تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

ارقاۋدى بەرىك شيراتىپ، مىعىم قايراتقا كەلىپ، كەدەيلىكتەن دەر كەزىندە ارىلتۋعا شىنايى كەپىلدىك ەتەمىز

− باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزى رايونىمىزداعى قىستاقتاردا تۇراتىن كادرلاردىڭ جانە ءبىرىنشى شۋجيلەردىڭ بەكىمى مەن سەنىمىن قاۋلاتتى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  جۋىق كۇندەردەن بەرى، رايونىمىزداعى قىستاقتاردا تۇراتىن كادرلار مەن ءبىرىنشى شۋجيلەر باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەندى. اۋىر مىندەت ارقالاعان ولار كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ ماڭىزدىلىعىن، جاپالىلىعىن، كوكەي تەستىلىگىن اناعۇرلىم جەتە تانىدى. كوپشىلىك جابال مىنالاردى ءبىلدىردى: ارقاۋدى بەرىك شيراتىپ، مىعىم قايراتقا كەلىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي جاقسى تياناقتاندىرىپ، كەدەيلىكتەن ارىلتۋدان قامال الۋ نىسانا - مىندەتتەرىن اسقاقتاعان كۇرەس جىگەرمەن، تاسقىنداعان ىنتامەن، تەبىندى قايراتپەن، جوعارى ساپامەن ورىنداپ، جاپپاي دوڭگەلەك داۋلەتتى قوعام ورناتۋدى دەر كەزىندە ورىنداۋعا شىنايى كەپىلدىك ەتەمىز.

نىسانانى ءدال كوزدەپ، دالمە - ءدال كۇش سالامىز، بويكۇيەزدىككە سالىنبايمىز

  ”باس شۋجي شي جينپيڭنىڭ ماڭىزدى ءسوزىن مۇقيات ۇيرەنىپ زور شابىت الدىم، جاۋاپكەرشىلىگىمنىڭ اۋىرلىعىن دا تەرەڭ سەزىندىم“، - دەدى 3 - ايدىڭ 9 - كۇنى قابا اۋدانى سارتام اۋىلى كۇرمىش قىستاعىنىڭ ءبىرىنشى شۋجيى ەركىن يقىر.

  كۇرمىش قىستاعى 2014 - جىلى تۇگەلدەي كەدەيلىكتەن ارىلدى، 2019 - جىلى بۇكىل قىستاقتىڭ جان باسىندىق كىرىسى 15 مىڭ 106 يۋان بولىپ، ارحيۆ تۇرعىزىلىپ، كارتچكالاندىرىلعان كەدەيلەردىڭ جان باسىندىق كىرىسى 13 مىڭ 709 يۋانعا جەتتى. ”بيىل ءبىز 13 مىڭ مۋ جەردى بىرىكتىرىپ، مۇنىڭ ىشىندە 6300 مۋ جەردى اينالىمعا سالىپ، ەگىنشى - مالشىلاردى جۇڭگوشا ءدارى ءشوپ ەگۋگە جەتەكتەپ، كەدەيلىكتەن ارىلتۋدان قامال الۋدىڭ ساپاسىن جوعارىلاتىپ، ونىمدىلىگىن ارتتىرۋعا كۇش قوسامىز“، - دەدى ەركىن.

  شاپشال سىبە اۆتونوميالى اۋداندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قاينۇق اۋىلى چەجي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي قادىل بايبولات بىلاي دەدى: ”ءبىزدىڭ قىستاق تۇگەلدەي كەدەيلىكتەن ارىلعانىمەن، الايدا جاعراپيالىق ورتانىڭ ىقپالىنان سۋ تاپشىلىعى قىستاق ەگىن شارۋاشىلىعىنىڭ دامۋىن شەكتەپ وتىرعان ءبىر ۇلكەن فاكتور بولدى. قازىر ءدال كوكتەمگى ەگىس دايىندىعى كەزەڭى، ءبىز قىستاق تۇرعىندارىن ماقسارى سياقتى شولگە شىدامدى وسىمدىكتەر ەگۋگە بەلسەندىلىكپەن اتتانىسقا كەلتىرىپ، سۋ تاپشىلىعى قيىنشىلىعىن شەشەمىز. سونىمەن بىرگە، جۇمىستانۋ قابىلەتى بار 150 نەشە كەدەي وتباسىن بەلسەندىلىكپەن جۇمىستانۋعا، شارۋاشىلىق قۇرۋعا ۇيىمداستىرىپ، كەدەي وتباسىلاردىڭ ورنىقتى تۇردە كەدەيلىكتەن ارىلىپ، قايتا كەدەيلەسپەۋىنە كەپىلدىك ەتۋدەمىز“.

