شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «پارتكومداردىڭ (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن تياناقتاندىرۋ بەلگىلەمەسىن» (قىسقارتىلىپ «بەلگىلەمە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بەرىك بەكىم، مويىماس جىگەر، بۇرىن بولماعان سەرپىنمەن پارتيانى جاپپاي قاتاڭ جونگە سالۋدى ىلگەرىلەتىپ، ەلەۋلى ىلگەرىلەۋشىلىككە جانە كورنەكتى ونىمدىلىككە قول جەتكىزدى. سونىمەن قاتار مىنانى كورە ءبىلۋ كەرەك: پارتيا ىشىندە ورىن تەپكەن ساياسيدا كىرشىكسىز بولماۋ، يدەيادا كىرشىكسىز بولماۋ، ۇيىمدىق جاقتا كىرشىكسىز بولماۋ، ستيلدە كىرشىكسىز بولماۋ سياقتى ماسەلەلەر، اسىرەسە، ءىشىنارا تەرەڭ قاتپارلى ماسەلەلەر ءالى دە تۇبىرىنەن شەشىلگەن جوق. بۇكىل پارتيا، ءسوز جوق، ستراتەگيالىق تاباندىلىقتى ساقتاپ، كۇرەس جۇرگىزۋ رۋحىن ساۋلەلەندىرىپ، پارتيانىڭ وزىنە توڭكەرىس جاساۋىن ۇزدىكسىز تەرەڭدەتىپ، پارتيانى دايەكتى تۇردە، بۇلجىماستان جاپپاي قاتاڭ جونگە سالۋ كەرەك.
حابارلاندىرۋدا مىنالار باسا دارىپتەلدى: «بەلگىلەمەنى» جاساپ شىعارۋ − پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋ جاۋاپكەرشىلىك ءتۇزىمىن اقاۋسىزداندىرۋداعى ماڭىزدى شاراسى. وڭىرلەر، تاراۋلار «بەلگىلەمەنى» ۇيرەنۋدى، دايەكتىلەندىرۋدى شىن مانىندە ويداعىداي يگەرىپ، «ەكىنى قورعاۋ» ساياسي سانالىلىعىن كۇشەيتىپ، اركىم ءوز جاۋاپكەرشىلىگىن بىلەتىن، اركىم ءوز جاۋاپكەرشىلىگىن ۇستىنە الاتىن، اركىم ءوز جاۋاپكەرشىلىگىن ادا ەتەتىن ساياسي جاۋاپكەرشىلىكتى كۇشەيتىپ، جاۋاپكەرشىلىك ءتۇزىم سىندى وسى تۇتقانى مىقتى ۇستاپ، پارتكوم (پارتيا باسشىلىق گرۋپپاسى) سىندى وسى شەشۋشى تۇلعانى مىقتى يگەرىپ، پارتيانى جاپپاي قاتاڭ جونگە سالۋ جاۋاپكەرشىلىگىن قاز - قالپىندا تياناقتاندىرىپ، مىندەتتى، جاۋاپكەرشىلىكتى ادا ەتۋ قابىلەتىن ۇزدىكسىز ءوسىرىپ، ءتۇرلى حاۋىپ - قاتەر، سىن - سايىستى جەڭۋ قابىلەتىن قۇلشىنا جوعارىلاتىپ، پارتيانى جاپپاي قاتاڭ جونگە سالۋدىڭ تىڭ ناتيجەلەرىمەن مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ كەرەك.
حابارلاندىرۋدا «بەلگىلەمەنى» اتقارۋداعى ماڭىزدى جاعداي مەن ۇسىنىستاردى پارتيا ورتالىق كوميتەتىنە دەر كەزىندە مالىمدەپ تۇرۋ تالاپ ەتىلدى.
