تيانشان تورى   ›   جاڭالىقتار   ›   وقۋ-اعارتۋ

ءارقايسى جوعارى مەكتەپتەر وقۋ تاۋىساتىن وقۋشىلاردىڭ جۇمىستانۋىنا جەلىدە جەتەكشىلىك ەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 3 - ايدىڭ 14 - كۇنى ۇرىمجىدەن حابارلايدى. جەلىدە ۇگىت - لەكسيا جاساپ، ءوزارا پىكىرلەسىپ، ەلەكتروندىق كەلىسىمگە قول قويىستى... 3 - ايدىڭ 10 - كۇنى شينجياڭ اۋىل شارۋاشىلىق داشۋەسى حايۋاناتتار مەديتسيناسى شۋەيۋانىنىڭ 4 - جىلدىعىندا وقىپ جاتقان 170 نەشە وقۋشى جەلىدە قىزمەتكەر قابىلداۋ جينالىسىنا قاتىناستى.

  ”جەلىدە قىزمەتكەر قابىلداۋ ينفورماتسياسى اناعۇرلىم ايقىن، تاڭداۋعا ۇسىنعان جۇمىستانۋ ورايى ءبىرشاما كوپ بولدى. مەنىڭ جۇمىستانۋ بەتالىسىم مال شارۋاشىلىق باعىمشىلىعى ەدى، قازىر تيانكاڭ بيولوگيالىق شەكتى جارنا سەرىكتەستىگىنە جۇمىسقا ورنالاسۋعا كەلىستىم“. شينجياڭ اۋىل شارۋاشىلىق داشۋەسى حايۋاناتتار مەديتسيناسى شۋەيۋانىنىڭ وقۋشىسى تيان چىن: ”قىزمەتكەر قابىلداۋ جينالىسىنىڭ الدىندا، مەكتەپتىڭ جۇمىستانۋعا جەتەكشىلىك ەتۋ ورتالىعى جەلىدەگى تۇعىرىندا جينالىسقا قاتىناساتىن كاسىپورىنداردىڭ ينفورماتسياسىن جاريالاپ، ءبىزدىڭ الدىن الا بىلۋىمىزگە مۇمكىندىك جاسادى“، - دەدى.

  بيىل وقۋ تاۋىساتىن وقۋشىلاردىڭ جوعارى ساپالى، تولىق جۇمىستانۋىنا شىنايى كەپىلدىك ەتۋ ءۇشىن، رايونىمىزداعى جوعارى مەكتەپتەر جۇمىستانۋ قىزمەت ۇلگىسىن دەر كەزىندە رەتتەپ، جۇمىستانۋدىڭ جەلىدەگى ءتۇرلى ارناسى مەن بايلىعىن ىرىقتىلىقپەن اشىپ، بايلانىس جاساپ، مەكتەپ اۋلاسىندا جەلىدە قىزمەتكەر قابىلداۋ قيمىلىن وتكىزىپ، جۇمىستانۋعا جەلىدە جەتەكشىلىك ەتۋ جانە كومەكتەسۋ - جەبەۋ قىزمەتىن ورىستەتتى.

  2 - ايدان بەرى شينجياڭ قازىنا - ەكونوميكا داشۋەسى حۋاتۋ، جۇڭگۇڭ، جياڭزو سياقتى باۋلۋ قۇرىلىمدارىمەن بەلسەنە ۇشتاسىپ، ينتەرنەت جەلىسى، ۋيچات سياقتى تۇعىرلاردان پايدالانىپ وقۋ تاۋىساتىن وقۋشىلارعا مەملەكەت قىزمەتكەرى ەمتيحانىنا، بانكەلەردىڭ قىزمەتكەر قابىلداۋ ەمتيحانىنا، ءىسورىندارىنىڭ قىزمەتكەر قابىلداۋ ەمتيحانىنا قاتىناسۋعا ينتەرنەت جەلىسىندە الەۋمەتتىك يگىلىك باۋلۋ ساباقتارىن دايىنداپ بەردى. كەزەكتە مەكتەپتەر ۋيچات توبىندا تىكە تاراتۋ ءادىسى ارقىلى وقۋ تاۋىساتىن 1000نان استام وقۋشىعا جەلىدە 12 مايدان الەۋمەتتىك يگىلىك لەكسيا ورىستەتتى.

