تيانشان تورى   ›   جاڭالىقتار   ›   شينجياڭ حابارلارى

بۇكىل رايونداعى قالىڭ پارتيا مۇشەلەرى ۇزدىكسىز جابال جىلۋ اتاپ، مەيىر جەتكىزدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 3 - ايدىڭ 7 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ۇندەۋىنە ءۇن قوسقان بۇكىل رايونداعى قالىڭ پارتيا مۇشەلەرى ۇزدىكسىز بەلسەنە جىلۋ اتاپ، ءىس جۇزىندىك ارەكەتتەرى ارقىلى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن قولدادى. 3 - ايدىڭ 7 - كۇنىنە دەيىن بۇكىل رايوندا ءبىر ميلليون 433 مىڭ پارتيا مۇشەسى ءوز ەركىمەن جىلۋ اتاپ، ەل بىرلىگىنەن بەرىك قامال تۇرعىزاتىن، قيىندىقتى بىرگە جەڭەتىن قۋاتتى وڭ ەنەرگيا ۇيىستىردى.

  بىرنەشە كۇننەن بەرى، رايونىمىزدا جىلۋ اتاۋعا قاتىناسقان پارتيا مۇشەلەرى اراسىندا ورگان، كاسىپورىن، ءىسورىن جۇمىسشى - قىزمەتشىلەرى دە، جالپىلىق مەنشىككە جاتپايتىن كاسىپورىنداردىڭ قىزمەتكەرلەرى دە بار؛ دەمالىسقا، زەينەتكە شىققان ساقا جولداستار دا، قىزمەتكە ەندى عانا قاتىناسقان جاستار دا بار. ولار سۇيىسپەنشىلىكتەرىمەن ىندەتتەن ساقتانۋ - تىزگىندەۋگە كومەكتەسۋدىڭ قۋاتتى كۇشىن ۇيىستىرىپ، كوممۋنيستىك پارتيا مۇشەسىنىڭ اۋەلگى ماقساتتان اينىماۋ، بورىش ارقالاۋداي اۆانگارد ونەگەلىلىك رولىن تولىق ايگىلەدى.

  كوممۋنيستىك پارتيا مۇشەسى لياڭ فىڭ قابا اۋدانىنداعى ءبىر جەكە تيجاراتشى، ۇزاق جىلدان بەرى جىلۋ اتاپ وقۋعا كومەك بەرۋگە جانە كەدەيلەردى سۇيەمەلدەپ، قيىنشىلىعى بارلارعا كومەكتەسۋگە تاباندى بولىپ كەلدى. ىندەت تۋىلعاننان كەيىن، لياڭ فىڭ دەرەۋ 10 مىڭ يۋان جىلۋ اتادى. ”سول جىلدارى شارۋاشىلىق قۇرعان كەزىمدە، ماعان كوپتەگەن ادام كومەك قولىن سوزدى، قازىر قيىنشىلىعى بارلارعا كومەكتەسۋگە شامام جەتىپ تۇرعان كەزدە، كوكىرەك كەرە العا شىعىپ، ىندەتكە قارسى اتتانۋعا ۇلەس قوسۋعا ءتيىسپىن“، - دەدى لياڭ فىڭ.

  پارتيا ورتالىق كوميتەتى جىلۋ اتاۋ ۇندەۋىن شىعارعاننان كەيىن، يوپۇرعا اۋدانى جەكسەنبىبازار قالاشىعى چاقىلىق قىستاعىنىڭ تۇرعىنى اتيگۇل ايسا دەرەۋ پارتيا ۇيىمىنا 1500 يۋان اتادى. بىلتىر 8 - ايدا اتيگۇل داڭقپەن جۇڭگو كوممۋنيستىك پارتياسىنا مۇشە بولدى. ول: ”پارتيا مەنى كەدەيلىك قالپاعىن الىپ تاستاپ، اۋقاتتانۋ جولىنا تۇسۋگە باستادى، قازىر مەن دە ءبىر كىسىلىك ۇلەسىمدى قوسىپ، جىلۋ اتاۋ ارقىلى شەكارا ءوڭىر حالقىنىڭ سۇيىسپەنشىلىگىن بىلدىرمەكشىمىن“، - دەدى.

  ساقا پارتيا مۇشەلەرى دە شامالارىنىڭ جەتىسىنشە جىلۋ اتاپ، كوممۋنيستەردىڭ وسكەلەڭ ورەسى مەن اسىل قاسيەتىن ايگىلەدى. باس شۋجي شي جينپيڭنىڭ باستاماشىلدىقپەن جىلۋ اتاعان حابارىن كورگەننەن كەيىن، سانجى حۇيزۋ اۆتونوميالى وبلىستىق ارحيۆ سارايىنان دەمالىسقا شىققان كادر ليۋ كىچين پارتيا ۇيىمىمەن ىرىقتىلىقپەن بايلانىس جاساپ، 20 مىڭ يۋان جىلۋ اتاپ، ىندەتتەن ساقتانۋ - تىزگىندەۋ قىزمەتىنە قولداۋ كورسەتتى. ول: ”جاسىم ەگدەلەپ قالعاندىقتان، ءبىرىنشى شەپكە بارا المادىم، ءبىراق مەن ءوزىمنىڭ جانە وتباسىمداعىلاردىڭ سۇيىسپەنشىلىگىن ءبىرىنشى شەپكە جەتكىزىپ، بالالاردىڭ جەڭىستى شايقاس جۇرگىزۋىنە قولداۋ كورسەتۋىم كەرەك“، - دەدى.

  ءبىر ياچەيكا − ءبىر قورعان، ءبىر پارتيا مۇشەسى − ءبىر تۋ، ءبىر جولعى جىلۋ اتاۋ − سۇيىسپەنشىلىك جەتكىزۋ... كوپشىلىك تۇس - تۇستان ءبىر نيەتكە كەلىپ، كۇشتى ءبىر اراعا شوعىرلاندىرىپ، ەل بىرلىگىنەن بەرىك قامال تۇرعىزىپ، ىنتىماقتاسا كۇرەس جۇرگىزىپ، ىندەتتەن ساقتانۋ - تىزگىندەۋدىڭ حالىقتىق شايقاسىندا، تۇلعالىق شايقاسىندا، توسقاۋىل شايقاسىندا باتىل جەڭىسكە جەتەتىندىكتەرىن ءبىلدىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى