تيانشان تورى
تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

يوپۇرعا اۋدانى اۋىل ـ قىستاق قولونەرشىلەرى كەدەي وتباسىلارىن ۇيلەرىنە باستاپ كىرىستى ارتتىردى

  اۆتونوميالى رايوندىق قاتىناس ـ تاسىمال مەڭگەرمەسىنىڭ يوپۇرعا اۋدانى يوپۇرعا اۋىلى جوعارعى تىكىن قىستاعىندا تۇراتىن «ۇعىسۋ ، تيىمدىلىك جاساۋ ، توعىستىرۋ» قىزمەت اترەتى ٴبىر جاعىنان ، ىندەتتەن ساقتاندى ، ەندى ٴبىر جاعىنان ، قىستاقتاعى قولونەرشىلەردىڭ ۇيدە وتىرۋىنا قولداۋ كورسەتىپ ، بىتىراندى ، شاعىن وڭدەۋدەن پايدالانىپ ، شوعىرلى تۇردە ٴونىمدى ساتىپ الۋ ، ساتۋ ٴادىسىن قولدانىپ ، تەحنيكاسى بار شارۋالاردىڭ كەدەي وتباسىلارىن ۇيدە تۇرىپ كىرىسىن ارتتىرۋىن جۇزەگە اسىردى .

ازەز تاي (سولدان ءبىرىنشى) ءالى ازەزدىڭ دۋتار جاساۋداعى ماڭىزدى تەحنيكاسىنا جەتەكشىلىك ەتۋدە.

  56 جاستاعى پارتيا مۇشەسى، كاسىپ الماستىرعان اسكەر ازەز تاي كىشكەنتايىنان مۋزيكانى ۇناتادى، بۇزىلعان دۋتاردى جوندەگەننەن باستاپ، ۇلتتىق مۋزيكا اسپاپتارىن جاساۋدىڭ تەحنيكاسىن يگەرىپ الادى. قىزمەت اترەتى ءوز ارتىقشىلىقتارىن ساۋلەلەندىرىپ، «جوعارعى تىكىن قىستاعى 12 مۇقام كوركەمونەر اترەتىن» قۇرىپ، ونى اترەت باستىعىنا تاعايىندادى. ونىڭ ۇلكەن ۇلى ءالى ازەز اكەسىنىڭ كاسىبىنە مۇراگەرلىك ەتىپ، مۋزىكا اسپاپتارىن جاساۋعا شەبەر بولىپ قانا قالماي، ءۇي جيھازدارىن جاساۋدى دا ۇيرەندى. بىلتىر، قىزمەت اترەتىنىڭ كومەگىندە، «حۋالي اعاش بۇيىمداردى وڭدەۋ سەلبەستىك كووپەراتيۆىن» قۇرىپ، 7 كەدەي وتباسىن قابىلداپ، سول جىلى جان باسىندىق كىرىسىن 15 مىڭ يۋاننان استام كىرىس كىرگىزۋدى جۇزەگە اسىردى.

ازەز تاي ەكى ۇلىنىڭ دۋتار جاساۋداعى ماڭىزدى تەحنيكاسىنا جەتەكشىلىك ەتتى.

  ىندەتتەن ساقتانۋ-تىزگىندەۋ مەزگىلىندە، ازەز تاي اكەلى-بالالىلار سەلبەستىك كووپەراتيۆىنىڭ باسقا كووپەراتيۆ مۇشەلەرى وتباسىن بىرلىك ەتىپ، دۋتار، شەرتەر، قول بارابان قاتارلى مۋزيكا اسپاپتارىن وڭدەپ، تاپسىرىس بەرگەن قاريدارلاردى قامداۋدان سىرت، قىزمەت اترەتى ولاردىڭ ونىمدەرىن ينتەرنەتكە قويىپ ساتتى. ءبىر ايدان بەرى، 28 دۋتار جاساۋدى ورىنداپ، ءار بىرەۋىن 1500 يۋاننان ساتتى.

  اۆتونوميالى رايوندىق قاتىناس تاسىمال مەڭگەرمەسىنىڭ يوپۇرعا اۋدانى يوپۇرعا اۋىلى جوعارعى تىكىن قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى قىستاق تۇرعىندارىمەن بىرگە سىبىرتكى بايلاۋدا.

  راحىمات تۇرسۇن ايەلىمەن بىرگە سىبىرتكى بايلاۋدا.

  39 جاستاعى راحىمات تۇرسۇن قىستاقتاعى باييە كوكونىس سەلبەستىك كووپەراتيۆىنىڭ كووپەراتيۆ مۇشەسى. ول كوكتەم، جاز مەزگىلىندە ساڭىراۋقۇلاق ۇيىندە جۇمىس ىستەيدى، قالعان ۋاقىتتا باسقا كووپەراتيۆ مۇشەلەرىمەن بىرگە الدىن الا ءجۇزىم سورەسىن بايلايتىن قازىق جاسايدى، سەمونت جانە شاعىلدى تولايىم ساتىپ، قىستاق تۇرعىندارىنىڭ وتباسى ورتاسىن وزگەرتۋىنە كومەكتەسەدى. ءبىر جىلدان بەرى، ونىڭ وتباسىنداعى 4 جاننىڭ كىرىسى 100 مىڭعا تايادى. بىلتىر كوكتەمدە، ول 4 مۋ جەرگە گاۋلياڭ ەگىپ، كۇزدە جيناعاننان كەيىن، گاۋلياڭنىڭ بارلىعىن جەم-ءشوپ سەرىكتەستىگىنە ساتتى، قىستا وتباسىندا ايەلى ەكەۋى گاۋلياڭنىڭ ساباعىنان سىبىرتكى بايلايدى. قولونەرى جاقسى بولعاندىقتان، ونىڭ بايلاعان سىبىرتكىسىنىڭ بىرەۋىن 25 يۋاننان ساتادى، ۇلكەنى 30 يۋان. ىندەت باستالعاننان كەيىن، ول گاۋلياڭنىڭ ساباعىن كورشى كەدەي وتباسىنا ءبولىپ بەرىپ، كوپشىلىك بىرگە سىبىرتكى بايلاپ، بىرگە كىرىستى ارتتىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.