تيانشان تورى   ›   جاڭالىقتار   ›   وقۋ-اعارتۋ

اۆتونوميالى رايوننىڭ 2020 - جىلعى كوكتەمگى وقۋ ماۋسىمىنداعى وقۋ باستاۋ قىزمەتىن ورنالاستىرۋ بەينەجازبا ءماجىلىسى اشىلدى

جاۋاپكەرشىلىكتى قاتايتىپ، شارالاردى تياناقتاندىرىپ، مەكتەپ اۋلاسىندا ىندەتتەن ساقتانۋ - تىزگىندەۋدە تيتتەي اعاتتىق جىبەرمەۋگە شىنايى كەپىلدىك ەتەيىك

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 3 - ايدىڭ 12 - كۇنى ۇرىمجىدەن حابارلايدى. 3 - ايدىڭ 12 - كۇنى تۇستەن بۇرىن اۆتونوميالى رايون 2020 - جىلعى كوكتەمگى وقۋ ماۋسىمىنداعى وقۋ باستاۋ قىزمەتىن ورنالاستىرۋ بەينەجازبا ءماجىلىسىن اشتى. ءماجىلىس پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، مەكتەپتەردىڭ ىندەتتەن ساقتانۋ - تىزگىندەۋ جانە 2020 - جىلعى كوكتەمگى وقۋ ماۋسىمىنداعى وقۋ باستاۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاساپ، ساقتانۋ - تىزگىندەۋ جاۋاپكەرشىلىگىن قاتايتىپ، ساقتانۋ - تىزگىندەۋ شارالارىن ناقتىلاندىرىپ، ەگجەي - تەگجەيلەندىرىپ، مەكتەپ اۋلاسىنىڭ ىندەتتەن ساقتانۋ - تىزگىندەۋ حاۋىپسىزدىك قورعانىس شەبىن بەرىك قۇرىپ، وقىتۋشى - وقۋشىلاردىڭ ءتان ساۋلىعىنا، جان ساۋلىعىنا شىنايى كەپىلدىك ەتتى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: تۇتاس شينجياڭداعى ورتا مەكتەپتىڭ ءۇشىنشى جىلدىعى، ورتالاۋ مەكتەپتىڭ ءۇشىنشى جىلدىعى، سونداي - اق ورتا دارەجەلى كاسىپتىك مەكتەپتەردىڭ وقۋ تاۋىساتىن جىلدىعى 3 - ايدىڭ 16 - كۇنى وقۋ باستايدى، مەكتەپتەردە ىندەتتىڭ تۋىلۋىنان ساقتانۋ، وقىتۋشى - وقۋشىلاردىڭ ساۋ - سالاماتتىعىن قورعاۋ، مەكتەپ اۋلاسىنىڭ ورنىقتىلىعىن قورعاۋ كەزەكتەگى وقۋ - اعارتۋ جۇيەسىنىڭ كەلەلى ساياسي مىندەتى. جەر - جەر، ءارقايسى وقۋ - اعارتۋ تاراۋلارى مەن مەكتەپتەر وسكەلەڭ جاۋاپكەرشىلىك سەزىممەن جانە بورىشتىلىق سەزىممەن ىندەتتەن ساقتانۋ - تىزگىندەۋ جانە وقۋ - اعارتۋ، وقىتۋ ءتۇيىندى قىزمەتىن ءبىر تۇتاس جوسپارلاپ ىلگەرىلەتىپ، ءتۇرلى ساقتانۋ - تىزگىندەۋ قىزمەتتەرىن تيتتەي دە بوساڭسىماي، مىقتى، ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋگە ساي كەلەتىن وقۋ - اعارتۋ، وقىتۋ ءتارتىبىن ورناتىپ، مەكتەپ اۋلاسىندا ىندەتتىڭ تۋىلۋىنان باتىل ساقتانۋ كەرەك.

  ءماجىلىس مىنالاردى تالاپ ەتتى: جەر - جەر، ءارقايسى مەكتەپتەر وقۋ باستاۋدىڭ الدىنداعى، وقۋ باستالعان كەزدەگى، وقۋ باستالعاننان كەيىنگى ءۇش شەشۋشى ءتۇيىندى مىقتى ۇستاپ، ءبىر مەكتەپتە ءبىر جوبا بولۋعا تاباندى بولىپ، وقۋ باستاۋداعى ساقتانۋ - تىزگىندەۋ باعدارلاماسىنىڭ تالابىن اناعۇرلىم ەگجەي - تەگجەيلەندىرىپ، دايىندىق قىزمەتىن، قامتاماسىز ەتۋ شارالارىن، ۇيىمدىق باسشىلىقتى باتىل تياناقتاندىرۋ كەرەك. وقۋ باستاۋ جوباسىن ءبىر تۇتاس جوسپارلاپ جاساپ، مەكتەپ اۋلاسىنىڭ ساقتانۋ - تىزگىندەۋ شۇعىل جاعدايعا توتەپ بەرۋ مەجە جوباسىن، ساقتانۋ - تىزگىندەۋ شارالارىن كەمەلدەندىرىپ، وقىتۋشى - وقۋشىلاردىڭ دەنساۋلىق جاعدايىن دالمە - ءدال يگەرىپ، وقىتۋشى - وقۋشىلاردىڭ دەنساۋلىق ىستەرىن باسقارۋ مەحانيزمىن تياناقتاندىرىپ، ىندەتتەن ساقتانۋ - تىزگىندەۋ ۇگىت - تاربيەسىن ورىستەتىپ، شۇعىل جاعدايلارعا توتەپ بەرۋ، ءبىر جاقتى ەتۋ جاتتىعۋىنا ۇيىمداستىرىپ، ماسكى، زارارسىزداندىرۋ سۇيىقتىعى، سپيرت سياقتى قورعانۋ زاتتىق ماتەريالدارىن سەپتەۋدى كۇشەيتىپ، ورتا تازالىعىن رەتتەۋ - وڭاۋدى جانە زارارسىزداندىرۋدى جاپپاي ورىستەتىپ، مەكتەپ اۋلاسىنىڭ ءتۇرلى باسقارۋ تالاپتارىن مۇقيات تياناقتاندىرىپ، كۇندەلىكتى ساقتانۋ - تىزگىندەۋدى تيتتەي دە بوساڭسىماي مىقتى ۇستاپ، تىنىش، ءساتتى وقۋ باستاۋعا شىنايى كەپىلدىك ەتۋ كەرەك.

  ءماجىلىس مىنالاردى تالاپ ەتتى: وقۋ - اعارتۋ، وقىتۋ قىزمەتىن عىلمي ءبىر تۇتاس جوسپارلاپ، قۇنتتى، تىڭعىلىقتى ويداعىداي ىستەپ، وقىتۋ جوسپارىن رەتتەپ، ساپالىلاندىرىپ، وقىتۋ مازمۇنى رەفورماسى مەن وقىتۋ ءتاسىلى ۇلگىسىندە جاڭالىق جاساۋدى ىلگەرىلەتىپ، وقۋ باستاۋدىڭ الدى - ارتىنداعى وقۋ - اعارتۋ، وقىتۋدى مۇلتىكسىز ۇشتاستىرۋدى جۇزەگە اسىرۋ كەرەك. وقۋشىلارعا وتانشىلدىق تاربيەنى كۇشەيتىپ، وقۋشىلاردىڭ جان ساۋلىعىنا، ءتان ساۋلىعىنا كوڭىل ءبولىپ، ولاردى ايالاپ، ىندەتتىڭ وقۋ - اعارتۋ، وقىتۋ قىزمەتىنە بولعان ىقپالىن قۇلشىنا ەڭ تومەن شەككە ءتۇسىرۋ كەرەك.

  ءماجىلىس مىنالاردى باسا دارىپتەدى: وقۋ - اعارتۋ جۇيەسىنە پارتيانىڭ باسشىلىعىن شىنايى كۇشەيتىپ، پارتيا ۇيىمىنىڭ جاۋىنگەر قورعاندىق رولىن، پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، جاۋاپكەرشىلىكتى ساتىلار بويىنشا قاتايتىپ، ءبىر تۇتاس جوسپارلاپ قامتاماسىز ەتۋدى كۇشەيتىپ، عىلمي ۇيىمداستىرىپ جۇرگىزىپ، قىزمەت ءتارتىبىن قاتايتىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جالپى بەتتىك جەڭىسىنە بار كۇشپەن قول جەتكىزىپ، وقۋ - اعارتۋ، وقىتۋ قىزمەتىنىڭ جاڭا جاعدايىن ۇزدىكسىز اشۋ كەرەك.

  اۆتونوميالى رايوننىڭ باسشىلارىنان ۋاڭ ميڭشان، رىن حۋا، ۋان حايچۋان ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.