ءتىلشى ليۋ شياڭ 3 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىنەن ۇعىسۋعا قاراعاندا، بيىل رايونىمىز كەدەيلىك قالپاعى الىنباعان 10 كەدەي اۋداندا، كەدەيلىك تىزىمىنەن شىعارىلماعان 559 كەدەي قىستاقتا شايقاسقا اشىق - اشكەرە قاداعالاۋ جۇرگىزەدى ەكەن. 3 - ايدىڭ 8 - كۇنىنەن باستاپ، الدىڭعى مەرزىمدەگى شايقاستى اشىق - اشكەرە قاداعالاۋدى جاپپاي ورىستەتۋ نەگىزىندە اۆتونوميالى رايوننىڭ شايقاستى اشىق - اشكەرە قاداعالاۋعا جاۋاپتى ولكە دارەجەلى باسشىلارى باستاماشى بولىپ، شايقاس اشىق - اشكەرە قاداعالاناتىن اۋداندارعا بارىپ، اۋداندارمەن بىرلەسىپ شايقاسقا اشىق - اشكەرە قاداعالاۋ ورىستەتەدى.
شايقاستى اشىق - اشكەرە قاداعالاۋدا ”ورتالىق ءبىر تۇتاس جوسپارلاۋ، اۆتونوميالى رايون جالپى جاۋاپتى بولۋ، ايماق، اۋداندار تياناقتاندىرۋدى يگەرۋ، اۋىل - قىستاقتار ناقتاپ تياناقتاندىرۋدى يگەرۋ“ ءتۇزىلس - مەحانيزمىن دايەكتىلەندىرىپ، جاۋاپكەرشىلىكتى ايقىنداپ، دارەجەلەر بويىنشا جاۋاپتى بولادى. اياق الىستى، تياناقتاندىرۋدى، رەتتەۋ - تۇزەتۋدى، بەكەمدەۋدى، ساپانى ءتۇيىندى تۇردە قاداعالاپ، كەدەي حالىقتىڭ تۇگەلدەي كەدەيلىكتەن ارىلۋىن، كەدەي قىستاقتاردىڭ تۇگەلدەي كەدەيلىك تىزىمىنەن شىعۋىن، كەدەي اۋدانداردىڭ تۇگەلدەي كەدەيلىك قالپاعىن الىپ تاستاۋىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە جوعارى ساپادا قول جەتكىزۋدى دەر كەزىندە جۇزەگە اسىرۋعا شىنايى كەپىلدىك ەتەدى.
شايقاستى اشىق - اشكەرە قاداعالاۋ ”ەكىدەن تارىقتىرماۋ، ءۇشتى قامتاماسىز ەتۋدى“ جانە ” ءۇشتى تياناقتاندىرۋ، ءۇش دالمە - دالدىكتى“ مىقتاپ ارقاۋ ەتىپ، نەگىزگى ساتى ءبىرىنشى شەبىنە بويلاپ، جۇمىس باسىنا جانە شارۋالار وتباسىلارىنا بارىپ ناقتى جاعدايدى تەكسەرىپ، ماسەلەنى باعدار ەتۋگە تاباندى بولىپ، تيپتىك ماسەلەلەردى تەكسەرىپ، زەرتتەپ، قىستاقتاردى، وتباسىلارىن ءبىر - بىرلەپ ارالاپ، ماسەلەلەردى ءبىر - بىرلەپ قاداعالاپ شەشەدى. كەدەي حالىقتىڭ مىندەتتى وقۋ - اعارتۋىن، نەگىزگى ەمدەلۋىن، تۇرعىن ءۇي حاۋىپسىزدىگىن جانە اۋىز سۋ حاۋىپسىزدىگىن قامتاماسىزداندىرۋ جاعدايى، سونداي - اق كاسىپ سالاسى ارقىلى كەدەيلەردى سۇيەمەلدەۋ، كەدەي وتباسىلارىنداعى تىڭنان ارتقان ەڭبەككۇشتەردىڭ باسقا كاسىپكە ويىسىپ جۇمىستانۋىن، ەڭبەك قۋاتى جوق وتباسىلارىن تولىق قامتاماسىز ەتۋ جاعدايىن ءتۇيىندى قاداعالايدى ت. ب.
«اۆتونوميالى رايوننىڭ كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋدى اتقارۋ جوباسىنا» ساي، شايقاستى اشىق - اشكەرە قاداعالاۋدا ۇيىمدىق باسشىلىقتى، ءتۇزىم قۇرىلىسىن، ستيل قۇرىلىسىن كۇشەيتۋ كەرەك. ”شايقاستى قاداعالاۋ قىزمەتىندە شاقتى ادام ەرتىپ ءجۇرۋ، نەگىزگى ساتىنىڭ اۋىرتپالىعىن جەڭىلدەتۋ، فورماشىلدىقتان، تورەشىلدىكتەن باتىل ساقتانۋ،’قاداعالاۋعا عانا بوي ۇرىپ، شايقاس جۇرگىزبەۋدەن‘ باتىل ساقتانۋ، بۇقارانىڭ قالىپتى تۇرمىسىنا كەدەرگىلىك جاساماۋ، نەگىزگى ساتى كادرلارىنىڭ قىزمەت ريتىمىنە كەدەرگىلىك جاساماۋ، نەگىزگى ساتىنىڭ ماسەلەنى بايقاۋىنا، ماسەلەنى شەشۋىنە شىنايى كومەكتەسۋ، كەدەي قىستاقتاردىڭ كەدەيلىكتەن ارىلتۋدان قامال الۋ ساياساتىن تياناقتاندىرۋىنىڭ ’ەڭ سوڭعى ءبىر كيلومەترىن‘ اشىپ، كەدەيلىكتەن ارىلتۋدان قامال الۋ مىندەتىن دەر كەزىندە جوعارى ساپامەن ورىنداۋعا شىنايى كەپىلدىك ەتۋ كەرەك“، - دەدى اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى چىن لەي.
