تيانشان تورى   ›   جاڭالىقتار   ›   وقۋ-اعارتۋ

شينجياڭدا وقۋ باستاعاننان كەيىن وقۋشىلارعا تەگىن ماسكى تاراتىلادى

  رەداكتور: گۇلنۇر زەينوللا قىزى

  (ءتىلشى شىن زۋشياۋ حابارلايدى) وقۋ باستالعاننان كەيىن، شينجياڭ ءارقايسى مەكتەپتەرگە ىندەتتەن ساقتانۋ - تىزگىندەۋ زاتتىق ماتەريالدارىن تولىقتاپ بەرىپ، وقۋشىلارعا تەگىن ماسكى تاراتىپ، وقۋدى قالپىنا كەلتىرگەننەن كەيىنگى ورتا - باستاۋىش مەكتەپ وقىتۋشى ـ قىزمەتكەرلەرىنىڭ دەنساۋلىق حاۋىپسىزدىگىنە كەپىلدىك ەتەدى.

  3 ـ ايدىڭ 14 ـ كۇنى شينجياڭ ۇيعۇر اۆتونوميالى رايوندىق وقۋ-اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ جەن بىلاي دەدى: ” قازىر بۇكىل شينجياڭنىڭ جەر ـ جەرى وقۋشىلاردىڭ وقۋ باستاۋىنا كەپىلدىك ەتۋ ءۇشىن، ىندەتتەن ساقتانۋ - تىزگىندەۋ زاتتىق ماتەريالدارىن بەلسەنە دايىنداۋدا، وسى 2 كۇندە ىركەس ـ تىركەس ءارقايسى مەكتەپتەرگە تاراتىلادى.

  3-ايدىڭ 16-كۇنى، شينجياڭداعى تولىق ورتا 3 - جىلدىقتىڭ، ورتالاۋ 3 - جىلدىقتىڭ، ورتا دارەجەلى كاسىپتىك مەكتەپتىڭ وقۋ تاۋىسۋ جىلدىعىنداعى 572 مىڭ 900 وقۋشىسى تۇڭعىش توپتا وقۋ باستايدى، اۆتونوميالى رايون تولىق ورتانىڭ 3 - جىلدىعىندا، ورتالاۋ 3 - جىلدىعىندا، ورتا دارەجەلى كاسىپتىك مەكتەپتىڭ وقۋ تاۋىسۋ جىلدىعىندا شاعىن كلاس ءتۇزىمىن اتقارۋدى، ۋاقىتشا ادام توپتاساتىن قيمىلدى وتكىزبەۋدى، سونىمەن بىرگە، مەكتەپ اۋلاسىندا بۇكىلدەي جابىق باسقارۋدى قاتاڭ اتقارۋدى، باسقا قاتىسسىز ادامداردىڭ مەكتەپ ىشىنە كىرۋىنە بۇتىندەي تيىم سالۋىن تالاپ ەتتى.

  3-ايدىڭ 23-كۇنى، باستاۋىش، ورتالاۋ، تولىق ورتا، ورتا دارەجەلى كاسىپتىك مەكتەپتەر وقۋ باستاعاننان كەيىن، ءارقايسى مەكتەپتەر ءىس جۇزىندىك جاعدايىنا نەگىزدەلىپ، مۇمكىندىكتىڭ بارىنشا وقۋشىلاردى قاۋىرت كەزدەن باسقا ۋاقىتقا ورنالاستىرىپ، قاتىستى قىزمەتتەردى ورىستەتىپ، ادامداردىڭ توپتالۋىنان ساقتانۋ كەرەك. ”تاڭەرتەڭگى، تۇسكى، كەشكى تەكسەرۋ“ جانە ”كۇندەلىكتى مالىمدەۋ، نولدىك مالىمدەۋ“ ءتۇزىمىن قاتاڭ اتقارۋ تالاپ ەتىلەدى.

  وقۋ باستالعاننان كەيىن، بۇكىل رايونىمىزداعى ءارقايسى مەكتەپتەردىڭ 1 ـ ساباعى وقۋشىلارعا جۇقپالى اۋرۋلاردان ساقتانۋ-تىزگىندەۋ بىلىمدەرى، جانەدە وسى رەتكى ىندەتكە قارسى شايقاستاعى كوزگە كورىنگەن العاباسار ادامداردىڭ ىزگى ىستەرى، وقۋشىلاردىڭ اقاۋسىز تۇرمىسى سياقتى كوپ جاقتاردان تاربيە جۇرگىزەدى.

  بۇدان سىرت، جوعارى مەكتەپتەر مەن بالالار باقشاسى سياقتى باسقا تۇردەگى مەكتەپتەردىڭ وقۋ باستاۋ ۋاقىتىن، اۆتونوميالى رايوننىڭ ىندەتتەن ساقتانۋ- تىزگىندەۋ جالپى جاعدايىنا نەگىزدەلىپ، اۆتونوميالى رايوننىڭ ىندەتتەن ساقتانۋ -تىزگىندەۋ قولباسشىلىق شتابى كەشەندى زەرتتەپ تۇجىرىمداعاننان كەيىن، ءبىر تۇتاس ءتارتىپتى ورنالاستىرادى، ناقتى ۋاقىتىن اۆتونوميالى رايوندىق وقۋ-اعارتۋ مەڭگەرمەسى ءبىر تۇتاس جاريالايدى.

  ىشكى ولكەلەردەگى داشۋە ستۋدەنتتەرىنىڭ شينجياڭعا قايتۋىنا مەڭزەس، ليۋ جەن بىلاي دەدى: جوعارى مەكتەپتەر وقۋشىلاردىڭ ءجۇرىس ـ تۇرىس جاعدايىن جاقسى يگەرىپ، جوعارى مەكتەپتەردىڭ وقۋ باستاۋ ۋاقىتى بەلگىلەنگەننەن كەيىن، ءارقايسى جوعارى مەكتەپتەر وقۋشىلاردى تارتىپپەن مەكتەپكە قايتۋعا ورنالاستىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى