شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 3 - ايدىڭ 11 - كۇنى ۇرىمجىدەن حابارلايدى. 3 - ايدىڭ 11 - كۇنى اۆتونوميالى رايوندىق وقۋ - اعارتۋ مەڭگەرمەسى حابارلاندىرۋ شىعارىپ، تۇتاس رايونىمىزدىڭ 2020 - جىلعى كوكتەمگى وقۋ ماۋسىمىنداعى وقۋ باستاۋ قىزمەتىن دالمە - ءدال، ءتارتىپتى، ويداعىداي ىستەۋى جونىندە ورنالاستىرۋ جاسادى. حابارلاندىرۋدا مىنالار اتاپ كورسەتىلدى: شينجياڭنىڭ ىندەتتەن ساقتانۋ - تىزگىندەۋ جاعدايىنا ساي، عىلمي تۇجىرىم جاساۋ ارقىلى تۇتاس رايونىمىزداعى ءار دارەجەلى، ءار ءتۇرلى مەكتەپتەردى قاۋىرت مەزگىلگە شوعىرلاندىرماي، ۋاقىتىن الشاقتاتىپ وقۋ باستاۋدى، تۇتاس رايونىمىزداعى ورتا مەكتەپ 3 - جىلدىعىنىڭ، ورتالاۋ مەكتەپ 3 - جىلدىعىنىڭ، ورتا دارەجەلى كاسىپتىك مەكتەپتەردىڭ وقۋ تاۋىساتىن جىلدىعىنىڭ 3 - ايدىڭ 16 - كۇنى وقۋ باستاۋىن ۇيعاردى، باسقا جىلدىقتار الداعى جەردە اۆتونوميالى رايوننىڭ جالپى تۇلعالىق قىزمەت ورنالاستىرۋىنا ساي تارتىپپەن وقۋ باستايدى، ناقتىلى ۋاقىتىن اۆتونوميالى رايوندىق وقۋ - اعارتۋ مەڭگەرمەسى ءبىر تۇتاس جاريالايدى.
حابارلاندىرۋدا مىنالار تالاپ ەتىلدى: تۇتاس رايونىمىزداعى ءار دارەجەلى، ءار ءتۇرلى مەكتەپتەر قاراستى جەر بويىنشا باسقارۋدى قاتاڭ تياناقتاندىرىپ، وقۋ باستاۋ، ساباقتى قالپىنا كەلتىرۋ قىزمەتىن ويداعىداي ۇيىمداستىرۋى كەرەك. وقۋ باستاۋدان ىلگەرگى دايىندىقتاردى جەدەل ويداعىداي ىستەپ، مەكتەپ اۋماعى ورتاسىن تۇبەگەيلى تازالاپ، رەتتەپ، ءتۇيىندى تۇردە مەكتەپتىڭ ءىشى - سىرتىنداعى قالتارىس ورىنداردى ءتۇيىندى تازالاۋى، اسىرەسە، كلاس، اسحانا، جاتاق سياقتى ماڭىزدى قيمىل ورىندارىن جاپپاي زارارسىزداندىرۋ؛ اۋداندى (قالا، رايون)، جوعارى مەكتەپتەردى بىرلىك ەتىپ، ءبىر مەكتەپتە ءبىر شارا اتقارىپ، ىندەتتەن ساقتانۋ - تىزگىندەۋ جوباسىن ەگجەي - تەگجەيلەندىرىپ، شۇعىل جاعدايعا توتەپ بەرۋ دايىندىق جوباسىن كەمەلدەندىرۋ؛ وقىتۋدى باسقارۋدى عىلمي ۇيىمداستىرىپ، ورتا مەكتەپ 3 - جىلدىعىن، ورتالاۋ مەكتەپ 3 - جىلدىعىن جانە ورتا دارەجەلى كاسىپتىك مەكتەپتەردىڭ وقۋ تاۋىساتىن جىلدىعىن العاشقى توپتا وقۋ باستايتىن، ساباقتى قالپىنا كەلتىرەتىن جىلدىق ەتۋ، وقۋ باستاعاننان كەيىن بۇرىنعى وقىتۋ جىلدىقتارىن ءبولىپ شاعىن وقىتۋ كلاسىنا اينالدىرۋ، ءبىر كلاستا 30 وقۋشىدان اسىپ كەتپەۋ، كلاس پەن كلاس اراسىن قاۋىرت مەزگىلگە شوعىرلاندىرماي ساباق بەرۋ كەرەك؛ قالىپتى پىسىقتاۋ جاسالىپ، ەمتيحانعا دايىندىق كورەتىن نەگىزگى ساباقتاردان سىرت، شوعىرلانۋ سالىستىرماسى ءبىرشاما جوعارى بولعان دەنە تاربيە، مادەنيەت، كوركەمونەر سياقتى قيمىلداردى ۇيىمداستىرماۋ، وقۋشى - وقىتۋشىلار تاماقتانعاندا بولەك - بولەك تاماقتانۋ؛ العاشقى توپتا وقۋ باستايتىن وقۋشىلارمەن جانە ولاردىڭ اتا - انالارىمەن بايلانىس جاساۋ قىزمەتىن تۇيىننەن تۇيىنگە دەيىن ويداعىداي ىستەۋ، وقۋشىلاردىڭ جاعدايىن دالمە - ءدال يگەرىپ، ىندەتتەن ساقتانۋ - تىزگىندەۋ بىلىمدەرىن جانە وقۋ - وقىتۋ ورنالاستىرۋلارىن بەلسەندىلىكپەن ۇگىتتەۋ كەرەك.
حابارلاندىرۋدا مىنالار تالاپ ەتىلدى: ءار دارەجەلى وقۋ - اعارتۋ اكىمشىلىك باسقارۋ تاراۋلارى جەرگىلىكتى ورىنداعى پارتكوم مەن ۇكىمەتتىڭ باسشىلىعىندا، وقۋ باستاۋ جوباسىنا ساي عىلمي ۇيىمداستىرىپ، ءونىمدى تياناقتاندىرىپ، وقۋ باستاۋ قىزمەتىنىڭ حاۋىپسىز، دالمە - ءدال، ءتارتىپتى جۇرگىزىلۋىنە شىنايى كەپىلدىك ەتۋ كەرەك. مەكتەپتەرگە سايكەسىپ كومەكتەسىپ، ىندەتتەن ساقتانۋ - تىزگىندەۋگە قاجەتتى زاتتىق جابدىقتاردى سەپتەۋگە ۇيىمداستىرۋ، وقۋ باستالعاننان كەيىن وقىتۋشىلار مەن وقىتۋشىلاردىڭ ىندەتتەن ساقتانۋ - تىزگىندەۋ، قورعانۋ شارالارىنىڭ جاپپاي تياناقتانۋىنا شىنايى كەپىلدىك ەتۋ كەرەك. وقۋ باستالعاننان كەيىن مەكتەپتەر جاپپاي جابىق باسقارۋدى اتقارادى، مەكتەپتىڭ وقىتۋ ىستەرىمەن، وقىتۋمەن قاتىسسىز ءارقانداي ادامنىڭ مەكتەپكە بەتالدى كىرۋىنە مۇلدە جول قويىلمايدى.
