تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

كەستە تىگۋ، مۋزيكا اسپاپتارىن جاساۋ، تاپسىرىستى ورىنداۋ شينجياڭنىڭ جەر ـ جەرىندەگى قولونەر شارۋالار سەلبەستىك كووپەراتيۆتەرى جۇمىس باستادى

    كەستە تىگۋ، مۋزيكا اسپاپتارىن جاساۋ، تاپسىرىستى ورىنداۋ. ىندەتتەن ساقتانۋ-تىزگىندەۋ كەزىندە، شينجياڭنىڭ جەر ـ جەرىندەگى قولونەر شارۋالار سەلبەستىك كووپەراتيۆى ساقتانۋ قىزمەتىن جاقسى ىستەۋ العى شارتىندا، ٴوندىرىستى بىرتىندەپ قالپىنا كەلتىرىپ، قىستاق تۇرعىندارىنىڭ جۇمىسقا ورنالاسىپ كىرىسىن ارتتىرۋىن جەبەدى.

    3-ايدىڭ 6-كۇنى، قورعاس اۋدانى ساربۇلاق قالاشىعى شىبالاگا قىستاعىندا سانيا توقتاسىن جىلى ساكىنىڭ باسىندا وتىرىپ، ينە ساباقتايدى. كەسۋ، سىزۋ، كەستە تىگۋ، تولتىرۋ... ءبىر جاستىقتى جاساپ بولدى.

  سانيا توقتاسىن ۇيىندەگى جىلى ساكىدە وتىرىپ ينەسىن ساباقتاپ، جاستىق تىگۋدە.

    سانيا كەستە تىگۋدى ۇناتادى. 2013-جىلى، ول قىستاقتاعى ون نەشە اپەكە-سىڭىلىلەردى باستاپ كەستەشىلىك سەلبەستىك كووپەراتيۆىن قۇردى، تاربيەلەۋ كولەمىن ۇزدىكسىز كەڭەيتىپ، قىستاقتاعى ءتىپتى دە كوپ وتباسىندا قيىنشىلىعى بار ايەلدەردى سەلبەستىك كووپەراتيۆىنە كىرگىزدى، بۇگىنگى كۇنى كۋرسانتتاردىڭ سانى 70تەن اسادى، ىندەتتەن ساقتانۋ-تىزگىندەۋدەن بەرى، سەلبەستىك كووپەرايۆىنىڭ تاپسىرىسى توقتاعان جوق.

    «كوپشىلىك ۇيلەرىندە كەستە تىككەندە، كەيبىر ءجىپتى سايكەستىرە المايتىندار، نەمەسە قيىنشىلىعى بارلارعا مەن جەلىدە جەتەكشىلىك ەتەمىن»،-دەدى سانيا، ىندەتتەن ساقتانۋ-تىزگىندەۋ قىزمەتى باستالعاننان بەرى، ول ۇيدەگى ايەلدەردى قولمەن توقۋعا، كەستە تىگۋگە جۇمىلدىرىپ، شيكىزات ـ ماتەريالداردى اپەكە ـ سىڭلىلەرگە تاراتىپ، جارتىلاي دايىن ءونىم جاساپ العاننان كەيىن ٴبىر تۇتاس جيناپ الدى.

    ىندەتتەن ساقتانۋ-تىزگىندەۋ قىزمەتىن ويداعىداي ىستەۋمەن بىرگە، قىستاق كوميتەتى دە ۇيىندە جاتىپ تاپسىرىس ىستەيتىن ايەلدەرگە ارتقى شەپ قامداۋىن قامتاماسىزداندىرۋ قىزمەتىن جاقسى ىستەپ، ولاردى الاڭسىز ەتتى.

    «سەلبەستىك كووپەراتيۆىندە ارحيۆ تۇرعىزىلىپ، كارتچكا بەرىلگەن كوپتەگەن كەدەي وتباسى بار، ۇيدە كەستەشىلىك ولاردىڭ وتباسى كىرىسىن ٴونىمدى تۇردە قامتاماسىز ەتەدى، ٴبىز دە ولاردىڭ قىزمەتىن كوپ جاقتان قولدايمىز جانە وعان سەلبەسەمىز». شىبالاگا باتىس قىستاعى قىستاق كوميتەتىنىڭ مەڭگەرۋشىسى سانيا راۋپ، قىستاق كوميتەتى كادرلارى ءتۇستى ءجىپ، كەزدەمە قاتارلى شيكزات ماتەريالدارىمەن قامدايدى ءارى ۋاقىتىندا ولاردىڭ ۇيىنە جەتكىزىپ بەرەدى، ىندەتتەن ساقتانۋ-تىزگىندەۋ اقىرلاسقان سوڭ، ساۋداگەرلەرمەن بايلانىس جاساپ، قولونەر بۇيىمدارىن ساتىپ، قىستاق تۇرعىندارىنىڭ كىرىستەرىن ارتتىرىپ اۋقاتتانۋ جولىنا تۇسۋىنە كومەكتەسەدى.

