تيانشان تورى
تيانشان تورى   ›   جاڭالىقتار   ›   ءۇرىمجى

قاتىناس، زات اينالىمى ىركىلىسسىزدەنە ءتۇستى

       3 - ايدىڭ 16 - كۇنى جەدەل جولداما جەتكىزۋ سەرىكتەستىگىنىڭ قىزمەتكەرلەرى جولدامالاردى ايىرۋدا. قازىر ءۇرىمجى جوعارى، جاڭا تەحنيكالىق اشۋ رايونىنىڭ (جاڭا قالا رايونى) ونەركاسىپ باقشا رايونىنداعى بايشى جەدەل جولداما شينجياڭ بولىمشە سەرىكتەستىگىنىڭ ءار كۇنى ءبىر جاقتى ەتەتىن شينجياڭعا كىرگەن ءتۇرلى جولدامالارى 60 مىڭ دانا مولشەرىندە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى حان لياڭ تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى لۋ فىڭباۋ، ما ينيڭ، ەرىكتى ءتىلشى چىن حۇي 3 - ايدىڭ 16 - كۇنى ۇرىمجىدەن حابارلايدى. ”جولاۋشىلار كۇننەن - كۇنگە كوبەيدى، انە، قاراشى، قازىر كەشكى قاۋىرت ۋاقىت، جولاۋشىلار شوعىرى كورنەكتى كوبەيدى“، - دەدى 3 - ايدىڭ 16 - كۇنى ساعات 19 مولشەرىندە ءۇرىمجى قالاسى 907 - جول الەۋمەتتىك اۆتوبۋزىن جۇرگىزىپ بارا جاتقان شوفەر مۇحتار ءيۇسىپ تىلشىگە.

  907 - جول اۆتوبۋزىن قامتىعان ءۇرىمجى قالاسى الەۋمەتتىك قاتىناس توبىنا قاراستى 149 جەلى قازىر تۇگەلدەي قالىپتى قاتىناۋدى قالپىنا كەلتىردى، ۇلكەندى - كىشىلى كوشە جولدارىنان وتەتىن 2200دەن استام الەۋمەتتىك اۆتوبۋز ءۇرىمجى سىندى وسى 3 ميلليوننان استام جان سانى بار قالانىڭ ”تارام - تارام جولدارىن“ ىركىلىسسىزدەندىردى.

  ءۇرىمجى قالاسى شيداچياۋ كوپىرىندە تۇرساڭىز كىرە اۆتوموبيلى، جەكە اۆتوموبيل، اۆتوبۋز سياقتىلار ارلى - بەرلى قايشالىسىپ جاتقانىن كورەسىز. ”كەشە تۇستەن كەيىن اۆتوموبيل كەپتەلىسىنە ۇشىرادىم، كوشەدە اۆتوموبيلدەر قايشالىسىپ جۇرەتىن كۇندەر قايتا كەلدى“، - دەدى جەكە اۆتوموبيل يەسى لۋ يۇنشيان.

  ءۇرىمجى قالاسىندا عانا ەمەس، تيانشاننىڭ تۇستىگى مەن تەرىستىگىندەگى قالا - اۋىلداردا، ”تەمىر جول، تاس جول، ۇشاق“ جاپپاي قاتىناپ، الەۋمەتتىك قاتىناس، كىرە اۆتوموبيلى، جەلى اۆتوكولىگى جاپپاي قايتا ىسكە قوسىلدى. شينجياڭنىڭ ءبىر ميلليون 660 مىڭ شارشى كيلومەتر كەڭ - بايتاق دالاسىندا قالىپتى ءوندىرىس، تۇرمىس ءتارتىبى جاپپاي قالپىنا كەلدى.

  سوڭعى ءبىر مەزگىلدە شينجياڭ قوعام حاۋىپسىزدىگى قاتىناس باسقارۋ ”12123“ دىبىستى قىزمەت وتەۋ تۇعىرىنىڭ تەلەفونى قاۋىرت قاربالاس بولدى، 3 - ايدىڭ 1 - كۇنىنەن 3 - ايدىڭ 12 - كۇنىنە دەيىن بۇل تۇعىر كۇنىنە 7000 رەتكە جۋىق تەلەفون قابىلداپ، اشىلعان 3 جىلدان بەرى تاريحتاعى ەڭ قاۋىرت كەز بولدى، مۇندا 3 - ايدىڭ 11 - كۇنى 10 مىڭ رەتكە جۋىق تەلەفون قابىلداپ، تاريحتاعى رەكوردتى جاڭالادى.

  شينجياڭ ىشىندەگى ەڭ ۇلكەن تاس جول جولاۋشى تاسىمال تورابى ءۇرىمجى حالىقارالىق ۇزاق جولدى اۆتوبۋز جولاۋشىلار بەكەتىندە ادامدار ءيىن تىرەستى. 3 - ايدىڭ 15 - كۇنى بۇكىل رايون تاس جول جولاۋشى تاسىمالى بويىنشا جيىنى 104 مىڭ 200 ادام - رەت جولاۋشى جونەلتكەن، بۇكىل رايوننىڭ تاس جول جۇك تاسىمال مولشەرى ءبىر ميلليون 90 مىڭ توننادان اسىپ، بارلىعى كورنەكتى ارتقان. اۆتونوميالى رايوندىق قاتىناس - تاسىمال مەڭگەرمەسى تاسىمال باسقارۋ باسقارماسىنىڭ باستىعى حۋاڭ جىگاڭ بىلاي دەدى: قازىر تاس جول جولاۋشى تاسىمالى، جۇك تاسىمال، زات اينالىم تاسىمال قۋاتى جۇك تاسىمال جانە جولاۋشى قاتىناۋ قاجەتىن نەگىزىنەن قاناعاتتاندىردى.

  شينجياڭ تەمىر جول جولاۋشى، جۇك تاسىمالى تۇگەلدەي قالىپتى ارناعا ءتۇستى، پويەزبەن قاتىناعان جولاۋشىلار كۇن سايىن ارتىپ، تەمىر جول جۇك تاسىمال مولشەرى كۇن سايىن مولايدى. 3 - ايدىڭ 12 - كۇنى تۇستەن بۇرىن جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان 2016 - جىلى 5 - ايدا قۇرىلىپ ىسكە قوسىلعاننان بەرگى 3000 - رەتكى كەزەكشى پويەز جولعا شىعىپ، جۇڭگو - ەۆروپا كەزەكشى پويەزىنىڭ تاسىمالى قالپىنا كەلىپ، ءبىر - بىرلەگەن كەزەكشى پويەزدەر ەل ىشىندەگى تاۋاردى شەتەل بازارىنا تاسىمالدادى.

  وڭتۇستىك اۆياتسيا 76 اۋە جەلىسىنىڭ جۇمىسىن قالپىنا كەلتىردى، حاينان اۆياتسياسى كىرەتىن - شىعاتىن كەزەكشى ۇشاعىن جالپى جەلى بويىنشا قالپىنا كەلتىردى، ءۇرىمجى اۆياتسياسى ەل ىشىندەگى 11 جەلىسىن قالپىنا كەلتىردى... ءارقايسى ءىرى اۆياتسيا سەرىكتەستىكتەرى اۆياتسيا تاسىمالىن قالپىنا كەلتىرۋدى باسەكەلەسە تەزدەتتى. ”سوڭعى بىرنەشە كۇندە جولاۋشى مولشەرى كۇنىنە مىڭداعان ادام - رەت قارقىنمەن ارتۋدا، تەرمينال ىشىندە ۇشاق كۇتىپ وتىرعان جولاۋشىلار مەن جولشىباي ۇشاق اۋىستىراتىن جولاۋشىلار دا كورنەكتى كوبەيدى“، - دەدى وڭتۇستىك اۆياتسياسى شينجياڭ بولىمشە سەرىكتەستىگىنىڭ جەر بەتىندە قىزمەت وتەۋمەن قامتاماسىز ەتۋ ءبولىمى جۇيەنى مەڭگەرۋ ورتالىعىنىڭ قىزمەتكەرى گاۋ لي تانىستىرا.

  ساندى مالىمەتتە كورسەتىلۋىنشە: بۇل سەرىكتەستىكتىڭ ءۇرىمجى ديوپۋ حالىقارالىق اۋەجايداعى كۇندىك كىرىپ - شىعاتىن جولاۋشى مولشەرى 11 مىڭ 500 ادام - رەتكە قالپىنا كەلىپ، ۇقساس مەزگىلدەگىمەن سالىستىرعاندا 1.2 ەسە ارتقان.

  ءبىر - بىرلەگەن بولىمشەلەر جۇمىس باستاپ، ءبىر - بىرلەگەن جەدەل جولداما جەتكىزۋشىلەر جۇمىس ورىندارىنا قايتىپ جۇمىس ىستەپ، ءبىر - بىرلەگەن جولدامالار جەدەل جەتكىزىلدى. قاتىناس ىركىلىسسىزدەندى، زات اينالىمى تەزدەدى، بۇكىل رايونداعى ءارقايسى جەدەل جولداما كاسىپورىندارىنىڭ جۇمىس جۇرگىزەتىن بولىمشەلەرى تۇتاس جەلى بويىنشا جۇمىستى قالپىنا كەلتىرىپ، كاسىپ مولشەرى جەدەل ارتتى.

  ”شىنتۇڭنىڭ ءۇرىمجى قالاسىنداعى 42 بولىمشەسى تۇگەلدەي جۇمىستى قالپىنا كەلتىردى، جولدامالار قالىپتى تاراتىلىپ، جەتكىزىلدى، قازىر كۇنىنە كىرەتىن جولداما مولشەرى 100 مىڭنان استام بەلەت بويىنشا قالپىنا كەلدى“، - دەدى شينجياڭ جياڭنان شىنتۇڭ زات اينالىمى شەكتى سەرىكتەستىگىنىڭ اتقارۋشى ورىنباسار باس ديرەكتورى ۋىن ميڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.