تيانشان تورى حابارى. جاقىندا، شينجياڭ ۇيعۇر اۆتونوميالى رايوندىق وقۋ-اعارتۋ مەڭگەرمەسى ۇقتىرۋ شىعارىپ، بۇكىل رايونىمىزداعى باستاۋىش، ورتالاۋ، تولىق ورتا جانە ورتا دارەجەلى كاسىپتىك مەكتەپتەردى 3-ايدىڭ 23-كۇنى وقۋ باستاپ، جالپى بەتتىك ساباق وتۋگە ورنالاستىردى.
ۇقتىرۋدا مىنالار تالاپ ەتىلدى: بۇكىل رايونىمىزداعى ءارقايسى جەردەگى مەكتەپتەر اۆتونوميالى رايوننىڭ ىندەتتەن ساقتانۋ-تىزگىندەۋ قىزمەتى جونىندەگى ورنالاستىرۋى بويىنشا، تولىق ورتا 3-جىلدىعى، ورتالاۋ مەكتەپ 3-جىلدىعى، ورتا دارەجەلى كاسىپتىك مەكتەپتەردىڭ بىتىرەتىن جىلدىقتارى 3-ايدىڭ 16-كۇنى وقۋ باستاۋ قىزمەتى نەگىزىندە، مەكتەپتەردىڭ جاپپاي وقۋ باستاپ ، ساباق قالپىنا كەلتىرۋ جانە ىندەتتەن ساقتانۋ-تىزگىندەۋ قىزمەتىن ىشكەرىلەي، ەگجەي ـ تەگجەيلى، ويداعىداي ىستەۋ كەرەك. قاراستى جەردى باسقارۋ پرينسپى بويىنشا، جاۋاپكەرلىكتى ايقىنداپ، ءبىر مەكتەپ ءبىر شارا قولدانىپ، جوبانى اشالاپ، جوسپاردى كەمەلدەندىرىپ، وقىتۋدى باسقارۋدى جانە ىندەتتەن ساقتانۋ-تىزگىندەۋدى عىلمي ۇيىمداستىرىپ، مەكتەپتىڭ جاپپاي ساباق قالپىنا كەلتىرگەننەن كەيىن مەكتەپ اۋلاسىنىڭ حاۋىپسىزدىگىنە، وقىتۋدىڭ تارتىپتىلىگىنە، ىندەتتەن ساقتانۋدىڭ تياناقتانۋىنا كەپىلدىك ەتۋ كەرەك.
