بيڭتۋان گازەتى حابارى (ءتىلشى جىڭ يالي حابارلايدى). بىرنەشە كۇننىڭ الدىندا، بيڭتۋان جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە باسشىلىق ەتۋ گرۋپپاسى «ەمدەۋ قىزمەتكەرلەرىن ىشكەرىلەي قورعاپ، ولارعا قامقورلىق كورسەتىپ، ولاردى ايالاۋدىڭ ءبىرقانشا شارالارىن جاپپاي تياناقتاندىرۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەلىنەدى) باسىپ تاراتىپ، ءبىرىنشى شەپتەگى ەمدەۋ قىزمەتكەرلەرىنىڭ قاتىستى يگىلىگىن قامتاماسىزداندىرۋ، دەنساۋلىق ساقتاۋ دارىندىلارىن باۋلۋ، قىزمەت پەن تۇرمىستى قامتاماسىزداندىرۋ سياقتى جاقتاردان ەمدەۋ قىزمەتكەرلەرىن شىنايى قورعاپ، ولارعا قامقورلىق جاساپ، ولاردى ايالادى.
«ۇقتىرۋدا» مىنالار اتاپ كورسەتىلدى: ءارقايسى شى، قالالار، قاتىستى تاراۋلار ءبىرىنشى شەپتەگى ەمدەۋ قىزمەتكەرلەرىنىڭ قاتىستى يگىلىگىن قامتاماسىزداندىرۋ قىزمەتىن تياناقتاندىرىپ، ۋاقىتتىق قىزمەت تولىقتاما قاراجاتىن تاراتۋدى جانە ءبىر رەتتىك ونىمدىلىك ەڭبەكاقى جالپى مولشەرىن بەكىتىپ تاراتۋدى ويداعىداي ىستەپ، دەنساۋلىق ساقتاۋ، ىندەتتەن ساقتانۋ جاردەم قاراجاتى ولشەمىن دەر كەزىندە رەتتەپ، جۇمىس ۇستىندە جارالانعاندىقتى تۇراقتاندىرۋ مەن قاتىستى يگىلىكتى قامتاماسىزداندىرۋدى ويداعىداي ىستەپ، ەمدەۋ قىزمەتكەرلەرىنىڭ ارناۋلى قامسىزداندىرۋىن ورناتىپ، جەكەلەر تابىس باجىسىن ازايتۋ، كەشىرىم ەتۋ ساياساتىن تياناقتاندىرۋ كەرەك. دەنساۋلىق ساقتاۋ دارىندىلارىن باۋلۋ تەبىنىن ارتتىرىپ، دەنساۋلىق ساقتاۋ كاسىپتىك دارىندىلار قوسىنىن تولىقتاپ، ىندەتتەن ساقتانۋ - تىزگىندەۋگە تىكەلەي قاتىستى ەمدەۋ، دەنساۋلىق ساقتاۋ قۇرىلىمدارىنىڭ ىندەتتەن ساقتانۋ - تىزگىندەۋ كاسىپتىك ەمدەۋ قىزمەتكەرلەرىن شۇعىل تولىقتاۋىنا جاسىل ارنا اشىپ قىزمەتكەر قابىلداۋىنا قولايلىلىق جاساۋ؛ اتاق باعالاۋدا بەيىمدەۋ ءتۇزىمىن اتقارىپ، ىندەتتەن ساقتانۋ - تىزگىندەۋدەگى قىزمەت بەينەسىن اتاق باعالاۋ كورسەتكىشىنە ەنگىزۋ؛ جۇمىس ورنىنا ۇسىنىسپەن قابىلداۋعا بەيىمدەۋ تەبىنىن كۇشەيتىپ، يكەمدى باسقارۋدى اتقارۋ سياقتىلار «ۇقتىرۋدا» ايقىن كورسەتىلدى.
«ۇقتىرۋدا» مىنالار تالاپ ەتىلدى: حاۋىپسىز، ورنىقتى جۇمىس جۇرگىزۋ ورتاسىن جاراتىپ، ءبىرىنشى شەپتەگى ەمدەۋ قىزمەتكەرلەرىن باعالاۋ، ماراپاتتاۋ قىزمەتىن ورىستەتىپ، ۇزدىكتەردى باعالاۋ سالىستىرماسىن جوعارىلاتىپ، العا باسار تيپتەردى ماراپاتتاۋ كەرەك.
