تيانشان تورى   ›   جاڭالىقتار   ›   وقۋ-اعارتۋ

رايونىمىز ءار دارەجەلى، ءار ءتۇرلى مەكتەپ وقۋشىلارىنىڭ ساباقتى حاۋىپسىز، ءتارتىپتى قالپىنا كەلتىرۋىنە شىنايى كەپىلدىك ەتتى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا

  3 - ايدىڭ 16 - كۇنى بۇكىل شينجياڭدا ورتالاۋ مەكتەپ 3 - جىلدىعىنىڭ، ورتا مەكتەپ 3 - جىلدىعىنىڭ، ورتا دارەجەلى كاسىپتىك مەكتەپتەردەن وقۋ تاۋىساتىن جىلدىقتاردىڭ 510 مىڭ وقۋشىسى العاشقى توپتا وقۋ باستايدى، 3 - ايدىڭ 23 - كۇنى بۇكىل شينجياڭداعى ورتا، باستاۋىش مەكتەپتەر دە ساباقتى قالپىنا كەلتىرەدى، ءار دارەجەلى، ءار ءتۇرلى مەكتەپ وقۋشىلارىنىڭ ساباقتى حاۋىپسىز، ءتارتىپتى قالپىنا كەلتىرۋىنە قايتكەندە شىنايى كەپىلدىك ەتۋگە بولادى؟ تاياۋدا ءتىلشى اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى ليۋ جيانمەن سۇحبات وتكىزدى.

مەكتەپ وقۋشىلارعا ماسكىنى تەگىن تاراتادى

  ساباق باستاۋ قارساڭىندا، ماسكى، زارارسىزداندىرۋ سۇيىقتىعى سياقتى قورعانۋ زاتتىق ماتەريالدارىنىڭ تياناقتاندىرىلۋ - تياناقتاندىرىلماۋى اتا - انالار ەڭ كوڭىل بولەتىن ماسەلە بولىپ وتىر. ليۋ جيان مىنالاردى ءبىلدىردى: قازىر بۇكىل شينجياڭنىڭ جەر - جەرى وقۋشىلاردىڭ وقۋ باستاۋىن قامتاماسىز ەتۋ ءۇشىن، قورعانۋ زاتتىق ماتەريالدارىن بەلسەنە دايىنداۋدا، وسى 2 كۇندە زاتتىق ماتەريالدار ىركەس - تىركەس اكەلىنىپ، مەكتەپتەرگە تاراتىلادى.

  ”مەكتەپ وقۋشىلارعا ماسكىنى تەگىن تاراتادى، جەر - جەردىڭ وسى 2 كۇندە وقۋ باستاعان ءبىر ايداعى ماسكى سياقتى وزگە قورعانۋ زاتتىق ماتەريالدارىن مەكتەپتەرگە تاراتىپ بەرۋگە شىنايى كەپىلدىك ەتۋىن تالاپ ەتەمىز“، - دەدى ليۋ جيان.

  ۇعىسۋعا قاراعاندا، الدىڭعى كەزەڭدە اۆتونوميالى رايون بۇكىل رايونداعى ءار دارەجەلى، ءار ءتۇرلى مەكتەپتەردىڭ ماسكى، دەنە تەمپەراتۋراسىن ولشەۋ جابدىعى، قول جۋۋ سۇيىقتىعى، زارارسىزداندىرۋ سۇيىقتىعى، سپيريت سياقتى زاتتىق ماتەريالدارعا دەگەن سۇرانىسىن جاپپاي تولىق ۇعىسىپ، تەكسەرىپ - زەرتتەۋدى ءارى شينجياڭداعى قاتىستى كاسىپورىنداردى سايكەستىرىپ ءوندىرىستى جەدەلدەتۋدى تالاپ ەتكەن، قازىرگە دەيىن العاشقى توپتا وقۋ باستايتىن وقىتۋشى - وقۋشىلاردىڭ قورعانۋ زاتتىق ماتەريالدارى تۇگەلدەي دايىندالىپ بولعان ەكەن.

