تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشتى

قاجىرلىلىقپەن ىستەپ، شىنايى ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، تۇتاس جىلدىق نىسانالار مەن مىندەتتەردى جاپپاي ورىنداۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ 3 - ايدىڭ 19 - كۇنى ۇرىمجىدەن حابارلايدى. 3 - ايدىڭ 18 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، بۇكىل رايوننىڭ جۇمىستى، ءوندىرىستى قالپىنا كەلتىرۋ سياقتى جاعدايلارىنان مالىمەتتەر تىڭداپ، قاتىستى قىزمەتتەردى ورنالاستىردى.

  ءماجىلىس مىنالاردى باسا دارىپتەدى: قازىر بۇكىل رايوننىڭ ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋدا، قالىپتى ءوندىرىس، تۇرمىس ءتارتىبى جاپپاي قالپىنا كەلدى، بۇل ءبىزدىڭ رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ ويداعىداي يگەرۋىمىزگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارى مەن مىندەتتەرىن جۇزەگە اسىرۋىمىزعا ءتيىمدى شارت - جاعداي ازىرلەدى. ۇكىمەتتىڭ پارتيا باسشىلىق گرۋپپاسى مەن ۇكىمەت كەڭسەسىنىڭ پارتيا باسشىلىق گرۋپپاسى، سونداي - اق ۇكىمەت جۇيەسىندەگى تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالابىنا ساي، ورايدى مىقتى يگەرىپ، ۋاقىتتى ۇتىپ، قاجىرلىلىقپەن ىستەپ، شىنايى ىستەپ، تۇتاس جىلدىق ەكونوميكالىق، قوعامدىق دامۋ نىسانالارىنىڭ، مىندەتتەرىنىڭ تابىسپەن ورىندالۋىنا شىنايى كەپىلدىك ەتۋ، كەدەيلىكتەن ارىلتۋدان قامال الۋ مىندەتىنىڭ جوعارى ساپامەن ورىندالۋىنا، جاپپاي دوڭگەلەك داۋلەتتى قوعام ورناتۋدىڭ دەر كەزىندە ورىندالۋىنا شىنايى كەپىلدىك ەتۋ، بۇكىل رايوننىڭ قوعامدىق كەلەلى جاعدايىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتۋ كەرەك.

  ءماجىلىس مىنالاردى تالاپ ەتتى: تۇتاس جىلدىق ەكونوميكالىق، قوعامدىق دامۋ نىسانالارىن، مىندەتتەرىن جاپپاي ورىنداۋعا مىزعىماي تاباندى بولۋ كەرەك. ءار دارەجەلى ۇكىمەت تاراۋلارى تۇتاس كاسىپ سالاسى تىزبەگىندەگى بۋىنداردىڭ جۇمىستى، ءوندىرىستى قالپىنا كەلتىرۋىن جەدەل ىلگەرىلەتىپ، كاسىپورىندارعا كومەكتەسىپ جۇمىس ورنىن ورنىقتىرۋ ساياساتىنىڭ ءدال تياناقتانۋىن ىلگەرىلەتىپ، كومىر، ەلەكتر، جانار ماي، تابيعي گاز، تاسىمال جاعىنداعى قامداۋ مەن قاجەتسىنۋدىڭ ۇشتاستىرىلۋىن مۇقيات ويداعىداي ىستەپ، كاسىپورىنداردىڭ قالىپتى وندىرىسىنە پارمەندى تىرەك ازىرلەۋ كەرەك. ءتۇيىندى قاۋىمعا كومەكتەسىپ، سۇيەمەلدەپ، جۇمىستانۋدى ىلگەرىلەتىپ، وڭتۇستىك شينجياڭداعى 4 ايماق - وبلىستا توقىماشىلىق، كيىم - كەشەك سياقتى ەڭبەك شوعىرلانعان كاسىپورىنداردىڭ جۇمىسقا قابىلداۋىن ويداعىداي يگەرۋ كەرەك. وڭتۇستىك، سولتۇستىك شينجياڭدا كوكتەمگى ەگىس دايىندىعى جۇمىستارىن ويداعىداي يگەرىپ، ”ازىق - تۇلىك“، ”كوجە قاتىق“ ونىمدەرىمەن جانە اۋىل شارۋاشىلىعى ماتەريالدارىمەن تولىق قامداۋعا شىنايى كەپىلدىك ەتۋ كەرەك. نىسان قۇرىلىستارىنىڭ ”تەرەزەلىك مەزگىلىن“ مىقتى يگەرىپ، ”ءبىر توبى قۇرىلىس جۇرگىزۋ، ءبىر توبى جۇمىس باستاۋ، ءبىر توبىن زاپاس ساقتاۋ“ سىندى ۇتىمدى اينالىمدى قالىپتاستىرۋ كەرەك. تۇتىنۋ بازارىن جانداندىرىپ، 3 - كاسىپ سالاسىنىڭ جەدەل دامۋىن ءونىمدى تۇردە ىلگەرىلەتىپ، ىندەت ىقپالى ءبىرشاما اۋىر بولعان تۇسەلحانا، اس - سۋ سياقتى كاسىپتەر، سونداي - اق ورتا، شاعىن كاسىپورىندار، جەكەشە ساۋدا - ونەركاسىپشىلەر جونىندە ءتۇرلى جەڭىلدىك بەرۋ ساياساتتارىن ءدال تياناقتاندىرۋ كەرەك. قاراستى وڭىردەگى ۇزاق جولدى تاسىمال، زات اينالىمى تاسىمال كاسىپورىندارىنىڭ تاسىمال قۋاتىن ارتتىرۋىن قولداپ، قاتىناس ”ۇلكەن كۇرە تامىرىن“ تارتىپپەن اشىپ، ”ميكرو اينالىمدى“ ىركىلىسسىزدەندىرۋ كەرەك. ساياحات ارقىلى شينجياڭدى گۇلدەندىرۋ ستراتەگياسىن ارقاۋ ەتىپ، ساياحات بازارىن ىسكە قوسىپ، كەڭەيتىپ، ساياحات نەگىزدىك قۇرىلعىلارى جانە الەۋمەتتىك قىزمەت وتەۋ جۇيەسى قۇرىلىسىن جەدەلدەتۋ كەرەك. وقۋ باستاپ، ساباقتى قالپىنا كەلتىرۋدى حاۋىپسىز، ءتارتىپتى جۇرگىزىپ، وقىتۋشىلار مەن وقۋشىلاردىڭ سالاماتتىعىن باتىل قورعاۋ كەرەك. ءوندىرىس حاۋىپسىزدىگىن قاجىماي - تالماي يگەرىپ، اۋىر، ەرەكشە، ءىرى شىرعالاڭداردىڭ تۋىلۋىنان باتىل ساقتانۋ جانە ونى تىزگىندەۋ كەرەك.

  ءماجىلىس مىنالاردى تالاپ ەتتى: كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە مىزعىماي تاباندى بولۋ كەرەك. قامال الىپ، قيىنشىلىقتاردى جەڭىپ، شايقاستى اشىق - اشكەرە قاداعالاپ، شايقاستى قاداعالاۋدا بايقالعان ماسەلەلەردى، شالاعايلىقتاردى، ولقىلىقتاردى جاپپاي سارالاپ، رەتتەۋ - تۇزەتۋگە قۋزاۋ كەرەك. ”التى دالمە - ءدالدى“ تياناقتاندىرىپ، ”جەتى ءبىر توپتى“ ىلگەرىلەتىپ، ”ءۇش سەرپىندى ارتتىرىپ“، كاسىپ سالاسىن دامىتىپ جۇمىستانۋعا باستاماشىلدىق ەتۋدى كورنەكتىلەندىرىپ، ءتۇرلى ساياسات - شارالاردىڭ كەدەيلەردى سۇيەمەلدەۋ وبيەكتىلەرىنە تياناقتانۋىنا شىنايى كەپىلدىك ەتۋ كەرەك. كەدەيلىكتەن ارىلتۋداعى تۇراقسىز وتباسىلار سياقتىلاردى باقىلاۋ - ساراپتاۋدى كۇشەيتىپ، ۇتىمدى كومەكتەسۋ - سۇيەمەلدەۋ شارالارىن قولدانىپ، قايتا كەدەيلەسۋدەن جانە جاڭا كەدەي وتباسىلارىنىڭ جارىققا شىعۋىنان ساقتانىپ، قالعان كەدەي حالىقتىڭ، كەدەي اۋداننىڭ تۇگەلدەي دەر كەزىندە كەدەيلىكتەن ارىلۋىنا، كەدەيلىك قالپاعىن الىپ تاستاۋىنا شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: قوعامدىق كەلەلى جاعدايدىڭ جاراسىمدىلىعىن، ورنىقتىلىعىن مىزعىماي ساقتاۋعا تاباندى بولۋ كەرەك. نازاردى قوعام ورنىقتىلىعى مەن باياندى تىنىشتىق باس نىساناسىنا بۇلجىماي شوعىرلاندىرىپ، ورنىقتىلىقتى قورعاۋدىڭ ۇتىمدى شارالارىنا مىزعىماي تاباندى بولىپ، جۇرتتى ەڭ جوعارى دەڭگەيدە ىنتىماقتاستىرىپ، ۇيىستىرىپ، ىندەتتەن ساقتانۋ - تىزگىندەۋدى، ەكونوميكالىق، قوعامدىق دامۋدى، كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتۋگە تاماشا ورتا ازىرلەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.