تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

ورنىقتى جۇمىستانۋ كەدەي بۇقارانىڭ كەدەيلىكتەن ارىلۋ سەنىمىن تاسقىنداتتى

شينجياڭ گازەتىنىڭ جالپىلىق اقپارات قۇرالدارى تىلشىلەرى ءپاريزات ابدۇل، جاڭ جىلي، حان چينيان

  سوڭعى كۇندەرى وڭتۇستىك شينجياڭداعى 4 ايماق - وبلىستاعى كەدەي بۇقارا جابال زاۆودتارعا بارىپ جۇمىس ىستەدى، ورنىقتى جۇمىستانۋ ولاردىڭ كىرىستى ارتتىرىپ، كەدەيلىكتەن ارىلۋ سەنىمىن تاسقىنداتتى.

  كاسىپورىندارعا كادر جىبەرىپ تۇرعىزىپ، كاسىپورىنداردىڭ ماسەلەلەردى سايكەستىرىپ شەشۋىنە ۇستىندە كومەكتەستى؛ دالمە - ءدال مەيىرىمدى قىزمەت وتەپ، شارۋا جۇمىسكەرلەردىڭ الاڭسىز جۇمىس ىستەۋىنە مۇمكىندىك جاسادى... ىندەتتەن ساقتانۋ - تىزگىندەۋ جۇمىسىن ويداعىداي ىستەۋمەن بىرگە، وڭتۇستىك شينجياڭداعى 4 ايماق - وبلىس كاسىپورىنداردى بار كۇشىمەن ءوندىرىس جۇرگىزۋگە جەتەكتەپ جانە كومەكتەسىپ، كەدەي بۇقارانىڭ كىرىستى ارتتىرىپ، كەدەيلىكتەن ارىلۋىن جەبەدى.

جۇمىس ورىندى ورنىقتىرىپ، كىرىستى ارتتىرۋدى جەبەدى

  ”قازىر كوڭىلىمىز نەداۋىر ورنىعىپ قالدى، اي سايىن تۇراقتى كىرىسىمىز دە بار، بيىل كەدەيلىكتەن ارىلۋىمىزدا ماسەلە جوق“. 3 - ايدىڭ 5 - كۇنى كەريا اۋدانى مۇعاللا قالاشىعى جۇمىستاندىرىپ كەدەيلەردى سۇيەمەلدەۋ كاسىپ باقشاسىنداعى شينجياڭ حىساي كيىم - كەشەك شەكتى سەرىكتەستىگىنىڭ سەحىندا ايشىحان ءماتتوحتى تىگىن ماشيناسىنىڭ تەپكىسىن باسا وتىرىپ وسىنى قۋانا ايتتى.

  ايشىحان مۇعاللا قالاشىعىنىڭ گوزا قىستاعىنداعى ارحيۆ تۇرعىزىلىپ، كارتچكالاندىرىلعان كەدەي شارۋا، بىلتىر جىل باسىندا شينجياڭ حىساي كيىم - كەشەك شەكتى سەرىكتەستىگىنە جۇمىسقا ورنالاسقان سوڭ، قۇلشىنا جۇمىس ىستەپ، ەرتەرەك كەدەيلىكتەن ارىلىپ، جاقسى تۇرمىس كەشىرۋدى ويلادى. ”قازىر شاعىن گرۋپپا باستىعىمىن، سوندىقتان ءتىپتى جاقسى ىستەۋىم كەرەك“، - دەدى ايشىحان.

  قازىر شينجياڭ حىساي كيىم - كەشەك شەكتى سەرىكتەستىگىندە 400 نەشە جۇمىسشى جۇمىس ورنىنا قايتا ورالدى، بۇلاردىڭ باسىم كوبى ايشىحان سياقتى ارحيۆ تۇرعىزىلىپ، كارتچكالاندىرىلعان كەدەي وتباسى مۇشەلەرى.

  3 - ايدىڭ 4 - كۇنى توقسۋ اۋدانى تاسارىق قالاشىعى اتباسى ءدوڭ قىستاعىنىڭ كەدەيلەردى سۇيەمەلدەپ شارۋاشىلىق قۇرىپ جۇمىستاندىرۋ كاسىپ باقشاسىندا 22 جۇمىسشى ءتۇستى بولات قۇيماسىن جاساپ جاتتى، بۇل ولاردىڭ ءوندىرىس قالپىنا كەلگەننەن كەيىنگى قابىلداعان تۇڭعىش تاپسىرىسى بولعاندىقتان، ەرەكشە قايراتتانا جۇمىس ىستەۋدە. 2018 - جىلى قىستاق تۇرعىنى الىم ابىلا وسى ارادا جۇمىستانعاننان كەيىن، سول جىلدىڭ وزىندە كەدەيلىككە قوش ايتتى. ”وسى جۇمىستى جاقسى كورەمىن، ءۇيدىڭ جانىندا ىستەيمىن، كىرىسىم تۇراقتى، ۇيىمە دە قارايلاسا الامىن“، - دەدى الىم.

كومەكتەسىپ، سۇيەمەلدەپ، قيىن ماسەلەلەردى شەشتى

  3 - ايدىڭ 6 - كۇنى جاڭاءشار اۋدانى چيلۋ ونەركاسىپ باقشاسىنداعى شينجياڭ ايدى - ىر جۋۋ بۇيىمدارى شەكتى جاۋاپكەرشىلىك سەرىكتەستىگىنىڭ ءوندىرىس سەحىندا جۇمىسشىلار ماشينالاردى جۇرگىزىپ جۇمىس ىستەۋدە، وندىرىلگەن ونىمدەر تارتىپپەن قوراپتالىپ سىرتقا تاسىلۋدا.

  ىندەتتىڭ ىقپالىن جەڭۋ ءۇشىن، قاشقار ايماعى ”ءبىر كاسىپورىنعا ءبىر شارا“، ”ءبىر زاۆودقا ءبىر شارا“ قولدانۋ ەگجەي - تەگجەيلى جوسپارىن بەلگىلەپ، كادرلاردى كاسىپورىنداردى كوتەرمەگە الۋعا ورنالاستىرىپ، ءاربىر كاسىپورىندا ءبىر قىزمەت وتەۋ القاسىنىڭ، كاسىپورىندا تۇراتىن ءبىر جاۋاپتى ادامنىڭ بولۋىنا شىنايى كەپىلدىك ەتىپ، كاسىپورىنداردى ىندەتتەن ساقتانۋ - تىزگىندەۋ شاراسىن تياناقتاندىرۋعا قۋزاپ، جۇمىس ورنىنا ورالىپ جۇمىستانعانداردى قابىلداپ، جەتكىزىپ قويۋ، تاماقتاندىرۋ سياقتى قىزمەتتەردى دالمە - ءدال ويداعىداي ىستەدى، سونىمەن بىرگە كاسىپورىنداردىڭ ءوندىرىس شيكىزاتتارىن ساتىپ الۋ، زاتتىق ماتەريالداردى تاسىمالداۋ، قارجى قارىز الۋ، تەحنيكاعا باۋلۋ جاقتارىندا ورىن تەپكەن قيىنشىلىقتارىن شەشتى.

  گوديان ەلەكتر تورى كۇشار ەلەكتر شەكتى سەرىكتەستىگى وڭتۇستىك شينجياڭنىڭ ونەركاسىپ، اۋىل شارۋاشىلىعى وندىرىسىندە پايدالانىلاتىن ەلەكترمەن جانە كۇشار قالاسىنىڭ قالا رايونىن جىلۋمەن قامداۋ اۋىر مىندەتىن ارقالاپ وتىر. سەرىكتەستىكتىڭ قالىپتى حاۋىپسىز ءوندىرىس جۇرگىزۋىنە كەپىلدىك ەتۋ ءۇشىن، كۇشار قالاسى قاتىستى تاراۋلاردى سايكەستىرىپ، قورعانۋ زاتتىق ماتەريالدارىن سول ءساتتىڭ وزىندە جونەلتىپ، جاسىل ارنا اشىپ، سەرىكتەستىك ساتىپ العان سالەركا، ۆەرا، اك تاسى سياقتى ءوندىرىس زاتتىق ماتەريالدارىنىڭ دەر كەزىندە تياناقتانۋىنا شىنايى كەپىلدىك ەتتى.

  اقسۋ ايماعى كاسىپورىننىڭ وندىرىسىنە قاتىستى قىزمەتتەردى ۇشتاستىرۋعا ارنايى ادام بەلگىلەپ، كۇندەلىكتى قىزمەتتى ۇيلەستىرۋ قىزمەت مەحانيزمىن ورناتىپ، ءار ءتۇرلى كاسىپورىنداردىڭ جۇمىستى قالپىنا كەلتىرۋ، سونداي - اق جۇمىستانۋشىلاردىڭ جاعدايىن جاپپاي ۇعىسىپ، كاسىپورىنداردىڭ قىزمەتكەرلەردى تولىقتاۋ قىزمەتىن جاقسى ىستەۋىنە كومەكتەستى.

”ساقتانۋ - قورعانۋ تورىن“ مىقتاپ ورناتتى

  ”جەرگىلىكتى ۇكىمەت بىزگە زارارسىزداندىرۋ سۇيىقتىعى، ماسكى سياقتى قورعانۋ بۇيىمدارىن بەردى، سونىمەن بىرگە تاسىمال كولىكتەرىن دەرەۋ شىعارىپ، ءبىزدىڭ ءساتتى تۇردە جۇمىس باستاپ ءوندىرىس جۇرگىزۋىمىزگە مۇمكىندىك جاسادى“. 3 - ايدىڭ 4 - كۇنى لوپ اۋدانى شينجياڭ ماكايا جاساندى شاش جاساۋ شەكتى سەرىكتەستىگىنىڭ باس ديرەكتورى دىڭ پۋ كاسىپورىننىڭ جۇمىستى، ءوندىرىستى تەز قالپىنا كەلتىرۋى ۇكىمەت تاراۋلارىنىڭ الدىڭعى شەپتە قىزمەت وتەۋىنىڭ ارقاسى ەكەندىگىن ايتتى.

  سەرىكتەستىككە جۇمىسقا ورالعان ءبىرىنشى كۇنى نيە اۋدانى داجياڭ كيىم - كەشەك شەكتى سەرىكتەستىگىنىڭ قىزمەتكەرى زايتۇنحان بايتوللا زاۆودتاعى دەنە تەمپەراتۋراسىن ولشەۋ، ينفورماتسيالاردى سالىستىرۋ، ونە بويدى زارارسىزداندىرۋ، ۋاقىتقا ءبولىپ تاماقتاندىرۋ سياقتى وزگەرىستەردى بايقادى.

  داجياڭ كيىم - كەشەك شەكتى سەرىكتەستىگى ءار كۇنى قىزمەتكەرلەردىڭ تۇرمىستىق اۋماعىن، قىزمەت اۋماعىن زارارسىزداندىرىپ، ينتەرنەت، ۇگىت كىتاپشاسى ارقىلى ىندەتتەن قورعانۋ ساۋاتتارىن ءتۇسىندىرىپ، مەرزىم سايىن پسيحولوگيالىق جەتەكشىلەردى ۇسىنىس ەتىپ قىزمەتكەرلەردى پسيحيكالىق جاقتان جەتەكتەپ، ولارعا وتباسىنىڭ جىلى مەيىرىن سەزىندىردى.

  وڭتۇستىك شينجياڭداعى 4 ايماق - وبلىستاعى ءار دارەجەلى ۇكىمەت ىجداعاتتىلىقپەن باسقارىپ، ىرىقتىلىقپەن كۇش سالىپ، كاسىپورىننىڭ قيىنشىلىقتى جەڭۋ سەنىمىن كۇشەيتىپ، كاسىپورىن قىزمەتكەرلەرىنىڭ ”ساقتانۋ - قورعانۋ تورىن“ بەرىك ورناتتى.

  3 - ايدىڭ 4 - كۇنى پوسكام اۋدانى چۇڭشين ونەركاسىپ - ساۋدا شەكتى سەرىكتەستىگى ۇن ءوندىرۋ سەحىندا ماشينا ءدۇرىلى ەستىلىپ، قىزمەتكەرلەر ءوندىرىس جەلىسىندە قاربالاس جۇمىس ىستەپ جاتتى، دوربالانعان ۇن قامبالاۋ سەحىنا رەتىمەن كىرگىزىلۋدە، ارى قاراي ءاربىر زاتتىق ماتەريالمەن قامداۋ تۇيىندەرىنە جونەلتىلەدى.

  ءوندىرىس سەحىنىڭ جاۋاپتىسى مامەت تۇرسىن: ”قىزمەتكەرلەردىڭ حاۋىپسىزدىگى مەن ءتارتىپتى وندىرىسكە شىنايى كەپىلدىك ەتۋ ءۇشىن، سەرىكتەستىك تاماق پەن جاتىن ورىن ازىرلەپ، قىزمەتكەرلەردىڭ الاڭسىز جۇمىس ىستەۋىنە مۇمكىندىك جاسادى“، - دەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى