شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شيڭرۇي 3 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ كەڭسەسىنەن ۇعىسۋعا قاراعاندا، بيىل رايونىمىز كاسىپ سالاسىن دامىتۋ ارقىلى 100 مىڭ 800 ادامنىڭ كەدەيلىكتەن ارىلۋىن جەبەيدى ەكەن.
كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە، جوعارى ساپامەن قول جەتكىزۋ ءۇشىن، رايونىمىز بيىل كاسىپ سالاسىن دامىتۋ ارقىلى جۇمىستاندىرۋدى جەبەۋدى كورنەكتىلەندىرەدى، اۋىر كەدەي وڭىرلەر توقىما كيىم - كەشەك، ەلەكتروندىق ونىمدەردى قۇراستىرۋ سياقتى ەڭبەككۇش شوعىرلى كاسىپ سالالارىن زور كۇشپەن دامىتۋ ارقىلى جەرگىلىكتى جاعدايعا ساي ەرەكشە ەگىنشىلىك، باعىمشىلىق، اۋىل شارۋاشىلىق قوسىمشا ونىمدەرىن مانەرلەۋ، اۋىل - قىستاق ساياحاتى سياقتى كاسىپ سالالارىن دامىتىپ، بيىل 100 مىڭ 800 كەدەي حالىقتى كەدەيلىكتەن ارىلتۋ نىساناسىن جۇزەگە اسىرادى.
لوپ اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى لي جوۋجوۋ تانىستىرىپ بىلاي دەدى: بۇل اۋدان بيىل كاسىپ سالاسىن دامىتۋ ارقىلى 5500دەن استام كەدەي حالىقتىڭ كەدەيلىكتەن ارىلۋىن جەبەيدى، مۇندا، باستىسى، باعىمشىلىق جانە ەگىنشىلىك كاسىپتەرىن تايانىش ەتىپ، ساڭىراۋقۇلاق بۋماسىن جەتىلدىرۋ جانە كەپتەر، قويان، ۇيرەك سياقتى باعىمشىلىق كاسىپتەرىن ءتۇيىندى دامىتادى. قازىر اۋدان جاڭا كاسىپ سالالارىن بەلسەنە ورنالاستىرىپ، جۇمىستاندىرۋدى كاسىپ سالاسىمەن جەبەۋ ارقىلى كەدەي حالىقتىڭ كىرىستى ورنىقتى ارتتىرۋىن ىلگەرىلەتەدى.
بيىل رايونىمىز تاعى دا كوپ ءتۇرلى شارالار ارقىلى كەدەي وڭىرلەردەگى كاسىپ سالاسىنىڭ ساپاسىن ءوسىرىپ، ونىمدىلىگىن جوعارىلاتۋدى ىلگەرىلەتىپ، ساتۋ تورابىن اقاۋسىزداندىرۋ، كاسىپ تىزبەگىن ۇزارتۋ، كاسىپتىڭ كەدەيلەردى جەتەكتەۋ، كەدەيلەرگە تيىمدىلىك جەتكىزۋ مەحانيزمىن كەمەلدەندىرۋ، مال - مۇلىك كىرىسىن ارناعا ءتۇسىرۋ سياقتى شارالار ارقىلى ءتىپتى دە كوپ كەدەي قاۋىمدى كاسىپتى دامىتۋعا تەرەڭدەي ات سالىسۋعا ۇيىمداستىرىپ، كەدەيلەردى سۇيەمەلدەۋ سەح قۇرىلىسىن كۇشەيتىپ جانە كەدەيلەردى جەتەكتەۋ قابىلەتىن جوعارىلاتىپ، تۇتىنۋ ارقىلى كەدەيلەردى سۇيەمەلدەۋدى زور كۇشپەن ىلگەرىلەتىپ، ءتىپتى دە كوپ كەدەي بۇقارانىڭ كىرىسىن ارتتىرىپ، كەدەيلىكتەن ارىلۋىنا كومەكتەسەدى.
بىلتىر كاسىپ ارقىلى جەبەۋدىڭ رايونىمىزداعى كەدەيلىكتەن ارىلتۋدان قامال الۋداعى رولى كورنەكتى بولدى. وڭتۇستىك شينجياڭداعى 4 ايماق - وبلىس 1 - كاسىپ قۇرىلىمىن ۇزدىكسىز ساپالىلاندىرىپ، سورتتى تۇقىمدى جالپىلاستىرۋدى، جەمىس ورمانى كاسىبىنىڭ ساپاسىن ءوسىرىپ، ونىمدىلىگىن جوعارىلاتۋدى جانە مال مەن قۇستى كولەمدەندىرىپ باعۋدى جولعا قويىپ، اۋدان، اۋىل، قىستاق 3 دارەجەلى كاسىپتە ”قوس قامتۋدى“، ”قوس قامسىزداندىرۋدى“ بەلسەندىلىكپەن جالپىلاستىرىپ، 1799 ەرەكشە كاسىپ نىسانىن تياناقتاندىردى. سونىمەن بىرگە، ەلەكتروندىق ونىمدەردى قۇراستىرۋ، اۋىل شارۋاشىلىق قوسىمشا ونىمدەرىن وڭدەۋ سياقتى ەڭبەككۇش شوعىرلى كاسىپتەردى زور كۇشپەن دامىتىپ، ساياحات ارقىلى كەدەيلەردى دالمە - ءدال سۇيەمەلدەۋ، ەلەكتروندىق ساۋدا ارقىلى كەدەيلەردى سۇيەمەلدەۋ، فوتوۆولت ارقىلى كەدەيلەردى سۇيەمەلدەۋ سياقتىلاردى تىڭعىلىقتى ىلگەرىلەتىپ، كورنەكتى ونىمدىلىككە قول جەتكىزدى.
