تيانشان تورى   ›   جاڭالىقتار   ›   شينجياڭ حابارلارى

شينجياڭنان حۋبەيعا كومەككە بارعان ەمدەۋ اترەتىنىڭ العاشقى توپتاعى مۇشەلەرى جەڭىسپەن ورالدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ يانفاڭ، چاۋ جين 3 - ايدىڭ 17 - كۇنى ۇرىمجىدەن حابارلايدى. ءبىر ايدان استام قاجىرلىلىقپەن شايقاس جۇرگىزۋ ارقىلى 3 - ايدىڭ 17 - كۇنى كەشتە شينجياڭنان 2 - توپتا حۋبەيعا كومەككە بارعان ەمدەۋ اترەتىنىڭ 102 مۇشەسى ۋحاننان ۇرىمجىگە ۇشاقپەن كەلدى، بۇل رايونىمىزدىڭ حۋبەيعا كومەكتەسىپ ەمدەۋ - قۇتقارۋ مىندەتىن تابىسپەن ورىنداپ، جەڭىسپەن ورالعان العاشقى توپتاعى ەمدەۋ اترەتىنىڭ مۇشەلەرى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اۆتونوميالى رايوندىق پارتكوم مەن ۇكىمەت اتىنان ەمدەۋ اترەتى مۇشەلەرىنىڭ امان - ەسەن قايتىپ كەلگەندىگىن قارسى الىپ، كوپشىلىككە شىن پەيىلىمەن العىس ايتتى ءارى وسكەلەڭ قۇرمەت ءبىلدىردى.

  تيان ۋىن بىلاي دەدى: ءبىر جاقتا قيىنشىلىق بولسا، كوپ بولىپ كومەكتەسەدى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا كوپشىلىك باس شۋجي شي جينپيڭ مەن پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، قۇربان بەرۋدەن قورىقپاي، اتويلاپ العا شىعىپ، اجالعا اراشاشى، جارالىعا مەدەت بولىپ، جاۋاپكەرشىلىك ارقالاپ، ۇلەس قوسىپ، بورىشىن، مىندەتىن تابىسپەن ورىنداپ، شيپاگەر ىزگىلىگىنىڭ وسكەلەڭ رۋحى مەن جاڭا داۋىردەگى ەمدەۋ قىزمەتكەرلەرىنىڭ تاماشا وبرازىن ايگىلەپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە تاباندىلىقپەن قول جەتكىزۋگە ماڭىزدى ۇلەس قوستى! سىزدەر ناعىز قاھارمانسىزدار، جاڭا داۋىردەگى ەڭ سۇيىكتى ادامسىزدار. حۋبەيعا كومەككە بارعان مەزگىلدە جولداستار ەشتەڭەدەن تايسالماي، كۇنى - ءتۇنى قايراتتانا شايقاس جاساپ، ولىممەن، ومىرمەن ەسەپتەسپەي، قايىسپاي شايقاسىپ، الدىڭعى شەپتەگى تىرەكتىك رولدارىن ساۋلەلەندىردى. بۇگىن كوپشىلىك امان - ەسەن ۇيلەرىنە قايتا ورالدى، جولداستاردىڭ توپتىق دەمالۋ ورنىندا كوڭىل - كۇيلەرىن رەتتەپ، جاقسى دەمالىپ، ءتىپتى دە اسقاق كۇرەس جىگەرىمەن مۇنان كەيىنگى قىزمەتكە ات سالىسىپ، بۇكىل رايونداعى ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعى ءۇشىن كۇش - قۋاتتارىن ارناي بەرۋلەرىن ءۇمىت ەتەمىن.

  ۇعىسۋعا قاراعاندا، 5 ايماق، وبلىس، قالاداعى كوپتەگەن ەمدەۋ قۇرىلىمدارىنىڭ كۇتىمدەۋ قىزمەتكەرلەرىنەن قۇرالعان بۇل ەمدەۋ اترەتى 2 - ايدىڭ 4 - كۇنى ۇرىمجىدەن ۋحانعا اتتانعان، نەگىزىنەن ۋحانداعى كىتيڭ فاڭساڭ ەمحانادا قۇتقارۋ - ەمدەۋ قىزمەتىن ورىستەتىپ، ”بۇكىل مەملەكەتتىك دەنساۋلىق ساقتاۋ، سالاماتتىق جۇيەسى بويىنشا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىندەگى وزات كوللەكتيۆ“ اتاعىن العان.

  سول كۇنى شينجياڭ ءوندىرىس - قۇرىلىس بيڭتۋانى شۇعىل مەديتسينالىق كومەكتەسۋ، قۇتقارۋ اترەتىندەگى 74 ەمدەۋ - كۇتىمدەۋ قىزمەتكەرى دە ماڭىزدى تاپسىرمانىڭ ۇمىتىنەن شىعىپ، كومەكتەسۋ مىندەتىن ورىنداپ، جەڭىسپەن قايتىپ كەلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى