جاستىق ورالدارىڭىزدى پارتيا مەن حالىق ەڭ قاجەت ەتكەن جەردە بايشەشەكتەي قۇلپىرتىڭىزدار
جاۋاپ حات
بەيجيڭ داشۋەسىنەن حۋبەيعا كومەككە بارعان ەمدەۋ اترەتىندەگى بارلىق ”90 - جىلداردىڭ تۇلەكتەرى“ پارتيا مۇشەلەرىنە:
حاتتارىڭىزدى تاپسىرىپ الدىم. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىندە ءسىز جاستار ءبىرىنشى شەپتە ەرلىكپەن شايقاس جاساپ جاتقان قالىڭ ىندەتتەن ساقتانۋ - تىزگىندەۋ قىزمەتكەرلەرىمەن بىرگە، قيىندىق پەن قاتەردەن تايسالماي، اتويلاپ الدا ءجۇرىپ، ءولىمدى ەلەڭ قۇرلى كورمەي، جاستىق ورالدىڭ قاۋلاعان كۇشىن ايگىلەپ، تولىمدى جاۋاپ بەردىڭىزدەر. قالىڭ جاستار ارەكەتتەرىمەن جاڭا داۋىردەگى جۇڭگو جاستارىنىڭ جەتەلى ەكەندىگىن، ۇلكەن مىندەت ارقالاي الاتىندىعىن دالەلدەدىڭىزدەر! مەن سىزدەرگە، ىندەتتەن ساقتانۋ - تىزگىندەۋدىڭ ءارقايسى شەبىندە كۇرەس جۇرگىزىپ جاتقان قالىڭ جاستارعا شىن جۇرەكتەن سالەم جولدايمىن!
جاس بۋىن مۇراتتى، قابىلەتتى بولسا، جاۋاپكەرلىك ارقالاي بىلسە، مەملەكەتتە بولاشاق، ۇلتتا ءۇمىت بولادى. سىزدەردىڭ حالىق ءۇشىن قىزمەت ىستەۋ بارىسىندا قۇلشىنا تولىسىپ جەتىلىپ، جاپالى كۇرەس بارىسىندا جىگەر - قاسيەتتەرىڭدى شىڭداپ، اماليات بارىسىندا قىزمەت قابىلەتتەرىڭىزدى ءوسىرىپ، اجالعا اراشاشى، جارالىعا مەدەت بولاتىن قىزمەت ورنىندا ۇزدىكسىز ايانباي ەرلىكپەن شايقاس جۇرگىزىپ، قالىڭ جاستاردى باستاپ بوران - شاشىننان تايسالماي، اۋىر جۇكتى جۇرەكتىلىكپەن ارقالاپ، جاستىق ورالدارىڭىزدى پارتيا مەن حالىق ەڭ قاجەت ەتكەن جەردە بايشەشەكتەي قۇلپىرتۋلارىڭىزدى ءۇمىت ەتەمىن.
شي جينپيڭ
2020 - جىلى 3 - ايدىڭ 15 - كۇنى
(شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 15 - كۇنى، بەيجيڭ داشۋەسىنەن حۋبەيعا كومەككە بارعان ەمدەۋ اترەتىندەگى بارلىق ”90 - جىلداردىڭ تۇلەكتەرى“ پارتيا مۇشەلەرىنە جاۋاپ حات جازىپ، ولارعا جانە ىندەتتەن ساقتانۋ - تىزگىندەۋدىڭ ءارقايسى شەبىندە كۇرەس جۇرگىزىپ جاتقان قالىڭ جاستارعا شىن جۇرەكتەن سالەم جولدادى.
شي جينپيڭ جاۋاپ حاتىندا مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىندە ءسىز جاستار ءبىرىنشى شەپتە ەرلىكپەن شايقاس جاساپ جاتقان قالىڭ ىندەتتەن ساقتانۋ - تىزگىندەۋ قىزمەتكەرلەرىمەن بىرگە، قيىندىق پەن قاتەردەن تايسالماي، اتويلاپ الدا ءجۇرىپ، ءولىمدى ەلەڭ قۇرلى كورمەي، جاستىق ورالدىڭ قاۋلاعان كۇشىن ايگىلەپ، تولىمدى جاۋاپ بەردىڭىزدەر. قالىڭ جاستار ارەكەتتەرىمەن جاڭا داۋىردەگى جۇڭگو جاستارىنىڭ جەتەلى ەكەندىگىن، ۇلكەن مىندەت ارقالاي الاتىندىعىن دالەلدەدىڭىزدەر!
شي جينپيڭ بىلاي دەپ اتاپ كورسەتتى: جاس بۋىن مۇراتتى، قابىلەتتى بولسا، جاۋاپكەرلىك ارقالاي بىلسە، مەملەكەتتە بولاشاق، ۇلتتا ءۇمىت بولادى. سىزدەردىڭ حالىق ءۇشىن قىزمەت ىستەۋ بارىسىندا قۇلشىنا تولىسىپ جەتىلىپ، جاپالى كۇرەس بارىسىندا جىگەر - قاسيەتتى شىڭداپ، اماليات بارىسىندا قىزمەت قابىلەتتەرىڭىزدى ءوسىرىپ، اجالعا اراشاشى، جارالىعا مەدەت بولاتىن قىزمەت ورنىندا ۇزدىكسىز ايانباي ەرلىكپەن شايقاس جۇرگىزىپ، قالىڭ جاستاردى باستاپ بوران - شاشىننان تايسالماي، اۋىر جۇكتى جۇرەكتىلىكپەن ارقالاپ، جاستىق ورالدارىڭىزدى پارتيا مەن حالىق ەڭ قاجەت ەتكەن جەردە بايشەشەكتەي قۇلپىرتۋلارىڭىزدى ءۇمىت ەتەمىن.
وسى رەتكى ىندەتكە قارسى اتتانۋ كۇرەسىندە ”90 - جىلداردىڭ تۇلەكتەرىن“ ۋاكىل ەتكەن جاس بۋىن اتويلاپ العا شىعىپ، جاۋاپكەرشىلىك ارقالاپ، ۇلەس قوسىپ، جاڭا داۋىردەگى جۇڭگو جاستارىنىڭ رۋحاني بەينەسىن تولىق ايگىلەدى. حۋبەيعا كومەككە بارعان 42 مىڭنان استام ەمدەۋ قىزمەتكەرىنىڭ ىشىندە 12 مىڭنان استام ”90 - جىلداردىڭ تۇلەگى“ بار، ولاردىڭ ىشىندەگى ءبىرسىپىراسى ”95 - جىلدان كەيىنگى تۇلەكتەر“، ءتىپتى، ”2000 - جىلدىڭ تۇلەكتەرى“. جۋىقتا بەيجيڭ داشۋەسىنەن حۋبەيعا كومەككە بارعان ەمدەۋ اترەتىندەگى 34 ”90 - جىلداردىڭ تۇلەكتەرى“ پارتيا مۇشەسى باس شۋجي شي جينپيڭگە حات جازىپ، ىندەتكە قارسى اتتانۋدىڭ ءبىرىنشى شەبىندە ءومىردى قۇتقارۋ جاعدايىنان مالىمەت بەرىپ، پارتيا مۇشەلەرىنىڭ رولىن ۇزدىكسىز ساۋلەلەندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ ءۇشىن كۇش قوساتىن بەكىمدەرىن ءبىلدىردى.
