شينجياڭ گازەتىنىڭ جالپىلىق اقپارات قۇرالدارى تىلشىلەرى
3 - ايدىڭ 9 - كۇنى تۇستەن بۇرىن قۇتىبي اۋدانىنداعى شينجياڭ يۇيحۋا توقىماشىلىق عىلىم - تەحنيكا شەكتى سەرىكتەستىگىنىڭ ءجىپ ءيىرۋ سەحىندا 22 جاستاعى بۇسارا عۇلامقادىر مۇقيات قىزمەت ىستەۋدە. تەرەزەنىڭ سىرتىنداعى كوكتەمنىڭ مامىرجاي شۋاعى ءدال ونىڭ وسى ساتتەگى كوڭىل كۇيىمەن ۇندەسكەندەي. ارحيۆ تۇرعىزىلىپ، كارتچكالاندىرىلعان كەدەي رەتىندە، 2 جىلدىڭ الدىندا ول گۇما اۋدانى پيشينا اۋىلى بۇلاقبەشى قىستاعىنان وسى اراعا كەلىپ توقىماشى ايەل جۇمىسكەر بولىپ، وتباسىن كەدەيلىكتەن ارىلتۋعا جەتەكتەدى. بىرنەشە كۇننىڭ الدىندا فابريكا جۇمىستى قالپىنا كەلتىرگەندە ول 1 - توپتا جۇمىس ورنىنا ورالدى.
سوڭعى جىلدارى رايونىمىز ساياساتتىق جەتەكتەۋ مەحانيزمىن ورناتۋ ارقىلى جۇمىستانۋ ورتاسىن ساپالىلاندىرىپ، كەدەي بۇقارانى الدىمەن جۇمىستاندىرىپ، كىرىستەرىن ارتتىرىپ، كەدەيلىكتەن ارىلتتى، بۇسارا، مۇنان يگىلىكتەنۋشىلەردىڭ ءبىرى.
كەدەي بۇقارانى الدىمەن جۇمىستاندىردى
بىرنەشە كۇننىڭ الدىندا شينجياڭ جينشىڭمەييە شەكتى سەرىكتەستىگى جاڭادان قابىلدانعان جۇمىسشى - قىزمەتشىلەرگە جۇمىستان بۇرىنعى باۋلۋ جۇرگىزدى، قۇمىل قالاسى يجوۋ رايونى راقاتباق اۋىلى قاراتال قىستاعىنداعى كەدەي ءپازىلات باسىت، انە، سولاردىڭ اراسىنداعى ءبىرى. ونىڭ ۇيىندە 4 جان بار، ءبىر ءۇيلى جان 2.5 مۋ جەردەگى شىلاننان تاپقان نەشە مىڭ يۋان كىرىسكە جانە ەڭ تومەنگى تۇرمىستى قامتاماسىز ەتۋ قوسىمشا قاراجاتىنا سۇيەنىپ تۇرمىس كەشىرەتىن. بيىل جىل باسىندا ول قىستاقتان جينشىڭمەييە جۇمىسكەر قابىلدايدى دەگەن حاباردى ەستىگەننەن كەيىن دەرەۋ تىزىمدەلەدى.
”باۋلۋ اياقتاپ جۇمىسقا شىققاننان كەيىن ايىنا 4500 يۋان ەڭبەكاقى الدىم، سەرىكتەستىك ۇيىمە جاقىن، ءۇي ىشىمدەگىلەرگە دە قارايلاسا الامىن، ءدال ’اقشانى دا تاۋىپ، وتباسىنا دا قارايلاسقاننىڭ ءوزى‘ بولدى، الداعى تۇرمىسىمىزدىڭ كۇن سايىن جاقسارا تۇسەتىندىگى داۋسىز“، - دەدى ءپازىلاتتىڭ جۇزىنەن قۋانىش لەبى ەسىپ.
”قىستاقتا نەگىزگى كاسىپ سالاسى، وتباسىلارىندا كىرىستى ارتتىرۋ نىسانى، ءاربىر ادامنىڭ قولىندا ونەر بار بولۋ“. موري قازاق اۆتونوميالى اۋدانى تەرەكتى اۋىلى شيچۋان قىستاعىنداعى كيىم - كەشەك زاۆودىنىڭ قابىرعاسىندا وسى ۇران ەرەكشە كوزگە تۇسەدى. كيىم - كەشەك زاۆودىندا جۇمىستانعان ارحيۆ تۇرعىزىلىپ، كارتچكالاندىرىلعان كەدەي مارجان بىلاي دەدى: ”بىلتىر قىستاقتا كيىم - كەشەك فابريكاسى قۇرىلىپ، مەنى زاۆودقا كەلىپ جۇمىس ىستەۋگە الدىمەن ورنالاستىردى، ايلىق كىرىسىم 2000 يۋاننىڭ ۇستىندە“.
تەرەكتى اۋىلدىق پارتكومنىڭ شۋجيى ۋاڭ جۇن بىلاي دەپ تانىستىردى: تەرەكتى اۋىلىندا كەدەيلەر جۇمىسقا الدىمەن ورنالاستىرىلدى. قازىر 100دەن استام كەدەي ءۇيدىڭ ماڭىنان جۇمىستانۋدى ىسكە اسىردى.
جۇمىس ورنىن ورنىقتىرىپ، جۇمىس ورنىن كوبەيتىپ، كەدەيلىكتەن ارىلتۋدى جەبەدى
3 - ايدىڭ 8 - كۇنى تاڭەرتەڭ، سيرلاردىڭ موڭىرەگەن داۋىسى اۋىق - اۋىق ەستىلەدى، التاي قالاسى حۇڭدۇن قالاشىعى ەكولوگيالىق باعىمشىلىق باقشاسىنىڭ باقتاشىسى قايرات اعزام ناۋاعا جەم - ءشوپ سالىپ جاتتى.
قايرات حۇڭدۇن قالاشىعىنىڭ كوكبۇقا قىستاعىنداعى ارحيۆ تۇرعىزىلىپ، كارتچكالاندىرىلعان كەدەي. بيىل جىل باسىندا قىستاق تۇرعىندار كوميتەتىنىڭ بايلانىس جاساۋىمەن ول ەكولوگيالىق باعىمشىلىق باقشاسىنىڭ قىزمەتكەرى بولادى. ”قازىر ايلىق ەڭبەكاقىم 3000 يۋان، بيىل وتباسىمىزدىڭ كەدەيلىكتەن قۇتىلۋىندا ماسەلە جوق“، - دەدى قايرات.
بيىل 1 - ايدا حۇڭدۇن قالاشىعى 13 مىڭ شارشى مەتر كەلەتىن ەكولوگيالىق باعىمشىلىق باقشاسىن قۇرىپ، ”كاسىپورىن + بازا + سەلبەستىك كووپەراتيۆى + ارحيۆ تۇرعىزىلىپ، كارتچكالاندىرىلعان كەدەي وتباسىلارى“ ۇلگىسىمەن جۇمىس جۇرگىزدى. ”ۇقساس شارت - جاعدايدا باعىمشىلىق باقشامىز كەدەي وتباسىلارىنداعى ەڭبەككۇشتەردى جۇمىسقا الدىمەن قابىلدادى“، - دەدى باعىمشىلىق باقشاسىنىڭ باس ديرەكتورى لي جيتاڭ.
ۇقساس شارت - جاعدايدا، رايونىمىزداعى كوپتەگەن كاسىپورىندار مەن مەكەمە ورىنداردىڭ بارلىعى كەدەي وتباسىلارىنداعى ەڭبەككۇشتەردى الدىمەن جۇمىسقا الىپ، ولاردىڭ كىرىستەرىن ارتتىرىپ، كەدەيلىكتەن ارىلۋىنا مۇمكىندىك جاسادى.
3 - ايدىڭ 8 - كۇنى حوتان اۋدانىنىڭ ەكونوميكالىق جاڭا رايونى اياق كيىم شارۋاشىلىق باقشاسى گويۋان اياق كيىم كاسىبى شەكتى سەرىكتەستىگىنىڭ سەحىندا ماشينانىڭ گۇرىلىنە قوسىلعان قول بالعانىڭ اياق كيىمنىڭ تابانىن ۇرعىلاعان داۋىسىندا ابىلەت ازەز وزگە جۇمىسشىلارمەن بىرگە ءبىر توپ ەكسپورت تاپسىرىسىن شاپشاڭ دايىنداۋدا.
2 جىلدىڭ الدىندا ابىلەت گويۋان اياق كيىم كاسىبىنىڭ ءبىر ءوندىرىس جۇمىسشىسى بولعان. بۇل كۇندەرى ول گرۋپپا باستىعى بولدى، ەڭبەكاقىسى دا وتكەندەگىدەن كوپ ءوستى، وتباسىنداعىلار الدەقاشان كەدەيلىك قالپاعىن لاقتىرىپ تاستاعان.
ساياساتتىق سۇيەمەلدەۋدىڭ ناتيجەسى ايگىلەندى
3 - ايدىڭ 9 - كۇنى ونسۋ اۋدانىنىڭ مەملەكەتتىك اۋىل شارۋاشىلىعى عىلىم - تەحنيكا باقشا رايونىنداعى اقسۋ سايۋايحۇڭ اۋىل شارۋاشىلىق ونىمدەرىن دامىتۋ شەكتى سەرىكتەستىگىنىڭ جەمىس - جيدەكتەردى ساقتاۋ رايونىندا جۇمىسشى اسقار اكرام اشالى تيەۋىش ماشينانى جاتتىق ايداپ كەلىپ، ءبىر ساندىق جاڭا جەمىستى ىشكى ولكەگە زات جەتكىزەتىن جۇك اۆتوكولىگىنە تيەدى. اسقار اقسۋ ونسۋ اۋدانى ىستەمشى اۋىلى قويشى قىستاعىنداعى ارحيۆ تۇرعىزىلىپ، كارتچكالاندىرىلعان كەدەي بولاتىن، 2017 - جىلى زاۆودقا كىرىپ، وتكەن جىلى وتباسى كەدەيلىكتەن ارىلدى.
اقسۋ ايماعىندا ءار دارەجەلى پارتكومدار مەن ۇكىمەتتەر جۇمىستاندىرۋ، جۇمىس ورنىن ورنىقتىرۋ شارالارىن بەلسەندىلىكپەن تياناقتاندىرىپ، باسقا سالاعا ويىستىرىپ جۇمىستاندىرۋ تەبىنىن ۇزدىكسىز ارتتىردى، ءبىر توپ كەدەي وتباسىنداعى ەڭبەككۇشتەر جۇمىستانۋ ارقىلى كىرىستەرىن ورنىقتى ارتتىرۋدى جۇزەگە اسىردى.
”سانجى ءبىزدىڭ قالامىز ءارى ءبىزدىڭ جان ۇيامىز“. 3 - ايدىڭ 7 - كۇنى سانجى قالالىق ورتا تازالىعىن باسقارۋ ورتالىعىنىڭ قىزمەتكەرى مامەت نيازدىڭ ايتقان جۇرەك جاردى وسى ءسوزى دە ونىڭ وسى قالاعا دەگەن قىزۋ سۇيىسپەنشىلىگىن ايگىلەپ وتىر.
2017 - جىلى 4 - ايدا مامەت ياركەن اۋدانى بەشكەنت قالاشىعىنىڭ 200دەن استام كەدەي وتباسىنداعى ەڭبەككۇشتەرمەن بىرگە سانجى قالاسىنا كەلىپ جۇمىستانعان بولاتىن. بۇل كۇندەرى ولار الدەقاشان وسى قالاعا باۋىر باسىپ، وسى قالانى وزدەرىنىڭ جان ۇيالارىنداي سەزىنەتىن بولدى.
اۆتونوميالى رايوننىڭ اتقارعان جۇمىستاندىرۋ ارقىلى حالىققا تيىمدىلىك جەتكىزۋ ينجەنەرياسىن ويداعىداي تياناقتاندىرۋ ءۇشىن، سانجى قالاسى ىلگەرىندى - كەيىندى 15 ميلليون يۋان ارناۋلى قارجى سالىپ، ياركەن اۋدانىنان سانجى قالاسىنا كەلگەن جۇمىسكەرلەرگە جاتاق عيماراتىن، اسحانا سالىپ بەرىپ، ۇيرەنۋ، مادەنيەت، دەنە تاربيە، كوڭىل اشۋ قۇرىلعىلارىن سەپتەپ، ولاردىڭ وسى ارادا الاڭسىز قىزمەت ىستەۋىنە جانە تۇرمىس كەشىرۋىنە مۇمكىندىك جاسادى.
قازىرگە دەيىن سانجى حۇيزۋ اۆتونوميالى وبلىسى وڭتۇستىك شينجياڭنان جالپى 3547 ارتىق ەڭبەككۇشتى باسقا سالاعا ويىستىرىپ جۇمىستاندىردى، ولاردىڭ جان باسىندىق ورتاشا ايلىق ەڭبەكاقىسى 2000 يۋاننان اسادى.
(تىلشىلەر گى يوۋجۇن، جازۋعا قاتىناسقان تىلشىلەرىمىز ءرايدا، جاڭ تيڭ، ءپاريزات ابدۇل، حان چينيان، جاڭ جىلي، ەرىكتى تىلشىلەر فوۋ جينشيا، ما حايران، نۇرگۇل، ما حۇيلين)