  2019 - جىلى 9 - ايدا كەلپىن اۋدانى چيلاڭ اۋىلى باقشا قىستاعى تۇگەلدەي كەدەيلىكتەن ارىلعاننان كەيىن، جۇڭگو مۇناي - حيميا باتىس تەرىستىك مۇناي مەكەمەسىنىڭ چيلاڭ اۋىلى باقشا قىستاعىندا تۇراتىن ءبىرىنشى شۋجيى تاڭ دىجى قىستاق ”ەكى كوميتەتى“ مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن باستاپ زەيىن - زەردەنى كەدەيلىكتەن ارىلتۋدىڭ ساپاسىن جوعارىلاتىپ، قايتا كەدەيلەسۋدىڭ باتىل الدىن الىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە شوعىرلاندىرىپ، ءاربىر ديقان وتباسىلاردىڭ ءىس جۇزىندىك احۋالىمەن بىرلەستىرىپ دالمە - ءدال كۇش سالىپ، شاعىن دوعاشا لاپاس ەگىنشىلىگىن كۇش سالا دامىتىپ، سويىس سيىر باعىمشىلىعىنىڭ كولەمىن اناعۇرلىم كەڭەيتىپ، ماقتا سياقتى اۋىل شارۋاشىلىعى ونىمدەرىنىڭ ساپاسىن جوعارىلاتىپ، ونىمدىلىگىن ارتتىرۋدى جەبەدى.

دالمە - ءدال كۇش سالىپ، كىرىستى ارتتىرىپ، بايۋ ارناسىن كەڭەيتتى

  ”باس شۋجي شي جينپيڭنىڭ ماڭىزدى ءسوزى ءبىزدىڭ، ءسوزسىز، جەڭىسكە جەتۋ سەنىمىمىزدى اناعۇرلىم بەكەمدەي ءتۇستى“. 3 - ايدىڭ 9 - كۇنى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ كەريا اۋدانى كوكيار اۋىلى بوستانتەرەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لي باۋشى مىنالاردى ءبىلدىردى: بوستانتەرەك قىستاعىندا قازىر ارحيۆ تۇرعىزىلىپ، كارتچكالاندىرىلعان 196 وتباسى ءالى كەدەيلىكتەن ارىلا قويعان جوق، ءبارى دە ەڭ ماشاقاتتى ءتۇيىن، قازىر قىستاقتا تۇراتىن قىزمەت اترەتى الدەقاشان وتباسىنا دەيىن، ادامعا دەيىن دالمە - ءدال كومەكتەسۋ، سۇيەمەلدەۋ شارالارىن بەلگىلەپ بولدى. كەلەسى قادامدا قىستاقتا تۇراتىن قىزمەت اترەتى سەركە كاسىپورىندارىمەن، كەدەيلەردى سۇيەمەلدەۋ سەحتارىمەن ۇشتاسىپ، ەڭبەك قابىلەتى بار، جۇمىستانۋعا پەيىلدى كەدەي حالىقتى اۋىل ماڭىندا جۇمىستاندىرادى. ”تەك ءبارىمىز بىرگە قۇلشىنساق، نىسانادان كوز جازباي بوساڭسىماساق بولعانى، ءسوز جوق، وسى قاتاڭ شايقاستىڭ جەڭىسىنە قول جەتكىزە الامىز“، - دەدى لي باۋشى.

  جۇڭگو حالىق بانكەسىنىڭ بۇراتالا موڭعۇل اۆتونوميالى وبلىسىنداعى ورتالىق تارماق بانكەسىنىڭ جىڭ اۋدانى تولى قالاشىعى ەكىقۇدىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي شۇي بين بىلاي دەدى: ”ءبىز باس شۋجي شي جينپيڭنىڭ تالابى بويىنشا نىسانانى قاداعالاپ بوساڭسىماي، اناعۇرلىم كوپ بۇقارانى كىرىسىن ورنىقتى ارتتىرىپ، بايۋ جولىنا باستايمىز. قازىر قىستاقتا تۇراتىن قىزمەت اترەتى مەن قىستاق ’ەكى كوميتەتى‘ ىرىقتىلىقپەن العا شىعىپ قىزمەت وتەپ، قىستاق تۇرعىندارىنىڭ كوكتەمگى ەگىسكە دايىندالۋ، جەم - ءشوپ زاپاس ساقتاۋ جانە مال ىندەتىنىڭ الدىن الۋ سياقتى ءىس جۇزىندىك قيىنشىلىقتاردى شەشۋىنە كومەكتەستى“.

ۇزدىكسىز قاجىماي كۇش سالىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزەمىز

  چوكەنجىلعا قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسىلاردىڭ ىشىندە 521 ادامنىڭ ەڭبەك قابىلەتى بار، قازىر قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ سايكەستىرۋى ارقىلى 406 ادام باسقا كاسىپكە ويىستىرىلىپ جۇمىستاندى. اۆتونوميالى رايوندىق حالىق ىستەرى مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باس جەتەكشىسى، قاراقاش اۋدانى زاۋا قالاشىعى چوكەنجىلعا قىستاعىندا تۇراتىن ءبىرىنشى شۋجيى لي زىدۇڭ بىلاي دەدى: ”باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، كەدەيلىكتەن ارىلتۋدان قامال الۋ قىزمەتىن تيتتەي دە بوساڭسىتپاي مىقتاپ يگەرىپ، كاسىپ سالاسى ارقىلى كەدەيلىكتەن ارىلتۋ تەبىنىن ۇزدىكسىز ارتتىرىپ، ورماندا باعۋ مەن ەرەكشە جەمىس ورمان شارۋاشىلىعىن كۇش سالا دامىتىپ، كەدەي وتباسىلاردىڭ كىرىسىن ورنىقتى ارتتىرۋىنا كەپىلدىك ەتەمىز“.

  ءجۇزىم − شوقتام قىستاعى تۇرعىندارىنىڭ باستى كىرىس قاينارى، الايدا ادام كوپ، جەر از، وعان قوسا ءىشىنارا بۇقارانىڭ ەگىنشىلىك تەحنيكاسى جوعارى بولماعاندىقتان، كىرىستەرى ماندىماي كەلگەن ەدى. تۇرپان قالالىق پارتكوم ۇيىمداستىرۋ ءبولىمىنىڭ تۇرپان قالاسى ءپىشان اۋدانى ءپىچان قالاشىعى شوقتام قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى جاڭ شىيوۋ مىنالاردى ءبىلدىردى: ءبىز بيىل وسى قىستاقتىڭ ءىس جۇزىندىگىمەن بىرلەستىرىپ، قالا ماڭىنا جاقىن بولۋداي وڭىرلىك ابزالدىلىقتى تولىق ساۋلەلەندىرىپ، جۇمىسكەر ىستەتۋشى ورىندارمەن بەلسەنە بايلانىس جاساپ، ارتىق ەڭبەككۇشتەردى سىرتقا شىعىپ جۇمىستانۋعا جەتەكتەيمىز. سونىمەن بىرگە، ءبىر توپ شارۋا دەلدالدارىن باۋلىپ، اۋىل شارۋاشىلىعى ءوندىرىسى ەڭبەگى، دەنساۋلىق ساقتاۋ - تازالىق سياقتى جاقتاردا ۇيىمدى تۇردە قىستاق تۇرعىندارىن جۇمىستانۋعا، كىرىستەرىن ارتتىرۋعا باستاپ، قىستاق تۇرعىندارىنىڭ ىستەيتىن جۇمىسى بولۋىنا، اقشا تابۋىنا مۇمكىندىك جاسايمىز.

(ءتىلشى ءرايدا، قاتىناسقان تىلشىلەر جاڭ تيڭ، ءجازيرا نەسىپبەك، جاڭ جىلي، ءپاريزات ابدۇل، سۇڭ ياۋىن، جاڭ رۇيلين)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.