  3 - ايدىڭ 16 - كۇنى العاشقى توپتا ساباقتى قالپىنا كەلتىرەتىن ورتا مەكتەپ 3 - جىلدىعىنا، ورتالاۋ مەكتەپ 3 - جىلدىعىنا، ورتا دارەجەلى كاسىپتىك مەكتەپتەردەن وقۋ تاۋىساتىن جىلدىقتارعا مەڭزەس، اۆتونوميالى رايوندىق وقۋ - اعارتۋ مەڭگەرمەسى شاعىن كلاس ءتۇزىمىن اتقارۋدى، ۋاقىتشا توپتىق قيمىل وتكىزبەۋدى، سونىمەن بىرگە مەكتەپ اۋلاسىن قاتاڭ تۇردە بۇكىلدەي جابىق باسقارۋدى، باسقا قاتىسسىز ادامداردىڭ كىرۋىنە تۇگەلدەي تيىم سالۋدى تالاپ ەتتى.

  3 - ايدىڭ 23 - كۇنى باستاۋىش مەكتەپ، ورتالاۋ مەكتەپ، ورتا مەكتەپ، ورتا دارەجەلى كاسىپتىك مەكتەپتەر وقۋ باستاعاننان كەيىن، ءارقايسى مەكتەپ ءوز مەكتەبىنىڭ ءىس جۇزىندىك قابىلەتىنە نەگىزدەلىپ، وقۋشىلاردى مۇمكىندىكتىڭ بارىنشا قاۋىرت كەزگە شوعىرلاندىرماي، ۋاقىتىن الشاقتاتىپ قاتىستى وقىتۋ قىزمەتتەرىن ورىستەتۋ، ادامداردىڭ توپتاسۋىنان، شوعىرلانۋىنان ساقتانۋ كەرەك. ”تاڭەرتەڭ، تۇستە، كەشتە تەكسەرۋدى“ جانە ”ءار كۇنگى مالىمدەۋدى اقساتپاۋ“ ءتۇزىمىنىڭ تالاپتارىن قاتاڭ اتقارۋ كەرەك.

تۋ باستان باستاپ وقىتۋ ءبىر تۇتاس اتقارىلادى

  ”ءبىز ءار مەكتەپتەن، ءار جىلدىقتان وقۋدى تۋ باستان باستاپ وقىتىپ، جەلىدەگى وقىتۋدا وقۋشىلاردىڭ جەكە پارقى سياقتى سەبەپتەردەن وقىتۋ قارقىنىنا ىلەسە الماۋ ماسەلەسىن شەشۋدى تالاپ ەتتىك“. ليۋ جيان بىلاي دەدى: ءبىر ايدان بەرگى وقىتۋ ۋاقىتىنىڭ ازايۋىنىڭ ورنىن تولىقتاۋ ءۇشىن، وقۋ باستاعاننان كەيىن مەكتەپتەر وقىتۋ ۋاقىتىن تارتىپپەن رەتتەپ، ساباقحاناداعى ءىس جۇزىندىك باعالاۋ سياقتىلارعا نەگىزدەلىپ، ساباق ۋاقىتىن ۇيلەسىمدى كوبەيتىپ، وقىتۋ ساپاسىنا شىنايى كەپىلدىك ەتسە بولادى.

  ءمالىم سەبەپپەن جەلىدەگى ۇيرەنۋگە قاتىناسا الماعان وقۋشىلار مەن ۇيرەنۋىندە قيىنشىلىق بار وقۋشىلاردى ”ءبىر ادامعا ءبىر شارا“ تالابى بويىنشا كومەكتەسۋ - سۇيەمەلدەۋ شاراسىن قولدانىپ، جەتەكشىلىك ەتۋ جوسپارىن جاساپ، ءاربىر وقۋشىنىڭ وقىتۋ قارقىنىنا ىلەسۋىنە شىنايى كەپىلدىك ەتۋ كەرەك.

  ۇعىسۋعا قاراعاندا، وقۋ باستاۋدان ىلگەرگى دايىندىقتى ويداعىداي ىستەۋ ءۇشىن، جەلىدە ”ساباقتى توقتاتسا دا ۇيرەنۋدى توقتاتپاي“ جۇرگىزۋ وقۋشىلاردى ۇيرەنۋگە دايىندالۋ كۇيىنە كۇنى بۇرىن كىرگىزگەننەن سىرت، اۆتونوميالى رايوندىق وقۋ - اعارتۋ مەڭگەرمەسى تاعى ىندەتتەن ساقتانۋ - تىزگىندەۋ كەزىندە بۇكىل شينجياڭداعى 300 مىڭعا تاياۋ وقىتۋشىنى جەلىدە تاربيەلەدى، مۇنىڭ مازمۇنى داعدىلى وقىتۋشىلاردىڭ كاسىپتىك تاربيەسى، ساباق ورنالاستىرۋ، وقىتۋداعى قيىن تۇيىندەردى جۇيەلى ءتۇسىندىرۋ سياقتىلاردى قامتىدى.

  ليۋ جيان وقۋشىلار مەن اتا - انالارعا وقىتۋ ءتاسىلى مەيلى قالاي رەتتەلسە دە، وقۋشىلاردىڭ ءبارىنىڭ ءبىر كومبەدەن اتتانىپ، ءادىل باسەكەگە تۇسەتىندىگىن ەسكەرتتى.

”وقۋلىق ساباق باستاۋدان بۇرىن قولعا ءتيىپ، ءار ادامعا بىردەن جەتەدى“

  جاڭا وقۋ ماۋسىمىنداعى وقىتۋ ماتەريالدارى ماسەلەسى جونىندە ليۋ جيان اۆتونوميالى رايوندىق وقۋ - اعارتۋ مەڭگەرمەسىنىڭ جاڭا وقۋ ماۋسىمىنداعى وقۋلىقتاردى تاراتۋ جونىندە ورنالاستىرۋ جاساپ، ”وقۋلىقتىڭ ساباق باستاۋدان بۇرىن قولعا تيۋىنە، ءار ادامعا بىردەن جەتۋىنە“ شىنايى كەپىلدىك ەتىلەتىندىگىن ءبىلدىردى. قازىر وقۋ تاۋىساتىن جىلدىقتاردىڭ وقىتۋ ماتەريالدارى تۇگەلدەي تياناقتاندىرىلدى، قالعان جىلدىقتاردىڭ وقىتۋ ماتەريالدارى وتكەن اپتادا ءارقايسى ايماقتارعا، وبلىستارعا تاسىلدى، 3 - ايدىڭ 23 - كۇنى ءارقايسى جىلدىق وقۋ باستاپ تىزىمدەلگەندە وقۋشىلاردىڭ ءبارىنىڭ قولىنا جاڭا وقۋلىق تيەدى.

  ليۋ جيان بىلاي دەدى: ىندەتتىڭ ىقپالىن جەڭۋ ءۇشىن، وقۋ - اعارتۋ مەڭگەرمەسى ءار دارەجەلى ءار ءتۇرلى مەكتەپتەردەن جاستار مەن وسپىرىمدەردىڭ دەنساۋلىق تاربيەسى، پسيحيكالىق سىناۋ سياقتىلاردى كۇشەيتۋدى تالاپ ەتتى. وقۋ باستاعاننان كەيىن بۇكىل رايونداعى ءارقايسى مەكتەپ ءبىرىنشى ساعاتتىق ساباقتا جۇقپالى اۋرۋلاردان ساقتانۋ - تىزگىندەۋ بىلىمدەرى تاربيەسىن جۇرگىزىپ، ”ىندەتپەن“ شايقاسۋدىڭ وتانشىلدىق تاربيەسى ساباعىن ويداعىداي ءوتىپ، جالپى حالىقتىڭ ”ىندەتپەن“ شايقاسۋى سىندى جاندى دا جان تەبىرەنتەرلىك وقىتۋ ماتەريالدارىنان ويداعىداي، جاندى پايدالانىپ، وقۋشىلاردىڭ وتانشىلدىق تاربيەسىن، تىرشىلىك تاربيەسىن، عىلىم تاربيەسىن كۇشەيتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى