تيانشان تورى   ›   جاڭالىقتار   ›   ءۇرىمجى

”ورتاق ساقپى، ورتاق قاسىق“ اس - سۋ جاڭا سالتىن جەتەكتەدى

− ۇرىمجىدەگى ءبىر ءبولىم اس - سۋ كاسىپورىندارىنىڭ قايتا اشىلۋىنان كورگەن - بىلگەندەرىمىز

شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي

  3 - ايدىڭ 15 - كۇنى كەشقۇرىم، ماسكى تاققان قاريدارلار ىركەس - تىركەس ءۇرىمجى قالاسى چاڭچۇن جولى حىڭشۇن كوشەسىندەگى يۇييۋەيۇي وت قازان اسپۇزىلىنا كىرىپ جاتتى، ەسىكتەن كىرگەن جەردەن الدىمەن دەنە تەمپەراتۋراسىن ولشەتەدى، سالاماتتىق ينفورماتسيالارىن تىزىمدەتەدى، ونان سوڭ قولىن جانە جەكەلىك بۇيىمدارىن زارارسىزداندىرادى، وسىنداي 3 باسقىشتان وتكەننەن كەيىن اسحاناعا كىرىپ تاماقتانا الادى.

  قاريدارلاردىڭ بولەك وتىرىپ تاماقتانۋ اۋماعىندا بۇرىنعى 22 ۇستەلدىڭ 11ى عانا ىستەتىلىپ، قوناقتار ۇستەلدەرگە بولەك وتىرۋعا ورنالاستىرىلىپ، جەتكىلىكتى ارالىق قالدىرۋىنا كەپىلدىك ەتىلگەن. ءاربىر ۇستەلگە دەرلىكتەي كوكونىس قىسقىش، ورتاق قاسىق جانە ءبىر جۇپ ورتاق ساقپى قويىلىپ، تاماقتانۋشىلارعا ورتاق ىستەتىلەتىن ىدىس - اياقتارمەن تاماقتانۋدى ەسكەرتىپ تۇر.

  ”بولەك وتىرىپ تاماقتانۋ اۋماعىندا، قاريدارلار ارالىق تاستاپ وتىرادى، ادام سانى 3تەن كوپ بولسا، ولاردى زارارسىزداندىرىلعان، اۋا جاقسى وتەتىن بولمەگە كىرىپ تاماقتانۋعا ورنالاستىرامىز“، - دەدى اسحانانىڭ جاۋاپتىسى جوۋ جىگاڭ.

  قالا تۇرعىنى حىڭ دۇڭنىڭ ۇيىندەگى 4 جان 10 ادام وتىرىپ تاماقتاناتىن ۇلكەن بولمەگە ورنالاستىرىلدى، قاتار وتىرعاندا ءبىر مەتردىڭ ۇستىندە ارالىق تاستالدى، تاقسىعا ادەمى تىزىلگەن، حوش ءيىستى، ءدامى ءتىل ۇيىرەتىن اشتى تەڭىز شايانى سياقتى قۋىرماشتار اۋاشالاعىش قالتقىنىڭ قورعاۋىمەن اس ۇستەلدەرىنە جەتكىزىلىپ تۇردى، اسحانادا تاعى ءاربىر ادامعا ءبىر رەت ىستەتىلەتىن قولعاپ تاراتىلدى. ”بالالار تەڭىز شايانىن ۇناتىپ جەيدى، ايتقالى كوپ بولدى، ءبىز بۇل اسپۇزىلدىڭ كونە قاريدارىمىز، اشىلا سالىسىمەن بالالاردى ەرتىپ جەتكەنىمىز وسى“، - دەدى حىڭ دۇڭ، ”ورتاق ىستەتىلەتىن ساقپى، ورتاق ىستەتىلەتىن قاسىق ىستەتۋ ءبىر جاقسى داعدى، ءبىز بۇدان كەيىن وسىنداي جاقسى داعدىنى جالعاستىرا بەرۋىمىز كەرەك“.

  اسحانانىڭ بۇرىش - بۇرىشىنا جايقالعان گۇلدەر قويىلىپ، تىرشىلىك لەبى قاۋلاپ تۇر. ”قاريدارلار بىرتىندەپ كوبەيىپ كەلەدى، گۇلدەر تىرشىلىك تىنىسىن ارتتىرادى، قاريدارلارعا دا جاقسى كوڭىل - كۇي سيلاۋىن ءۇمىت ەتەمىز“، - دەدى جوۋ جىگاڭ.

