زەيىن - زەردەنى شوعىرلاندىرىپ، كۇش - قۋاتتى ۇيىستىرىپ، كەدەيلىكتەن ارىلتۋدان قامال الۋ نىسانالارىن، مىندەتتەرىن جوعارى ساپامەن ورىندايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى حان چينيان، ەرىكتى ءتىلشى ميرزا 3 - ايدىڭ 19 - كۇنى ءپايزاۋاتتان حابارلايدى. 3 - ايدىڭ 8 - كۇنىنەن 19 - كۇنىنە دەيىن، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ءوزى جاۋاپتى بولعان اۋىر كەدەي اۋدان ءپايزاۋات اۋدانىنا بارىپ، كەدەيلىكتەن ارىلتۋدان قامال الۋ شايقاسىنا اشىق - اشكەرە قاداعالاۋ جۇرگىزۋ قىزمەتىن ورىستەتتى. ول بىلاي دەپ باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكوم 9 - رەتكى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، ”ەكىدەن تارىقتىرماۋ، ءۇشتى قامتاماسىز ەتۋدى“ مىقتاپ ارقاۋ ەتىپ، كەدەيلىكتەن ارىلتۋدان قامال الۋ نىسانالارىن، مىندەتتەرىن جوعارى ساپامەن ورىنداپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك.
بىرنەشە كۇننەن بەرى، نۇرلان ءابىلماجىن 11 اۋىل - قالاشىقتاعى 71 كەدەي قىستاقتى ارالاپ، جاپپاي قامتۋ تاسىلىمەن شايقاستى اشىق - اشكەرە قاداعالاپ، قۋزاپ - جەتەكشىلىك ەتىپ، كەدەيلىكتەن ارىلتۋدان قامال الۋ جاعدايىن جاپپاي تەكسەرىپ - زەرتتەپ، تيپتىك قىستاقتاردى تاڭداپ، وتباسىلارىن ارالاپ تەكسەرىپ، سارالاپ تالداۋ جاسادى؛ تۇرعىن ءۇي حاۋىپسىزدىگى، اۋىز سۋ حاۋىپسىزدىگى، ەرەكشە كاسىپ سالاسى، ەڭبەككۇشتەردىڭ جۇمىستانۋى، اپاتتان كەيىنگى قايتا قۇرۋ، جۇمىستى، ءوندىرىستى، وقۋدى قالپىنا كەلتىرۋ، كومەكتەسۋ، سۇيەمەلدەۋ سەرپىنىن ارتتىرۋ سياقتى ءتۇيىندى قىزمەتتەردى ارناۋلى تەكسەرىپ - زەرتتەپ، اۋىل - قالاشىقتاردىڭ، قىستاقتاردىڭ قىزمەت وي جەلىسىن ىشكەرىلەي ايقىنداۋىنا، قىزمەت جولىن دۇرىس تابۋىنا، قىزمەت ءادىسىن جاقسارتۋىنا، ءار جاقتىڭ كۇشىن اتتانىسقا كەلتىرىپ، زەيىن - زەردەنى شوعىرلاندىرا وتىرىپ، جويىمپاز شايقاس جۇرگىزۋىنە جەتەكشىلىك ەتتى.
تەكسەرۋ - زەرتتەۋ بارىسىندا، نۇرلان ءابىلماجىن اۆتونوميالى رايوننىڭ ءپايزاۋات اۋدانىنىڭ كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋ بىرلەسكەن ءماجىلىسىن باسقارىپ اشتى ءارى كوپ رەت اڭگىمە ءماجىلىس ۇيىمداستىرىپ، سول جەردە شايقاسقا قاداعالاۋ جۇرگىزۋ، قۋزاۋ - جەتەكشىلىك ەتۋ جاعدايىنا بىرلەستىرىپ، كەدەيلىكتەن ارىلتۋدان قامال الۋ قىزمەتىن اقىلداستى، ىلگەرىلەتتى.
نۇرلان ءابىلماجىن بىلاي دەپ اتاپ كورسەتتى: ءار دارەجەلى تاراۋلار، قىستاقتا تۇراتىن قالىڭ كادرلار، ءبىرىنشى شۋجيلەر باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، كەدەيلەردى كاسىپ سالاسى ارقىلى سۇيەمەلدەۋ جانە كەدەيلەردى جۇمىستاندىرۋ ارقىلى سۇيەمەلدەۋ سەرپىنىن ءتۇيىندى تۇردە كۇشەيتىپ، كەدەي بۇقارانى جۇمىستانۋعا الدىمەن ورنالاستىرىپ، ەڭبەك قابىلەتى بار كەدەي حالىقتىڭ ءبارىنىڭ جۇمىستانۋىنا، ءار كۇنى تابىسى بولۋىنا، كەدەيلىكتەن ارىلۋىن قامتاماسىز ەتۋگە، كەدەيلىكتەن ارىلعان بۇقارانىڭ كىرىسىنىڭ ازايماۋىنا، قايتا كەدەيلەسپەۋىنە شىنايى كەپىلدىك ەتۋ كەرەك.
نۇرلان ءابىلماجىن بىلاي دەپ باسا دارىپتەدى: اۋىلدىق پارتكوم مەن اۋىلدىق ۇكىمەتتىڭ تۇلعالىق جاۋاپكەرشىلىگىن، اۋىل - قىستاقتىڭ تياناقتاندىرۋ جاۋاپكەرشىلىگىن، كومەكتەسۋ - سۇيەمەلدەۋ ورىندارىنىڭ كومەكتەسۋ - سۇيەمەلدەۋ جاۋاپكەرشىلىگىن جانە قىستاقتا تۇراتىن قىزمەت اترەتتەرىنىڭ، ءبىرىنشى شۋجيلەردىڭ، كەدەيلەردى سۇيەمەلدەۋ ارناۋلى كادرلارىنىڭ ناقتى جاۋاپكەرشىلىگىن قاتايتىپ، ناقتىلاندىرىپ، شايقاستى قاداعالاۋ، كوتەرمەگە الىپ بايلانىس ورناتۋ، كومەكتەسۋ - سۇيەمەلدەۋ ”ۇشەۋىنىڭ ءبىر تۇلعالانۋىن“ ورىنداۋ؛ ورتالىققا قاراستى كاسىپورىندار، مەملەكەت مەنشىگىندەگى كاسىپورىندار قاتارلى كومەكتەسۋ - سۇيەمەلدەۋ ورىندارى اتويلاپ العا شىعىپ، ونەگە كورسەتۋ كەرەك. قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، ”ءبىر وتباسىنا ءبىر شارا“ قولدانۋ سىندى كەدەيلىكتەن دالمە - ءدال ارىلتۋ شاراسىن شىنايى تياناقتاندىرىپ، كەدەي بۇقارانىڭ حابارلى بولۋ مولشەرىن جوعارىلاتىپ، ىشكى قوزعاۋشى كۇشتى قاۋلاتىپ، كەدەيلىكتەن ارىلتۋدان قامال الۋ شايقاسىن ءبىر نيەتپەن سەلبەسىپ ويداعىداي جۇرگىزۋ، جەڭىسكە جەتۋ كەرەك.
شايقاسقا قاداعالاۋ جۇرگىزۋ بارىسىندا، نۇرلان ءابىلماجىن اۆتونوميالى رايوندىق ساياسي كەڭەس ورگانىنان وسى اۋدانعا جىبەرىلگەن 5 ءبىرىنشى شۋجي تۇرعان اۋىر كەدەي قىستاققا بارىپ تەكسەرۋ - زەرتتەۋ جۇرگىزدى ءارى 2019 - جىلى كەدەيلىك قالپاعى الىنىپ تاستالعان اتۇش قالاسىنا ءبىر ۋاقىتتا شايقاسقا قاداعالاۋ جۇرگىزدى.
