تيانشان تورى   ›   جاڭالىقتار   ›   ماڭىزدى حابارلار

شي جينپيڭ پاكيستاننىڭ زۇڭتۇڭى الۆيمەن كەڭەستى

  شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى (ءتىلشى ياڭ يجۇن). مەملەكەت ءتوراعاسى شي جينپيڭ 3 - ايدىڭ 17 - كۇنى حالىق سارايىندا پاكيستاننىڭ زۇڭتۇڭى الۆيمەن كەڭەستى.

  شي جينپيڭ بىلاي دەپ باسا دارىپتەدى: كەزەكتە جۇڭگو ۇكىمەتى مەن جۇڭگو حالقى جاڭا تيپتى ايدارشا ۆيرۋس وكپە قابىنۋ ىندەتىنىڭ ەڭ سوڭعى جالپى بەتتىك جەڭىسىنە قول جەتكىزۋ جولىندا قۇلشىنا كۇرەس جۇرگىزۋدە. ىندەت تۋىلعان العاشقى كەزدە، زۇڭتۇڭ مىرزا حابار تابا سالىسىمەن ماعان حات جولداپ حال سۇرادى، بۇل رەت تاعى جۇڭگوعا ارنايى ساپارلاي كەلىپ، جۇڭگو جاقتى باتىل قولدايتىندىعىن ءبىلدىردى. پاكيستان ۇكىمەتى مەن قوعامىنداعى ءار سالا وزدەرىندەگى بارىن ارناپ، جۇڭگو جاققا ىندەتتەن ساقتانۋ زاتتىق ماتەريالدارىن جىلۋعا اتادى، جۇڭگو جاق بۇعان شىنايى العىس ايتادى. شىندىق جۇڭگو - پاكيستان ەكى ەل جاپا - ماشاقاتتى بىرگە وتكەرگەن ناعىز دوس، زەينەت پەن بەينەتتە بىرگە بولاتىن جاقسى باۋىرلاس ەكەندىگىن تاعى ءبىر رەت دالەلدەدى. جۇڭگو مەن پاكيستاننىڭ ەرەكشە دوستىعى تاريحتىڭ تالعامى، ەكى ەل حالقىنىڭ جۇرەگىنە تەرەڭ تامىر تارتقان.

  شي جينپيڭ بىلاي دەپ اتاپ كورسەتتى: كەزەكتە ىندەت بۇكىل الەمنىڭ كوپتەگەن جەرىندە تۋىلۋدا. ءار ەل قيىندىقتى بىلەك بىرىكتىرە جەڭۋ، تىزە قوسا ىندەتكە قارسى اتتانۋى ءتيىس. جۇڭگو جاق ادامزات تاعدىرلاس ورتاق تۇلعا ۇستانىمىنان باستان - اياق جازباي، اشىق، جاريالى، جاۋاپتى بولۋ پوزيتسياسىن نەگىزگە الىپ، ىندەت ينفورماتسياسىن دەر كەزىندە جاريالاپ، ساقتانۋ - تىزگىندەۋ، دياگنوز قويۋ - ەمدەۋ تاجىريبەلەرىن ورتاق پايدالاندى. جۇڭگو جاق ىندەتتىڭ دۇنيە ءجۇزى كولەمىندە تارالۋىنان، ورشۋىنەن ساقتانۋعا اناعۇرلىم كوپ ۇلەس قوسۋدى قالايدى، پاكيستان جاققا ۇزدىكسىز قولداۋ كورسەتەدى جانە كومەكتەسەدى.

  شي جينپيڭ بىلاي دەپ باسا دارىپتەدى: جۇڭگو مەن پاكيستاننىڭ جالپى بارىستىق ستراتەگيالىق سەلبەستىك سەرىكتەستىك قارىم - قاتىناسىن ويداعىداي بەكەمدەۋ، ويداعىداي دامىتۋ − ەكى ەل حالقىنىڭ ورتاق تىلەگى. ءبىز پاكيستاننىڭ ىنتىماقتىلىعىن، ورنىقتىلىعىن، گۇلدەنگەندىگىن، قۇدىرەتتەنگەندىگىن قۋانا كورىپ وتىرمىز. حالىقارالىق جاعداي مەيلى قالاي وزگەرسىن، جۇڭگو باستان - اياق پاكيستانمەن باتىل ءبىر جاقتا تۇرادى، جۇڭگو مەن پاكيستاننىڭ ”اينىماس“ دوستىق سۇيىسپەنشىلىگىن تەرەڭدەتىپ، جۇڭگو - پاكيستان قارىم - قاتىناسىن ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ تيپتىك ۇلگىسىنە اينالدىرىپ، ەكى ەل حالقىن اناعۇرلىم باقىتقا كەنەلتۋگە كۇش سالادى. جۇڭگو جاق پاكيستاننىڭ مەملەكەتتىڭ تاۋەلسىزدىگىن، يەلىك ۇقىعىن، تەرريتوريا تۇتاستىعىن قورعاۋىن ۇزدىكسىز قولدايدى، پاكيستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى. ەكى جاق باسشىلاردىڭ ۇنەمى ءوزارا ساپاردا بولۋ جانە ديدارلاسۋ ءداستۇرىن ساقتاپ، ءتۇيىندى سالالار مەن نىسان سەلبەستىگىن بەلسەنە ىلگەرىلەتىپ، جۇڭگو - پاكيستان ەكونوميكالىق ءدالىزىن ”ءبىر بەلدەۋ، ءبىر جولدىڭ“ جوعارى ساپالى دامۋىنىڭ ۇلگى كورسەتۋ ينجەنەرياسى ەتىپ قۇرىپ شىعۋ كەرەك. حالىقارالىق جانە وڭىرلىك ىستەردە تىلدەسۋدى، سەلبەسۋدى كۇشەيتىپ، دۇنيە ءجۇزىنىڭ جانە ءوڭىردىڭ بەيبىتشىلىگىن، ورنىقتىلىعىن، حاۋىپسىزدىگىن بىرگە قورعاۋ كەرەك. جۇڭگو جاق پاكيستان جاقتىڭ شەگىرتكە اپاتىن تىزگىندەۋىنە ۇزدىكسىز قولداۋ كورسەتۋدى قالايدى.

  الۆي مىنالاردى ءبىلدىردى: ءتوراعا شي جينپيڭنىڭ پارمەندى باسشىلىعىندا، جۇڭگو ىندەتكە قارسى اتتانۋدا كەلەلى بەلسەندى ونىمدىلىككە قول جەتكىزدى، مەن پاكيستان ۇكىمەتى مەن حالقى اتىنان شىن جۇرەكتەن قۇتتىقتايمىن! اپات الدىندا، جۇڭگو كوممۋنيستىك پارتياسى مەن جۇڭگو ۇكىمەتى ەرەن باسشىلىق قابىلەتىن، قۋاتتى اتتانىسقا كەلتىرۋ كۇشىن ايگىلەدى، جۇڭگو حالقى ەل بىرلىگىنەن قامال تۇرعىزىپ، قۇربان بەرۋدەن قورىقپادى. جۇڭگو جاقتىڭ تاجىريبەسى، ءادىسى باسقا ەلدەرگە ءونىمدى ۇلگى كورسەتتى. ىندەتتەن كەيىن، جۇڭگونىڭ ءتىپتى دە قۋاتتى بولاتىندىعىنا سەنەمىن. ءىشىنارا كۇشتەردىڭ ىندەتتەن پايدالانىپ جۇڭگوعا ”جالا جابۋعا“ جانە جۇڭگونى وقشاۋلاۋعا ۇرىنعان قىلىقتارى جۇرت كوڭىلىنە جاقپايدى، ىسكە اسپايدى. پاكيستان مەن جۇڭگو جاپا - ماشاقاتتى بىرگە وتكەرگەن ”اينىماس“ باۋىرلاس، ەكى ەل حالقىنىڭ دوستىق سۇيىسپەنشىلىگى تەرەڭ، ۋاقىت ۇزارعان سايىن بەكەمدەلە تۇسەدى. نەعۇرلىم قيىن - قىستاۋ ساتتەردە پاكيستان مەن جۇڭگونىڭ دوستىعى، ىنتىماعى سولعۇرلىم ايگىلەنە تۇسەدى. پاكيستان جاق جۇڭگو جاقتىڭ قولداۋى مەن كومەگىنە العىس ايتادى، جۇڭگومەن باتىل بىرگە بولىپ، ۋاقىتتىق قيىندىقتاردى بىرگە جەڭۋدى قالايدى. پاكيستان جاق جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگو جاقتى بۇرىنعىداي قولدايدى، جۇڭگو جاقپەن ءجيى بارىس - كەلىستى ساقتاپ، سەلبەستىكتى تەرەڭدەتىپ، پاكيستان - جۇڭگو ەكونوميكالىق ءدالىزىن ويداعىداي قۇرۋدى قالايدى. پاكيستان جاق جۇڭگو جاقپەن لاڭكەستىككە قارسى تۇرۋ سەلبەستىگىن ۇزدىكسىز ىلگەرىلەتىپ، حالىقارادا ادىلدىكتى، تۋراشىلدىقتى بىرگە قورعايدى.

  كەڭەستەن كەيىن، ەكى ەلدىڭ مەملەكەت باسشىلارى كوپ ءتۇرلى ەكى جاقتى سەلبەستىك حۇجاتتارىنا قول قويۋعا بىرگە كۋا بولدى.

  ەكى ەل جۇڭگو مەن پاكيستاننىڭ جالپى بارىستىق ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋ جونىندەگى بىرلەسكەن مالىمدەمەنى بىرگە جاريالادى.

  ۋاڭ ي، حى ليفىڭ قاتارلىلار كەڭەسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.