حالىق گازەتىنىڭ شولۋشىسى
حۋبەي مەن ۋحاننىڭ ىندەتتەن ساقتانۋ - تىزگىندەۋ ءىسى ءبىر ولكەگە، ءبىر قالاعا قاتىستى بولىپ قالماستان، وتە - موتە، بۇكىل ەلدىڭ كەلەلى جاعدايىنا سايادى. حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋ ىندەتتەن ساقتانۋ - تىزگىندەۋ كۇرەسىنىڭ جالپى بەتتىك جەڭىسىنە قول جەتكىزۋدىڭ تەتىگى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ شەشۋشى ساتىندە، باس شۋجي شي جينپيڭ حۋبەي ولكەسىنىڭ ۋحان قالاسىنا بارىپ، ىندەتتەن ساقتانۋ - تىزگىندەۋ قىزمەتىن تەكسەرىپ، حۋبەي مەن ۋحاننىڭ ىندەتتەن ساقتانۋ - تىزگىندەۋ جاعدايىندا بەلسەندى جاقسارعان وزگەرىس جارىققا شىعىپ، كەزەڭدىك ماڭىزدى ناتيجەگە قول جەتكەنىمەن ىندەتتەن ساقتانۋ - تىزگىندەۋ مىندەتىنىڭ ءالى جاپالى دا اۋىر ەكەنىن، نەعۇرلىم وسىنداي ساتتەردە وي - سانانى سولعۇرلىم سەرگەك ۇستاپ، سولعۇرلىم باستان - اياق بايسالدى بولىپ، سولعۇرلىم كۇش ۇستىنە كۇش قوسىپ، جاقسى ىستەپ، جاقسى ناتيجەگە جەتكىزۋ كەرەكتىگىن باسا دارىپتەپ، ىندەتتەن ساقتانۋ - تىزگىندەۋدى ۇزدىكسىز تۇردە كەزەكتەگى ماڭداي الدى ءىرى ءىس جانە ەڭ ماڭىزدى قىزمەت ەتىپ، بەيعامدىققا سالىنباي، شايقاستان قاجىماي، بوساڭسىماي، ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋدى تالاپ ەتتى.
حۋبەي مەن ۋحان وسى رەتكى ىندەتتەن ساقتانۋ - تىزگىندەۋ كۇرەسىندەگى توتەنشە ماڭىزدى جانە شەشۋشى جەڭىسكە جەتەتىن جەر. ىندەت تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، حۋبەي مەن ۋحاننىڭ ىندەتتەن ساقتانۋ - تىزگىندەۋ قىزمەتىنە ءتۇيىندى تۇردە قولداۋ كورسەتىپ، ەڭ جان - جاقتى، ەڭ قاتاڭ، ەڭ ءۇزىلدى - كەسىلدى ساقتانۋ - تىزگىندەۋ شارالارىن قولدانىپ، ىندەتتىڭ تارالۋ، ءورشۋ بەتالىسىن باتىل تەجەدى. پارتيا ورتالىق كوميتەتى ۋحانعا جەتەكشىلىك گرۋپپاسىن جىبەرىپ، ىندەتتەن ساقتانۋ - تىزگىندەۋدىڭ ءبىرىنشى شەبىندەگى قىزمەتتەرگە جەتەكشىلىكتى جاپپاي كۇشەيتىپ، حۋبەي حالقىمەن جانە ۋحان حالقىمەن تىزە قوسا شايقاس جاسادى، حالىق ازاتتىق ارمياسى، ورتالىق پەن مەملەكەتتىڭ مينيسترلىكتەرى، كوميتەتتەرى، ءارقايسى ولكە، رايون، قالا بار كۇشپەن كومەك كورسەتىپ، ءبىرىنشى شەپكە كومەككە اتتانىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزدى. بۇل رەتكى قاتاڭ كۇرەس بارىسىندا حۋبەيداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اتويلاپ الدا ءجۇرىپ، ەرلىكپەن شايقاس جاسادى، بۇكىل ولكەدەگى ەمدەۋ قىزمەتكەرلەرى مەن حۋبەيعا كومەككە بارعان ەمدەۋ اترەتىنىڭ مۇشەلەرى مۇزداي قارۋلانىپ، شايقاسقا اتتاندى، حالىق ازاتتىق ارمياسىنىڭ كوماندير - جاۋىنگەرلەرى بۇيرىقتى الا سالىسىمەن دەرەۋ اتتانىسقا كەلىپ، اۋىر مىندەتتى باتىلدىقپەن ارقالادى، قالىڭ الەۋمەتتىك اۋماق قىزمەتكەرلەرى، قوعام حاۋىپسىزدىگى كادر - ساقشىلارى، نەگىزگى ساتى كادرلارى، تومەنگە تۇسكەن كادرلار، ەرىكتىلەر حاۋىپ - قاتەردەن تايسالماي، ءبىرىنشى شەپتى تاپجىلماي قورعادى، قالىڭ بۇقارا ەل بىرلىگىنەن بەرىك قامال تۇرعىزىپ، جابال ات سالىستى، جۇدىرىقتاي جۇمىلىپ، ۋاقىتتىق قيىنشىلىقتى بىرگە ەڭسەرەتىن جۇڭگو كۇشىن ايگىلەدى، جۇڭحۋا ۇلتىنىڭ قيىندىقتاردى بىلەك بىرىكتىرە جەڭەتىن، ءوزارا قارايلاساتىن جان ۇيا − وتان سۇيىسپەنشىلىگىن ايگىلەدى.
قاجىرلى قۇلشىنۋدىڭ ارقاسىندا، حۋبەي مەن ۋحانداعى ىندەتتەن ساقتانۋ - تىزگىندەۋ جاعدايىندا بەلسەندى جاقسارعان وزگەرىس جارىققا شىعىپ، جاعدايدى ورنىقتىرۋ، جاعدايعا بۇرىلىس جاساۋ نىساناسى العاشقى قادامدا جۇزەگە استى. بۇل بۇكىل پارتيانىڭ، بۇكىل ەلدىڭ، بۇكىل قوعامنىڭ بىرگە قۇلشىنۋىنىڭ، ىنتىماقتاسا ەرلىكپەن كۇرەس جاساۋىنىڭ ناتيجەسى، وڭايلىقپەن قولعا كەلگەن جوق! الايدا، ىندەتتەن ساقتانۋ - تىزگىندەۋ مىندەتىنىڭ ءالى جاپالى دا اۋىر ەكەنىن، ءالى دە تىنىستايتىن كەزگە جەتپەگەنىمىزدى سەرگەكتىكپەن كورە ءبىلۋىمىز كەرەك. ىندەتتەن ساقتانۋ - تىزگىندەۋ كۇرەسى شەشۋشى كەزەڭگە ءوتتى، جىگەردى جاني ءتۇسۋ، بوساڭسىماۋ كەرەك. مىعىم قايراتقا كەلىپ، قاجىماس قايسارلىق كورسەتىپ، سوڭىنا دەيىن تاباندىلىق كورسەتۋ، توتەپ بەرۋ، بەرىك ساقتاۋ كەرەك، بار ەڭبەكتى سەلگە كەتىرۋگە بولمايدى. ىندەتتەن ساقتانۋ - تىزگىندەۋدى كۇشەيتۋدە، ءسوزسىز، باستان - اياق بايسالدى بولىپ، ىندەتكە بولعان قىراعىلىقتى تومەندەتپەۋ، ساقتانۋ - تىزگىندەۋ تالابىن تومەندەتپەۋ، ۇزدىكسىز مىقتى، ناقتى، ەگجەي - تەگجەيلى يگەرىپ، تۇبەگەيلى جەڭىسكە جەتپەي تابىسقا جەتتىك دەپ استە جەڭىل شەشىم جاساماۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىك ارقالاپ، سىننان سۇرىنبەي ءوتىپ، اناعۇرلىم قاتاڭ ستيل، اناعۇرلىم ناقتى شارالار ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك.
ۋحان جەڭىسكە جەتسە حۋبەي جەڭىسكە جەتەدى، حۋبەي جەڭىسكە جەتسە بۇكىل ەل جەڭىسكە جەتەدى. حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋدە ەمدەپ قۇتقارۋ قىزمەتىن ءبىرىنشى ورىنعا قويىپ، عىلمي، دالمە - ءدال قۇتقارۋ - ەمدەۋگە كۇش سالىپ، ەڭ جوعارى شەكتە ەمدەپ ساۋىقتىرۋ سالىستىرماسىن ەڭ جوعارى دەڭگەيگە جەتكىزىپ، اۋرۋدان ءولۋ مولشەرىن بارىنشا تومەندەتۋدەن حالىق بۇقاراسىنا مىقتاپ ارقا سۇيەپ، حالىق بۇقاراسىن تولىق جۇمىلدىرىپ، بۇقارالىق ساقتانۋ، بۇقارالىق تىزگىندەۋ حالىقتىق ساقتىق شەبىن مىقتاپ تۇرعىزۋعا دەيىن؛ ەمدەۋ كۇش - قۋاتى ءالسىز قالا، وبلىستاردى قولداۋ تەبىنىن ارتتىرىپ، ساپالى ەمدەۋ بايلىقتارىن تومەنگە ءتۇسىرۋدى جەبەۋدەن بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەپ، حالىق تۇرمىسىنا قىزمەت ەتۋ مەن قامتاماسىز ەتۋگە دەن قويۋعا دەيىن؛ تاعى دا ساقتانۋ - تىزگىندەۋدى كۇشەيتۋ العى شارتىندا، پارىقتى تاكتيكا قولدانىپ، لايىقتى ۋاقىتتا وڭىرگە، دارەجەگە ءبولىپ، تۇرگە، ۋاقىتقا ءبولىپ، شارت - جاعدايى بارلارىندا جۇمىستى، ءوندىرىستى قالپىنا كەلتىرۋگە دەيىن ءتۇرلى قىزمەت شارالارى تۇگەل، ءسوزسىز، تياناقتاندىرىلىپ ونىمدىلىك كورسەتۋى كەرەك. ورتالىق پەن مەملەكەت ورگاندارىنىڭ ءارقايسى مينيسترلىكتەرى، كوميتەتتەرى حۋبەيدى قولداۋ تەبىنىن ۇزدىكسىز ارتتىرىپ، حۋبەيدىڭ ءىس جۇزىندىك قيىنشىلىقتار مەن ناقتى ماسەلەلەردى شەشىپ، ەرتەرەك جاپپاي قالىپتى ارناعا تۇسۋىنە كومەكتەسۋى كەرەك.
تاباندىلىق − جەڭىس، شۇعىلالى كۇن الدىمىزدا. تەك ءبىز، ءسوزسىز، جەڭۋ سەنىمىمىزدى بەكەمدەپ، ”العان بەتىنەن قايتپايتىن“ قايسارلىقپەن، ”جاۋدى جەڭبەي قايىرىلمايتىن“ قايراتپەن ۇزدىكسىز قيىندىقتاردان قامال الىپ، قاجىرلىلىقپەن شايقاس جاساساق، ءسوزسىز، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە جەتىپ، ىندەتكە قارسى اتتانۋدىڭ جالپى بەتتىك جەڭىسىنە قول جەتكىزە الامىز!
(شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى)