  شينجياڭ قازىنا - ەكونوميكا داشۋەسى وقۋشىلار قىزمەتى ءبولىمىنىڭ باستىعى شى يۇڭگاڭ تانىستىرىپ بىلاي دەدى: وسى مەكتەپتىڭ بيىل وقۋ تاۋىساتىن 3400دەن استام وقۋشىسىنا، اسىرەسە، جۇمىستانۋى قيىن وقۋشىلار شوعىرىنا باعىتتاي وتىرىپ، مەكتەپ كلاس جەتەكشىسى، تاربيەشى سياقتىلار ارقىلى بىرگە - ءبىر بويىنشا جۇمىستانۋعا كومەكتەسۋ - سۇيەمەلدەۋ جانە سوڭىنا ءتۇسىپ قىزمەت وتەۋ شارالارىن قولداندى. سونىمەن بىرگە، تاعى ”قىزمەت ىزدەۋ شەبەرلىگى“، ”ساۋدا ىستەرى قاعيداسى“ سياقتى جۇمىستانۋعا جەتەكشىلىك ەتۋ بەينەجازبا ساباعىن كورسەتىپ، وقۋشىلاردىڭ قىزمەت ىزدەۋگە دايىندالۋىنا كومەكتەسۋ قىزمەتىن ورىستەتتى.

  قاشقار داشۋەسى وقۋشىلاردىڭ وقىعان كاسىبى مەن جوعارىلاپ وقىپ جۇمىستانۋ جاعدايىنا، جۇمىستانۋ ارمانىنا ساي، ”ءبىر وقۋشىعا ءبىر شارا“ كومەكتەسۋ - سۇيەمەلدەۋ جوباسىن جاساپ، مەكتەپ سايتى، رەسمي ۋيچات سياقتى تۇعىرلار ارقىلى قىزمەتكەر قابىلداۋ ينفورماتسيالارىن جاريالادى؛ شينجياڭ اۋىل شارۋاشىلىق كاسىپتىك - تەحنيكالىق شۋەيۋانى تۇتاس شينجياڭداعى جوعارى دارەجەلى كاسىپتىك مەكتەپتەرگە باعىتتاي وتىرىپ ”شينجياڭ شارۋاشىلىق قۇرۋ، جاڭالىق اشۋ سايتى MOOC ساباعىن“ اشىپ، بيىلعى ”ينتەرنەت +“ جوعارى مەكتەپ وقۋشىلارىنىڭ جاڭالىق اشۋ، شارۋاشىلىق قۇرۋ جارىسىنىڭ دايىندىق جارىسى قىزمەتىن تولىق، ويداعىداي ىستەدى.

  اۆتونوميالى رايوندىق وقۋ - اعارتۋ مەڭگەرمەسى سياقتى قاتىستى تاراۋلار مىنانى تالاپ ەتتى: ءارقايسى مەكتەپتەر كاسىپتىك جەتەكشىلەردىڭ وقۋ تاۋىساتىن كلاسپەن بايلانىس جاساۋ ءتۇزىمىن ورناتىپ، ءار كلاسقا بىردەن كاسىپتىك جەتەكشى بەلگىلەپ، جۇمىسقا ورنالاسۋ جاعدايىن، ساياساتتارىن، قىزمەت ىزدەۋ ءادىسىن ءتۇسىندىرىپ، جۇمىسقا ورنالاسۋ كوزقاراسىنا جەتەكشىلىك ەتۋدى كۇشەيتىپ، وقۋ تاۋىساتىن وقۋشىلاردىڭ بەلسەنە جۇمىستانۋىن، ۇستامدىلىقپەن كاسىپ تاڭداۋىن جەبەۋ كەرەك. سونىمەن بىرگە، اۋىر كەدەي رايونداردان كەلگەن جوعارى مەكتەپتەن وقۋ تاۋىساتىن وقۋشىلاردىڭ جۇمىستانۋىنا جەتەكشىلىك ەتۋ قىزمەتىن كۇشەيتىپ، ولاردىڭ جۇمىستانۋىنا كومەكتەسۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى