تيانشان تورى   ›   جاڭالىقتار   ›   شينجياڭ حابارلارى

الدىڭعى شەپتەگى 2850 نەشە ەمدەۋ قىزمەتكەرى رايونىمىزدىڭ ىندەتكە قارسى اتتانۋ، ەمدەۋ، قۇتقارۋ جۇمىسىنا تىكەلەي ات سالىستى

  شينحۋا اگەنتتىگىنىڭ 3 - ايدىڭ 13 - كۇنى ۇرىمجىدەن بەرگەن حابارى (ءتىلشى فان يىڭ). ءتىلشىنىڭ 3 - ايدىڭ 13 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋىنشا، رايونىمىزدىڭ جاڭا تيپتى ايدارشا ۆيرۋس وكپە قابىنۋ ەمدەۋ، قۇتقارۋ قىزمەتىندە جالپى الدىڭعى شەپتەگى 2850 نەشە ەمدەۋ قىزمەتكەرى ەمدەۋ، قۇتقارۋ قىزمەتىنە تىكەلەي ات سالىسقان.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ءمۇتاللىپ روزى بىلاي دەدى: ىندەت تۋىلعاننان كەيىن، شينجياڭ جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ بويىنشا 11 شيپاحانانى تۇراقتاندىردى، اۆتونوميالى رايون ەمدەۋ، قۇتقارۋ ماماندار گرۋپپاسىن قۇرىپ، اۋىر ناۋقاس، تىنىس جولى، ينفەكسيا، جۇڭگوشا ەمدەۋ، ءدارى - دارمەك، كۇتىمدەۋ سياقتى بولىمدەردەن 60 نەشە مامان شىعارىپ، كوپ سالادان قۇرالعان 9 ناۋقاس دياگنوز قويۋ ەمدەۋ دارىندىلار اترەتىن ۇيىمداستىرىپ، ءتۇيىندى ەمدەۋ، قۇتقارۋ شيپاحانالارىنا جىبەرىپ، ەمدەۋ، قۇتقارۋ، جەتەكشىلىك ەتۋ، تاربيەلەۋ سياقتى قىزمەتتەردى ورىستەتتى. سونداي - اق 1100 ادامدىق مەديتسينالىق كاسىپتىك تەحنيكالىق زاپاس قىزمەتكەرلەر اترەتىن قۇرىپ، الدىڭعى شەپتەگى قىزمەتكەرلەرمەن ۇيلەسىمدى اۋىسىپ ىستەپ، ەمدەۋ، قۇتقارۋ قىزمەتىنىڭ پارمەندى، ءتارتىپتى ىلگەرىلەۋىنە مۇمكىندىك جاسادى.

  سونىمەن قاتار، جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ، قۇتقارۋ الىس ارالىقتى تۇعىرىن قۇرىپ، وعان تۇتاس شينجياڭداعى 1161 ەمدەۋ قۇرىلىمىن قوسىپ، مامانداردىڭ 24 ساعات كەزەككە شىعىپ بىرىگىپ دياگنوز قويۋ ءتۇزىمىن اتقارىپ، جەر - جەردە دياگنوزى تۇراقتاندىرىلعان ناۋقاستاردى، قاتەرلى، سالماقتى ناۋقاستاردى قۇتقارۋ، ەمدەۋ سياقتى قىزمەتتەردى ورىستەتىپ، ”ءبىر ادامعا ءبىر ارحيۆ تۇرعىزۋ“ بويىنشا، عىلمي قۇتقارۋ، ەمدەۋ جۇرگىزدى.

  سالماقتى، قاتەرلى ناۋقاستاردى قابىلداعان ءتۇيىندى شيپاحانالارعا، رايونىمىز اۆتونوميالى رايون دارەجەلى قاتەرلى، سالماقتى اۋرۋلاردى ەمدەۋ ماماندار گرۋپپاسىن دەرەۋ جىبەرىپ، ECMO سياقتى شۇعىل قۇتقارۋ جابدىقتارىن ءبىر تۇتاس جوسپارلاپ سايكەستىردى، سونداي - اق الىس ارالىقتى تۇعىردان پايدالانىپ، قاتەرلى، سالماقتى ناۋقاستاردى ءار كۇنى 2 رەتتەن استام بىرىگىپ دياگنوز قويۋ، قۇتقارۋ، ەمدەۋ قىزمەتىن بار كۇشپەن ورىستەتتى. 3 - ايدىڭ 8 - كۇنى شينجياڭدا جاڭا تيپتى ايدارشا ۆيرۋس وكپە قابىنۋ اۋرۋى دياگنوزى تۇراقتاندىرىلعانداردىڭ ىشىندەگى ەڭ سوڭعى ءبىر ناۋقاستىڭ ساۋىعىپ شيپاحانادان شىعۋىمەن، رايونىمىزدا جيىنى 73 ناۋقاس ساۋىعىپ شيپاحانادان شىقتى، 3 ناۋقاس قايتىس بولدى.

  سونىمەن بىرگە، رايونىمىز تاعى جاڭا تيپتى ايدارشا ۆيرۋس وكپە قابىنۋ اۋرۋىن جۇڭگوشا ەمدەۋ،ءدارى - دارمەك بويىنشا ساقتانۋ - ەمدەۋ جوباسىن شىعارىپ، ناۋقاستاردى جۇڭگوشا شيپاگەرلىك پەن باتىسشا شيپاگەرلىكتى ۇشتاستىرىپ ەمدەدى. مۇنىڭ ىشىندە، اۆتونوميالى رايوندىق جۇقپالى اۋرۋلار شيپاحاناسى ناۋقاستاردىڭ %90تەن استامىنا جۇڭگوشا شيپاگەرلىك پەن باتىسشا شيپاگەرلىكتى ۇشتاستىرىپ ەمدەۋ ءتاسىلىن قولدانىپ، ”ءبىر ادامدا ءبىر رەتسەپ بولۋ“ تاسىلىمەن جۇڭگوشا ءدارى قايناتۋ رەتسەبى بويىنشا، ءبىرشاما جاقسى ەمدەۋ ناتيجەسىنە قول جەتكىزدى.

  مۇنان سىرت، رايونىمىز حۋبەيدەگى الدىڭعى شەپكە ارت - ارتىنان 3 توپتا ەمدەۋ اترەتىن جىبەرىپ، ۋحانعا كومەكتەسىپ، ىندەتكە قارسى اتتانۋعا تيەسىلى ۇلەس قوستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى