شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ جۋىقتا كورەيانىڭ زۇڭتۇڭى ۋىن زاييىنعا تەلەگرامما جولداپ، تاياۋدا كورەيادا جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىعى جونىندە، جۇڭگو ۇكىمەتى مەن جۇڭگو حالقى اتىنان كورەيا ۇكىمەتىنەن جانە حالقىنان شىنايى حال سۇرادى.
شي جينپيڭ حال سۇراۋ تەلەگرامماسىندا بىلاي دەپ باسا دارىپتەدى: جۇڭگو مەن كورەيا ءوزارا قارايلاساتىن، قيىنشىلىقتى بىلەك بىرىكتىرە جەڭەتىن دوس كورشىلەر. كورەيا ۇكىمەتى مەن قوعامىنىڭ ءار سالاسى وسىنىڭ الدىندا ىركەس - تىركەس جۇڭگو جاقتىڭ ىندەتكە قارسى اتتانۋىنا كوڭىل ءبولدى، حال سۇرادى ءارى قىرۋار كومەك كورسەتتى، ۋىن زاييىن زۇڭتۇڭ جۇڭگونىڭ قيىنشىلىعى كورەيانىڭ قيىنشىلىعى دەپ ەسەپتەيتىندىگىن ەرەكشە باسا دارىپتەدى. ەرەكشە باسا دارىپتەدى. شي جينپيڭ بىلاي دەپ اتاپ كورسەتتى: ىندەتتە مەملەكەت شەكاراسى بولمايدى، دۇنيە جۇزىندەگى ەلدەر بەينەتتە دە، زەينەتتە دە بىرگە بولاتىن تاعدىرلاس ورتاق تۇلعا، جۇڭگو ۇكىمەتى مەن جۇڭگو حالقى كورەيا جاقتىڭ قازىرگى تاپ بولىپ وتىرعان ىندەت جاعدايى مەن قيىنشىلىعىن تەرەڭ سەزىندى. جۇڭگو جاق قولىنان كەلگەنىنشە ۇزدىكسىز كومەك جاساپ، كورەيا جاقتىڭ ىندەتكە قارسى اتتانۋىن قولدايدى، كورەيا جاقپەن قول ۇستاسا سەلبەسىپ، ىندەتتى ەرتە باستان بىرگە جەڭىپ، ەكى ەل حالىقتارى مەن دۇنيە ءجۇزى حالىقتارىنىڭ ءومىرىنىڭ حاۋىپسىزدىگىن جانە دەنساۋلىعىن قورعاۋدى قالايدى. مەن جۇڭگو - كورەيا قارىم - قاتىناسىنىڭ دامۋىنا وسكەلەڭ ءمان بەرەمىن، ۋىن زاييىن زۇڭتۇڭمەن بىرگە قۇلشىنىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتىپ، ەكى ەل مەن ەكى ەل حالىقتارىن باقىتقا كەنەلتۋدى قالايمىن.
شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ تاياۋدا يراننىڭ زۇڭتۇڭى رۋحانيعا تەلەگرامما جولداپ، جۋىق مەزگىلدەن بەرى يراندا جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىعى جونىندە جۇڭگو ۇكىمەتى مەن جۇڭگو حالقى اتىنان يران ۇكىمەتى مەن يران حالقىنان شىنايى حال سۇرادى.
شي جينپيڭ حال سۇراۋ تەلەگرامماسىندا مىنانى باسا دارىپتەدى: جۇڭگو مەن يران − جان - جاقتى ستراتەگيالىق سەرىكتەر، ەكى ەل حالقى ءداستۇرلى دوستار. يران ۇكىمەتى مەن حالقى جۇڭگو ىندەتكە قارسى اتتانعان كەزدە شىنايى دوستىق قولداۋ جانە كومەك كورسەتتى. يراننىڭ ىندەتكە قارسى اتتانۋىنا كومەكتەسۋ ءۇشىن، جۇڭگو جاق يراننىڭ ىندەتكە قارسى اتتانۋىن ءبىرسىپىرا زاتتىق ماتەريالمەن قامدادى، ەرىكتى دەنساۋلىق ساقتاۋ ماماندار توبىن جىبەردى. جۇڭگو جاق يرانمەن ىندەتكە قارسى اتتانۋ سەلبەستىگىن كۇشەيتۋدى، سونداي - اق يران جاققا شاماسىنىڭ جەتىسىنشە كومەك كورسەتۋدى قالايدى. يران ۇكىمەتى مەن حالقىنىڭ وسى رەتكى ىندەتتەن ساقتانۋ - تىزگىندەۋ كۇرەسىندە، ءسوز جوق، جەڭىسكە جەتەتىندىگىنە سەنەمىن.
شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ جۋىقتا يتاليانىڭ زۇڭتۇڭى ماتتارەللاعا تەلەگرامما جولداپ، جۋىق مەزگىلدەن بەرى يتاليادا جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىعى جونىندە جۇڭگو ۇكىمەتى مەن جۇڭگو حالقى اتىنان يتاليا ۇكىمەتى مەن حالقىنان شىنايى حال سۇرادى.
