تيانشان تورى
تيانشان تورى   ›   جاڭالىقتار   ›   شينجياڭ حابارلارى

شوكىرات زاكىر ساۋان اۋدانىندا ىندەتتەن ساقتانۋ - تىزگىندەۋ جانە قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ قىزمەتىنە تەكسەرۋ - زەرتتەۋ جۇرگىزدى

شوكىرات زاكىر ساۋان اۋدانىندا ىندەتتەن ساقتانۋ - تىزگىندەۋ جانە قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ قىزمەتىنە تەكسەرۋ - زەرتتەۋ جۇرگىزگەندە مىنالاردى باسا دارىپتەدى

ىندەتتىڭ ءتيىمسىز ىقپالىن بەلسەنە جويىپ، قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يۇنمەي 3 - ايدىڭ 8 - كۇنى ساۋاننان حابارلايدى. 3 - ايدىڭ 8 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ساۋان اۋدانىندا تەكسەرۋ - زەرتتەۋ جۇرگىزىپ، كاسىپورىنداردىڭ ىندەتتەن ساقتانۋ - تىزگىندەۋ جانە قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ قىزمەتى سياقتى جاعدايلاردى ۇعىستى.

  شوكىرات زاكىر ىلگەرىندى - كەيىندى شينجياڭ تيانشىلي سۋلياۋ كاسىبى شەكتى جاۋاپكەرشلىك سەرىكتەستىگىنە جانە شينجياڭ شينتاي توقىماشىلىق شەكتى سەرىكتەستىگىنە باردى. شينجياڭ تيانشىلي سۋلياۋ كاسىبى شەكتى جاۋاپكەرشىلىك سەرىكتەستىگى 2006 - جىلى قۇرىلعان، نەگىزىنەن ەگىن شارۋاشىلىعىندا پايدالانىلاتىن ەگىس جارعاعىن، ەگىن شارۋاشىلىعىندا پايدالانىلاتىن جىلىجاي جارعاعىن وندىرەدى، ونىمدەرى شينجياڭنىڭ جەر - جەرىنە ساتىلادى. وسى سەرىكتەستىكتىڭ كەزەكتە ءوندىرىستى جەدەلدەتىپ، 6000 توننا ەگىس جارعاعىن ءوندىرۋ تاپسىرىسىن نەگىزىنەن ورىنداپ بولعانىن، ونىمدەرىن تاسىمالداۋ تەبىنىن ارتتىرىپ جاتقاندىعىن، وسى اۋداندى ەگىس جارعاعىمەن قامداۋمەن بىرگە، ماڭايىنداعى اۋدانداردى (قالا) دا ەگىس جارعاعىمەن قامداۋدى كۇش سالا ويداعىداي ىستەپ جاتقاندىعىن ۇعىسقاندا، شوكىرات زاكىر ءبىرىنشى شەپتە قاۋىرت جۇمىس ىستەپ جاتقان قىزمەتكەرلەردەن حال سۇرادى. ول بىلاي دەدى: كوكتەمگى ەگىس باستالۋ الدىندا تۇر، ەگىس جارعاعىن ىستەتەتىن كەز كەلدى، ەگىس مەزگىلىن كەشىكتىرمەۋ ءۇشىن، سەرىكتەستىكتىڭ قىزمەتكەرلەرى ۇستەمە جۇمىس ىستەپ ءوندىرىس جۇرگىزىپ، رايونىمىزدىڭ اۋىل شارۋاشىلىق ءوندىرىسىن قامتاماسىز ەتۋگە ماڭىزدى ۇلەس قوستى. كەزەكتە ىندەت جاعدايى ۇزدىكسىز جاقسارۋدا، دەسەدە، ءالى دە نەمقۇرايدى قاراۋعا بولمايدى. ىندەتتەن ساقتانۋ - تىزگىندەۋ جانە قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ قىزمەتىنىڭ ءتۇرلى شارالارىن ناقتى، ەگجەي - تەگجەيلى تياناقتاندىرۋ كەرەك.

  شينجياڭ شينتاي توقىماشىلىق شەكتى سەرىكتەستىگى جىلىنا 50 مىڭ توننا جاساندى ءجىپ ءوندىرىپ، 2000عا تاياۋ جۇمىس ورنىن ازىرلەگەن، ونىمدەرى نەگىزىنەن شاندۇڭ، جياڭسۋ، جىجياڭ، گۋاڭدۇڭ سياقتى جەرلەرگە ساتىلادى. شينجياڭ شينتاي توقىماشىلىق شەكتى سەرىكتەستىگىنىڭ سەحتارىنا بارا قالساڭىز، توقىما ماشينالارىنىڭ ساقىلداعان داۋىسى قۇلاق تۇندىرادى، زاۆودتا جۇمىسشىلار اسا ءتارتىپتى تۇردە قاربالاس ىستەۋدە. ”تاماقتارىڭىز قالاي؟“،”قازىر قايدا جاتىرسىزدار؟“، ”ۇيلەرىڭىزگە قايتپاعالى قانشا ۋاقىت بولدى؟“... شوكىرات زاكىر جۇمىسشىلارمەن ىقىلاستى تۇردە اڭگىمەلەستى. ول بىلاي دەپ اتاپ كورسەتتى: كاسىپورىن ىندەتتەن ساقتانۋ - تىزگىندەۋگە ءمان بەرۋمەن بىرگە، بار كۇشىن سالا ءوندىرىس جۇرگىزىپ، قالىپتى ءوندىرىس قۋاتىن تەز ارادا قالپىنا كەلتىرىپ، ىرىقتىلىقپەن ىسكەرلىك كورسەتىپ، سەنىمدى بەكەمدەپ، ىندەت اكەلگەن ءتيىمسىز ىقپالدى ىرىقتىلىقپەن جويۋى كەرەك.

  شوكىرات زاكىر بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى ەل بىرلىگىنەن بەرىك قامال تۇرعىزىپ، ىتىماقتاسا شايقاس جاساپ، قازىر ىندەتتەن ساقتانۋ - تىزگىندەۋ جاعدايى باستاپقى قادامدا ۇزدىكسىز جاقسارعان، ءوندىرىس، تۇرمىس ءتارتىبى جەدەل قالپىنا كەلگەن جاعداي جارىققا شىقتى. ساۋان اۋدانى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ قىزمەت تالابىنا ساي، ساياسي جاۋاپكەرشىلىكتى ۇزدىكسىز كۇشەيتىپ، ىندەتتەن ساقتانۋ - تىزگىندەۋ قىزمەتىن ۇزدىكسىز تيتتەي دە بوساڭسىتپاي مىقتى يگەرىپ، قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ قىزمەتىن ىلگەرىلەتىپ، ىندەتتىڭ ىقپالىن ەڭ تومەنگى شەككە تۇسىرۋگە، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ قوس جەڭىسىنە قول جەتكىزۋگە قۇلشىنۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.