ۋاقىت شەشىلمەي كەلگەن كونە، ۇلكەن، قيىن ماسەلەلەر جاپپاي شەشىلدى، مىندەتتى وقۋ - اعارتۋ، نەگىزگى ەمدەۋ، تۇرعىن ءۇي حاۋىپسىزدىگى قامتاماسىز ەتىلدى. كەدەي وڭىرلەردىڭ ەكونوميكالىق، قوعامدىق دامۋى كورنەكتى تەزدەدى، نەگىزگى الەۋمەتتىك قىزمەت وتەۋ كۇن سايىن كەمەلدەندى، كەدەيلىكتى جونگە سالۋ قابىلەتى كورنەكتى جوعارىلادى، نەگىزگى ساتى ۇيىمدارى كۇشەيدى، نەگىزگى ساتى كادرلارىنىڭ قابىلەتى كورنەكتى جوعارىلادى. بيىل كەدەيلىكتەن ارىلتۋدان قامال الۋ مىندەتى ورىندالعان سوڭ، ەلىمىز بىرلەسكەن مەملەكەتتەر ۇيىمىنىڭ 2030 - جىلعى باياندى دامۋ كەڭەستىك تارتىبىندەگى كەدەيلىكتى ازايتۋ نىساناسىن مەرزىمىنەن 10 جىل بۇرىن جۇزەگە اسىراتىن بولادى، دۇنيە جۇزىندە ەشقانداي ءبىر مەملەكەت وسىنداي قىسقا ۋاقىت ىشىندە وسىنشاما كوپ ادامنىڭ كەدەيلىكتەن ارىلۋىنا كومەكتەسە العانى جوق، بۇل جۇڭگو جونىنەن جانە دۇنيە ءجۇزى جونىنەن العاندا دا كەلەلى مانگە يە.

  شي جينپيڭ بىلاي دەپ باسا دارىپتەدى: ءبىز كەدەيلىكتەن ارىلتۋدان قامال الۋ سالاسىندا بۇرىن بولماعان تابىستارعا قول جەتكىزىپ، جۇڭگو كوممۋنيستىك پارتياسىنىڭ باسشىلىعى مەن ەلىمىز سوتسياليستىك ءتۇزىمىنىڭ ساياسي ابزالدىلىعىن ايگىلەدىك. وسى ناتيجەلەرگە قول جەتكىزۋگە بۇكىل پارتيانىڭ، بۇكىل ەلدەگى ءار ۇلت حالقىنىڭ اقىل - پاراساتى مەن قاجىرلى ەڭبەگى سىڭگەن، قالىڭ كادرلار مەن بۇقارانىڭ تىڭعىلىقتى ىستەۋىنىڭ ارقاسىندا قولعا كەلگەن. شي جينپيڭ پارتيا ورتالىق كوميتەتى اتىنان كەدەيلىكتەن ارىلتۋدان قامال الۋ شايقاسى شەبىندەگى قالىڭ جولداستارعا شىنايى سالەم جولدادى.

  شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋ شايقاسىنىڭ جەڭىسىنە جەڭىل - جەلپى اتتان سالۋمەن قانا قول جەتكىزە سالۋعا كەلمەيدى، ءسوز جوق، ءدوپ كەلگەن قيىنشىلىقتار مەن سىن - سايىستارعا باسا ءمان بەرۋ كەرەك. كەدەيلىكتەن ارىلتۋدان قامال الۋدىڭ ەندى قالعان مىندەتتەرى وراسان جاپالى، جاڭا تيپتى ايدارشا ۆيرۋس وكپە قابىنۋ ىندەتى جاڭا سىن - سايىس الا كەلدى، كەدەيلىكتەن ارىلتۋ تابىستارىن بەكەمدەۋدىڭ قيىندىق دارەجەسى وتە زور، ءىشىنارا كەدەي بۇقارانىڭ دامۋ ىشكى قوزعاۋشى كۇشى جەتكىلىكسىز، كەدەيلىكتەن ارىلتۋدان قامال الۋ قىزمەتىن كۇشەيتۋگە تۋرا كەلەدى. بيىل − كەدەيلىكتەن ارىلتۋدان قامال الۋ شايقاسىنىڭ ەڭ سوڭعى ءبىر جىلى، اياقتالاتىن جىلدا تاعى ىندەتتىڭ ىقپالىنا ۇشىراپ وتىرمىز، ءتۇرلى قىزمەت مىندەتى اناعۇرلىم اۋىرلاپ، تالاپ اناعۇرلىم جوعارىلادى. وڭىرلەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي ويداعىداي تياناقتاندىرىپ، كەدەيلىكتەن ارىلتۋدان قامال الۋ نىساناسى مەن مىندەتىن دەر كەزىندە ورىنداۋعا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: نازاردى ”ءۇش رايون، ءۇش وبلىس“ سياقتى اۋىر كەدەي وڭىرلەرگە ۇزدىكسىز شوعىرلاندىرىپ، كەدەيلىكتەن ارىلتۋدان قامال الۋ جوباسىن تياناقتاندىرىپ، كورنەكتى ماسەلەلەر مەن ءالسىز بۋىنداردى كوزدەي وتىرىپ، ساياساتتىڭ تياناقتانۋىن مىقتى يگەرىپ، قامال الىپ، قيىندىقتى جەڭىپ، مىندەتتى ورىنداۋ كەرەك. كەدەيلىك قالپاعى الىنباعان 52 كەدەي اۋدان مەن 1113 كەدەي قىستاقتا شايقاستى اشىق - اشكەرە باقىلاۋى، مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسى شىنداپ كىرىسىپ قاتاڭ باقىلاۋى، ءارقايسى ولكە، اۆتونوميالى رايون، قالالار شايقاسقا زەيىن - زەردەنى، كۇش - قۋاتتى ۇيىستىرىپ، ەڭ سوڭعى ماشاقاتتى تۇيىندەردى شەشۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“ تابىستارىن بەكەمدەپ، قايتالاي بەلەڭ بەرۋىنەن ساقتانۋ كەرەك. ەڭبەك قابىلەتى جوق ەرەكشە كەدەي حالىقتى قوعامدىق قامتاماسىزداندىرۋمەن تولىق قامتۋدى كۇشەيتىپ، قامتاماسىز ەتىلۋگە تيىستىلەرىن مۇمكىندىكتىڭ بارىنشا قامتاماسىز ەتۋ كەرەك.

  شي جينپيڭ بىلاي دەپ اتاپ كورسەتتى: وڭىرگە، دارەجەگە ءبولىپ دالمە - ءدال ساقتانۋ - تىزگىندەۋ تاكتيكاسىن تياناقتاندىرىپ، ىندەت ىقپالىن قۇلشىنا جەڭۋ كەرەك. ىندەت جاعدايى اۋىر وڭىرلەر ىندەتتەن ساقتانۋ - تىزگىندەۋدى ءتۇيىندى تۇردە جاقسى ىستەۋمەن بىرگە، قىزمەت تاسىلىنە جاڭالىق ەنگىزىپ، ىندەتتەن ساقتانۋ - تىزگىندەۋدى جانە كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتۋ كەرەك. ىندەت تۋىلماعان نەمەسە ىندەت جاعدايى ءبىرشاما جەڭىل وڭىرلەر زەيىن - زەردەنى شوعىرلاندىرىپ، كەدەيلىكتەن ارىلتۋدان قامال الۋدى جەدەل ىلگەرىلەتۋ كەرەك. كەدەي ەڭبەككۇشتەردىڭ جۇمىس ىستەپ كاسىپتەنۋىنە الدىمەن قولداۋ كورسەتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋى، كەلەلى نىسانداردىڭ جۇمىس باستاۋ، زات اينالىمى جۇيەسى قۇرىلىسى سياقتى جاقتاردا كەدەي ەڭبەككۇشتەردى الدىمەن ۇيىمداستىرىپ جانە ىستەتىپ، كاسىپورىنداردى كەدەي وڭىرلەردەگى، اسىرەسە، ارحيۆ تۇرعىزىلىپ، كارتچكالاندىرىلعان كەدەي وتباسىنداعى ادامداردى جۇمىسقا كوبىرەك قابىلداۋعا ىنتالاندىرىپ، شىعىس، باتىس بولىكتەردىڭ كەدەيلەردى سۇيەمەلدەۋ سەلبەستىگىندە ”ءتۇيىن مەن ءتۇيىندى ۇشتاستىرۋ“ ارقىلى كەدەي ەڭبەككۇشتەردىڭ جەدەل تۇردە تارتىپپەن جۇمىس ورىندارىنا ورالۋىنا كومەكتەسۋ كەرەك. تۇرلەرگە ءبولىپ شارا اتقارىپ، ىندەت تۋىلماعان وڭىرلەر جۇمىس ىستەيتىن ادامداردى جەتكىزۋ - قابىلداۋ قىزمەتىنىڭ سەرپىنىن ارتتىرۋ كەرەك. كەدەيلەردى سۇيەمەلدەۋگە قاتىستى ەگىن، مال شارۋاشىلىق ونىمدەرىنىڭ ساتىلماي قالۋ ماسەلەسىن شىن مانىندە شەشىپ، ءوندىرۋ مەن ساتۋدى ۇشتاستىرۋدى ويداعىداي ۇيىمداستىرىپ، تۇتىنۋ ارقىلى كەدەيلەردى سۇيەمەلدەۋ ارەكەتىن ورىستەتىپ، ينتەرنەتتەن پايدالانىپ ساتۋ ارناسىن كەڭەيتىپ، اۋىل شارۋاشىلىق ونىمدەرىنىڭ ساتىلۋى قيىن بولۋ ماسەلەسىن كوپ ارنامەن شەشۋ كەرەك. كەدەيلەردى سۇيەمەلدەۋ كاسىپ سالاسىنىڭ ءوندىرىستى قالپىنا كەلتىرۋىنە قولداۋ كورسەتىپ، اۋىل شارۋاشىلىعى ماتەريالدارىمەن قامداۋ سياقتى كوكتەمگى ەگىس دايىندىعى قىزمەتىن ويداعىداي ىستەپ، كاسىپ سالاسىنىڭ كومەكتەسۋ - سۇيەمەلدەۋ قارجىسىنان جانە كەدەيلەردى سۇيەمەلدەۋ شاعىن سومالى امانات - قارىز ساياساتىنان جاقسى پايدالانىپ، كەدەيلەردى سۇيەمەلدەۋ كاسىپ سالاسىنىڭ ۇزدىكسىز دامۋىن جەبەۋ كەرەك. كەدەيلەردى سۇيەمەلدەۋ نىساندارىنىڭ جۇمىس باستاۋىن، جۇمىستى قالپىنا كەلتىرۋىن جەدەلدەتىپ، قونىس جاڭالاۋدىڭ سايكەستى قۇرىلعىلارى قۇرىلىسىن، تۇرعىن ءۇي جانە اۋىز سۋ حاۋىپسىزدىگى سوڭعى ينجەنەريا مىندەتتەرىن الدىڭعى جارتى جىلدا تۇگەلدەي ورىنداپ بولۋ كەرەك. ىندەت جاعدايى سەبەبىنەن كەدەيلەسكەن، قايتا كەدەيلەسكەن حالىققا كومەكتەسۋدى جانە ولاردى سۇيەمەلدەۋدى جاقسى ىستەپ، قامتاماسىز ەتۋمەن تولىق قامتۋ سياقتى كومەكتەسۋ - سۇيەمەلدەۋ شارالارىن دەر كەزىندە ويداعىداي تياناقتاندىرىپ، ولاردىڭ نەگىزگى تۇرمىسىنىڭ ىقپالعا ۇشىراماۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: كوپ شارالاردى قاتار قولدانىپ جەتىستىكتەردى بەكەمدەپ، جۇمىستاندىرۋ ارقىلى كەدەيلەردى سۇيەمەلدەۋ سەرپىنىن ارتتىرىپ، ەڭبەككۇش شىعاراتىن جەرلەر مەن قابىلدايتىن جەرلەردىڭ دالمە - ءدال ۇشتاسۋىن كۇشەيتىپ، جۇمىس ورىندارىن ورنىقتىرىپ، جۇمىس ورىندارىن كەڭەيتىپ، كەدەيلەردى سۇيەمەلدەۋ باستاماشى كاسىپورىندارىنىڭ، كەدەيلەردى سۇيەمەلدەۋ سەحتارىنىڭ جۇمىستى جەدەل قالپىنا كەلتىرۋىنە قولداۋ كورسەتىپ، كەدەيلەردى جەتەكتەۋ قابىلەتىن جوعارىلاتىپ، الەۋمەتتىك يگىلىك جۇمىس ورىندارىنان پايدالانىپ جاقىن ماڭدا، سول جەردە جۇمىستانۋعا اناعۇرلىم كوپ وراي ازىرلەۋ كەرەك. كاسىپ سالاسى ارقىلى كەدەيلەردى سۇيەمەلدەۋ سەرپىنىن ارتتىرىپ، ەگىمشىلىك، باعىمشىلىق كاسىپتەرىنىڭ دامۋىن ۇزاق ۋاقىت جەتىلدىرۋگە جانە ونى قولداۋعا باسا ءمان بەرىپ، كەدەيلەردى سۇيەمەلدەۋ شاعىن سومالى امانات - قارىز بەرۋگە ۇزدىكسىز تاباندى بولىپ، كەدەيلەردى سۇيەمەلدەۋگە بايلانىستى قونىس جاڭالاۋدان كەيىنگى سۇيەمەلدەۋ سەرپىنىن ارتتىرىپ، ورنىعۋىنا، جۇمىستانۋىنا، بىرتىندەپ بايۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋ ساياساتىنىڭ تۇراقتىلىعىن ساقتاپ، كەدەيلىك تىزىمىنەن شىعارىلعان كەدەي اۋداندار، كەدەي قىستاقتار، كەدەي حالىق جونىنەن قازىرگى كومەكتەسۋ - سۇيەمەلدەۋ ساياساتىنىڭ جالپىلىق تۇراقتىلىعىن ساقتاپ، دەمەپ جىبەرۋ، جەبەپ جىبەرۋ كەرەك. وتپەلى كەزەڭدە قالپاق الىنعانمەن جاۋاپكەرشىلىكتى تاستاماۋ، قالپاق الىنعانمەن ساياساتتى توقتاتپاۋ، قالپاق الىنعانمەن كومەكتەسۋ - سۇيەمەلدەۋدى توقتاتپاۋ، قالپاق الىنعانمەن باقىلاۋ - باسقارۋدى توقتاتپاۋ تالابىن قاتاڭ تياناقتاندىرىپ، باستى ساياسات - شارالاردى دەرەۋ توقتاتپاۋ، قىستاقتا تۇراتىن قىزمەت اترەتىن قايتارىپ اكەتپەۋ كەرەك. قايتا كەدەيلەسۋدەن ساقتانۋدى باقىلاۋ - ساراپتاۋ جانە كومەكتەسۋ - سۇيەمەلدەۋ مەحانيزمىن جەدەل ورناتىپ، كەدەيلىكتەن ارىلۋى ورنىقتى بولماعان وتباسىلاردى، كەدەيلەسۋگە تاياپ تۇرعان، وڭاي كەدەيلەسەتىن وتباسىلاردى، سونداي - اق ىندەت جاعدايىنان نەمەسە باسقا دا سەبەپتەرمەن كىرىسى كۇرت ازايعان ياكي شىعىسى كۇرت ارتقان وتباسىلاردى باقىلاۋ - ساراپتاۋدى كۇشەيتىپ، باعىتتامالى كومەكتەسۋ - سۇيەمەلدەۋ شارالارىن الدىن الا قولدانۋ كەرەك.

  شي جينپيڭ بىلاي دەپ باسا دارىپتەدى: باعالاۋدى قاتايتىپ جاپپاي تەكسەرۋ ورىستەتىپ، تىزىمنەن شىعارۋ وتكەلىن قاتاڭ يگەرىپ، ساندى مالىمەتتىك كەدەيلىكتەن ارىلتۋدى، كەدەيلىكتەن جالعان ارىلتۋدى باتىل تيۋ كەرەك. قۋزاپ تەكسەرۋ، شارلاپ تەكسەرۋ ورىستەتىپ، ۇدايىلانعان قۋزاۋ - جەتەكشىلىك ەتۋدى كۇشەيتىپ، كەدەيلىكتەن ارىلتۋدان قامال الۋ ناتيجەسىن باعالاۋدى ۇزدىكسىز ورىستەتىپ، وڭىرلەردىڭ كەدەيلىكتەن ارىلتۋدان قامال الۋ ناتيجەسىن جاپپاي تەكسەرىپ، تاريح پەن حالىقتىڭ سىنىنان سۇرىنبەي وتۋگە شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: كەدەيلىكتەن ارىلىپ قالپاقتى الىپ تاستاۋ − سوڭعى كومبە ەمەس، قايتا تىڭ تۇرمىستىڭ، تىڭ كۇرەستىڭ باستاماسى. جاپپاي كەدەيلىكتەن ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن ۇزدىكسىز ىلگەرىلەتىپ، كەدەيلىكتى ازايتۋ ستراتەگياسى مەن قىزمەت جۇيەسىنىڭ ورنىقتى تۇردە تيپ وزگەرتۋىن ىلگەرىلەتىپ، ونى اۋىل - قىستاقتى گۇلدەندىرۋ ستراتەگياسىنا ءبىر تۇتاس جوسپارلاپ قامتىپ، ۇزاق مەرزىم مەن قىسقا مەرزىم بىرلەستىرىلگەن، ۇستىنەن وڭاۋ مەن تۇبىرىنەن وڭاۋ قاتار يگەرىلگەن ءتۇزىلىس - مەحانيزمىن ورناتۋ كەرەك. جالپىلاي ايتقاندا، دامۋى كەنجە وڭىرلەر مەن اۋىل - قىستاقتاعى تومەن كىرىستى حالىقتىڭ دامۋىنىڭ ىشكى قوزعاۋشى كۇشىن قاۋلاتۋعا ءتيىمدى بولۋ، دالمە - ءدال سۇيەمەلدەۋدى اتقارۋعا ءتيىمدى بولۋ، ورتاق بايۋدى بىرتىندەپ جۇزەگە اسىرۋدى جەبەۋ كەرەك.

  شي جينپيڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋ نەعۇرلىم سوڭىنا تاياعان سايىن پارتيانىڭ باسشىلىعىن سولعۇرلىم كۇشەيتۋ جانە جاقسارتۋ كەرەك. ءار دارەجەلى پارتكومدار (پارتيا باسشىلىق گرۋپپاسى)، ءسوز جوق، قىزمەتىن اتقارىپ، جاۋاپكەرشىلىگىن ادا ەتىپ، بورىشىن وتەۋى كەرەك. ورتالىق قازىنا كەدەيلەردى سۇيەمەلدەۋ ارنايى قارجىسىنىڭ كولەمىن ۇزدىكسىز ارتتىرۋى، ءار دارەجەلى قازىنالار دا كەدەيلىكتەن ارىلتۋدان قامال الۋدىڭ قارجىلىق سۇرانىسىنا كەپىلدىك ەتۋى كەرەك. قازىنانىڭ اۋىل شارۋاشىلىعىنا ساياتىن قارجىلارىن بىرىكتىرۋ سەرپىنىن ارتتىرىپ، كەدەيلەردى سۇيەمەلدەۋ قارجىلارىن باقىلاۋ - باسقارۋدى كۇشەيتىپ، قارجىنىڭ پايدالانىلۋ ونىمدىلىگى مەن تيىمدىلىگىن جوعارىلاتۋ كەرەك. كەدەيلىكتەن ورنىقتى ارىلعان وڭىرلەردەگى جەر - جەردىڭ كەدەيلەردى سۇيەمەلدەۋ ارنايى قارجىسىن ءبىر تۇتاس جوسپارلاپ ورنالاستىرىپ، كەدەي ەمەس اۋداندارداعى، كەدەي ەمەس قىستاقتارداعى كەدەي حالىقتىڭ كەدەيلىكتەن ارىلۋىن قولداۋىنا بولادى. شىعىس، باتىس بولىكتەردىڭ كەدەيلەردى سۇيەمەلدەۋ سەلبەستىگىن جانە ورتالىق مەكەمە - ورىندارىنىڭ ءتۇيىندى تۇردە كەدەيلەردى سۇيەمەلدەۋىن تەرەڭدەتىپ، ورتا، باتىس بولىكتەردەگى وڭىرلەردىڭ ىندەت جاعدايىنىڭ كەدەيلىكتەن ارىلتۋدان قامال الۋعا جاساعان ىقپالىن تومەندەتۋىنە كومەكتەسۋ كەرەك. مەملەكەتتىڭ وڭىرلىك دامۋ جالپى تۇلعالىق ستراتەگياسىن تياناق ەتىپ، وڭىرلىك سەلبەستىكتى تەرەڭدەتىپ، شىعىس بولىكتەگى كاسىپ سالالارىنىڭ باتىس بولىككە قاراي ساتىلى ويىسۋىن ىلگەرىلەتىپ، كاسىپ سالالارىنىڭ ءوزارا تولىقتاۋىن، قىزمەتكەرلەردىڭ ءوزارا ىقپالداستىعىن، تەحنيكانى ءوزارا ۇيرەنۋدى، كوزقاراستاردىڭ ءوزارا توعىسۋىن، ستيلدە ءوزارا ۇلگى الۋدى جۇزەگە اسىرىپ، بىرگە دامۋ كەرەك.

  شي جينپيڭ بىلاي دەپ اتاپ كورسەتتى: كەدەيلەردى سۇيەمەلدەۋ سالاسىنداعى ستيل قۇرىلىسىن كۇشەيتىپ، فورماشىلدىققا، تورەشىلدىككە باتىل قارسى تۇرىپ، نەگىزگى ساتىنىڭ اۋىرتپالىعىن جەڭىلدەتىپ، قىزمەت، تۇرمىس، حاۋىپسىزدىك سياقتى ءار جاقتاعى قامتاماسىزداندىرۋدى ويداعىداي ىستەپ، نەگىزگى ساتىداعى كەدەيلەردى سۇيەمەلدەۋ كادرلارىنىڭ ىندەتتەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ قىزمەتىنە الاڭسىز كىرىسۋىنە مۇمكىندىك جاساۋ كەرەك. كەدەيلىكتەن ارىلتۋدان قامال الۋ بويىنشا كادرلاردى باۋلۋدى كۇشەيتىپ، قىستاقتا تۇرۋعا جاڭادان تاڭداپ جىبەرىلگەن كادرلار مەن جاڭادان تاعايىندالعان اۋىل - قىستاق كادرلارىن تۇگەلدەي ءبىر كەزەك باۋلۋدان وتكىزۋگە شىنايى كەپىلدىك ەتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ قابىلەتىن كۇشەيتۋ كەرەك.

  ۋاڭ ياڭ ءماجىلىس باسقارعاندا مىنالاردى ءبىلدىردى: باس شۋجي شي جينپيڭ ماڭىزدى سوزىندە كەدەيلىكتەن ارىلتۋدان قامال الۋدا قول جەتكەن ناتيجەلەردى تولىق تۇراقتاندىرىپ، كەدەيلىكتەن ارىلتۋدان قامال الۋدا ءدوپ كەلگەن جاعدايلارعا ىشكەرىلەي تالداۋ جاساپ، پارتيانىڭ كەدەيلىكتەن ارىلتۋدان قامال الۋعا باسشىلىعىن كۇشەيتۋ، كەدەيلىكتەن ارىلتۋدان قامال الۋ نىسانا - مىندەتىن جوعارى ساپامەن ورىنداۋ جونىندە ايقىن تالاپ قويدى، بۇل وتە كۇشتى جەتەكشىلىك سيپاتقا جانە باعىتتامالىق سيپاتقا يە بولىپ، بۇكىل پارتيانىڭ، بۇكىل قوعامنىڭ كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە جەتۋ سەنىمىن، بەكىمىن ونان ارى نىعايتتى. وڭىرلەر، تاراۋلار باس شۋجي شي جينپيڭنىڭ ماڭىزدى ءسوزىن مۇقيات ۇيرەنىپ، ءتۇسىنىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋدىڭ ماڭىزدىلىعىن، جاپالىلىعىن، كوكەي تەستىلىگىن جەتە تانىپ، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا جانە قىزمەت تالابى بويىنشا ولشەمگە، ۇلگىگە تۋرالانىپ، بيلىعى قىزمەت مىندەتتەرىن جاپپاي ءبىر - بىرلەپ تەكسەرىپ سالالاپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، نىسانانى باعدار ەتۋگە، ماسەلەنى باعدار ەتۋگە جانە ناتيجەنى باعدار ەتۋگە تاباندى بولىپ، جۇمىس مەرزىمىن قىسقارتىپ ورنالاستىرىپ، كۇش سالا ىلگەرىلەتىپ، جاۋاپكەرشىلىكتى ساتىلار بويىنشا ناقتىلاندىرىپ، دارەجەلەر بويىنشا قىسىم بەرىپ، ءىس جۇزىندىكپەن بىرلەستىرىپ قىزمەتتى جاسامپازدىقپەن ورىستەتىپ، كەدەيلىكتەن ارىلتۋدان قامال الۋ مىندەتىن دەر كەزىندە جوعارى ساپامەن ورىنداۋعا شىنايى كەپىلدىك ەتىپ، پارتيا مەن حالىققا تولىمدى جاۋاپ بەرۋىمىز كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءبىر ءبولىم مۇشەلەرى، ورتالىق كوميتەت شۋجيچۋىنىڭ ءبىر ءبولىم شۋجيلارى اڭگىمە ماجىلىسكە قاتىناستى. مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنا مۇشە ورىندارداعى قاتىستى جاۋاپتى جولداستار اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.