− باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
كەدەيلىكتەن ارىلتۋدان قامال الۋ شەشۋشى كەزەڭگە تاياعان سايىن، ءسوزسىز، جەڭىسكە جەتۋ سەنىمىن اناعۇرلىم بەكەمدەۋ، اناعۇرلىم جىگەرلەنە تۇسەتىن بەكىم بولۋ، سايلاۋىت قوسىنداردى شايقاسقا اتتاندىرىپ، قامال الىپ، قيىندىقتاردى جەڭىپ، تۇبەگەيلى جەڭىسكە جەتپەيىنشە شەگىنبەۋ كەرەك.
كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە باس شۋجي شي جينپيڭ كەدەيلىكتەن ارىلتۋدان قامال الۋ ءدوپ كەلگەن جاعدايلارعا ىشكەرىلەي تالداۋ جاساپ، كەدەيلىكتەن ارىلتۋدان قامال الۋدىڭ نىسانا - مىندەتتەرىن جوعارى ساپامەن ورىنداۋعا شىنايى كەپىلدىك ەتۋ جونىندە كەلەلى ورنالاستىرۋ جاساپ، بۇكىل پارتيانىڭ، بۇكىل ەلدىڭ، بۇكىل قوعامنىڭ كۇش - قۋاتىن اتتانىسقا كەلتىرىپ، اناعۇرلىم زور بەكىم، اناعۇرلىم پارمەندى تەبىن ارقىلى كەدەيلىكتەن ارىلتۋدان قامال الۋدى ىلگەرىلەتىپ، ەڭ سوڭعى جەڭىسكە قول جەتكىزۋگە شىنايى كەپىلدىك ەتتى.
قازىرگى جاعدايدان قاراعاندا، كەدەيلىكتەن ارىلتۋدان قامال الۋ نىسانا - مىندەتتەرى ورىندالۋعا تايادى، كەدەيلىكتەن ارىلتۋ اياق الىسى مەجەلى ۋاقىتقا ۇيلەسەدى. ايتسە دە شەشۋشى سيپاتتى تابىستان جالپى بەتتىك جەڭىسكە دەيىن، ءدوپ كەلىپ وتىرعان قيىنشىلىقتار مەن سىن - سايىستار ءالى دە اۋىر. بۇكىل ەل بويىنشا ءالى 52 كەدەي اۋداننىڭ كەدەيلىك قالپاعى الىنعانى جوق، 2707 كەدەي قىستاق كەدەيلىك تىزىمىنەن شىعارىلمادى، ارحيۆ تۇرعىزىلىپ، كارتچكالاندىرىلعان كەدەي حالىق ءالى تولىق كەدەيلىكتەن ارىلعانى جوق. بۇرىنعىمەن سالىستىرعاندا، جالپى سانى مول بولماعانىمەن، ءبىراق بارلىعى كەدەيدىڭ كەدەيى، قيىننىڭ قيىنى، وڭاي شەشىلمەيتىن ەڭ ماشاقاتتى ءتۇيىن. سونىمەن بىرگە، جاڭا تيپتى ايدارشا ۆيرۋس وكپە قابىنۋ ىندەتى الا كەلگەن تىڭ سىن - سايىستار ءبىزدىڭ كەدەيلىكتەن ارىلتۋدان قامال الۋدىڭ نىسانا - مىندەتتەرىن ورىنداۋىمىزعا ونان ارمان قيىندىق اكەلدى. وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن قيىندىقتاردان تايسالماي، كەدەرگىلەردى الاستاپ، كەدەيلىكتەن ارىلتۋدان قامال الۋدىڭ نىسانا - مىندەتتەرىن جوعارى ساپامەن ورىنداعاندا عانا، پارتيا مەن حالىققا تولىمدى جاۋاپ بەرىپ، پارتيامىزدىڭ ايبىندى ۋادەسىن ورىنداي الامىز.
كەدەيلىكتەن ارىلتۋدان قامال الۋدىڭ نىسانا - مىندەتتەرىن جوعارى ساپامەن ورىنداۋدا باتىلدىقپەن قامال الىپ، قيىندىقتاردى جەڭىپ، بەلگىلەنگەن مىندەتتەردى باتىل ورىنداۋ كەرەك. كەدەيلىكتەن ارىلتۋدان قامال الۋدىڭ ەڭ سوڭعى جىلىنداعى قىزمەتتەر جونىندە «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ”اۋىل شارۋاشىلىعى، اۋىل - قىستاق، شارۋالار“ سالاسىنداعى ءتۇيىندى قىزمەتتەردى ويداعىداي يگەرىپ، جاپپاي دوڭگەلەك داۋلەتتى ۋاعىندا جۇزەگە اسىرۋعا شىنايى كەپىلدىك ەتۋ جونىندەگى پىكىرىندە» الدەقاشان ورنالاستىرۋ جاسالعان، جەر - جەر، تاراۋلار دايەكتىلەندىرۋدى، تياناقتاندىرۋدى ويداعىداي يگەرىپ، وڭىرگە، دارەجەگە ءبولىپ دالمە - ءدال ساقتانۋ - تىزگىندەۋ تاكتيكاسىن تياناقتاندىرىپ، ىندەتتىڭ ىقپالىن ەڭ تومەنگى شەككە ءتۇسىرۋ كەرەك. نازاردى ”ءۇش رايون، ءۇش وبلىس“ سياقتى اۋىر كەدەي وڭىرلەرگە ۇزدىكسىز شوعىرلاندىرىپ، كەدەيلىكتەن ارىلتۋدان قامال الۋ جوباسىن تياناقتاندىرىپ، كورنەكتى ماسەلەلەر مەن ءالسىز بۋىنداردى كوزدەي وتىرىپ ساياساتتى تياناقتاندىرۋدى مىقتى يگەرۋ كەرەك. قالعان ارحيۆ تۇرعىزىلىپ، كارتچكالاندىرىلعان كەدەي حالىقتىڭ دەر كەزىندە كەدەيلىكتەن ارىلۋىنا شىنايى كەپىلدىك ەتىپ، كەدەيلىك قالپاعى الىنباعان 52 كەدەي اۋدان مەن 1113 كەدەي قىستاقتا شايقاستى اشىق - اشكەرە باقىلاۋى، مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسى شىنداپ كىرىسىپ، قاتاڭ باقىلاۋى، ءارقايسى ولكە، اۆتونوميالى رايون، قالالار زەيىن - زەردەنى، كۇش - قۋاتتى ۇيىستىرىپ ”شايقاسقا“ اتتانىپ، ەڭ سوڭعى ماشاقاتتى ءتۇيىندى شەشۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“ تابىستارىن بەكەمدەپ، قايتالاي بەلەڭ بەرۋىنەن ساقتانۋ كەرەك. ەڭبەك قابىلەتى جوق ەرەكشە كەدەي حالىقتى قوعامدىق قامتاماسىزداندىرۋمەن تولىق قامتۋدى كۇشەيتىپ، قامتاماسىز ەتىلۋگە تيىستىلەرىن مۇمكىندىكتىڭ بارىنشا قامتاماسىز ەتۋ كەرەك.
كەدەيلىكتەن ارىلتۋدان قامال الۋدىڭ نىسانا - مىندەتتەرىن جوعارى ساپامەن ورىنداۋدا كوپ شارانى قاتار قولدانىپ تابىستاردى بەكەمدەۋ كەرەك. جۇمىستاندىرۋ ارقىلى كەدەيلەردى سۇيەمەلدەۋ سەرپىنىن ارتتىرۋ، كاسىپ سالاسى ارقىلى كەدەيلەردى سۇيەمەلدەۋ سەرپىنىن ارتتىرۋ، كەدەيلەردى سۇيەمەلدەۋگە بايلانىستى قونىس جاڭالاۋدان كەيىنگى سۇيەمەلدەۋ سەرپىنىن ارتتىرۋ كەرەك. كەدەيلىكتەن ارىلتۋدان قامال الۋ ساياساتىنىڭ تۇراقتىلىعىن ساقتاپ، قايتا كەدەيلەسۋدەن ساقتانۋدى باقىلاۋ - ساراپتاۋ جانە كومەكتەسۋ - سۇيەمەلدەۋ مەحانيزمىن جەدەل ورناتىپ، كەدەيلىك تىزىمىنەن شىعارىلعان اۋدانداردى، قىستاقتاردى، حالىقتى دەمەپ جىبەرۋ، جەبەپ جىبەرۋ، وتپەلى كەزەڭدە قالپاق الىنعانىمەن جاۋاپكەرشىلىكتى تاستاماۋدى، قالپاعى الىنعانىمەن ساياساتتى توقتاتپاۋدى، قالپاعى الىنعانىمەن كومەكتەسۋ - سۇيەمەلدەۋدى توقتاتپاۋدى، قالپاعى الىنعانىمەن باقىلاۋ - باسقارۋدى توقتاتپاۋدى قاتاڭ ورىنداۋ كەرەك. باعالاۋدى قاتايتىپ، جاپپاي تەكسەرۋ ورىستەتۋ، كەدەيلىك تىزىمىنەن شىعارۋ وتكەلىن قاتاڭ يگەرىپ، ساندى مالىمەتتىك كەدەيلىكتەن ارىلتۋدى، كەدەيلىكتەن جالعان ارىلتۋدى باتىل تيۋ، كەدەيلىكتەن ارىلتۋ ناتيجەلەرىنىڭ تاريح پەن حالىقتىڭ سىنىنان سۇرىنبەي وتۋىنە شىنايى كەپىلدىك ەتۋ كەرەك. كەدەيلىكتەن ارىلىپ، قالپاقتى الىپ تاستاۋ سوڭعى كومبە ەمەس، قايتا تىڭ تۇرمىستىڭ، تىڭ كۇرەستىڭ باستاماسى، جاپپاي كەدەيلىكتەن ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن ۇزدىكسىز ىلگەرىلەتىپ، كەدەيلىكتى ازايتۋ ستراتەگياسى مەن قىزمەت جۇيەسىنىڭ ورنىقتى تۇردە تيپ وزگەرتۋىن ىلگەرىلەتىپ، ونى اۋىل - قىستاقتى گۇلدەندىرۋ ستراتەگياسىنا ءبىر تۇتاس جوسپارلاپ قامتىپ، ۇزاق مەرزىم مەن قىسقا مەرزىم بىرلەسكەن، ۇستىنەن وڭاۋ مەن تۇبىرىنەن وڭاۋ قاتار يگەرىلگەن ءتۇزىلىس - مەحانيزم ورناتۋ، دامۋى كەنجە وڭىرلەر مەن اۋىل - قىستاقتاعى تومەن كىرىستى حالىقتىڭ دامۋىنىڭ ىشكى قوزعاۋشى كۇشىن قاۋلاتۋ، دالمە - ءدال كومەكتەسۋ - سۇيەمەلدەۋ، ورتاق بايۋدى بىرتىندەپ جۇزەگە اسىرۋ كەرەك.
اۋىل - قىستاقتاعى كەدەي حالىقتىڭ دەر كەزىندە كەدەيلىكتەن ارىلۋى، كەدەي اۋدانداردىڭ ءبارىنىڭ قالپاعىن الۋ، وڭىرلىك سيپاتتى جالپى بەتتىك كەدەيلىكتى شەشۋ − جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى. بۇل تومەنگى شەك مىندەتتى تيتتەي دە بۇلتاققا سالۋعا بولمايدى، پارتيامىزدىڭ حالىققا بەرگەن انتىن، ءسوز جوق، دەر كەزىندە ورىنداۋ كەرەك، شەگىنۋگە جانە سولقىلداقتىق ىستەۋگە مۇلدە بولمايدى. قازىر اتويلاۋ دابىلى قاعىلدى، سەنىمدى بەكەمدەپ، اۋىتقىماي، نىسانادان جازباي، اسقاق جىگەرمەن، تاسقىنداعان ىنتامەن، جالىنداعان قايراتپەن كۇش بىرىكتىرىپ، قامال الىپ، قايسارلىقپەن كۇرەس جۇرگىزىپ، كەدەيلىكتەن ارىلتۋدان قامال الۋدىڭ نىسانا - مىندەتتەرىن جوعارى ساپامەن ورىنداپ، دەر كەزىندە جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.
(شينحۋا اگەنتتىگىنىڭ 3 - ايدىڭ 9 - كۇنى بەيجيڭنەن بەرگەن حابارى)
