تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

رايونىمىز كەدەيلىكتەن ارىلتۋدان قامال الۋدى جاپپاي ءبىر - بىرلەپ تەكسەرۋدى تىڭعىلىقتى ورىستەتتى

رايونىمىز كەدەيلىكتەن ارىلتۋدان قامال الۋدى جاپپاي ءبىر - بىرلەپ تەكسەرۋدى تىڭعىلىقتى ورىستەتتى

شالاعايلىق قالدىرماۋ، قالتارىس قالدىرماۋ، اقتاڭداق قالدىرماۋ

  3 - ايدىڭ 11 - كۇنى جۇمىسشىلار قاشقار ەكونوميكالىق اشۋ رايونى شىنجىن كاسىپ باقشاسىنداعى شينجياڭ قاشقار چيلۋ رۋ - ي توقىما، كيىم - كەشەك شەكتى سەرىكتەستىگىنىڭ ءوندىرىس سەحىندا ءجىپ يىرۋدە. وسى سەرىكتەستىك قاشقار قالاسىندا، يەڭەسار اۋدانىندا جانە جاڭا ءشار اۋدانىندا 800 مىڭ ۇرشىقتى ءجىپ ءيىرۋ ءوندىرىس بازاسىن قۇرىپ، 5000نان استام ارتىق ەڭبەككۇشتى جۇمىستاندىرىپ، كىرىستەرىن ارتتىرۋعا جەتەكتەدى. سۋرەتتى ابدىقادىر ابباس تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 3 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىنەن ۇعىسۋعا قاراعاندا، رايونىمىز بىلتىردان باستاپ كەدەيلىكتەن ارىلتۋدان قامال الۋدى جاپپاي ءبىر - بىرلەپ تەكسەرۋ قىزمەتىن ورىستەتكەننەن بەرى، جەر - جەر، تاراۋلار جاپپاي ءبىر - بىرلەپ تەكسەرۋ قىزمەتىن تىڭعىلىقتى ورىستەتىپ، قىستاقتاردى ءبىر - بىردەن تەكسەرۋ، وتباسىلاردى ءبىر - بىردەن ەلەكتەن وتكىزۋ، تۇرلەر بويىنشا ءبىر - بىردەن اداقتاۋ ارقىلى كەدەيلىكتەن ارىلتۋدان قامال الۋدى جاپپاي ءبىر - بىرلەپ تەكسەرۋدى سوڭىنا دەيىن جۇرگىزۋگە، تولىق قامتۋعا، جاپپاي ءبىر - بىرلەپ تەكسەرۋگە تاباندى بولىپ، شالاعايلىق قالدىرماۋدى، قالتارىس قالدىرماۋدى، اقتاڭداق قالدىرماۋدى جۇزەگە اسىردى.

  جاپپاي ءبىر - بىرلەپ تەكسەرۋ قىزمەتى ورىستەتىلگەننەن بەرى، رايونىمىز قىستاقتاردى ءبىر - بىرلەپ ”ەلەكتەن وتكىزۋگە“، وتباسى سايىن ەگجەي - تەگجەيلى ساراپتاۋعا، تۇرلەر بويىنشا ”بۇگە - شىگەسىنە دەيىن انىقتاۋعا“ تاباندى بولىپ، كەدەيلىكتەن ارىلتۋدان قامال الۋدىڭ ساپاسى مەن ناتيجەسىنە ىقپال جاسايتىن ءتيىمسىز فاكتورلاردى كۇش سالا تاۋىپ، تولىقتاۋدى كۇتىپ تۇرعان ولقىلىقتار مەن ءالسىز تۇستاردى ءبىر - بىرلەپ تەكسەرىپ انىقتادى. جەر - جەر، تاراۋلار ماسەلەنى باعدار ەتۋگە تاباندى بولىپ، ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەردى اداقتاۋ جانە كەدەي حالىقتى قايتا قاداعالاۋ، كەدەيلەردى سۇيەمەلدەۋ وبيەكتىلەرىن يكەمدى باسقارۋ، سونداي - اق ”ەكىنىڭ جاي - جاپسارىن ءبىلۋ، ءبىردى اداقتاۋ“ نەگىزىندە 3 اي ىشىندە 193 مىڭ 500 كادردى ات سالىسۋعا ۇيىمداستىرىپ، ”ءۇشتى تياناقتاندىرۋدان“، ”ۇشتە دالمە - ءدال بولۋدان“، ”ءۇشتى قامتاماسىز ەتۋدەن“ كوز جازباي، 14 ايماق، وبلىس، قالاعا، 95 اۋدان، قالا، رايونعا، 924 اۋىل - قالاشىققا، 9406 قىستاققا (الەۋمەتتىك اۋماق)، 3 ميلليون 290 مىڭ شارۋا وتباسىنا، سونداي - اق ءار دارەجەلى كەدەيلەردى سۇيەمەلدەۋ - وركەندەتۋ باسشىلىق گرۋپپالارىنا مۇشە ورىندارعا جالپى بەتتىك ءبىر - بىرلەي تەكسەرۋ جۇرگىزدى.

  ۇعىسۋعا قاراعاندا، ءبىر - بىرلەي تەكسەرۋ كەزىندە رايونىمىز 24 تاراۋدىڭ، ورىننىڭ ساندى مالىمەتتەرىن سالىستىرۋ مەحانيزمىن كەمەلدەندىرىپ، تاراۋلاردىڭ ينفورماتسيادان ورتاق پايدالانۋىن، بىرلەسىپ تەكسەرۋ قىزمەت جاۋاپكەرشىلىگىن ايقىنداپ، ساندى مالىمەت ينفورماتسياسىن دەر كەزىندە باقىلاپ - باسقارىپ، ماسەلە بايقالسا شەشۋگە دەر كەزىندە ەسكەرتتى.

  بيىل رايونىمىز ماسەلەلەردى رەتتەۋ - تۇزەتۋ جاعدايىن ءبىر - بىرلەي تەكسەرۋدى اناعۇرلىم كۇشەيتىپ، ءبىر ماسەلەگە ءبىر شارا، ءبىر جاۋاپتى ادام بولۋعا تاباندى بولىپ، ءبىر - بىرلەپ رەتتەۋ - تۇزەتۋ ءتىزىمىن بەلگىلەپ، رەتتەۋ - تۇزەتۋ نىساناسىن، رەتتەۋ - تۇزەتۋ ۋاقىت شەگىن، رەتتەۋ - تۇزەتۋ تالاپتارىن جانە رەتتەۋ - تۇزەتۋ جاۋاپكەرشىلىگىن ايقىنداپ، ءتىزىمدى ورنالاستىرۋ، رەتتەپ - تۇزەتىپ، تىزىمنەن شىعارۋ، ەسەپ باسقارۋ ءتۇزىمىن تياناقتاندىرىپ، الدىڭعى جارتى جىلدا رەتتەۋ - تۇزەتۋدىڭ تولىق تياناقتانۋىن تۇرلەر بويىنشا شەشىپ، ولقىلىقتاردى ونان ارى تىڭعىلىقتى تولىقتاپ، نەگىزدى اناعۇرلىم بەكەمدەپ، كەدەيلىكتەن ارىلتۋدان قامال الۋ ساپاسى مەن ناتيجەسىن جاپپاي جوعارىلاتادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.