    3-ايدىڭ 2-كۇنى، حونەزەرباق قالاشىعى گۇلباق قىستاعى حوشناۆا قولونەر كاسىپتىك سەلبەستىك كووپەراتيۆىندە جۇمىسشى ـ قىزمەتكەرلەر ماسكى تاعىپ، قىزمەت كيىمىن كيىپ، ٴۇرىمجى قالاسىنداعى ٴبىر مۋزيكا اسپاپتارى دۇكەنى تاپسىرىس بەرگەن مۋزيكا اسپاپتارىن جەدەل جاساۋدا.

  قاشقار قالاسى نازارباق قالاشىعى گۇلباق قىستاعى حوشناۆا كاسىپتىك سەلبەستىك كووپەراتيۆىنىڭ قىزمەتكەرلەرى مۋزيكا اسپاپتارىن جاساۋدا.

    چوڭاجى ابدرەشيت وسى سەلبەستىك كووپەراتيۆىنىڭ جاۋاپتىسى، ول ۇلتتىق مۋزىكا اسپابىن جاساۋعا شەبەر، قىستاقتاعى كوپتەگەن ادامدار ونى ۇستاز تۇتىپ ونەر ۇيرەنەدى. مۋزيكا اسپاپتارىن جاساۋ كاسىبىن دامىتىپ، قىستاق تۇرعىندارىنىڭ كىرىسىن ارتتىرۋعا جەتەكتەۋ ٴۇشىن، 2013 ـ جىلى چوڭاجى قىستاقتا سەلبەستىك كووپەراتيۆىن قۇرىپ، توڭىرەكتەگى ارتىق ەڭبەككۇشتەر مەن كەدەي وتباسىلارىن سول جەردىڭ وزىندە، جاقىن ماڭدا جۇمىسقا ورنالاستىردى ٴارى اقىسىز تەحنيكالىق كۋرسپەن قامدادى.

    سەلبەستىك كووپەراتيۆى باستىسى دۋتار، راۋاپ، بارابان، دومبىرا قاتارلى 13 ءتۇرلى مۋزيكا اسپابىن جاساپ، شينجياڭنىڭ ءىشى-سىرتىنا ساتىپ، قىزۋ قارسى الۋعا بولەندى. 2019-جىلى 4-ايدا، پارتيا مەن ۇكىمەتتىڭ كەدەيلەردى سۇيەمەلدەۋ قارجىسىنىڭ قولداۋىندا، چوڭاجى سەلبەستىك كووپەراتيۆىن دامىتىپ، زورايتىپ، قىستاقتاعى 95 ادامدى جۇمىسقا قابىلداپ، كىرىستى ورنىقتى ارتتىرۋدى جۇزەگە اسىردى.

    «سەلبەستىك كووپەراتيۆى قالپىنا كەلگەننەن كەيىن، جۇمىسشى ـ قىزمەتكەرلەر ٴار كۇنى ماسكى تاعادى، سەحتا كۇنىنە كوپ رەت زارارسىزداندىرادى، ٴبىز ٴتۇرلى ساقتانۋ ـ تىزگىندەۋ شارالارىن ويداعىداي ىستەدىك»،-دەدى چوڭاجى، قىستاق تۇرعىندار كوميتەتى ٴوندىرىس ماتەريالدارى جەتىسپەۋ ماسەلەسىن شەشۋگە كومەكتەستى، كەلەسى قادامدا ول مۋزيكا اسپاپتارىن جاساۋ، قوراپتاۋ، سىرتقا ساتۋ جاعىندا اناعۇرلىم جاڭالىق اشىپ، ٴتىپتى دە كوپ مۋزيكا اسپاپتارىن جاساۋشى شەبەرلەردى جەتىلدىرىپ، ٴتىپتى دە كوپ قىستاق تۇرعىندارىن جۇمىسقا ورنالاستىرىپ، كىرىستى ارتتىرۋعا باستاماقشى بولدى.

    لوپ اۋدانى دول اۋىلى ٴدوڭازما قىستاعىنىڭ جينجىن شارۋالار سەلبەستىك كووپەراتيۆىندە سەلبەستىك كووپەراتيۆ مۇشەلەرى ٴار كۇنى جۇمىسقا شىعۋدان بۇرىن، لوپ اۋداندىق دەنساۋلىق ساقتاۋ ـ سالاماتتىق كوميتەتىنىڭ قىستاقتا تۇراتىن قىزمەت اترەتىنىڭ مۇشەلەرى ونىڭ دەنە تەمپەراتۋراسىن ولشەۋ ءۇشىن قايتا-قايتا: «دەنە تەمپەراتۋراسىن ولشەگەننەن كەيىن سەلبەستىك كووپەراتيۆىنە كىرىڭىز، ادامدار اراسىنداعى ارالىعى 1.5 مەتر. كوپشىلىك، ٴسوز جوق، قول جۋىپ، زارارسىزداندىرۋ كەرەك، توپتاسىپ اڭگىمەلەسپەۋ، ويداعىداي قورعانۋى كەرەك. ەگەر كىم جايسىزدانعانداي سەزىنسە، ٴسوز جوق، دەرەۋ مالىمدەۋ كەرەك»،-دەپ قاداعالادى.

لوپ اۋدانى دول اۋىلى ٴدوڭازما قىستاعىنىڭ جينجىن شارۋالار سەلبەستىك كووپەراتيۆى جۇمىستى قالپىنا كەلتىردى.

    جينجىن شارۋالار سەلبەستىك كووپەراتيۆىن وسى قىستاقتىڭ تۇرعىنى نازىگۇل توقتىقۇربان قىزمەت اترەتىنىڭ كومەگىندە قۇرعان، نەگىزىنەن جاستىق، توسەك جاپقىش، ايەلدەر سومكەسى، باس كيىم سياقتى قولونەر بۇيىمدارىن وندىرەدى. قازىر 75 جۇمىسشى - قىزمەتكەر بار، مۇنىڭ 55ى كەدەي وتباسى.

    «قازىر ءبىر توپ تاپسىرىسپەن قامداۋ مەزگىلى تاياپ قالدى، قىزمەت اترەتى ىرىقتىلىقپەن بايلانىس جاساپ مەنىڭ تەزىرەك جۇمىستى، ءوندىرىستى قالپىنا كەلتىرۋىمە، تاپسىرىستى ورىنداۋىما كومەكتەستى، مەن ەرەكشە العىس ايتامىن»،-دەدى نازىگۇل، 2019-جىلدىڭ سوڭىندا سەلبەستىك كووپەراتيۆى بەيجىڭدەگى ءبىر كاسىپورىنمەن 575 مىڭ يۋاندىق توقتام جاساستى. قازىر ول قىزمەتكەرلەردى باستاپ ساپاعا، سانىنا كەپىلدىك ەتىپ كەستە تىگۋدى جەدەلدەتۋدە.

    ءبىرىنشى شۋجي، قىزمەت اترەتىنىڭ باستىعى ۋىن حاييۇن بىلاي دەدى: «سەلبەستىك كووپەراتيۆى ءوندىرىستى قالپىنا كەلتىرگەننەن كەيىن، ءبىزدىڭ ىندەتتەن ساقتانۋ-تىزگىندەۋ قىزمەتىمىز دە ونان ارى قاتايا ءتۇستى. جاپالى بولعانىمەن، سەلبەستىك كووپەراتيۆىنىڭ جۇمىس باستاعانىن، قىستاق تۇرعىندارىنىڭ جۇمىس ىستەپ اقشا تاپقاىن كورىپ، شارشاعانىمدى سەزبەي قالدىم».

    ىندەتتەن ساقتانۋ-تىزگىندەۋ مەزگىلىندە، قىزمەت اترەتى 2-ايدىڭ 24-كۇنى جاپپاي قالىپتى ءوندىرىستى قالپىنا كەلتىرۋگە بەلسەنە سايكەستىرىپ، جەتەكتەپ، كومەكتەسىپ، كاسىپورىنداردىڭ ءتارتىپتى تيجارات جۇرگىزۋىنە جەتەكشىلىك ەتىپ، قىستاق تۇرعىندارىنىڭ كاسىپتەنىپ كىرىستەرىن ارتتىرۋىنا دەم بەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.