3 ـ ايدىڭ 19 ـ كۇنى، حوتان ايماعىنىڭ شەريا اۋدانىنان كەلگەن كەدەي وتباسىلارىنىڭ ەڭبەككۇشى اۆتوكولىككە وتىرىپ كاسىپورىنعا باردى.
تيانشان تورى حابارى (حابارىن جازىپ سۋرەتىن تۇسىرگەن ءتىلشى جاۋ شۋاڭ) 3 ـ ايدىڭ 19 ـ كۇنى، شينجياڭ بايىنعولين موڭعۇل اۆتونوميالى وبلىسى كورلا ەكونوميكالىق - تەحنيكالىق اشۋ رايونى بايلۋ الاڭىندا ”ەكونوميكالىق - تەحنيكالىق اشۋ رايونى.حوتان شەريا“ كەدەي وتباسىلارىنىڭ ەڭبەككۇشىن باسقا سالاعا ويىستىرىپ جۇمىسقا ورنالاستىرۋدى قارسى الۋ سالتى وتكىزىلدى، حوتان ايماعىنداعى 850 كەدەي وتباسىنىڭ ەڭبەككۇشى ارناۋلى پويەزبەن كورلا قالاسىنا جەتكەننەن كەيىن، كورلا ەكونوميكالىق - تەحنيكالىق اشۋ رايونىنداعى 8 كاسىپورىندا باسقا سالاعا ويىسىپ جۇمىسقا ورنالاسادى.
بيىل كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ شەشۋشى جىلى، جالپى بەتتىك دوڭگەلەك داۋلەتتى قوعام ورناتۋدىڭ سوڭعى جىلى. جۇمىستانۋ حالىق تۇرمىسىنىڭ نەگىزى، ورنىقتىلىقتىڭ نەگىزى. وسى رەت حوتان ايماعى شەريا اۋدانىنان كەلگەن 850 كەدەي وتباسىنىڭ ەڭبەككۇشى تاربيەلەنگەننەن كەيىن، كورلا ەكونوميكالىق - تەحنيكالىق اشۋ رايونىنداعى جۇڭتاي توقىماشىلىق توبى سەرىكتەستىگى، ليتاي جىبەك جولى سەرىكتەستىگى سياقتى 8 كاسىپورىندا باسقا سالاعا ويىسىپ جۇمىسقا ورنالاسادى. ءارقايسى كاسىپورىندار ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، جۇمىسشىلاردى جۇمىستان بۇرىن باۋلۋ، ولارعا ساياسات ۇگىتتەۋ، قىزمەت وتەۋدى باسقارۋ سياقتى قىزمەتتەردى شىنايى جاقسى ىستەپ، ورنىقتى جۇمىسقا ورنالاستىرۋ جاعىندا زور كۇش سالىپ، وسى ارىننان قايتپاي، ۇزاق ۋاقىت كۇش جۇمساپ، باسقا سالاعا ويىساتىن ەڭبەككۇشتەردىڭ ۇزاق ۋاقىت ورنىقتى جۇمىستانۋىن ىلگەرىلەتپەكشى.
2017 ـ جىلدان بەرى، كورلا ەكونوميكالىق - تەحنيكالىق اشۋ رايونى اۆتونوميالى رايوندىق پارتكومنىڭ، وڭتۇستىك شينجياڭنىڭ 4 ايماق ـ وبلىسىنداعى اۋىر كەدەي وڭىرلەردەگى كەدەي وتباسىلارىنىڭ ەڭبەككۇشىن باسقا سالاعا ويىستىرىپ جۇمىسقا ورنالاستىرۋ جونىندەگى جالپى تۇلعالىق ورنالاستىرۋىن تىعىز ارقاۋ ەتىپ، نازاردى ”جۇمىس ارقىلى ادامداردى ورنالاستىرۋ، جۇمىس ارقىلى ادامداردى باسقارۋ، جۇمىس ارقىلى ادامداردى ورنىقتىرۋ“ نىساناسىنا شوعىرلاندىرىپ، كوپ ءتۇرلى شارانى قاتار قولدانىپ، وڭتۇستىك شينجياڭداعى 4 ايماق ـ وبلىستىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە قولداۋ كورسەتىپ، كەدەي وتباسىلارىنىڭ ەڭبەككۇشىن باسقا سالاعا ويىستىرىپ جۇمىسقا ورنالاستىرۋ قىزمەتىن بەلسەنە ىلگەرىلەتىپ، قازىرگە دەيىن جيىنى 1103 ادامدى قابىلداپ ورنالاستىردى.
