تيانشان تورى   ›   جاڭالىقتار   ›   وقۋ-اعارتۋ

رايونىمىزدىڭ جەر - جەرى العاشقى توپتا ساباعى قالپىنا كەلەتىن وقۋشىلاردىڭ وقۋ باستاۋ دايىندىعىن ەگجەي - تەگجەيلى، دالمە - ءدال ويداعىداي ىستەدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 3 - ايدىڭ 15 - كۇنى ۇرىمجىدەن حابارلايدى. 3 - ايدىڭ 16 - كۇنى رايونىمىزداعى ورتا مەكتەپ 3 - جىلدىعىنىڭ، ورتالاۋ مەكتەپ 3 - جىلدىعىنىڭ، ورتا دارەجەلى كاسىپتىك مەكتەپتەردەن وقۋ تاۋىساتىن جىلدىقتاردىڭ وقۋشىلارى وقۋ باستايدى. وقۋ باستاۋدىڭ ءتۇرلى ساقتانۋ - تىزگىندەۋ شارالارىن تياناقتاندىرىپ، العاشقى توپتاعى وقۋشىلاردىڭ ساباعىن حاۋىپسىز، تارتىپپەن قالپىنا كەلتىرۋگە شىنايى كەپىلدىك ەتۋ ءۇشىن، بىرنەشە كۇننەن بەرى رايونىمىزدىڭ جەر - جەرىندەگى وقۋ - اعارتۋ اكىمشىلىك تاراۋلارى سول جەردىڭ وزىنە بارىپ، وقۋ باستاۋدىڭ دايىندىق قىزمەتتەرىنىڭ جاعدايىن تەكسەرىپ، وعان قۋزاۋشىلىق، جەتەكشىلىك ەتىپ، وقۋ باستاعاننان كەيىنگى ىندەتتەن ساقتانۋدى، ساباقتى قالپىنا كەلتىرۋدى بىردەي اقساتپاۋعا شىنايى كەپىلدىك ەتتى.

  3 - ايدىڭ 15 - كۇنى ءۇرىمجى قالالىق وقۋ - اعارتۋ مەكەمەسى بۇكىل قالاداعى وقۋ تاۋىساتىن جىلدىقتارى بار مەكتەپتەردەن ۇلگى الىپ تەكسەرىپ، ءارقايسى مەكتەپتىڭ ىندەتتەن ساقتانۋ - تىزگىندەۋ جانە كوكتەمگى وقۋ باستاۋعا دايىندالۋ قىزمەتىنە قاتىستى جاعدايلارعا ۇستىندە قۋزاۋشىلىق، جەتەكشىلىك ەتتى، مەكتەپتىڭ كىرە بەرىسىندەگى ىندەتتەن ساقتانۋ - تىزگىندەۋ تەكسەرۋ ءتۇيىنى، ىندەتتەن ساقتانۋ زاتتىق ماتەريالدار قورى، قالدىرىپ باقىلاۋ، اۋاشالاۋ بولمەسى سياقتى ءتۇيىندى اۋماقتاردى ءتۇيىندى تۇردە تەكسەردى.

  ءۇرىمجى قالالىق 70 - ورتا مەكتەپتە ءتىلشى مەكتەپ قاقپاسىنىڭ سىرتىنا وقىتۋشى - وقۋشىلاردىڭ كىرىپ - شىعۋ وتكەلى جانە دەنە تەمپەراتۋراسىن 3 ورىندا ولشەۋ ءتۇيىنى ورنالاستىرىلعاندىعىن كوردى. وقىتۋشىلار دەنە تەمپەراتۋراسىن ماڭدايدان ولشەۋ اسپابىمەن ولشەگەننەن سىرت، وقىتۋ عيماراتىنىڭ كىرە بەرىسىنە تاعى ينفرا قىزىل ساۋلەلى تەمپەراتۋرا ولشەۋ اسپابى ورنالاستىرىلىپتى، دەنە تەمپەراتۋراسى قالىپسىز ادام بايقالسا بولعانى، جۇيە اۆتوماتتى تۇردە سيگنال بەرەدى، وقىتۋ رايونىنان ءبىرشاما الىس جەردە مەكتەپ ىشىندە باقىلاۋ بولمەسى، اۋاشالاۋ بولمەسى، ەمدەۋ بولمەسى ورنالاستىرىلىپتى.

  ءۇرىمجى قالالىق ورتا، باستاۋىش مەكتەپ گيگيەنا - دەنساۋلىق ساقتاۋ ورنى پارتيا ياچەيكاسىنىڭ شۋجيى، مەڭگەرۋشىسى لين ي بىلاي دەپ تانىستىردى: ساباق قالپىنا كەلتىرىلگەننەن كەيىنگى مەكتەپ اۋلاسىنداعى وقىتۋشى - قىزمەتكەرلەر مەن وقۋشىلاردىڭ دەنساۋلىق حاۋىپسىزدىگىنە شىنايى كەپىلدىك ەتۋ ءۇشىن، ءۇرىمجى قالالىق وقۋ - اعارتۋ مەكەمەسى ناقتى ساقتانۋ - تىزگىندەۋ جوباسىن جانە ءتۇزىمىن العا قويىپ، ءارقايسى مەكتەپتىڭ اتقارۋىنا جەتەكشىلىك ەتتى. سونىمەن بىرگە، ءۇرىمجى قالالىق دەنساۋلىق ساقتاۋ كوميتەتى دە 26 ەمدەۋ قىزمەتكەرىن مەكتەپتەردە ىندەتتەن ساقتانۋ - تىزگىندەۋ قىزمەتىنە جەتەكشىلىك ەتۋگە ورنالاستىردى ءارى دەنساۋلىق، ىندەتتەن ساقتانۋ بىلىمدەرىن وقۋ باستاعاننان كەيىنگى ءبىرىنشى ساباق مازمۇنى ەتىپ، وقۋشىلاردىڭ ىندەتتەن ساقتانۋ بىلىمدەرىن يگەرۋىنە جەتەكشىلىك ەتەدى.

  بۇراتالا موڭعۇل اۆتونوميالى وبلىسى قاتىستى جوبانى العا قويىپ، وقۋ - اعارتۋ، قوعام حاۋىپسىزدىگى، دەنساۋلىق ساقتاۋ سياقتى تاراۋلاردىڭ جاۋاپكەرشىلىگىن، مىندەتىن ىشكەرىلەي ايقىنداپ، ساتى - ساتى بويىنشا جاۋاپكەرشىلىكتى قاتايتىپ، ساقتانۋ - تىزگىندەۋ شارالارىن ەگجەي - تەگجەيلى، دالمە - ءدال تياناقتاندىرىپ، وقىتۋشى - وقۋشىلاردىڭ ءومىرىنىڭ حاۋىپسىزدىگىنە شىنايى كەپىلدىك ەتتى.

  3 - ايدىڭ 14 - كۇنى بۇراتالا وبلىستىق وقۋ - اعارتۋ جۇيەسى وقۋ - اعارتۋ، دەنساۋلىق ساقتاۋ، ىندەتتەن ساقتانۋ تاراۋلارىن، قاتىستى مەكتەپتەردى ۇيىمداستىرىپ، وقۋ باستاپ، ساباقتى قالپىنا كەلتىرۋدە ىندەتتەن ساقتانۋ - تىزگىندەۋ قىزمەتىن ۇستىندە كوزدەن كەشىرۋ ءماجىلىسىن اشتى ءارى جولعا ەلىكتەمەلى جاتتىعۋ جۇرگىزىپ، وقۋ بىتىرەتىن جىلدىقتارى بار 26 مەكتەپتىڭ ىندەتتەن ساقتانۋ - تىزگىندەۋ قىزمەتىن جۇيەلىلەندىرۋىن، ولشەمدەندىرۋىن، ەگجەي - تەگجەيلىلەندىرۋىن ىلگەرىلەتتى.

  اقسۋ ايماعىنداعى ءارقايسى اۋداندىق (قالالىق) وقۋ - اعارتۋ قىزمەت كوميتەتى، مەكتەپتەر ارناۋلى القا قۇرىپ، وقۋ باستاپ، ساباقتى قالپىنا كەلتىرۋ قىزمەتىنە ۇيىمدىق باسشىلىق ەتۋ، زاتتىق ماتەريالداردى دايىنداۋ، ادامداردى باۋلۋ جانە شۇعىل جاعدايعا توتەپ بەرۋ، ءبىر جايلى ەتۋ سياقتى قىزمەتتەرگە جاپپاي جاۋاپتاندىردى، قىزمەت ساقتىق جوباسىن جاساپ، كەمەلدەندىرىپ، وقىتۋشى - وقۋشىلاردىڭ دەنساۋلىق ينفورماتسياسى تىزىمدىگىن ورناتىپ، زاتتىق ماتەريالداردى دايىنداۋدى ويداعىداي ىستەپ، دەنساۋلىق ساقتاۋ قۇرىلعىلارىنىڭ حاۋىپسىزدىگىن تەكسەرۋدى ورىستەتتى جانە ۋاقىت بولىكتەرى بويىنشا وقۋ باستاپ، مەكتەپكە كەلۋدى جولعا قويدى. قازىر وقۋ - اعارتۋ اكىمشىلىك تاراۋلارى، مەكتەپتەر، جىلدىقتار (ينستيتۋت، فاكۋلتەتتەر)، كلاستار، اتا - انالار 5 دارەجەلى ساقتانۋ - تىزگىندەۋ قىزمەتى بويىنشا بايلانىس تورىن ورناتىپ، ءار دارەجەلى، ءار تۇردەگى مەكتەپتەردىڭ وقۋدى حاۋىپسىز، ورنىقتى، تارتىپپەن باستاپ، ساباقتى قالپىنا كەلتىرۋىنە شىنايى كەپىلدىك ەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى