تيانشان تورى   ›   جاڭالىقتار   ›   شينجياڭ حابارلارى

نىسانادان جازباي، زەيىن - زەردەنى، كۇش - قۋاتتى ۇيىستىرا ىستەيىك

باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزى رايونىمىزداعى كادرلار مەن بۇقارانى جىگەرلەندىردى −

نىسانادان جازباي، زەيىن - زەردەنى، كۇش - قۋاتتى ۇيىستىرا ىستەيىك

شينجياڭ گازەتىنىڭ جالپىلىق اقپارات قۇرالدارى ءتىلشىسى

  3 - ايدىڭ 6 - كۇنى باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزى بۇكىل پارتياعا، بۇكىل ەلگە، بۇكىل قوعامعا مۇلدەم كەدەيلىككە ەڭ سوڭعى جالپى شابۋىل جاساۋدىڭ اتتانىسقا كەلتىرۋ بۇيرىعىن شىعاردى، رايونىمىزداعى قالىڭ كادر - بۇقارا ايرىقشا شابىت الىپ، سەنىمدەرى ەسەلەپ ارتتى. كوپشىلىك باس شۋجي شي جينپيڭنىڭ ماڭىزدى ءسوزىنىڭ رۋحىن تاباندىلىقپەن ويداعىداي تياناقتاندىرىپ، نىسانادان جازباي، زەيىن - زەردەنى، كۇش - قۋاتتى ۇيىستىرىپ، ءتۇرلى قىزمەتتى ناقتى، ەگجەي - تەگجەيلى يگەرىپ، ارىندى جىگەرمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەتىندىكتەرىن ءبىلدىردى.

شىنداپ كىرىسىپ، قيىندىقتاردان تايسالماي ”قاداعالاپ“، زەيىن - زەردەنى، كۇش - قۋاتتى ۇيىستىرىپ ”شايقاس“جۇرگىزدى

  قاشقار ايماعىندا ءالى دە 4 اۋداننىڭ كەدەيلىك قالپاعى الىنعان جوق، ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن قاز - قالپىندا تياناقتاندىرىپ، شىنداپ كىرىسىپ، قيىندىقتاردان تايسالماي، ەڭ قاتاڭ ستيلمەن ەڭ سوڭعى ماشاقاتتى’ تۇيىندەردى‘ شەشەمىز“. قاشقار ايماقتىق كەدەيلەردى سۇيەمەلدەۋ - وركەندەتۋ كەڭسەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى لي شۋحاي بىلاي دەدى: قاشقار ايماعى ءىس جۇزىندىكپەن بىرلەستىرىپ، كەدەيلىكتەن ارىلتۋدان قامال الۋ قىزمەتىنىڭ تۇيىندەرىن بەلگىلەدى، شايقاستى اشىق - اشكەرە قاداعالاۋعا تاباندى بولدى، ايماقتىق پارتكومنىڭ، اكىمشىلىك مەكەمەسىنىڭ نەگىزگى باسشىلارى مەن جاۋاپتى باسشىلار جەكە - جەكە قالپاعى الىنباعان 4 اۋداننىڭ شايقاسىن قاداعالادى، ايماق، مەڭگەرمە دارەجەلى باسشىلار مەن اۋدان، قالا باسشىلارى كەدەيلىك تىزىمىنەن شىعارىلماعان 293 قىستاقتىڭ شايقاسىن قاداعالادى، ءار دارەجەلى كادرلار كەدەي وتباسىلارىن كوتەرمەگە الۋدى، بايلانىس جاساۋدى، كومەكتەسۋدى، سۇيەمەلدەۋدى جاپپاي ىسكە اسىردى، ايماق كەدەيلىكتەن ارىلتۋدان قامال الۋعا جەتەكشىلىك ەتەتىن 4 گرۋپپا ۇيىمداستىرىپ، جالپى بارىسقا جەتەكشىلىك ەتتى، باسىم كۇش - قۋاتتى ۇيىستىرىپ، ءتۇرلى بايلىق قاينارلارىن بىرىكتىرىپ، ”ءبىر وتباسىنا ءبىر شارانى“ تاپتىشتەي ىستەپ، اۋىر كەدەيلىكتى جويۋ شايقاسىن ويداعىداي جۇرگىزدى.

  ”شايقاستى اشىق - اشكەرە قاداعالادىق، ساتىلار بويىنشا جاۋاپكەرشىلىكتى ناقتىلاندىردىق، باس شۋجيدىڭ ماڭىزدى ءسوزى ەرەكشە كۇشتى جەتەكشىلىك سيپاتقا يە“. شەريا اۋدانى كەدەيلەردى سۇيەمەلدەۋ - وركەندەتۋ كەڭسەسىنىڭ مەڭگەرۋشىسى جىڭ جينباۋ بىلاي دەدى: شەريا اۋدانى اۋىل - قالاشىقتاردا تۇرىپ قىزمەتكە جەتەكشىلىك ەتۋ گرۋپپاسىنان 8ىن تاڭداپ جىبەردى، اۋدان باسشىلارى باستاماشى بولىپ، وڭىرلەرگە ءبولىپ شايقاس جۇرگىزۋ بويىنشا، سايلاۋىت كۇشتەردى ۇيىمداستىرىپ، كەدەيلەرگە قۋاتتى كۇشپەن كومەكتەسىپ، سۇيەمەلدەپ، اشىق - اشكەرە قاداعالاپ، اۋىلدى، قىستاقتى، وتباسىن، ادامدى، نىساندى قاداعالاپ وتكەلدەن وتكىزدى. ”ەكىدەن تارىقتىرماۋ، ءۇشتى قامتاماسىز ەتۋگە“ تۋرالاپ، ەرەكشە كەدەي قاۋىمدى قاداعالاپ، جۇمىستانۋدى قامتاماسىز ەتۋگە، كىرىستى ورنىقتى ارتتىرۋعا، بىردە - ءبىرىن قاتاردان قالدىرماۋعا شىنايى كەپىلدىك ەتىپ، بۇكىل اۋداننىڭ كەدەيلىك قالپاعىن ءدال ۋاعىندا الىپ تاستاۋىنا كەپىلدىك ەتەمىز.

دالمە - ءدال شارا قولدانىپ، بار كۇشپەن قامال الدى

  ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن باتىلدىقپەن دايەكتىلەندىرىپ، تياناقتاندىرىپ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ، مەملەكەت مەنشىگىندەگى كاسىپورىننىڭ ابزالدىلىعىن ساۋلەلەندىرىپ، اناعۇرلىم زور بەكىممەن، اناعۇرلىم كۇشتى تەبىنمەن كەدەيلىكتەن ارىلتۋدان قامال الۋدى ىلگەرىلەتەمىز“. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى جوسپارلاۋ - دامۋ باسقارماسىنىڭ باستىعى شاۋ گاڭ مىنالاردى ءبىلدىردى: مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كاسىپ سالاسى ارقىلى كەدەيلەردى سۇيەمەلدەۋ، جۇمىستاندىرۋ ارقىلى كەدەيلەردى سۇيەمەلدەۋ، تۇتىنۋ ارقىلى كەدەيلەردى سۇيەمەلدەۋ، نىسانالى كومەكتەسۋ - سۇيەمەلدەۋ سياقتى جاقتاردا ۇزدىكسىز كۇش سالۋدى ىلگەرىلەتىپ، كەدەي وتباسىلارىنىڭ ورنىقتى جۇمىستانۋىنا، كىرىستەرىن ارتتىرۋىنا دەم بەرەدى. بيىل كەدەي ەڭبەككۇشتەردىڭ جۇمىستانۋىنا 1000 قىزمەت ورنىن تىڭنان ارتتىرۋ جوسپارعا الىنىپ، وڭتۇستىك شينجياڭنىڭ 4 ايماق، وبلىسىندا 35 كاسىپ سالاسى ارقىلى كەدەيلەردى سۇيەمەلدەۋ نىسانىن جاڭادان سالىپ، ۇزدىكسىز سالىپ، 2 ميلليارد 100 ميلليون يۋان قارجى قوسۋ جوسپارىن ورىندايدى، بۇل اۋىل شارۋاشىلىعى قوسىمشا ونىمدەرىن جىنتىكتەي مانەرلەۋ، توقىماشىلىق كاسىبىنىڭ دامۋى سياقتى سالالارعا سايادى. نىسانداردىڭ سالىنۋى مەن ىسكە قوسىلۋى جەرگىلىكتى ورىننىڭ ەكونوميكاسىنىڭ دامۋىن ىلگەرىلەتۋگە، كەدەي ەڭبەككۇشتەردىڭ جۇمىستانۋىن، كىرىستەرىن ارتتىرۋىن جەتەكتەۋگە بەلسەندى رول اتقارادى.

  كەزەكتە رايونىمىزدىڭ كوكتەمگى ەگىس دايىندىق قىزمەتى ءتارتىپتى باستالدى. اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ شۋجيى جوۋ گاڭ مىنالاردى ءبىلدىردى: تۇتاس رايونىمىزداعى اۋىل شارۋاشىلىعى، اۋىل - قىستاق تاراۋلارى باس شۋجي شي جينپيڭنىڭ ماڭىزدى ءسوزىنىڭ رۋحىن قىزمەت بارىسىندا تياناقتاندىرىپ، دامۋ - رەفورمالاۋ سياقتى تاراۋلارمەن سەلبەسۋدى كۇشەيتىپ، تۇقىم، حيميالىق تىڭايتقىش سياقتى ەگىن شارۋاشىلىعى ءوندىرىس قۇرال - جابدىقتارىن وندىرەتىن كاسىپورىنداردىڭ جانە مال - قۇس باعىمشىلىعى، جەم - ءشوپ مانەرلەۋ سياقتى جوعارى - تومەن تىزبەكتەگى كاسىپورىنداردىڭ ءوندىرىستى تەزدەتۋىن ىلگەرىلەتىپ، ەگىن شارۋاشىلىعى ءوندىرىسىنىڭ قاجەتىن قامتاماسىز ەتەدى. سونىمەن بىرگە، كاسىپورىنداردىڭ جۇمىسكەر قابىلداۋ جانە ەگىن شارۋاشىلىعى ءوندىرىسىنىڭ جۇمىسكەر قابىلداۋ ەرەكشەلىگىن ۇشتاستىرىپ، ”تۇيىننەن تۇيىنگە“ دەيىنگى ەڭبەككۇش شىعارۋ سياقتى قىزمەت وتەۋدى ورىستەتىپ، كاسىپورىنداردى، سەلبەستىك كووپەراتيۆتەرىن شارۋالاردى جاقىن ماڭنان، سول ورىننان جۇمىسقا الۋعا شابىتتاندىرىپ، كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە قول جەتكىزۋگە كۇش - قۋات قوسامىز.

نىسانادان جازباي، قىزمەتتى ناقتى ىستەدى

  ”باس شۋجي شي جينپيڭ اۋىز سۋ حاۋىپسىزدىگىنىڭ سوڭعى ينجەنەريالىق مىندەتتەرىن الدىڭعى جارتى جىلدا تولىق ورىنداپ بولۋدى تالاپ ەتتى، ءبىز جاۋاپكەرشىلىگىمىزدىڭ سالماقتى ەكەنىن تەرەڭ سەزىندىك“. اۆتونوميالى رايوندىق اۋىل - قىستاق اۋىز سۋ حاۋىپسىزدىگىن باسقارۋ باس پۋنكتىنىڭ مەڭگەرۋشىسى جاڭ يۇن بىلاي دەدى: ”قازىر ءپايزاۋات اۋدانىنىڭ قالا - اۋىلدارىنداعى اۋىل - قىستاق اۋىز سۋ حاۋىپسىزدىگى ينجەنەرياسى جۇمىستى قالپىنا كەلتىردى، وسى ينجەنەريا ارقىلى رايونىمىزداعى قالعان 15 مىڭ 300 كەدەي حالىقتىڭ اۋىز سۋ حاۋىپسىزدىگى ماسەلەسى تۇبەگەيلى شەشىلەدى. ءبىز نىسانادان جازباي، ولقىلىقتاردى تولىقتاپ، ينجەنەريانىڭ اياق الىسىن جەدەل ىلگەرىلەتىپ، بيىل 6 - ايدىڭ سوڭىنان بۇرىن قۇرىلىستى اياقتاتۋعا كەپىلدىك ەتەمىز. سونىمەن بىرگە، اۋىز سۋ حاۋىپسىزدىگى ينجەنەرياسىن اناعۇرلىم بەكەمدەپ، جوعارىلاتىپ، بۇقارانىڭ اناعۇرلىم ساپالى، اناعۇرلىم تازا اۋىز سۋ ىشە الۋىنا مۇمكىندىك جاسايمىز.

  اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋدىڭ ساياسي جاۋاپكەرشىلىگىن باتىلدىقپەن ارقالاپ، كەدەيلەردى سۇيەمەلدەۋدىڭ قازىنالىق ۇسىنىلىم تەبىنىن اناعۇرلىم ارتتىرىپ، قارجى شىعىس قۇرىلىمىن ساپالىلاندىرىپ، كاسىپ ارقىلى سۇيەمەلدەۋدى جانە جۇمىستاندىرۋ ارقىلى سۇيەمەلدەۋدى كۇشەيتىپ، كەدەيلىكتەن ارىلتۋدىڭ تابىستارىن بەكەمدەيمىز. سونىمەن بىرگە، كەدەي اۋدانداردىڭ قازىناسىنىڭ ەگىن شارۋاشىلىعى ءوندىرىس قۇرال - جابدىقتارىنا ساياتىن قارجىسىن بىرىكتىرۋ تەبىنىن كۇشەيتىپ، كەدەيلەردى سۇيەمەلدەۋ قازىنالىق قارجىسىن ۇلەستىرۋگە، تابىس ەتۋگە، پايدالانۋعا، ت. ب جالپى بارىستىق باقىلاۋ - مەڭگەرۋ جۇرگىزىپ، كەدەيلەردى سۇيەمەلدەۋ قارجىسىنىڭ پايدالانىلۋ ونىمدىلىگىن شىنايى جوعارىلاتىپ، كەدەيلىكتەن ارىلتۋدان قامال الۋ مىندەتىنىڭ جوعارى ساپادا جالپى بەتتىك ورىندالۋىنا كەپىلدىك ەتەمىز.

(تىلشىلەر جاڭ يانفاڭ، جازۋعا قاتىناسقان تىلشىلەر حان چينيان، ءپاريزات ابدۇ، شى شين، ليۋ ي، ليۋ دۇڭلاي، ميھىرگۇل ناسىر، ەرىكتى ءتىلشى ۋاڭ سايمەي)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.