  اسحانادا تاماقتانۋدان سىرت، ءتىلشى كەيبىر قاريدارلاردىڭ بۇيىرتقان اسىن قوراپتاپ الىپ كەتىپ جاتقانىن دا كوردى، ”كەيبىر قاريدارلار الدىن الا ۋاقىتىنا كەلىسىپ قويادى، ءبىز قاريدارلاردىڭ ايتقان ۋاعىنا نەگىزدەلىپ، الدىن الا تاماقتى دايىنداپ قويىپ، كەلىپ الىپ كەتۋىن كۇتەمىز“، - دەدى جوۋ جىگاڭ، اسحانادا تاماقتانۋ قالپىنا كەلگەننەن كەيىن، اسحانانىڭ كۇندەلىك ساتىلىم مولشەرى ورتا ەسەپپەن 5000 يۋان اينالاسىندا، قاريدارلار ورنىقتى ارتۋدا.

  اسحانادا تاماقتانۋدىڭ قالپىنا كەلۋىمەن تەز تاعامجايلاردىڭ تۇتىنۋى دا قالپىنا كەلە باستادى. 3 - ايدىڭ 16 - كۇنى ساعات 13 اينالاسىندا قاريدارلار ءۇرىمجى قالاسى جيۋجيۋ اشتى كۇرىش كەسپەسى باس دۇكەنىنە تاماقتانۋعا ىركەس - تىركەس كەلىپ جاتتى، وسى ماڭايدا قىزمەت ىستەيتىن ۋاڭ حۇي ارالاسپا كۇرىش كەسپەسىنەن بىرەۋ بۇيىرتتى، ”وسىنىڭ الدىندا ۇنەمى ۇيگە جەتكىزەتىن تاعامدار بۇيىرتىپ كەلىپ ەدىك، ەندى مىنە قازاننان جاڭا تۇسىرىلگەن كۇرىش كەسپەسىن جەپ قارىق بولدىق“، وتىرعاننان كەيىن ۋاڭ حۇي مەن ماڭىنداعى قاريدارلار ءوزارا ارالىق تاستاپ تاماقتانا باستادى.

  اسحانانىڭ جاۋاپتىسى ليۋ دۇڭشۇي بىلاي دەپ تانىستىردى: قاريدارلاردىڭ قاتارى بىرتىندەپ مولايدى، قاتارعا تۇرۋ جاعدايى دا بار، قاريدارلار سانالىلىقپەن بەلگىلى ارالىق تاستاپ تۇرادى، اسحانا WIFI، تەلەۆيزور جانە ءبىراز ۇگىت قاعازدارىن قاريدارلاردىڭ ۋاقىت وتكىزۋىنە ۇقىپتىلىقپەن دايىندادى.

  اسحانادا تاماقتانۋدان سىرت، بۇل دۇكەن جەلىدە تاماق بۇيىرتىپ جەتكىزۋ تەكشەسىنە دە تىركەلدى، ”اسحانادا تاماقتانۋ مەن تاماق اقىسىن تولەۋدىڭ ءبارى ءنومىر ارقىلى جۇرىلەدى، بۇل ادامداردىڭ شوعىرلانۋىنىڭ الدىن الادى، قازىر ءبىزدىڭ كۇندىك ساتىلىم مولشەرىمىز 500 دانا، تيجارات مولشەرىمىز 8000 يۋان اينالاسىندا“، - دەدى ليۋ دۇڭشۇي.

  اسحانادا تاماقتانۋدى بىرتىندەپ قالپىنا كەلتىرۋ كەيبىر اس - سۋ كاسىپورىندارىنىڭ دارەجەسىن جوعارىلاتىپ، وزگەرىس ەنگىزۋىنە مۇرىندىق بولدى. ءۇرىمجى جىۋيشۋان اسحاناسى جاڭادان شىعارعان ”جارتى تاقسىلىق قۋىرماش“ قالا تۇرعىنى ليۋ شينراننىڭ نازارىن بۇردى. ”بۇل اسحانانىڭ قۋىرماشتارى بىرەگەي، ءدامدى، الايدا تاماقتانۋشىلار از، كوپ ءتۇرلى قۋىرماش تۇرلەرىنەن ءدام تاتايىق دەسە، ىسىراپشىلدىق تۋىلادى، اسحانانىڭ مۇنداي ءادىسى قازىرگى كەزگە باپ، ونىڭ ۇستىنە اسحانانىڭ قاتاڭ باسقارۋى دا ءبىزدىڭ الاڭسىز تاماقتانۋىمىزعا مۇمكىندىك جاسادى“، - دەدى ليۋ شينران.

  ”قازىر ءبىزدىڭ تاعام شيكىزاتتارىنا قوياتىن تالابىمىز ءتىپتى دە قاتاڭ، شيكىزاتتارعا ۋاكومدىك قوراپتاۋ جۇرگىزىپ، ونىڭ جاس كۇيىندە بولۋىنا كەپىلدىك ەتۋمەن بىرگە، ءبىز ءىس جۇزىندىك جاعدايعا نەگىزدەلىپ، تاعام كەستەسىن رەتتەپ، تاعام تۇرلەرىندە جاڭالىق اشىپ، قاريدارلاردىڭ قاجەتىن قاناعاتتاندىرامىز“، - دەدى جىۋيشۋاننىڭ جاۋاپتىسى چىڭ جۇنمين.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى