تيانشان تورى   ›   جاڭالىقتار   ›   ماڭىزدى حابارلار

شي جينپيڭ حۋبەي ولكەسىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەرىپ، ءبىرىنشى شەپتە ەرلىكپەن شايقاس جاساپ جاتقان ەمدەۋ قىزمەتكەرلەرىنە، ازاتتىق ارميانىڭ كوماندير - جاۋىنگەرلەرىنە، الەۋمەتتىك اۋماق قىزمەتكەرلەرىنە، قوعام حاۋىپسىزدىگى كادر - ساقشىلارىنا، نەگىزگى ساتى كادرلارىنا، تومەنگە تۇسكەن كادرلارعا، ەرىكتىلەرگە جانە تۇرعىندار بۇقاراسىنا امانداسىپ، ولاردان حال سۇراعان كەزدە بىلاي دەپ باسا دارىپتەدى

ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋ كەرەك

    3 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسىنىڭ ۋحان قالاسىنا ارنايى بارىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەردى. سۋرەتتە: شي جينپيڭ حوشىنشان شيپاحاناسىنىڭ قولباسشىلىق ورتالىعىندا بەينەجازبامەن ينفەكسيا ءبولىمىنىڭ ناۋقاستار بولمەسىمەن بايلانىس جاساپ، ناۋقاستار بولمەسىندەگى ناۋقاستارمەن جانە ەمدەۋ قىزمەتكەرلەرىمەن ىستىق ىقىلاسپەن اڭگىمەلەسۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

    3 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسىنىڭ ۋحان قالاسىنا ارنايى بارىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەردى. سۋرەتتە: شي جينپيڭ دۇڭحۋشينچىڭ الەۋمەتتىك اۋماعىنىڭ تۇرمىستىق بۇيىمداردى شوعىرلى سەپتەۋ - جەتكىزۋ تۇيىنىندە الەۋمەتتىك اۋماقتاعى بۇقاراعا قاجەتتى تۇرمىستىق بۇيىمداردى ساتىپ الۋ جانە قامداۋ جاعدايىن ەگجەي - تەگجەيلى ۇعىسۋدا.  سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 3 - ايدىڭ 10 - كۇنى ۋحاننان بەرگەن حابارى. جاڭا تيپتى ايدارشا ۆيرۋس وكپە قابىنۋ ىندەتىمەن شايقاسۋدىڭ شەشۋشى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 10 - كۇنى حۋبەي ولكەسىنىڭ ۋحان قالاسىنا ارنايى بارىپ، ىندەتتەن ساقتانۋ - تىزگىندەۋ قىزمەتىن تەكسەردى. ول بىلاي دەپ باسا دارىپتەدى: حۋبەي مەن ۋحان وسى رەتكى ىندەتتەن ساقتانۋ - تىزگىندەۋ كۇرەسىندەگى توتەنشە ماڭىزدى جانە شەشۋشى جەڭىسكە جەتەتىن جەر. قاجىرلى قۇلشىنۋدىڭ ارقاسىندا، حۋبەي مەن ۋحاننىڭ ىندەتتەن ساقتانۋ - تىزگىندەۋ جاعدايىندا بەلسەندى جاقسارعان وزگەرىس جارىققا شىعىپ، كەزەڭدىك ماڭىزدى ناتيجەگە قول جەتتى، الايدا ىندەتتەن ساقتانۋ - تىزگىندەۋ مىندەتى ءالى جاپالى دا اۋىر. نەعۇرلىم وسىنداي ساتتەردە، وي - سانانى سولعۇرلىم سەرگەك ۇستاپ، سولعۇرلىم باستان - اياق بايسالدى بولىپ، سولعۇرلىم كۇش ۇستىنە كۇش قوسىپ، جاقسى ىستەپ، جاقسى ناتيجەگە جەتىپ، ىندەتتەن ساقتانۋ - تىزگىندەۋدى ۇزدىكسىز تۇردە كەزەكتەگى ماڭداي الدى ءىرى ءىس جانە ەڭ ماڭىزدى قىزمەت ەتىپ، بەيعامدىققا سالىنباي، شايقاستان قاجىماي، بوساڭسىماي، ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋ كەرەك.

  شي جينپيڭ بىلاي دەپ اتاپ كورسەتتى: بۇل رەتكى قاتاڭ كۇرەس بارىسىندا، حۋبەيداعى ءار دارەجەلى پارتيا ۇيىمدارى جانە قالىڭ پارتيا مۇشەلەرى، كادرلار اتويلاپ الدا ءجۇرىپ، ەرلىكپەن شايقاس جاسادى، بۇكىل ولكەدەگى ەمدەۋ قىزمەتكەرلەرى جانە حۋبەيعا كومەككە بارعان ەمدەۋ اترەتىنىڭ مۇشەلەرى مۇزداي قارۋلانىپ، شايقاسقا اتتاندى، حالىق ازاتتىق ارمياسىنىڭ كوماندير - جاۋىنگەرلەرى بۇيرىقتى الا سالىسىمەن دەرەۋ اتتانىسقا كەلىپ، اۋىر مىندەتتى باتىلدىقپەن ارقالادى، قالىڭ الەۋمەتتىك اۋماق قىزمەتكەرلەرى، قوعام حاۋىپسىزدىگى كادر - ساقشىلارى، نەگىزگى ساتى كادرلارى، تومەنگە تۇسكەن كادرلار، ەرىكتىلەر حاۋىپ - قاتەردەن تايسالماي، ءبىرىنشى شەپتى تاپجىلماي قورعادى، قالىڭ بۇقارا ەل بىرلىگىنەن بەرىك قامال تۇرعىزىپ، جابال ات سالىستى، ءبىر توپ جان سۇيىنەرلىك وزات تيپتەر مەن اسەرلى ىزگى ىستەر جارىققا شىقتى.

  شي جينپيڭ بىلاي دەپ باسا دارىپتەدى: بۇل رەتكى قاتاڭ كۇرەستە ۋحان حالقى جالپى تۇلعانى تانىپ، كەلەلى جاعدايمەن ساناسىپ، حاۋىپ - قاتەردەن تايسالماي، قايىسپاس قايسارلىق كورسەتىپ، ىندەتتەن ساقتانۋ - تىزگىندەۋ كەلەلى جاعدايىنىڭ قاجەتىنە سانالى تۇردە بويسۇنىپ، ىندەتتەن ساقتانۋ - تىزگىندەۋ كۇرەسىنە ىرىقتىلىقپەن ات سالىسىپ، ەلەۋلى ۇلەس قوستى، بۇكىل ەلگە، بۇكىل دۇنيە جۇزىنە ۋحان حالقىنىڭ مويىماس قاجىر - قايراتىن، اسىل قاسيەتىن ايگىلەدى. ۋحان حالقىنىڭ قۇرباندىق بەرۋى مەن ۇلەس قوسۋىنىڭ، ۋحان حالقىنىڭ تاباندىلىعى مەن قۇلشىنىسىنىڭ ارقاسىندا ىندەتتەن ساقتانۋ - تىزگىندەۋدىڭ بۇگىنگىدەي بەلسەندى جاقسارۋ جاعدايى جارىققا شىقتى. ۋحان حالقى وزدەرىنىڭ ءىس جۇزىندىك ارەكەتىمەن جۇڭگو كۇشىن، جۇڭگو رۋحىن ايگىلەدى، جۇڭحۋا ۇلتىنىڭ قيىنشىلىقتى بىلەك بىرىكتىرە جەڭەتىن، ءبىر - بىرىنە قارايلاساتىن جان ۇيا − وتان سۇيىسپەنشىلىگىن ايگىلەدى. ۋحان اتى - زاتىنا ساي قاھارمان قالا، ۋحان حالقى اتى - زاتىنا ساي قاھارمان حالىق، وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ جەڭىسىنە جەتۋ ارقىلى تاعى دا تاريح پاراعىنا جازىلاتىندىعى ءشۇباسىز! بۇكىل پارتيا، بۇكىل ەلدەگى ءار ۇلت حالقى تۇگەلدەي سىزدەردەن تەبىرەنەدى ءارى سىزدەردى القايدى! پارتيا مەن حالىق ۋحان حالقىنا العىس ايتادى!

  شي جينپيڭ پارتيا ورتالىق كوميتەتى اتىنان حۋبەي مەن ۋحانداعى قالىڭ پارتيا مۇشەلەرىنە، كادرلارعا، بۇقاراعا شىن ىقىلاستى سالەم جولدادى، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان قالىڭ ەمدەۋ قىزمەتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە، الەۋمەتتىك اۋماق قىزمەتكەرلەرىنە، قوعام حاۋىپسىزدىگى كادر - ساقشىلارىنا، نەگىزگى ساتى كادرلارىنا، تومەنگە تۇسكەن كادرلارعا، ەرىكتىلەرگە، سونداي - اق ءار جاقتاعى جولداستارعا وسكەلەڭ قۇرمەت ءبىلدىردى، ىندەت ازابىمەن كۇرەسىپ جاتقان ناۋقاستاردان جانە ولاردىڭ وتباسىنداعىلاردان، ۇكىمەت قىزمەتى ۇستىندە قازا بولعانداردىڭ وتباسىنداعىلاردان، اۋرۋدان قايتىس بولعانداردىڭ وتباسىنداعىلاردان شىنايى حال سۇرادى، وسى رەتكى ىندەتتەن ساقتانۋ - تىزگىندەۋ بارىسىندا باقىتقا قارسى قازا بولعان باۋىرلاستارعا، قۇربان بولعان ءبىرىنشى شەپتەگى قىزمەتكەرلەرگە شىن كوڭىلمەن ازا ءبىلدىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ قىزمەت تەكسەرۋگە قاتىناستى.

  شي جينپيڭ حۋبەي ولكەسى مەن ۋحان قالاسىنىڭ ىندەتتەن ساقتانۋ - تىزگىندەۋ قىزمەتىنە باستان - اياق وسكەلەڭ ءمان بەردى، ۇشاقتان تۇسە سالا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق جەتەكشىلىك ەتۋ گرۋپپاسىنىڭ باستىعى سۇن چۇنلاننىڭ، حۋبەي ولكەلىك پارتكومنىڭ شۋجيى يىڭ يۇڭنىڭ، حۋبەي ولكەلىك پارتكومنىڭ تۇراقتى مۇشەسى، ۋحان قالالىق پارتكومنىڭ شۋجيى ۋاڭ جۇڭليننىڭ سەرىك بولۋىندا اۆتوكولىكپەن سالماقتى ناۋقاستاردى شوعىرلى جيناپ ەمدەيتىن حوشىنشان شيپاحاناسىنا باردى.

  حوشىنشان شيپاحاناسىنىڭ قولباسشىلىق ورتالىعىندا شي جينپيڭ شيپاحانانىڭ قۇرىلىس جۇمىسى، ناۋقاستاردى جيناپ ەمدەۋ، ەمدەۋ قىزمەتكەرلەرىنىڭ قورعانۋىن قامتاماسىز ەتۋ، عىلمي زەرتتەۋدەن قامال الۋ سياقتى جاعدايلار جونىندەگى تانىستىرۋدى تىڭدادى. شي جينپيڭ بىلاي دەپ اتاپ كورسەتتى: ىندەت تۋىلعاننان بەرى، ارميانى قامتىعان قالىڭ ەمدەۋ قىزمەتكەرلەرى ەرەكشە جاپاعا شىداۋ، ەرەكشە كۇرەس جۇرگىزۋ رۋحىن ساۋلەلەندىرىپ، ەشنارسەدەن تايسالماي حۋبەيعا جانە ۋحانعا بارىپ، ساقتانۋ - تىزگىندەۋ، قۇتقارۋ - ەمدەۋ قىزمەتىنە ەرجۇرەكتىكپەن ات سالىسىپ، كۇنى - ءتۇنى ەرلىكپەن شايقاس جاساپ، ولىمنەن قورىقپاي، ماڭىزدى تاپسىرمانى ارقالاپ، بورىشتارىن وتەپ، ۋاقىتپەن جارىسىپ، ىندەتپەن ايقاسىپ، ۋحاننىڭ ىندەتتەن ساقتانۋ - تىزگىندەۋ قىزمەتىنە ماڭىزدى ۇلەس قوستى. ارميانىڭ ەمدەۋ قىزمەتكەرلەرى ارميامىزدىڭ باستى ماقساتىن ەستە بەرىك ساقتاپ، شاقىرعاندا جەتىپ كەلىپ، كەلە سالا شايقاس جۇرگىزىپ، شايقاستا جەڭىسكە جەتىپ، پارتيا تۋىنا، ارميا تۋىنا شۇعىلالى اجار قوستى. سۇراپىل تولقىندا ەگەي ەرلەر ەرەكشە كوزگە تۇسەدى. سىزدەر اجالعا اراشاشى، جارالىعا مەدەت بولۋدى، ۇلى سۇيىسپەنشىلىكتە شەك - شەكارا بولمايتىندىعىن شىن مانىندە ورىندادىڭىزدار. سىزدەر ارايلى شۇعىلانىڭ ەلشىسىسىزدەر، ءۇمىتتىڭ ەلشىسىسىزدەر، ەڭ كورىكتى پەرىشتەسىزدەر، ناعىز قاھارمانسىزدار! پارتيا مەن حالىق سىزدەرگە العىس ايتادى!

  شي جينپيڭ الىس ارالىقتى دياگنوز قويۋ تۇعىرى ارقىلى بەينەجازبا جەلىسىنە شىعىپ، ناۋقاستار رايونىندا قىزمەت ىستەپ جاتقان ەمدەۋ قىزمەتكەرلەرىنىڭ ۋاكىلدەرىنەن قىزمەت جانە قامتاماسىز ەتۋ جاعدايىن تاپتەشتەي سۇرادى. شي جينپيڭ بىلاي دەپ باسا دارىپتەدى: ءبىرىنشى شەپتەگى ەمدەۋ قىزمەتكەرلەرى ايرىقشا جاپا شەگىپ، ويلاۋعا دا كەلمەيتىن دەنساۋلىق جانە پسيحيكالىق قىسىمعا توزۋدە، كوپتەگەن جولداستاردىڭ بەتى مەن قولى قاجالىپ قان شىعىپ كەتىپتى، ادامدى قاتتى اسەرلەندىرەدى، سىزدەر جاڭا داۋىردەگى ەڭ سۇيىكتى ادامدارسىزدار. مەن سىزدەرگە وسكەلەڭ قۇرمەت بىلدىرەمىن! شي جينپيڭ قالىڭ ەمدەۋ قىزمەتكەرلەرىنە وزدەرىن قورعاۋدى كۇشەيتۋدى، ورايدى مىقتى ۇستاپ دەمالۋدى، كۇرەس جۇرگىزۋگە باتىل بولۋمەن بىرگە، كۇرەس جۇرگىزۋگە شەبەر بولۋدى دا قاداعالاي تاپسىردى. قاتىستى تاراۋلار قورعانۋ زاتتىق ماتەريالدارىمەن، تۇرمىستىق زاتتىق ماتەريالدارىمەن قامتاماسىز ەتۋدى ويداعىداي تياناقتاندىرىپ، ەڭبەكاقى مامىلەسىن، ۋاقىتتىق ەڭبەكاقى كومەك قاراجاتىن، دەنساۋلىق ساقتاۋ، ىندەتتەن ساقتانۋ ۇستەمە قاراجاتى مامىلەسىن ويداعىداي تياناقتاندىرىپ، ءبىرىنشى شەپتەگى ەمدەۋ قىزمەتكەرلەرىنە قامقورلىق جاساۋ، ايالاۋ ساياساتتىق شارالارىن تەز ارادا شىعارىپ، كوپشىلىكتىڭ قام - قايعىدان ارىلۋىنا كومەكتەسىپ، كوپشىلىكتىڭ كوكىرەك كەرنەگەن رۋحاني كۇيمەن قىزمەتكە كىرىسۋىنە شىنايى كەپىلدىك ەتۋ كەرەك.

  شي جينپيڭ تاعى ينفەكسيا ءبولىمىنىڭ ناۋقاس بولمەلەرىمەن بەينەجازبادا بايلانىسقا شىعىپ، ونداعى ەمدەلىپ جاتقان ناۋقاستارمەن سويلەسىپ، ولاردىڭ ىندەت جانە ەمدەلۋ جاعدايىن ۇعىستى، ولاردىڭ ءونىمدى ەمدەلگەندىگىن، ناۋقاسىنىڭ تاۋىرلەنگەندىگىن ءبىلىپ، ول ەرەكشە ءسۇيىندى. شي جينپيڭ بىلاي دەپ اتاپ كورسەتتى: ىندەت تۋىلعاننان بەرى، پارتيا ورتالىق كوميتەتى ءاۋ باستان - اق حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويۋدى ايقىن تالاپ ەتتى، پارتيا ورتالىق كوميتەتى قولدانعان بارلىق ساقتانۋ - تىزگىندەۋ شارالارىندا اسا زور قۇلشىنىس جاساپ، اناعۇرلىم كوپ بۇقارانى جۇعىمدالۋدان ساقتاۋ، مۇمكىندىكتىڭ بارىنشا اناعۇرلىم كوپ ناۋقاستىڭ ءومىرىن قۇتقارۋ الدىمەن ويلاستىرىلدى. بۇكىل ەل حالقى تۇگەلدەي سىزدەرگە كوڭىل بولۋدە، نازار اۋدارۋدا. ەمدەۋ قىزمەتكەرلەرى مۇمكىندىكتىڭ بارىنشا كوپشىلىكتى ەمدەۋ كەرەك، ءار جاق جۇعىمدالعان بۇقاراعا كوڭىل ءبولىپ، ولاردىڭ وتباسىنداعىلارىنا ويداعىداي قارايلاسىپ، ناۋقاستاردىڭ الاڭسىز ەمدەلۋىنە مۇمكىندىك جاساۋ كەرەك. كوپشىلىك تە، ءسوزسىز، جەڭىسكە جەتۋ سەنىمىن ورناتىپ، ۇمىتكەرلىكپەن العا ۇمتىلاتىن رۋحاني كۇيدى ساقتاپ، شيپاگەرلەردىڭ كەڭەسىنە ىرىقتىلىقپەن قۇلاق اسىپ، ەمدەۋگە بەلسەنە سايكەسۋ كەرەك، بۇل اۋرۋدى جەڭۋگە پايدالى. شي جينپيڭ ولاردىڭ ەرتەرەك ساۋىعۋىن تىلەدى!

  شيپاحانا كەڭسە عيماراتىنىڭ سىرتىنداعى الاڭدا شي جينپيڭ حۋبەي ولكەسىنىڭ جەرگىلىكتى ورىندارىنىڭ جانە ارميانىڭ، سىرت جەرلەردەن حۋبەيعا كومەككە كەلگەن ەمدەۋ قىزمەتكەرلەرىنىڭ ۋاكىلدەرىن قابىلدادى. شي جينپيڭ بىلاي دەپ اتاپ كورسەتتى: حۋبەي مەن ۋحان حالقى ىندەتتىڭ سوققىسىنا ۇشىراعان قىسىلتاياڭ كەزدە، قالىڭ ەمدەۋ قىزمەتكەرلەرى قاجىر - قايرات جۇمساپ، قايسارلىقپەن سايىسىپ، قالتقىسىز ۇلەس قوسىپ، ەمدەۋ قىزمەتكەرلەرىنىڭ مەيىرىمدى وسكەلەڭ رۋحىن ايگىلەپ، جاڭا داۋىردەگى ەمدەۋ قىزمەتكەرلەرىنىڭ تاماشا وبرازىن ايگىلەپ، جۇڭگونى اسەرلەندىردى، دۇنيە ءجۇزىن اسەرلەندىردى. كەزەكتە ىندەتتىڭ ءورشۋ، تارالۋ جاعدايى نەگىزىنەن تىزگىندەلدى، ىندەت جاعدايى بىرتىندەپ جاقسارۋعا بەت الدى. بۇل بۇكىل پارتيانىڭ، بۇكىل ەلدىڭ، بۇكىل قوعامنىڭ بىرگە قۇلشىنۋىنىڭ، ىنتىماقتاسا كۇرەس جۇرگىزۋىنىڭ ناتيجەسى، سىزدەر ەڭبەگى ەرەن ۇلەسكەرلەرسىزدەر، پارتيا مەن حالىق باس ەڭبەكتى سىزدەرگە جازادى. پارتيا ورتالىق كوميتەتى جانە ءارقايسى جاق حۋبەي مەن ۋحاننىڭ ىندەتكە قارسى اتتانۋ قىزمەتىن بۇرىنعىداي بار كۇشپەن قولدايدى، ەمدەۋ زاتتىق ماتەريالدارى جاعىنان قولداۋ كورسەتۋگە بۇرىنعىداي كۇش سالادى، كوپشىلىكتىڭ ۋايىمداعان ىستەرىن بۇرىنعىداي شەشەدى. پارتيا ورتالىق كوميتەتى مەن بۇكىل ەل حالقى ماڭگى سىزدەرمەن بىرگە، ماڭگى سىزدەردىڭ بەرىك تىرەكتەرىڭىز بولادى! ىندەتتەن ساقتانۋ - تىزگىندەۋ كۇرەسى شەشۋشى كەزەڭگە ءوتتى، جىگەردى جاني ءتۇسۋ قاجەت، بوساڭسىماۋ كەرەك. مىعىم قايراتقا كەلىپ، قاجىماس قايسارلىق كورسەتىپ، سوڭىنا دەيىن تاباندىلىق كورسەتۋ، توتەپ بەرۋ، بەرىك ساقتاۋ كەرەك، قول جەتكەن ناتيجەلەردى سەلگە كەتىرىپ الۋعا بولمايدى. ەمدەۋ قىزمەتكەرلەرىنىڭ سالاماتتىعى ىندەتتى جەڭۋدىڭ ماڭىزدى كەپىلى. كوپتەگەن جولداستاردىڭ وسى ارادا ەرلىكپەن شايقاس جاساپ جاتقانىنا ءبىر ايدان استى. ەرەكشە جاپا شەكتى، قاتتى ارىپ - شارشادى، سىزدەردىڭ دەمالىسقا كوڭىل ءبولىپ، قورەكتەنۋگە كەپىلدىك ەتىپ، دەنساۋلىقتارىڭىزدى كۇتۋلەرىڭىزدى ءۇمىت ەتەمىن. قاتىستى جاقتار كوپشىلىكتىڭ قىزمەت، تۇرمىس شارت - جاعدايىن جاقسارتىپ، قورعانۋ، قامتاماسىز ەتۋ شارالارىن ويداعىداي تياناقتاندىرىپ، كەزەك الماسۋدى جانە دەمالۋدى كۇشەيتىپ، ءبىرىنشى شەپتەگى ەمدەۋ قىزمەتكەرلەرىنىڭ دەنساۋلىعى مەن حاۋىپسىزدىگىنە شىنايى كەپىلدىك ەتۋگە اسا زور قۇلشىنىس جاساۋ كەرەك.

  حوشىنشان شيپاحاناسىنان شىققان سوڭ، شي جينپيڭ دۇڭحۋ شينچىڭ الەۋمەتتىك اۋماعىنا كەلىپ، الەۋمەتتىك اۋماقتاعى دەنساۋلىق ساقتاۋ، ىندەتتەن ساقتانۋ، الەۋمەتتىك اۋماقتىڭ قىزمەت وتەۋى، بۇقارانىڭ تۇرمىسىن قامتاماسىز ەتۋ سياقتى جاعدايلاردى ناقتاپ تەكسەردى. ىندەت تۋىلعاننان بەرى، بۇل الەۋمەتتىك اۋماقتا جاڭا تيپتى ايدارشا ۆيرۋس وكپە قابىنۋ ىندەتىنە شالدىققان جيىنى 32 ناۋقاستىڭ دياگنوزى تۇراقتاندىرىلعان، جابىق باسقارۋ - مەڭگەرۋ جانە توركوزدەندىرىپ باسقارۋ ارقىلى جارتى ايدان استام ۋاقىتتان بەرى دياگنوزى تۇراقتاندىرىلعان جاڭا ناۋقاستار شىقپاۋ جاعدايىن ساقتاعان. باس شۋجيدىڭ كەلگەنىن كورىپ، ۇيىندە اۋاشالانىپ جاتقان تۇرعىندار ىركەس - تىركەس بالكوننان جانە تەرەزەدەن قول بۇلعاپ، داۋىستاپ باس شۋجيگە سالەمدەستى، شي جينپيڭ كوپشىلىككە ءالسىن - ءالى قول بۇلعاپ ىززەت كورسەتىپ، حال سۇرايتىندىعىن ءبىلدىردى.

  الەۋمەتتىك اۋماقتىڭ تۇرمىستىق زاتتىق ماتەريالداردى شوعىرلى ۇلەستىرۋ - جەتكىزۋ تۇيىنىندە شي جينپيڭ كۇرىش، ۇن، ازىقتىق ماي جانە جاڭا كوكونىس، جەمىس - جيدەك سياقتى تۇرمىستىق زاتتىق ماتەريالداردى ساتىپ اكەلۋ جانە ونىمەن قامداۋ جاعدايىن ەگجەي - تەگجەيلى سۇراستىرىپ، بۇقارانىڭ نەگىزگى تۇرمىسىن بار كۇشپەن ويداعىداي قامتاماسىز ەتۋدى باسا دارىپتەدى. الەۋمەتتىك اۋماقتاعى ساقشى ىستەرى كەڭسەسى، دەنساۋلىق ساقتاۋ قىزمەت وتەۋ پۋنكتى، قوجالىق ىستەر ورتالىعى سياقتىلاردىڭ جۇمىس جۇرگىزۋ جاعدايىن كورىپ شىققان سوڭ، شي جينپيڭ الەۋمەتتىك اۋماقتاعى پارتيا مۇشەلەرىنە، بۇقاراعا قىزمەت وتەۋ ورتالىعىنا كەلىپ، الەۋمەتتىك اۋماقتىڭ توركوزدەندىرىپ باسقارۋ، بىرلەسىپ ساقتانۋ - بىرلەسىپ تىزگىندەۋ، بۇقارالىق ساقتانۋ جانە بۇقارالىق تىزگىندەۋ قىزمەتىنىڭ جاعدايىن ۇعىسىپ، ولاردىڭ قىزمەتىن تۇراقتاندىردى.

  الەۋمەتتىك اۋماقتاعى پارتيا مۇشەلەرىنە، بۇقاراعا قىزمەت وتەۋ ورتالىعىندا شي جينپيڭ الەۋمەتتىك اۋماق قىزمەتكەرلەرى، نەگىزگى ساتىداعى حالىق ساقشىلارى، دەنساۋلىق ساقتاۋ قىزمەت وتەۋ پۋنكتىنىڭ شيپاگەرلەرى، تومەنگە تۇسكەن كادرلار، ەرىكتىلەر سياقتىلارمەن ىقىلاستى تۇردە اڭگىمەلەستى. شي جينپيڭ بىلاي دەپ باسا دارىپتەدى: الەۋمەتتىك اۋماق ساقتانۋ - تىزگىندەۋدىڭ ەڭ الدىڭعى شەبى رەتىندە، توتەنشە اۋىر مىندەت ارقالاپ وتىر، الەۋمەتتىك اۋماقتاعى ساقتانۋ - تىزگىندەۋ قىزمەتىنە ات سالىسقان جولداستاردىڭ جۇمىسى ايرىقشا جاپالى. كوپشىلىك كۇندى تۇنگە جالعاپ، شارشاپ - شالدىقتىم دەمەي، ءۇن - ءتۇنسىز ۇلەس قوسىپ، بۇقاراعا دەن قويا قىزمەت وتەپ، ىندەتتىڭ تارالۋىن، ءورشۋىن تىزگىندەۋگە، بۇقارانىڭ تۇرمىسىن قامتاماسىز ەتۋگە ماڭىزدى ۇلەس قوسىپ، ۋحانداعى پارتيا مۇشەلەرىنىڭ، كادرلاردىڭ قۇربان بەرۋدەن قورىقپايتىن، باتىلدىقپەن جاۋاپكەرشىلىك ارقالايتىن، كەلەلى جاعدايمەن ساناساتىن، ءوزىن ارناۋعا پەيىل بولاتىن رۋحىن ايگىلەدى. ىندەتكە قارسى اتتانۋدىڭ 2 شەبى بار، ءبىرى، شيپاحانانىڭ اجالعا اراشاشى، جارالىعا مەدەت بولۋ شەبى، ەندى ءبىرى، الەۋمەتتىك اۋماقتاعى ساقتانۋ - تىزگىندەۋ شەبى. ىندەتتەن ساقتانۋ - تىزگىندەۋ قىزمەتىن قاجىماي - تالماي ويداعىداي ىستەۋدە باستىسى، الەۋمەتتىك اۋماققا سۇيەنەدى. الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى ماڭىزدى رولىن تولىق ساۋلەلەندىرىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ونەگەلىلىك رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماققا ءتۇسىرىپ، الەۋمەتتىك اۋماقتاعى ساقتانۋ - تىزگىندەۋ شارالارىنىڭ تياناقتانۋىن كۇشەيتىپ، بارلىق الەۋمەتتىك اۋماقتاردى ىندەتتەن ساقتانۋ - تىزگىندەۋدىڭ بەرىك قورعانىنا اينالدىرۋ كەرەك. ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە جەتۋ ءۇشىن حالىققا تىعىز سۇيەنۋ كەرەك. بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەپ، بۇقارانى اتتانىسقا كەلتىرىپ، بۇقارالىق ساقتانۋدىڭ، بۇقارالىق تىزگىندەۋدىڭ حالىقتىق قورعانىس شەبىن قۇرۋ كەرەك.

  ناقتى ورىنداردا قىزمەت تەكسەرۋ اياقتاعان سوڭ، شي جينپيڭ ءماجىلىس باسقارىپ اشىپ، ورتالىقتىڭ جەتەكشىلىك ەتۋ گرۋپپاسىنىڭ، حۋبەي ولكەلىك پارتكوم مەن ۇكىمەتتىڭ ىندەتتەن ساقتانۋ - تىزگىندەۋ قىزمەتىنەن بەرگەن مالىمەتتەرىن تىڭدادى.

  مالىمەتتەردى تىڭداعان سوڭ، شي جينپيڭ ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، پارتيا ورتالىق كوميتەتى وسكەلەڭ ءمان بەرىپ، حۋبەي مەن ۋحاننىڭ ىندەتتەن ساقتانۋ - تىزگىندەۋ قىزمەتىنە ءتۇيىندى تۇردە قولداۋ كورسەتىپ، ەڭ جان - جاقتى، ەڭ قاتاڭ، ەڭ ءۇزىلدى - كەسىلدى ساقتانۋ - تىزگىندەۋ شارالارىن قولدانىپ، ىندەتتىڭ تارالۋ، ءورشۋ بەتالىسىن باتىل تەجەدى. حالىق ازاتتىق ارمياسى، ورتالىقتىڭ جانە مەملەكەتتىڭ مينيسترلىكتەرى، كوميتەتتەرى، ءارقايسى ولكە، رايون، قالا بار كۇشپەن كومەك كورسەتىپ، ءبىرىنشى شەپكە كومەككە اتتانىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزدى. قاجىرلىلىقپەن قۇلشىنۋدىڭ ارقاسىندا، حۋبەي مەن ۋحانداعى ىندەتتەن ساقتانۋ - تىزگىندەۋ جاعدايىندا بەلسەندى جاقسارعان وزگەرىس جارىققا شىعىپ، كەزەڭدىك ماڭىزدى جەتىستىككە قول جەتىپ، جاعدايدى ورنىقتىرۋ، جاعدايعا بۇرىلىس جاساۋ نىساناسى العاشقى قادامدا جۇزەگە استى. قازىر حۋبەي مەن ۋحانداعى ىندەتتەن ساقتانۋ - تىزگىندەۋدىڭ مىندەتى ءالى جاپالى دا اۋىر. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىك ارقالاپ، سىننان سۇرىنبەي ءوتىپ، اناعۇرلىم قاتاڭ ستيلمەن، اناعۇرلىم ناقتى شارامەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرۋ كەرەك.

  شي جينپيڭ بىلاي دەپ اتاپ كورسەتتى: ەمدەپ قۇتقارۋ قىزمەتىن ءبىرىنشى ورىنعا قويىپ، عىلمي، دالمە - ءدال ەمدەۋ - قۇتقارۋ جاعىنا كۇش سالىپ، ەمدەپ ساۋىقتىرۋ مولشەرىن ەڭ جوعارى دەڭگەيگە جەتكىزۋ، اۋرۋدان ءولۋ مولشەرىن بارىنشا تومەندەتۋ كەرەك. ”ءتورتتى شوعىرلاندىرۋ“ شارالارىن ونان ارى تياناقتاندىرىپ، باسىم ەمدەۋ بايلىقتارىن جانە تەحنيكالىق كۇشتەردى شوعىرلاندىرىپ ناۋقاستاردى قۇتقارىپ، ەمدەپ، زەرتتەلىپ اشىلعان جانە سارالانىپ تاڭدالعان ءونىمدى ءدارى - دارمەكتەردى جەدەل جالپىلاستىرىپ، قولدانىپ، قۇتقارۋ - ەمدەۋ دەڭگەيىن جوعارىلاتۋ كەرەك. مەديتسينالىق ساقتانۋ - تىزگىندەۋ زاتتىق ماتەريالدارىن ءوندىرۋدى، قامداۋدى، سەپتەۋدى كۇشەيتىپ، شيپاحانادان شىققان ناۋقاستاردىڭ دەنساۋلىعىن قالپىنا كەلتىرۋ قىزمەتىن ويداعىداي ىستەۋ كەرەك. ەمدەۋ - كۇتىمدەۋ كۇشتەرى مەن مەديتسينالىق بايلىقتاردى ءبىر تۇتاس جوسپارلاۋدى كۇشەيتىپ، باسقا ناۋقاستاردىڭ كۇندەلىكتى اۋرۋ كورسەتۋ قاجەتىنە دە تەڭ ءمان بەرىپ، قالىپتى ەمدەۋ ءتارتىبىن بىرتىندەپ قالپىنا كەلتىرۋ كەرەك.

  شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدىڭ ءتۇيىنى − ”ساقتانۋدا“. قازىر شەشۋشى ساتكە كەلدىك، ءسوز جوق، قايىسپاس قايسارلىقپەن تاباندى تۇردە جالعاستىرا بەرۋ كەرەك. حالىق بۇقاراسىنا تىعىز سۇيەنىپ، حالىق بۇقاراسىن تولىق اتتانىسقا كەلتىرىپ، بۇقارانىڭ ءوز - وزىنە قىزمەت وتەۋ، ءوز - ءوزىن ساقتاندىرۋ - قورعاۋ قابىلەتىن جوعارىلاتۋ كەرەك. كىرىپ - شىققان ادامداردى باسقارۋدى كۇشەيتىپ، ەپيدەميولوگيالىق تەكسەرۋ قىزمەتىن ىشكەرىلەي ورىستەتۋ كەرەك. ىندەتتىڭ ىشكە تارالۋىنان ساقتانۋ، سىرتقا شىعۋىنان ساقتانۋ سىندى ساقتانۋ - تىزگىندەۋ تاكتيكاسىن جالعاستىرۋمەن بىرگە، سالاماتتىق باسقارۋدى ويداعىداي ىستەۋ، ساقتانۋ - تىزگىندەۋ شارالارىن تياناقتاندىرۋ العى شارتىندا، ”ءتۇيىن مەن ءتۇيىن ۇشتاستىرىلعان، ءبىر بەكەتتىك“ ءادىس قولدانىپ، جۇمىسكەر ادامداردى جۇمىس ورىندارىنا شوعىرلى، دالمە - ءدال حاۋىپسىز جەتكىزىپ، حۋبەيدا توسىلىپ قالعان ادامداردىڭ اۋىلدارىنا حاۋىپسىز، ءتارتىپتى تۇردە قايتۋىنا كومەكتەسۋ كەرەك.

  شي جينپيڭ بىلاي دەپ اتاپ كورسەتتى: ەمدەۋ كۇشتەرى ءالسىز قالالار مەن وبلىستاردى قولداۋ سەرپىنىن ارتتىرىپ، جوعارى دەڭگەيدەگى ماماندار ۇجىمىنىڭ رولىن ساۋلەلەندىرىپ، ارالاپ ءجۇرىپ دياگنوز قويۋ - ەمدەۋ، الىس ارالىقتان بىرلەسىپ دياگنوز قويۋ سياقتى ءونىمدى ادىستەر جونىندە ىزدەنىس جاساپ، ساپالى مەديتسينالىق بايلىقتاردىڭ تومەنگە ءتۇسۋىن جەبەۋ كەرەك. اۋىل - قىستاقتىڭ ەمدەۋ - دەنساۋلىق ساقتاۋ شارت - جاعدايىن جاقسارتىپ، اۋىل - قىستاقتاعى ەمدەۋ قىزمەتكەرلەرى مەن نەگىزگى ساتى كادرلارىن باۋلۋدى كۇشەيتىپ، قاجەتتى ساقتانۋ - قورعانۋ زاتتىق ماتەريالدارىمەن قامداۋ كەرەك. بۇقارانى جۇمىلدىرىپ قورشاعان ورتا تازالىعىنا ارناۋلى رەتتەۋ - جونگە سالۋ جۇرگىزىپ، بۇقارانى تاماشا تازالىق ادەتىن جانە تۇرمىس ءتاسىلىن قالىپتاستىرۋعا تاربيەلەۋ، جەتەكتەۋ كەرەك.

  شي جينپيڭ بىلاي دەپ باسا دارىپتەدى: حالىق تۇرمىسى ورنىقتى بولسا، جۇرت كوڭىلى ورنىعادى، قوعام ورنىقتى بولادى. حۋبەي مەن ۋحان سياقتى ىندەت اۋىر جەرلەردەگى بۇقارانىڭ ءوز - ءوزىن اۋاشالاعانىنا وسىنشاما ۇزاق ۋاقىت بولدى، ءىشىنارا وكپە - رەنىشتەر بولۋى مۇمكىن، بۇعان تۇسىنىستىكپەن، كەڭشىلىكپەن، باۋىرمالدىقپەن قاراۋ، ءار جاقتاعى قىزمەتتىڭ سەرپىنىن ۇزدىكسىز ارتتىرۋ كەرەك. بۇقارانىڭ نەگىزگى تۇرمىس قاجەتىن تولىق ويلاستىرىپ، بازاردىڭ قامداۋ - قاجەتسىنۋىن جانە باعا وزگەرىسىن ءجىتى قاداعالاپ، كۇرىش، ۇن، استىق - ماي، ەت، قۇس ەتى، جۇمىرتقا، ءسۇت سياقتى تۇرمىستىق قاجەتتى بۇيىمدارمەن قامداۋدى قامتاماسىز ەتۋ كەرەك. ىندەتتەن ساقتانۋ - تىزگىندەۋ سەبەبىنەن ۇيىندە اۋاشالانعان جالعىزىلىك قارتتار، قيىنشىلىعى بار بالالار، ەرەكشە قيىنشىلىعى بار ادامدار، مۇگەدەكتەر سياقتى ەرەكشە قاۋىمدار جونىندە كوتەرمەگە الىپ قامتاماسىزداندىراتىن بايلانىسشى ادامدى تياناقتاندىرىپ، وتباسىن ارالاپ جاعداي ۇعىسۋدى كۇشەيتىپ، قاجەتتى كومەكتەردى دەر كەزىندە كورسەتۋ كەرەك. پسيحيكالىق جەتەكتەۋدى جانە پسيحيكالىق جاقتان ارالاسۋدى كۇشەيتۋ، اسىرەسە، ناۋقاستار مەن ولاردىڭ وتباسىنداعىلار، اۋرۋدان قازا بولعانداردىڭ وتباسىنداعىلار سياقتىلارعا پسيحيكالىق جەتەكتەۋ قىزمەتىن كۇشەيتۋ كەرەك. قوعامدىق پىكىر جەتەكشىلىگىن كۇشەيتىپ، سەنىمدى بەكەمدەيتىن، جۇرت كوڭىلىن جادىراتاتىن، حالىق تىلەگىن توعىستىراتىن قوعامدىق پىكىر اۋقىمىن قالىپتاستىرۋ كەرەك. زاڭ بويىنشا ساقتانۋ - تىزگىندەۋگە تاباندى بولىپ، قوعام كولەمىندەگى باسقارۋ - مەڭگەرۋدى كۇشەيتىپ، ىندەتتەن ساقتانۋ - تىزگىندەۋ بارىسىندا جارىققا شىعۋى مۇمكىن بولعان ءتۇرلى ماسەلەلەردى لايىقتى ءبىر جاقتى ەتىپ، قوعامدىق كەلەلى جاعدايدىڭ ورنىقتىلىعىن قورعاۋ كەرەك.

  شي جينپيڭ بىلاي دەپ اتاپ كورسەتتى: بۇل رەتكى ىندەت قىسقا ۋاقىت ىشىندە حۋبەيدىڭ ەكونوميكالىق، قوعامدىق دامۋىنا مەزەتتىك قيىندىق اكەلگەنىمەن، ەكونوميكانىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى جاعدايىنا ىقپال جاسامايدى. ىندەتتەن ساقتانۋ - تىزگىندەۋدى كۇشەيتۋ العى شارتىندا، پارىقتى تاكتيكالار قولدانىپ، وڭىرگە، دارەجەگە ءبولىپ، تۇرگە، ۋاقىتقا ايىرىپ، شارتتى تۇردە جۇمىستى، ءوندىرىستى قالپىنا كەلتىرۋدى لايىقتى ۋاقىتتا ىسكە قوسۋ كەرەك. مەملەكەت شىعارعان ءبىر قىدىرۋ قولداۋ ساياساتتارىن تياناقتاندىرىپ، ناقتىلاپ، كاسىپورىندارعا كومەكتەسۋ، جۇمىس ورىندارىن ورنىقتىرۋ، جۇمىستانۋدى كەڭەيتۋ سياقتى قىزمەتتەردى باعىتتامالى تۇردە ورىستەتىپ، ”التىنى ورنىقتىرۋ“ شارالارىن كۇشەيتىپ، كوكتەمگى ەگىس ءوندىرىسى، شارۋالاردى جۇمىستاندىرىپ كىرىسىن ارتتىرۋ سياقتى قىزمەتتەردى ءبىر تۇتاس جوسپارلاي وتىرىپ ويداعىداي يگەرىپ، كەدەيلىكتەن ارىلتۋدان قامال الۋدىڭ ءتۇرلى مىندەتتەرىن باتىل، ويداعىداي يگەرۋ كەرەك. ورتالىق پەن مەملەكەت ورگاندارىنىڭ، ءارقايسى مينيسترلىك، كوميتەتتەردىڭ حۋبەيدى قولداۋ سەرپىنىن ۇزدىكسىز ارتتىرىپ، حۋبەيدىڭ ءىس جۇزىندىك قيىنشىلىق پەن ناقتى ماسەلەلەردى شەشۋىنە، ەرتەرەك جاپپاي قالىپتى ارناعا تۇسۋىنە كومەكتەسۋ كەرەك.

  شي جينپيڭ بىلاي دەپ باسا دارىپتەدى: بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ − جونگە سالۋ جۇيەسى مەن جونگە سالۋ قابىلەتىنە دەگەن ءبىر رەتكى ۇلكەن سىناق، تاجىريبە دە توپتادىق، ساباق تا قابىلدادىق. ۇزاق بولاشاقتى كوزدەپ، تاجىريبە - ساباق قورىتىندىلاپ، جونگە سالۋ جۇيەسىنىڭ ولقىلىقتارى مەن ءالسىز تۇستارىن جەدەل تولىقتاپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتۋ ءۇشىن تۇزىمدىك قورعانىس شەبىن بەكەمدەۋ كەرەك. قالانى جونگە سالۋ جۇيەسىن جانە قالا، اۋىل نەگىزگى ساتىلارىن جونگە سالۋ جۇيەسىن كۇش سالا كەمەلدەندىرىپ، ”جالپى پەريودتىق باسقارۋ“ تانىمىن ورناتىپ، اسا ءىرى قالالاردىڭ وسىزاماندانعان جونگە سالۋ جاڭا جولدارىن قۇلشىنا قاراستىرۋ كەرەك.

  شي جينپيڭ بىلاي دەپ اتاپ كورسەتتى: پارتيامىز ىشتەن تاۋقىمەت ءتونىپ، سىرتتان جاۋ انتالاعان جاعدايدا دۇنيەگە كەلىپ، قيىنشىلىقتار مەن ساتسىزدىكتەر بارىسىندا جەتىلىپ، قامال الۋ، قيىندىقتاردى ەڭسەرۋ بارىسىندا الەۋەتتەنگەن. كۇرەس جۇرگىزۋگە باتىل بولۋ، جەڭىسكە جەتۋگە باتىل بولۋ − جۇڭگو كوممۋنيستەرىنىڭ ايقىن ساياسي قاسيەتى ءارى ءبىزدىڭ ساياسي ابزالدىلىعىمىز. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىكتى ارقالاپ، سىننان سۇرىنبەي ءوتىپ، وسى رەتكى ۇلكەن سىناقتا جاۋاپكەرشىلىك ارقالايتىن باتىلدىقتى، عىلمي ساقتاناتىن - تىزگىندەيتىن پاراساتتى، ءبىر تۇتاس جوسپارلاپ تەڭ ءمان بەرەتىن ويدى، ۇيىمداستىرىپ اتقاراتىن قابىلەتتى شىنىقتىرىپ، ءوز جاۋاپكەرشىلىگىن ءبىلۋ، ءوز جاۋاپكەرشىلىگىن شەبەرلىكپەن اتقارۋ كەرەك. فورماشىلدىققا، تورەشىلدىككە باتىل قارسى تۇرىپ، نەگىزگى ساتى كادرلارىنىڭ اناعۇرلىم كوپ زەيىن - قۋاتىن ىندەتتەن ساقتانۋ - تىزگىندەۋدىڭ ءبىرىنشى شەبىنە جۇمساۋىنا مۇمكىندىك جاساۋ كەرەك. قالىڭ پارتيا مۇشەلەرىن، كادرلاردى قاتەرلى، قيىن ساتتە كەۋدە كەرىپ العا شىعۋعا، ەرلىكپەن شايقاس جۇرگىزۋگە ىنتالاندىرىپ، سۇراپىل شايقاستا اۋەلگى ماقساتتى، بورىشتى امالياتتا ايگىلەۋ، ۇلكەن سىناقتا تولىمدى جاۋاپ بەرۋ كەرەك.

  ءماجىلىس تەلەۆيزور - تەلەفون ءماجىلىسى فورماسىندا اشىلدى، حۋبەي ولكەسىندەگى 13 قالا - وبلىس جانە ولكەگە توتە قاراستى 4 اۋدان دارەجەلى اكىمشىلىك ورىندار بولىمشە ءماجىلىس الاڭىن ورنالاستىردى، جەر - جەردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، قاتىستى تاراۋلارداعى نەگىزگى جاۋاپتى جولداستار جانە سىرت جەرلەردەن ءاربىر قالا - وبلىسقا كومەككە بارعان ەمدەۋ گرۋپپالارىنىڭ جەتەكشىلەرى قاتىناستى.

  ديڭ شۋەشياڭ، جاڭ يوۋشيا جانە ارميانىڭ قاتىستى تاراۋلارىنداعى جاۋاپتى جولداستار قىزمەت تەكسەرۋگە سەرىك بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.