حابارىن جازىپ سۋرەتىن تۇسىرگەن ٴتىلشى سۇن فاڭتيڭ، ەرىكتى ٴتىلشى مىڭ گىنساڭ. 3 - ايدىڭ 7 - كۇنى جۇڭگو قاتىناس قۇرىلىسى توبى شەكتى جاۋاپكەرشىلىك سەرىكتەستىگى شينجياڭ ٴۇرىمجى - لوپنۇر تاس جولىن كوتەرەگە الۋ PPP نىسانىنىڭ 395 جۇمىسشىسى، بەيجيڭ، شي - ان ، چۇڭچيڭ قالالارىنان ۇشاتىن كەزەكشى جالداما ۇشاققا وتىرىپ، كورلا اۋەجايىنا ٴساتتى جەتتى، كەلگەندەردىڭ ىشىندە دۇنيە جۇزىندەگى ەڭ ۇزىن جوعارى قارقىندى تاس جول تۋنەلى — تيانشان جەڭىس تۋنەلىن سالۋ جۇمىسىن ۇستىنە العان 150دەن استام قۇرىلىس جۇرگىزۋشى قامتىلعان.
جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنان، ٴۇرىمجى - لوپنۇر تاس جولىن كوتەرەگە الۋ نىسانىنىڭ قۇرىلىس مەرزىمى تاعى دا قىسقاردى، ونىڭ ۇستىنە نىسانعا قاتىسقان جۇمىسشىلاردىڭ كوبى ەلىمىزدىڭ جەر - جەرىنەن كەلگەن، ولاردىڭ جۇمىس ورىندارىنا قايتۋىندا كوپتەگەن قيىنشىلىقتار ساقتالعاندىقتان، نىساننىڭ ىلگەرىلەۋىنە وتە زور ىقپال جاسادى.
جۇڭگو قاتىناس قۇرىلىسى توبى شەكتى جاۋاپكەرشىلىك سەرىكتەستىگىنىڭ ەنشىلەس سەرىكتەستىگى رەتىندەگى، جۇڭگو قاتىناس قۇرىلىسى توبى شەكتى جاۋاپكەرلىك سەرىكتەستىگى ەكىنشى تاس جول ينجەنەرياسى مەكەمەسى ٴۇرىمجى - لوپنۇر تاس جولى نىسانىن باس كوتەرەگە الۋ ٴبولىمىنىڭ باس ديرەكتورى جاڭ فىڭ بىلاي دەپ تانىستىردى: «ٴۇرىمجى - لوپنۇر جوعارى قارقىندى تاس جولىن جۇڭگو قاتىناس قۇرىلىسى توبى شەكتى جاۋاپكەرشىلىك سەرىكتەستىگىنىڭ PPP ۇلگىسى بويىنشا سالدى. ول مەملەكەتتىڭ جوعارى قارقىندى تاس جول تورى جوباسىنىڭ ماڭىزدى قۇرامداس بولىگى، سالىنىپ بولعاننان كەيىن وڭتۇستىك شينجياڭ مەن سولتۇستىك شينجياڭدى تۇتاستىراتىن جوعارى قارقىندى تاس جولدىڭ ۇلكەن ارناسىنا اينالادى، اۆتوكولىكپەن ۇرىمجىدەن كورلاعا باراتىن ۋاقىت 7 نەشە ساعاتتان 3 ساعات اينالاسىنا قىسقارادى. جۇڭگو قاتىناس قۇرىلىسى توبى شەكتى جاۋاپكەرلىك سەرىكتەستىگى ەكىنشى تاس جول ينجەنەرياسى مەكەمەسى ۇستىنە الىپ سالعان ٴۇرىمجى - لوپنۇر جوعارى قارقىندى تاس جولى مەڭگەرۋ سيپاتتى ينجەنەرياسى تيانشان جەڭىس تۋنەلى تيانشان تاۋىن ەندەي ٴوتىپ، ۇزىندىعى 22 كيلومەترگە جەتەدى، ول دۇنيە جۇزىندەگى ەڭ ۇزىن جوعارى قارقىندى تاس جول تۋنەلى»
بايىنعولين موڭعۇل اۆتونوميالى وبلىستىق پارتكوم، اۆياتسيا سەرىكتەستىگى سياقتى قاتىستى ورىندار مەن تاراۋلاردىڭ قولداپ - قۋاتتاۋى مەن كومەكتەسۋىندە، ٴۇرىمجى - لوپنۇر تاس جولىن كوتەرەگە الۋ نىسانىنىڭ «تۇيىندەر بويىنشا دالمە - ٴدال» ۇشاق جالداۋ قىزمەتى كۇن تارتىپكە كىرگىزىلىپ، ۇشاق جالداپ تاسىمالداۋدىڭ ەڭ سوڭعى جوباسى ايقىندالدى. نىساننىڭ جۇمىسشىلارى بەيجيڭ، شي ـ ان، چۇڭچيڭ قالالارىنان شينجياڭعا تىكە باراتىن ارناۋلى ۇشاقپەن قايتىپ، جۇمىستى تارتىپپەن قالپىنا كەلتىردى.
تيانشان جەڭىس تۋنەلىن سالۋ نىسانى جاۋاپتىسى لي يالۇڭ بىلاي دەپ تانىستىردى، ٴۇرىمجى - لوپنۇر تاس جولى نىسانىنىڭ كولەمى ۇلكەن، جۇمىسشىسى كوپ، جولى الىس، جۇمىسشىلاردىڭ جۇمىس ورىندارىنا قايتىپ جۇمىس باستاۋى ماڭداي الدى قيىن ماسەلە. وسى رەتكى «ۇشاق جالداۋ» جۇمىسىن ۇيىمداستىرۋدا، قۇرىلىسقا قاتىناسقان بارلىق جۇمىسشىلار ۇشاققا تەگىن وتىرادى جانەدە ارناۋلى جوبا جاسالدى، ۇشاقتان تۇسكەننەن كەيىن، بارلىق ادامعا 14 كۇندىك سالاماتتىق باقىلاۋ - ولشەۋ جۇرگىزەدى، تالاپ بويىنشا اۋاشالاپ، نۋكلەين قىشقىلىن تەكسەرىپ جانە حاۋىپسىزدىكتى قورعاۋ تاربيەسىن جۇرگىزىپ، قىزمەتكەرلەردىڭ حاۋىپسىزدىگىنە شىنايى كەپىلدىك ەتتى.
جۇڭگو قاتىناس قۇرىلىسى توبى شەكتى جاۋاپكەرشىلىك سەرىكتەستىگى ەكىنشى تاس جول ينجەنەرياسى مەكەمەسى 2 ـ ايدىڭ باسىنان باستاپ، سالىنىپ جاتقان نىسانداردى جالپى بەتتىك ٴبىر ـ بىردەن تەكسەرىپ، رايوندارعا ٴبولىپ، توپقا ٴبولىپ جوسپارلاپ، ىندەتتەن ساقتانۋ - تىزگىندەۋدىڭ جانە جۇمىستى، ٴوندىرىستى قالپىنا كەلتىرۋدىڭ قيىن تۇيىندەرىنە ٴبىر ـ بىردەن تالداۋ جاساپ، ارناۋلى جوبا جانە ٴونىمدى شارالاردى بەلگىلەپ، نىسان جۇمىسىنىڭ، ٴوندىرىسنىڭ حاۋىپسىز، ٴتارتىپتى، تەز قالپىنا كەلۋىنە كەپىلدىك ەتتى.
