تيانشان تورى   ›   جاڭالىقتار   ›   وقۋ-اعارتۋ

لي پىڭشين ءۇرىمجى 1 - تامىز ورتا مەكتەبىندە، ءۇرىمجى قالالىق 13 - ورتا مەكتەپتە تەكسەرۋ - زەرتتەۋ جۇرگىزدى

لي پىڭشين ءۇرىمجى 1 - تامىز ورتا مەكتەبىندە، ءۇرىمجى قالالىق 13 - ورتا مەكتەپتە تەكسەرۋ - زەرتتەۋ جۇرگىزگەندە

مەكتەپ اۋلاسىندا ىندەتتەن ساقتانۋ - تىزگىندەۋدە تيتتەي دە اعاتتىق جىبەرمەۋگە جانە وقۋ - اعارتۋدىڭ، وقىتۋدىڭ حاۋىپسىز، ءتارتىپتى بولۋىنا باتىل تۇردە شىنايى كەپىلدىك ەتۋدى باسا دارىپتەدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 16 - كۇنى تۇستەن بۇرىن، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءۇرىمجى 1 - تامىز ورتا مەكتەبىندە، ءۇرىمجى قالالىق 13 - ورتا مەكتەپتە تەكسەرۋ - زەرتتەۋ جۇرگىزگەندە، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي جاقسى ىستەۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن تياناقتاندىرىپ، كوكتەمگى وقۋ ماۋسىمىنداعى وقۋ باستاۋدىڭ، ساباقتى قايتا باستاۋدىڭ ءتۇرلى قىزمەتتەرىن تىڭعىلىقتى جاقسى ىستەپ، مەكتەپ اۋلاسىندا ىندەتتەن ساقتانۋ - تىزگىندەۋدە تيتتەي دە اعاتتىق جىبەرمەۋگە جانە وقۋ - اعارتۋدىڭ، وقىتۋدىڭ حاۋىپسىز، ءتارتىپتى بولۋىنا باتىل تۇردە شىنايى كەپىلدىك ەتۋدى باسا دارىپتەدى.

  لي پىڭشين دەنە تەمپەراتۋراسىن ولشەۋدى ىرىقتىلىقپەن قابىلداعاننان كەيىن، مەكتەپتىڭ قولباسشىلىق ورتالىعى، وقىتۋ عيماراتى، اسحانا، ەمحانا سياقتى ورىندارىنا بارىپ، ىندەتتەن ساقتانۋ - تىزگىندەۋ، ساباقحانا وقۋ - وقىتۋى، وقىتۋشى - وقۋشىلاردىڭ اسحانا، جاتاق، سونداي - اق ىندەتتەن ساقتانۋ زاتتىق ماتەريالدار قورى سياقتى جاقتارداعى احۋالداردى تاپتەشتەي سۇراپ ۇعىستى. ول ورتا مەكتەپتىڭ 3 - جىلدىعىنداعى، ورتالاۋ مەكتەپتىڭ 3 - جىلدىعىنداعى وقۋشىلاردى قۇلشىنا ۇيرەنىپ، ۋاقىتتى ۇتىپ، باتىل تۇردە ىندەت زايا كەتىرگەن ۋاقىتتى ۇتىپ، ۇزدىك ناتيجەمەن جوعارى مەكتەپ ەمتيحانىنا، ورتا مەكتەپ ەمتيحانىنا دايىندالۋعا جىگەرلەندىردى.

  لي پىڭشين مىنالاردى اتاپ كورسەتتى: جۋىقتا بۇكىل رايونىمىزدىڭ ىندەتتەن ساقتانۋ - تىزگىندەۋ اۋقىمى ۇزدىكسىز جاقسارىپ، ءوندىرىس، تۇرمىس ءتارتىبى جاپپاي قالپىنا كەلىپ، ورتا مەكتەپتىڭ 3 - جىلدىعىنداعى، ورتالاۋ مەكتەپتىڭ 3 - جىلدىعىنداعى وقۋشىلاردىڭ الدىمەن وقۋدى باستاۋىنا، ساباقتى قالپىنا كەلتىرۋىنە ءتيىمدى شارت - جاعداي ازىرلەدى. جەر - جەر، ءارقايسى مەكتەپتەر وسكەلەڭ جاۋاپكەرشىلىكپەن جانە بورىشتىلىق سەزىممەن ىندەتتەن ساقتانۋ - تىزگىندەۋدىڭ جانە وقۋ - اعارتۋدىڭ، وقىتۋدىڭ ءتۇيىندى قىزمەتتەرىن ءبىر تۇتاس جوسپارلاپ جاقسى ىستەپ، باتىلدىقپەن وقىتۋشىلار مەن وقۋشىلاردىڭ اماندىعىن، سالاماتتىعىن قورعاپ، مەكتەپ اۋلاسىنىڭ ورنىقتىلىعىن قورعاپ، وقۋدى امان - ەسەن باستاۋعا، ساباقتى ءساتتى تۇردە قالپىنا كەلتىرۋگە شىنايى كەپىلدىك ەتۋ كەرەك.

  لي پىڭشين مىنالاردى باسا دارىپتەدى: ءار ۇلت وقىتۋشى - وقۋشىلارىنىڭ باس اماندىعى مەن دەنساۋلىق اقاۋسىزدىعىن ماڭداي الدى ورىنعا قويىپ، مەكتەپ اۋلاسىندا ىندەتتەن ساقتانۋ - تىزگىندەۋ قىزمەتىن استە بوساڭسىماي مىقتى يگەرۋ كەرەك. «اۆتونوميالى رايوننىڭ ورتا، باستاۋىش مەكتەپتەردىڭ، ورتا دارەجەلى كاسىپتىك مەكتەپتەردىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شارالارى باعدارناماسى (سىناق رەتىندە اتقارىلادى)»نا مۇقيات سالىستىرىپ، مەكتەپتەردىڭ توسىن تۋىلاتىن ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ ساقتىق جوباسىن جانە مەكتەپتەردىڭ ىندەتتەن ساقتانۋ - تىزگىندەۋ تۇزىمدەرىن بەلگىلەپ، كەمەلدەندىرىپ، حاۋىپ - قاتەرلەردى، كومەسكى كىناراتتاردى جاپپاي ءبىر - بىرلەپ تەكسەرىپ، ساقتانۋ - تىزگىندەۋ بىلىمدەرى ۇگىت - تاربيەسىن دەن قويا ورىستەتۋ كەرەك. مەكتەپ اۋلاسىندا ىندەتتى يكەمدى باقىلاۋ - ولشەۋدى كۇشەيتىپ، وقىتۋشى - وقۋشىلار مەكتەپكە كىرگەندە دەنە تەمپەراتۋراسىن ولشەۋدى، زارارسىزداندىرۋدى قاتاڭ اتقارىپ، كلاس، جاتاق، اسحانا سياقتى ادام شوعىرلاناتىن اۋماقتاردى جانە ماڭىزدى ورىنداردى زارارسىزداندىرۋ، اۋاسىن الماستىرۋ سياقتى قىزمەتتەردى جاقسى يگەرۋ كەرەك. وقىتۋشى - وقۋشىلاردىڭ قاجەتتى قورعانۋىن جاقسى ىستەپ، شوعىرلانىپ تاماقتانۋدان جانە شوعىرلى قيمىلداردان اۋلاق بولۋ كەرەك.

  لي پىڭشين مىنالاردى باسا دارىپتەدى: وقۋ - اعارتۋ، وقىتۋ قىزمەتتەرىن عىلمي ءبىر تۇتاس جوسپارلاپ، سابىرلىلىقپەن، تارتىپپەن جاقسى ىستەۋ كەرەك. وقىتۋ جوسپارىن رەتتەپ، ساپالىلاندىرىپ، وقۋشىلاردىڭ ۇيدەگى ۇيرەنۋىمەن ۇشتاستىرۋدى جاقسى ىستەپ، وقىتۋ ساپاسىنا كەپىلدىك ەتۋ كەرەك. وقىتۋشى، وقۋلىق، كلاس سياقتى وقىتۋ بايلىعىن تياناقتاندىرىپ، ارتقى شەپ قامتاماسىزدىعىن كۇشەيتۋ كەرەك. وقىتۋشى - وقۋشىلارعا يدەيالىق - ساياسي قىزمەتتى جاقسى ىستەپ، ولاردى ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەۋ كەرەك. كوڭىل ءبولۋدى، قامقورلىق جاساۋدى كۇشەيتىپ، وقىتۋشى - وقۋشىلاردىڭ دەنە جانە پسيحيكالىق اقاۋسىزدىعىنا كەپىلدىك ەتۋ كەرەك. جەر - جەر، ءارقايسى مەكتەپتەر ورتا مەكتەپتىڭ 3 - جىلدىعىنىڭ، ورتالاۋ مەكتەپتىڭ 3 - جىلدىعىنىڭ وقۋ باستاۋ قىزمەتىن جاقسى ىستەۋ نەگىزىندە، جاپپاي وقۋ باستاۋ، ساباقتى قالپىنا كەلتىرۋ قىزمەتىن مىقتى ۇستاپ ورنالاستىرىپ، تياناقتاندىرىپ، ىندەتتەن ساقتانۋدى تياناقتى ىستەۋگە، مەكتەپ اۋلاسىنىڭ حاۋىپسىزدىگىنە، وقىتۋدىڭ ءتارتىپتى بولۋىنا شىنايى كەپىلدىك ەتۋ كەرەك.

  لي پىڭشين مىنالاردى باسا دارىپتەدى: جەر - جەر، ءارقايسى قاتىستى تاراۋلار ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، قىزمەت بىرىككەن كۇشىن قالىپتاستىرىپ، كوكتەمگى وقۋ ماۋسىمىنداعى وقۋ - اعارتۋ، وقىتۋ قىزمەتىنىڭ تاماشا باستاماسىن ىسكە اسىرىپ، ءار ۇلت بۇقاراسىنىڭ تىلەگىنە ءىس جۇزىندىك ارەكەت ارقىلى جاۋاپ قايتارۋ كەرەك.

  اۆتونوميالى رايوننىڭ ورىنباسار ءتوراعاسى رىن حۋا بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.