− باس شۋجي شي جينپيڭ حۋبەيدىڭ ۋحان قالاسىندا قىزمەت تەكسەرىپ، حۋبەيدى قورعاۋ شايقاسىندا، ۋحاندى قورعاۋ شايقاسىندا جەڭىسكە جەتۋگە ايقىن بەتالىس كورسەتتى
شينحۋا اگەنتتىگىنىڭ تىلشىلەرى
جاڭا تيپتى ايدارشا ۆيرۋس وكپە قابىنۋ ىندەتىمەن شايقاسۋدىڭ شەشۋشى ساتىندە، باس شۋجي شي جينپيڭ حۋبەيدىڭ ۋحان قالاسىنا ارنايى بارىپ، ىندەتتەن ساقتانۋ - تىزگىندەۋ قىزمەتىن تەكسەرىپ، ”حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋدىڭ“ جالپى شابۋىل بۇيرىعىن جاريالاپ، قالىڭ كادرلاردىڭ، بۇقارانىڭ سەنىمى مەن بەكىمىن اناعۇرلىم نىعايتتى.
”قايراتتانا ءتۇسىپ، قايىسپاس قايسارلىقپەن سوڭىنا دەيىن تاباندىلىق كورسەتەمىز“
كەزەكتە، ىندەتتىڭ ءورشۋ، تارالۋ جاعدايى نەگىزىنەن تىزگىندەلدى، ساقتانۋ - تىزگىندەۋ جاعدايى بىرتىندەپ جاقسارۋدا. بارشا ەمدەۋ قىزمەتكەرلەرى ”ەڭبەگى ەرەن ۇلەسكەرلەر“.
”ءتوراعا شي جينپيڭنىڭ كەلگەنىنەن، مەن پارتيا ورتالىق كوميتەتى مەن بۇكىل ەل حالقىنىڭ بىزبەن بىرگە ەكەنىن تەرەڭ سەزىندىم!“ حوشىنشان شيپاحاناسى سالماقتى ناۋقاستار مەديتسينالىق 1 - ءبولىمىنىڭ سەسترالار باستىعى چىن جيڭ كوكتەم مەرەكەسىنە قاراعان تۇندە ۋحانعا كومەككە كەلگەننەن قازىرگە دەيىن، وسى قاھارمان قالادا ءۇرتىس 40 كۇننەن استام ۋاقىت كۇرەس جاسادى. ول جاۋىنگەر سەرىكتەرىمەن بىرگە كاسىپتىك قۇتقارۋ - ەمدەۋ قىزمەتىن ارقالاپ قانا قالماستان، ناۋقاستاردى تۇرمىستىق جاقتان كۇتىمدەۋ، ناۋقاس رايونىن زارارسىزداندىرۋ قىزمەتىنە جاۋاپتى بولدى.
ولىمنەن تايسالمادى، بوداۋ بەرۋمەن ساناسپادى. چىن جيڭ بىلاي دەدى: ”مەملەكەت پەن حالىق قاجەت ەتكەن كەزدە، ءبىز جاۋىنگەرلىك جاۋاپكەرشىلىگىمىزدى ارقالاپ، مەديتسينالىق كاسىپتىك تەحنيكامىزبەن مەملەكەتتىڭ ءۇمىتىن اقتاۋىمىز كەرەك! ەندىگى قىزمەت بارىسىندا، ءبىز ۇزدىكسىز ءتوراعا شي جينپيڭنىڭ بۇيرىعىن قاتاڭ اتقارىپ، بەيعامدىققا سالىنباي، شايقاستان قاجىماي، بوساڭسىماي، بار كۇشپەن ناۋقاستاردى قۇتقارىپ، ەمدەپ، ناۋقاستاردى جۇباتىپ، ناۋقاستارعا قىزمەت وتەپ، ماڭىزدى تاپسىرمانى ارقالاپ، بورىشتى ورىنداپ، پارتيا مەن حالىققا تولىمدى جاۋاپ بەرەمىز“.
ىندەتتەن ساقتانۋ - تىزگىندەۋ شەشۋشى كەزەڭگە ءوتتى، ءسوزسىز، شىدامدىلىق ەتىپ، سوڭىنا دەيىن تاباندىلىق كورسەتۋىمىز كەرەك.
جياڭسۋ ولكەسىنەن حۋاڭشى شيپاحاناسىنا كومەككە كەلگەن ەمدەۋ اترەتىنىڭ الدىڭعى شەپ قولباسشىلىق شتابىنىڭ باس قولباسشىسى، نانجيڭ مەديتسينا داشۋەسىنىڭ ورىنباسار باستىعى، نانجيڭ مەديتسينا داشۋەسىنە قاراستى يفۋ شيپاحاناسىنىڭ باستىعى لۋ شياڭ تەرەڭ اسەر الىپ بىلاي دەدى: ”جىگەردى قاۋلاتۋ كەرەك، مۇقالتۋعا استە بولمايدى. الدا ءبىز ءدوپ كەلەتىن شايقاس ءالى دە توتەنشە جاپالى. ءبىز شايقاستىڭ جەڭىسىنە قول جەتكىزگەن ساتكە دەيىن قىزمەت ورنىمىزدان تاپجىلمايمىز“.
سۇراپىل تولقىندا ەگەي ەرلەر ەرەكشە كوزگە كورىنەدى. وسى ءتۇتىنسىز شايقاس بارىسىندا سان مىڭداعان قاراپايىم ەمدەۋ قىزمەتكەرلەرى ءۇن - ءتۇنسىز كۇرەس جاساۋ مەن ۇلەس قوسۋ ارقىلى ”ىندەتپەن“ شايقاس جاساۋدىڭ جان سۇيىنتەرلىك تاراۋىن جازدى.
باس شۋجي شي جينپيڭنىڭ كەلۋى ۋحاننىڭ دۇڭحۋشينچىڭ الەۋمەتتىك اۋماعى دەنساۋلىق ساقتاۋ، قىزمەت وتەۋ پۋنكتىنىڭ امبەباپ شيپاگەرى حۋ ايليدى ايرىقشا جىگەرلەندىردى. جارتى ايدان استام ۋاقىتتان بەرى، كوپشىلىكتىڭ بىرگە قۇلشىنىسىنىڭ ارقاسىندا الەۋمەتتىك اۋماق دياگنوزى تۇراقتاندىرىلعان ناۋقاستاردىڭ تىڭنان ارتۋ جاعدايىنىڭ بولماۋىن ساقتادى. ”شايقاس ناتيجەسىن“ ساقتاۋعا حۋ ايلي وتە سەنىمدى بولدى. ول بىلاي دەدى: ”نەگىزگى ساتى الەۋمەتتىك اۋماعىنداعى ەمدەۋ قىزمەتكەرى رەتىندە، مەن بۇدان كەيىنگى الەۋمەتتىك اۋماقتىڭ دەنساۋلىق ساقتاۋ قىزمەتىن جالعاستى جاقسى ىستەپ، قالىڭ تۇرعىندارعا ويداعىداي قىزمەت وتەپ، ىندەتتىڭ ءورشۋ، تارالۋ جاعدايىن باتىل تەجەيمىن“.
”جاۋاپكەرشىلىك ارقالايتىن باتىلدىقتى، عىلمي ساقتاناتىن - تىزگىندەيتىن پاراساتتى، ءبىر تۇتاس جوسپارلاپ تەگىس ءمان بەرەتىن ويدى، ۇيىمداستىرىپ اتقاراتىن قابىلەتتى شىنىقتىرامىز“
”ىندەتكە قارسى اتتانۋدىڭ ەكى شەبى بار، ءبىرى، شيپاحانانىڭ جارالىعا مەدەت، اجالعا اراشاشى بولۋ شەبى، ەندى ءبىرى، الەۋمەتتىك اۋماقتىڭ ساقتانۋ - تىزگىندەۋ شەبى“. − ۋحان دۇڭحۋ كورىنىس ءوڭىرىن باسقارۋ كوميتەتىنەن دۇڭحۋشينچىڭ الەۋمەتتىك اۋماعىنا تۇسكەن پارتيالى كادر جيا چىڭيۋان باس شۋجي شي جينپيڭنىڭ ايتقان وسى سوزىنەن تەرەڭ اسەر الىپتى. ”باس شۋجيدىڭ الەۋمەتتىك اۋماق قىزمەتىنىڭ ماڭىزدىلىعىن باسا دارىپتەۋى ءوز قىزمەتىمنىڭ ءمانىن سەزىندىردى“. جيا چىڭيۋان بىلاي دەدى: مۇنان بىلاي الەۋمەتتىك اۋماق تۇرعىندارىنا اناعۇرلىم ىرىقتىلىقپەن ويداعىداي قىزمەت وتەيمىن، دۋماندى ۋحاننىڭ كۇنى بۇرىن قالپىنا كەلۋىن ءۇمىت ەتەمىن.
ىندەتتەن ساقتانۋ - تىزگىندەۋ توسقاۋىل شايقاسىندا جەڭىسكە جەتۋدىڭ ءتۇيىنى ”ساقتانۋدا“.
بەيجيڭ قالاسى شيچىڭ رايونى داشىلار ءمالىسى بەيجيڭ قالاسىنىڭ كىندىك رايونىنا ورنالاسقان، قاراستى اۋماقتا ايگىلى مادەنيەت ساياحات رايونى دا، جان سانى ءبىرشاما ءجيى قونىس رايونى دا بار. ىندەت تۋىلعاننان بەرى، رايوننان تومەنگە تۇسكەن كادرلار، مالىدەن تومەنگە تۇسكەن كادرلار، پارتيالى ەرىكتىلەر قاتارلىلاردان ورتاق ۇيىمداسقان مىڭ ادامعا جۋىق ءبىرىنشى شەپ ساقتانۋ - تىزگىندەۋ قوسىنى الەۋمەتتىك اۋماقتى بەكىتۋ، كۇزەتكە تۇرۋ سياقتى قىزمەتتەردى جاقسى ىستەدى. داشىلار ءمالىسى قىزمەت كوميتەتىنىڭ شۋجيى لي جيە بىلاي دەدى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، استە بوساڭسىمايمىز، جالپى بەتتىك جەڭىسكە جەتپەيىنشە شەگىنبەيمىز.
وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ − جونگە سالۋ جۇيەسى مەن جونگە سالۋ قابىلەتىنە دەگەن ءبىر رەتكى ۇلكەن سىناق، تاجىريبە دە توپتادىق، ساباق تا قابىلدادىق.
باس شۋجي شي جينپيڭنىڭ ماڭىزدى سوزىنەن شاڭحاي حۋاڭپۋ رايونى نانجيڭ دۇڭلۋ ءمالى باسقارماسىنىڭ ورىنباسار مەڭگەرۋشىسى يۋان دىڭچۋان ارقالاعان ماڭىزدى مىندەتىن تەرەڭ سەزىندى. ”بۇل رەتكى ىندەت الەۋمەتتىك اۋماقتىڭ جونگە سالۋ قابىلەتى، كۇندەلىكتى قىزمەت نەگىزى، كادرلار قوسىنىنىڭ جاۋىنگەرلىك قۋاتى جونىنەن دە ءبىر رەتكى قاتاڭ سىن جانە تەرەڭ تەكسەرۋ بولدى. مالىمىزدە كونە، بايىرعى شاعىن رايوندار كوپ، شاڭحايعا قايتقانداردان ءۇيدى جالعا الۋشىلار كوپ، جىلجىمالى ادامدار كوپ، الەۋمەتتىك اۋماقتىڭ ساقتانۋ - تىزگىندەۋ مىندەتى ەرەكشە اۋىر بولدى. ءبىز الەۋمەتتىك اۋماقتىڭ ساقتانۋ - تىزگىندەۋ شاراسىن ءاربىر بۋىنعا دەيىن تياناقتاندىرىپ، تۇكپىر - تۇكپىرىن قالدىرماي، قىزمەتتى تىڭعىلىقتى، ونان ارى جىنتىكتەي ىستەپ، كەيبىر ءالسىز بۋىنداردى ويداعىداي تولىقتاپ، ويداعىداي وڭاپ، وسى رەتكى ۇلكەن سىناقتا تولىمدى جاۋاپ بەرۋگە كۇش سالامىز“، - دەدى يۋان دىڭچۋان.
”سەنىمدى بەكەمدەپ، جۇرت كوڭىلىن جادىراتىپ، حالىق تىلەگىن ۇيىستىرامىز“
باس شۋجي شي جينپيڭنىڭ الەۋمەتتىك اۋماقتىڭ ساقشى ىستەرى بولىمىنە كەلگەن كەزىن ەسىنە العاندا، ۋحان دۇڭحۋشينچىڭ الەۋمەتتىك اۋماعىنىڭ حالىق ساقشىسى لي دىڭجۇن مىنالاردى ءبىلدىردى: ”باس شۋجي نەگىزگى ساتىداعى حالىق ساقشىلارىنىڭ قىزمەتى مەن تۇرمىسىنا ەرەكشە كوڭىل ءبولدى. باس شۋجيدىڭ ءسوزىن ەستىگەننەن كەيىن، جاۋاپكەرشىلىگىمىزدىڭ سالماقتى ەكەنىن اناعۇرلىم سەزىندىك. الەۋمەتتىك اۋماق − ىندەتتەن ساقتانۋ - تىزگىندەۋدىڭ ەڭ الدىڭعى شەبى، ءبىز ۇزدىكسىز زاڭ بويىنشا ساقتانىپ - تىزگىندەپ، الەۋمەتتىك اۋماق شارالارىن تياناقتاندىرۋعا كەپىلدىك ەتەمىز“.
ىندەت تۋىلعاننان بەرى، دۇڭحۋشينچىڭ الەۋمەتتىك اۋماعىندا ەرىكتى بولعان 90 - جىلداردىڭ تۇلەگى حۋاڭ يىڭ الەۋمەتتىك اۋماق تۇرعىندارىنا زات جەتكىزىپ بەرۋمەن باستان - اياق ابىگەر بولدى. ”وسىندا تۋىپ، وسىندا ەرجەتتىم، ۋحاننىڭ جاستارى وسى كەزدە الدىعا شىعۋلارى كەرەك. باس شۋجيدىڭ كەلۋى سوڭىنا دەيىن كۇرەسۋ بەكىمىمدى نىعايتا ءتۇستى. مەن الەۋمەتتىك اۋماقتىڭ ورنالاستىرۋىنا ۇزدىكسىز بويسۇنىپ، ەرىكتى قىزمەت وتەۋدى جاقسى ىستەپ، حۋبەيدى قورعاۋ شايقاسىندا، ۋحاندى قورعاۋ شايقاسىندا جەڭىسكە جەتۋگە ءبىر كىسىلىك ۇلەسىمدى قوسامىن“، - دەدى حۋاڭ يىڭ.
ىندەتتەن ساقتانۋ - تىزگىندەۋ ارقاۋىن ءالى دە بوساڭسىتۋعا بولمايدى، الايدا، ەكونوميكالىق، قوعامدىق دامۋ قىزمەتتەرى دە كوكەي تەستى كەزەڭدە تۇر. باس شۋجي شي جينپيڭ قىزمەت تەكسەرگەندە مىنالاردى العا قويدى: ساقتانۋ - تىزگىندەۋدى كۇشەيتۋ العى شارتىندا، پارىقتى تاكتيكالار قولدانىپ، وڭىرگە، دارەجەگە ءبولىپ، تۇرگە، ۋاقىتقا ايىرىپ، شارتتى تۇردە جۇمىستى، ءوندىرىستى قالپىنا كەلتىرۋدى لايىقتى ۋاقىتتا ىسكە قوسۋ كەرەك. بۇل حۋبەيدىڭ ۋحانىنا قويعان تالاپ، سونداي - اق بۇكىل ەلگە قويىلعان تالاپ.
جياڭسۋ اۋسايكاڭ ءدارى - دارمەك شەكتى جارنا سەرىكتەستىگى − نانجيڭدە تۇڭعىش توپتا جۇمىستى قالپىنا كەلتىرگەن كاسىپورىنداردىڭ ءبىرى. سەرىكتەستىكتىڭ باس ينجەنەرى چىن شياڭفىڭ بىلاي دەدى: نەبارى ％20 ءوندىرىس لەنياسى ىسكە قوسىلۋدان قازىر بۇكىلدەي قالپىنا كەلدى، كاسىپورىن قازىر كۇش سالا، ۋاقىتپەن جارىسا ىندەت تۋدىرعان شىعىننىڭ ورنىن تولتىرۋدا. ”باس شۋجي شي جينپيڭنىڭ ءسوزى جۇمىستى قالپىنا كەلتىرگەن كاسىپورىندارىمىزدىڭ قۇلشىنۋ بەتالىسىن اناعۇرلىم ايقىنداپ بەردى“.
ءدال قازىرگى كوكتەمگى ەگىس جۇمىستارى قاربالاس كەزەڭىندە يۇننان ولكەسى حۇيزى اۋدانى داحاي اۋىلى شياۋجياڭ قىستاعى ىندەتتەن ساقتانۋ - تىزگىندەۋ مەن كەدەيلىكتەن ارىلتۋدان قامال الۋدى ءبىر تۇتاس جوسپارلاۋعا قۇلشىنۋدا.
”باس شۋجي كوكتەمگى ەگىس ءوندىرىسى، شارۋالاردى جۇمىستاندىرىپ كىرىستەرىن ارتتىرۋ سياقتى قىزمەتتەردى ءبىر تۇتاس جوسپارلاي وتىرىپ ويداعىداي يگەرىپ، كەدەيلىكتەن ارىلتۋدان قامال الۋدىڭ ءتۇرلى مىندەتتەرىن باتىل، ويداعىداي يگەرۋ كەرەك دەپ قىزمەتىمىزگە جەتەكشىلىك ەتتى“. شياۋجياڭ قىستاعى پارتيا ياچەيكاسىنىڭ شۋجيى گۋ شۋەبو بىلاي دەدى: ”ءبىز، ءسوز جوق، كوكتەمگى ەگىس ءوندىرىسى، شارۋالاردى جۇمىستاندىرىپ كىرىستەرىن ارتتىرۋ سياقتى قىزمەتتەردى ءبىر تۇتاس جوسپارلاي وتىرىپ ويداعىداي يگەرىپ، كەدەيلىكتەن ارىلتۋدان قامال الۋدىڭ ەڭ سوڭعى جەڭىسىنە قول جەتكىزۋگە كەپىلدىك ەتىپ، پارتيا مەن حالىققا تولىمدى جاۋاپ بەرەمىز“.
(تىلشىلەر شى يۇيسىن، ۋاڭ سىبەي، ۋاڭ پىڭ، لي يۇن، لي ۋي، ۋاڭ شيان، يۋە ۋىنۋان، ۋاڭ جۇنلۋ، ۋ شيا، شىن رۋفا، ياڭ جيڭ، پىڭ يۇنجيا، شي مين)
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
