شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 3 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىنەن ۇعىسۋعا قاراعاندا، 2019 - جىلى 11 - ايدىڭ ورتا شەنىندە تۇتاس رايونىمىز كەدەيلىكتەن ارىلتۋدان قامال الۋدىڭ جاڭا ءبىر كەزەڭدىك ”قىسقى شايقاسىن“ باستاعاننان بەرى، رايونىمىزدىڭ جەر - جەرى كەدەيلەردى سۇيەمەلدەيتىن كادرلارعا جانە كەدەي بۇقاراعا باعىتتالعان باۋلۋ تەبىنىن ۇزدىكسىز ارتتىرعان. قازىرگە دەيىن تۇتاس رايونىمىز كەدەيلىكتەن ارىلتۋدان قامال الۋ بويىنشا ءبىر ميلليون 752 مىڭ 800 كادردى (رەت)، ءبىر ميلليون 642 مىڭ 200 كەدەي بۇقارانى (رەت) كۋرستا تاربيەلەگەن، كەدەيلەردى سۇيەمەلدەۋ ساياساتتىق ۇگىتىنىڭ قامتىمىن 12 ميلليون 26 مىڭ 400 ادامعا (رەت) جەتكىزىپ، كەدەيلىكتەن ارىلتۋدان قامال الۋ شايقاسىنا بەرىك نەگىز قالادى.
جاپپاي باۋلۋ كادرلاردىڭ قابىلەت ساپاسىن جوعارىلاتىپ، كەدەي بۇقارانىڭ ىشكى قوزعاۋشى كۇشىن تۋىنداتۋدىڭ پارمەندى تۇتقاسى. كەدەيلىكتەن ارىلتۋدان قامال الۋ ”قىسقى شايقاسىنان“ بەرى، رايونىمىزدىڭ جەر -جەرىندەگى اۋداندار الدىمەن باۋلۋعا تاباندى بولىپ، باۋلۋ وبيەكتىلەرىن دالمە - ءدال بەلگىلەپ، باۋلۋ جوسپارىن ەگجەي - تەگجەيلى جاساپ، باۋلۋ ساباقتارىن لايىقتى ورنالاستىرىپ، ءتۇرلى باۋلۋ كۇشتەرىنىڭ رولىن ساۋلەلەندىرىپ، ماماندار ساباق بەرۋ، جيىن اشۋ فورماسىندا باۋلۋ، شوعىرلى باۋلۋ، بەينەجازبا ارقىلى باۋلۋ، ۇستىندە سارالاۋ سياقتى تاسىلدەر ارقىلى كەدەيلىكتەن ارىلتۋدان قامال الۋ كادرلارىن جانە كەدەي وتباسىلارىن تۇگەلدەي باۋلىپ، كادرلاردىڭ كەدەيلىكتەن ارىلتۋدان قامال الۋ قىزمەتىن ويداعىداي ىستەۋ قابىلەتىن ۇزدىكسىز جوعارىلاتىپ، كەدەي وتباسىلارىنىڭ كەدەيلەردى سۇيەمەلدەۋ ساياساتىنان حابارلى بولۋ سالىستىرماسىن جانە كەدەيلىكتەن ارىلۋ قابىلەتىن جوعارىلاتىپ، جاپپاي باۋلۋدىڭ ناقتى ونىمدىلىككە قول جەتكىزۋىنە شىنايى كەپىلدىك ەتتى.
كەلەسى قادامدا رايونىمىز جاپپاي باۋلۋدى بوساڭسىتپاۋدى، توقتاتپاۋدى ۇزدىكسىز ساقتاپ، كەدەيلىكتەن ارىلتۋدان قامال الۋ باۋلۋىنىڭ تابىستارىن ۇزدىكسىز تەرەڭدەتىپ، ىندەت تۋدىرعان زياننىڭ ورنىن قايتا تولتىرىپ، ىندەت اقساتقان ۋاقىتتى قايتا ۇتادى. نە كەمشىل بولسا، سونى تولىقتاۋ، نە قاجەت بولسا، سوعان تاربيەلەۋ - باۋلۋ پرينسيبىنە ساي، باۋلۋ ءتۇيىنىن كورنەكتىلەندىرىپ، تۇرلەرگە ءبولىپ وقىتىپ، جىككە ءبولىپ، وبيەكتىلەرگە ايىرىپ دالمە - ءدال باۋلىپ، باۋلۋدىڭ باعىتتامالىلىعىن، ونىمدىلىگىن ونان ارى جوعارىلاتادى. سونىمەن قاتار، بىرگە ءبىر ۇگىتتەۋ، بىرگە ءبىر ەسەپ جاساۋ سياقتى ءونىمدى فورمالاردى قولدانىپ، بۇقارا قۋانا قابىلدايتىن ادىستەرمەن، قاراپايىم ۇعىنىقتى تىلمەن كەدەي بۇقارانىڭ باۋلۋ بارىسىندا قابىلەتىن جوعارىلاتۋىنا، ىشكى قوزعاۋشى كۇشىن تۋىنداتۋىنا مۇمكىندىك جاساپ، كەدەيلىكتەن ارىلتۋدان قامال الۋ مىندەتىن دەر كەزىندە جوعارى ساپالى ورىنداۋدىڭ قوزعاۋشى كۇشىن ارتتىرۋعا شىنايى كەپىلدىك ەتەدى.