شي جينپيڭ حال سۇراۋ تەلەگرامماسىندا مىنانى باسا دارىپتەدى: ءوزارا قولداۋ كورسەتۋ، سەلبەسىپ تەڭ يگىلىككە كەنەلۋ − باستان - اياق جۇڭگو مەن يتاليانىڭ جان - جاقتى ستراتەگيالىق سەرىكتەستىك قاتىناسىنىڭ نەگىزگى اۋەنى. يتاليا جاق قيىنشىلىققا ۇشىراعان كەزدە، جۇڭگو ۇكىمەتى مەن حالقى يتاليا جاقتىڭ ىندەتكە قارسى اتتانۋ جاعىنداعى قۇلشىنىسىن تاباندىلىقپەن قولدايدى، سەلبەستىك جاساپ، كومەك بەرۋدى قالايدى. شي جينپيڭ مىنانى اتاپ كورسەتتى: ادامزات − تاعدىرلاس ورتاق تۇلعا، تەك ىنتىماقتاسا سەلبەسكەندە عانا، بۇكىل جەر شارى سيپاتىندىق الۋان ءتۇرلى قاتەرلەر مەن سىن - سايىستارعا توتەپ بەرە الادى. جۇڭگو - يتاليا ەلدەرى سونداي - اق حالىقارالىق قوعام سەلبەسىپ قۇلشىنادى ەكەن، ۋاقىتتىق قيىنشىلىقتى، ءسوزسىز، بىرگە ەڭسەرىپ، ىندەتتى تەزىرەك جەڭىپ، ەكى ەل حالقى مەن دۇنيە جۇزىندەگى ءار ەل حالقىنىڭ سالاماتتىعىن، تىنىشتىعىن بىرگە قورعاي الادى. بيىل جۇڭگو مەن يتاليانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى، مەن سەلبەسىپ ىندەتكە توتەپ بەرۋ قۇلشىنىسى بارىسىندا جۇڭگو مەن يتاليانىڭ ءداستۇرلى دوستىعىنىڭ ونان ارى نىعايىپ، سەلبەسۋ ءمانىنىڭ ونان ارى باييتىندىعىنا سەنەمىن.
شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 13 - كۇنى ەۆروپا القالار كەڭەسىنىڭ ءتوراعاسى ميچەلگە جانە ەۆروپا وداعى كوميتەتىنىڭ ءتوراعاسى ۆوندەرلەيەنگە تەلەگرامما جولداپ، تاياۋ مەزگىلدەن بەرى ەۆروپا وداعىندا جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىعى جونىندە ەۆروپا وداعىنان سونداي - اق وعان مۇشە ەلدەر حالقىنان شىنايى حال سۇرادى.
شي جينپيڭ حال سۇراۋ تەلەگرامماسىندا بىلاي دەپ باسا دارىپتەدى: تاياۋدا ەۆروپا وداعى سونداي - اق وعان مۇشە ەلدەر كوپ ءتۇرلى فورمامەن جۇڭگونىڭ ىندەتتەن ساقتانۋ - تىزگىندەۋى جونىندە حال سۇرادى جانە قولداۋ كورسەتتى. ىنتىماق − كۇش. قازىرگى جاعدايدا جۇڭگو جاق ەۆروپا وداعى جاقتىڭ ىندەتكە قارسى اتتانۋ قۇلشىنىستارىن باتىل قولدايدى، بەلسەندى كومەك كورسەتىپ، ەۆروپا وداعى جاقتىڭ ىندەتتى ەرتەرەك جەڭۋىنە كومەكتەسۋدى قالايدى. جۇڭگو جاق ادامزاتتىڭ ورتاق تۇلعاسى ۇستانىمىنان جازباي، ەۆروپا وداعى جاقپەن ەكى جاقتى جانە حالىقارالىق دەڭگەيدە سايكەسۋ مەن سەلبەستىكتى كۇشەيتىپ، الەمدىك جانە وڭىرلىك الەۋمەتتىك دەنساۋلىق ساقتاۋ حاۋىپسىزدىگىن بىرگە قورعاپ، ەكى جاق حالىقتارى مەن دۇنيە جۇزىندەگى ءار ەل حالىقتارىنىڭ ءومىرىنىڭ حاۋىپسىزدىگىن جانە دەنساۋلىعىن قورعاۋدى قالايدى. شي جينپيڭ بىلاي دەپ باسا دارىپتەدى: مەن جۇڭگو - ەۆروپا وداعى قارىم - قاتىناسىنىڭ دامۋىنا وسكەلەڭ ءمان بەرەمىن، ەۆروپا وداعى جاقپەن بىرگە قۇلشىنىپ، جۇڭگو مەن ەۆروپا وداعىنىڭ 4 ۇلكەن سەرىكتەستىك قارىم - قاتىناسىن جانە جان - جاقتى ستراتەگيالىق سەرىكتەستىك قارىم - قاتىناسىن تەرەڭدەتىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە بەلسەندى ۇلەستەر قوسۋدى قالايمىن.
